တႃႇၼ

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး

လွင်ႈၸုၼ်ႉလူႇတၢၼ်း ယိုၼ်ႈပၼ်ၼၼ်ႉ ႁွင်ႉဝႃႈတႃႇၼယဝ်ႉ။ ၻႃႇၼၼႆႉ ၸေႇတၼႃႇၻႃႇၼ၊ ဝတ်ႉထုၻႃႇၼၼႆသေ မီးသွင်ပိူင်။ ၶူဝ်းၼုင်ႈၶူဝ်းၶွင်ၸိူဝ်းၼႆႉ ပဵၼ် ဝတ်ႉထုၻႃႇၼ ယဝ်ႉ။ ၸႂ်ဢၼ်ၶႂ်ႈလူႇတၢၼ်းၶူဝ်းၶွင်ၼၼ်ႉ ပဵၼ် ၸေႇတၼႃႇၻႃႇၼယဝ်ႉ။

ၸေႇတၼႃႇသၢမ်ပိူင်[မႄးထတ်း | မႄးထတ်းငဝ်ႈငႃႇ]

႑. ၽွင်းမိူဝ်ႈပႆႇလူႇ ၵပ်းၵၢႆႇလူၺ်ႈ တၢင်းလူႇၼၼ်ႉသေ ၸႂ်ၸေႇတၼႃႇ ဢၼ်ပဵၼ်မႃးထႃႈၼၼ်ႉ ႁွင်ႉဝႃႈ ပုပ်ႉပၸေႇတၼႃႇယဝ်ႉ။
႒. ၸႂ်ၽွင်းမိူဝ်ႈတိုၵ်ႉလူႇယူႇၼၼ်ႉ ပဵၼ်မုၼ်ႇၸၸေႇတၼႃႇယဝ်ႉ။
႓. ဝၢႆးသေလူႇတၢၼ်းယဝ်ႉသေ ၸႂ်ဢၼ်ပဵၼ်မႃးၼၼ်ႉ ႁွင်ႉဝႃႈ ဢပရၸေႇတၼႃႇၼႆသေ ၸေႇတၼႃႇမီးသၢမ်ပိူင်ယဝ်ႉ။


ဢၼ်တေပၼ် ၽွၼ်းလီၼၼ်ႉတႄႉ ပဵၼ်ၸေႇတၼႃႇၻႃႇၼၼၼ်ႉယဝ်ႉ။ ၵူၺ်းၵႃႈ ၶူဝ်းလူႇၼၼ်ႉ ၸၢင်ႈၵမ်ႉပၼ်ႁႂ်ႈၸေႇတၼႃႇ ႁႅင်းယႂ်ႇမႃးယူႇ။ ၶူဝ်းလူႇၼၼ်ႉ လဵၵ်ႉၼွႆႉမီးတၢၼ်ႇ ၸိူဝ်ႉၽၼ်းၺွင်ႇၵူၺ်းၵေႃႈယႃႇ ပေႃးဝႃႈၸေႇတၼႃႇ ယႂ်ႇၼႆၸိုင် ၸၢင်ႈလႆႈၽွၼ်းလီမၼ်း တၢၼ်ႇတူၼ်ႈၺွင်ႇယူႇယဝ်ႉ။ ၵွပ်ႈၼၼ် ၽွင်းမိူဝ်ႈလူႇတၢၼ်းၼၼ်ႉ လူဝ်ႇလႆႈၶတ်းၸႂ် ႁႂ်ႈၸေႇတၼႃႇသၢမ်ထၢၼ်ၸိုၼ်ႈသႂ်ယူႇယဝ်ႉ။

သၽေႃးတၢင်းလူႇ[မႄးထတ်း | မႄးထတ်းငဝ်ႈငႃႇ]

တၢင်းလူႇ ဢၼ်ဝႃႈၼၼ်ႉ -

  • ပဵၼ်ၶူဝ်သႅင်ႁၢဝ်းၶမ်းမိူင်းၽီ။
  • ပဵၼ်ၶူဝ်းလီၶွင်မျၢတ်ႈ။
  • ပဵၼ်သဵၼ်ႈတၢင်းသိုဝ်ႈ။
  • ပဵၼ်လွင်ႈတၢင်း တႃႇတေလႆႈမၢၵ်ႈၽူဝ်ႇ။
  • ပဵၼ်ဢၼ်ႁႂ်ႈႁူမ်ႇငမ်းပိူၼ်ႈလႆႈ။
  • ပဵၼ်ဢၼ်ပၼ်ႁႂ်းၸီးၸိမ်ႇသိူဝ်းၸႂ်။
  • ပဵၼ်ဢၼ်ႁႂ်ႈလွင်ႈသိူဝ်းသႃႇလိူဝ်တွၼ်း။
  • ပဵၼ်ဢၼ် ယုၵ်ႉယွင်ႈႁွပ်ႇႁွင်ႈၸဝ်ႈၵဝ်ႇ။
  • ပဵၼ်ဢၼ် ႁဵတ်းႁႂ်ႈၵူၼ်းဢၼ်ဢမ်ႇယဵၼ်ႇငႄႈၶဝ် ႁႂ်ႈငႄႈ။
  • ပဵၼ်ဢၼ် ႁႂ်ႈၽွၼ်းလီၵူႈပိူင်ယဝ်ႉတူဝ်ႈ။
  • ပဵၼ်မင်ႇၵလႃႇတြႃး ဢၼ်မျၢတ်ႈတွၼ်းလိူဝ်ပိူၼ်ႈ။


ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]

ၼႃးလိၵ်ႈ (႑႕႗) ၊ တြႃးပုတ်ႉထၽႃႇသႃႇ (ၸၼ်ႉငဝ်ႈ) ထၢၼ်ၽွင်းလူင်သႃႇသၼႃႇ၊ ဢိတ်ႇဢွၵ်ႇတီႈ ထၢၼ်ၵူမ်းသႃႇသၼႃႇ ပီ 1999

ဢဝ်ၶိုၼ်းမႃးတီႈ "https://shn.wikipedia.org/w/index.php?title=တႃႇၼ&oldid=1815"