တႆးတိုၵ်းမိူင်းဢႃႇဝႃႉ လႄႈ မိူင်းဢႃႇဝႃႉလႆႈတူၵ်းသုမ်း

တႆးတိုၵ်းမိူင်းဢႃႇဝႃႉလႄႈ မိူင်းဢႃႇဝႃႉလႆႈတူၵ်းသုမ်း

မိူင်းဢႃႇဝႃႉၼႆႉ ပဵၼ်ပၢၼ်မိူင်းဢၼ်ၸိုဝ်ႈသဵင်ယႂ်ႇၼႂ်းပိုၼ်းမၢၼ်ႊပၢၼ်ၼိူင်ႈယဝ်ႉ။  မိူင်းဢႃႇဝႃႉၼႆႉ  ဢိင်ၼိူဝ်မိူင်းႁိမ်းႁွမ်းမၼ်း ၶဝ်ႈမႃးၸိင်တိုၵ်းလႄႈလႆႈတူၵ်းသုမ်းၵႂႃႇၵေႃႈမီးယဝ်ႉ ။ ဢိင်ၼိူဝ် လွင်ႈ ဢၼ်ၶႃႈလႆႈလူမႃး ၼႂ်းပပ်ႉပိုၼ်းတႆး ဝၢႆးသေဢႃႇဝႃႉလႆႈလူႉပၢင်းၵႂႃႇယဝ်ႉပွၵ်ႈၼိူင်ႈၼၼ်ႉ ၸဝ်ႈသီႇႁတူႇၸင်ႇၶိုၼ်းလႆႈမႄးမႃးၵေႃႇသၢင်ႈ မိူင်းဢႃႇဝႃႉ ထႅင်ႈပွၵ်ႈၼိူင်ႈယဝ်ႉ။ၵူၺ်းၵႃႊ မၼ်းၸဝ်ႈသမ်ႉထုၵ်ႇၺႃႊၸဝ်ႈသတူဝ်းမိင်းၽျႃႇ ၶႃႈတၢႆယဝ်ႉ။  မိူင်းဢႃႇဝႃႉၼႆႉပဵၼ်မိူင်းဢၼ်မီးႁႅင်းပွင်ႊတေႃႇလၢႆလၢႆမိူင်းၼင်ႇၵဝ်ႇယဝ်ႉ။မိူၼ်ၼင်ႇ မိူင်းမွၼ်း၊ မိူင်းရၶႅင် လႄႈ မိူင်း တႆးၵွၼ်ႈၼိူဝ်ၵမ်ႈၽွင်ႈ လႆႈယူႇတႂ်ႈႁႅင်းပွင်ႊမၼ်းယဝ်ႉ။

ပေႃးမႃးတူၺ်းၶိုၼ်းပၢၼ်မိူင်းတႆးလႄႈမိူင်းဢႃႇဝႃႉၼႆႉ မီးလွင်ႈၼွင်ႇၵၢႆႉၵၼ်တင်းၼမ်ယဝ်ႉ။ မိူၼ်ၼင်ႇ ၵၢၼ်တိုၵ်းတေႃးတေႃႉၵၼ် ၸိူဝ်ႉၼႆႉၵေႃႈလႆႈႁၢဝ်ႈႁႅင်းလႄႈ ၵိုၵ်းပိုၼ်းမႃးယဝ်ႉ။ မိူဝ်ႈပၢၼ်ၼၼ်ႉၵေႃႈ ပေႃးဢဝ်ပၢၼ်တႆးဝႃႈၸိုင်ႈ ပဵၼ်ပၢၼ်ၸဝ်ႈ ၶမ်းသႅၼ်ၾႃႉယဝ်ႉ။မိူဝ်ႈပၢၼ်ၼၼ်ႉၵေႃႉ ၸဝ်ႈၾႃႉတႆးလႄႈတင်းၸဝ်ႈၾႃႉမၢၼ်ႊၵေႃႈ ပဵၼ်ပႃးဢူၺ်းလီၵၼ်ဝႆႉယဝ်ႉ။ ပေႃးဢဝ် ၼႂ်းပပ်ႉပိုၼ်းၶိူဝ်းတႆးလႄႈ ပိုၼ်းမိူင်းတႆးဝႃႈၼႆ ၸဝ်ႈၾႃႈသီႇပေႃႉ ၵေႃႉဢၼ်ႁဵတ်းဢူၺ်းလီၵၼ်တင်းမၢၼ်ႊၶိုၼ်းၼၼ်ႉ ပဵၼ်ၸဝ်ႈၶၢင်ၶမ်းယဝ်ႉ။

မိူဝ်ႈၽွင်းယၢမ်းၶဝ်တႄႇတိုၵ်းၵၼ်ၼၼ်ႉ ၸုမ်းၽႂ်ႇၸုမ်းမၼ်းၵေႃႈ ဢွၼ်ၵၼ်ႁွင်ႉဢူၺ်းလီၽႂ်မၼ်း သေ မႃးၸွၺ်ႈတိုၵ်းယဝ်ႉ။မိူၼ်ၼင်ႇၽၢႆႇမၢၼ်ႊသမ်ႉ ႁွင်ႉၸဝ်ႈၾႃႉသီႇပေႃႉ မႃးၸွၺ်ႈထႅမ်ယဝ်ႉ။ ဢွၼ်တၢင်းသုတ်း ၸဝ်ႈၾႃႉမိူင်းယၢင်းၶိုၼ်ႈၼႃႈသိုၵ်း ၵႂႃႇတိုၵ်းတင်းဝဵင်းမၢၼ်ႊမေႃႇဢွၼ်တၢင်းယဝ်ႉ။ ၵူၺ်းၵႃႊ ဝဵင်းမၢၼ်ႊမေႃႉၼႆႉ သမ်ႉပဵၼ်တႂ်ႈလႅၼ်ႊလိၼ် ၸဝ်ႈၾႃႉသီႇပေႃႉဝႆႉယဝ်ႉ။ၶဝ်ၼႆႉသိမ်းဢဝ် မိူင်းမေႇတူႇပႃးယဝ်ႉ။ မိူဝ်ႈၽွင်ႈယၢမ်း ၼၼ်ႉ ၸဝ်ႈၾႃႉသီႇပေႃႉၵေႃႈ ၸင်ႇလႆးသူင်ႇလိၵ်ႈၸူးၸဝ်ႈႁေႃၶမ်းဢႃႇဝႃႉ တႃႇႁႂ်ႈၶဝ်မႃးလွမ်ႉၶိုၼ်း ၸဝ်ႈၾႃႉတႆးဢၼ်မႃးယူႇ ဝႆႉတီႈမေႇတူၼၼ်ႉယဝ်ႉ။ယွၼ်ႉၼၼ်လႄႈ ၸဝ်ႈႁေႃၶမ်းဢႃႇဝႃႉၵေႃႈ ၸင်ႇဢဝ်တင်းၸၢင်း150 ၊ မႃႉ6000 လႄႈ ႁႅင်းသိုၵ်းသမ်း 120000ယဝ်ႉ။ ၵူၺ်းၵႃႊ ၽိူဝ်ႇၶဝ်ၵႂႃႇၽႅဝ်တီႈ မေႇတူႇၵေႃႈ ၶဝ်ၶဝ်ႈတိုၵ်းၵၼ်ၵမ်းလဵဝ်ယဝ်ႉ ။ၵူၺ်းၵႃႊ မိူဝ်ႈၽွင်းယၢမ်းမၢၼ်ႊၶဝ်မႃးၶဝ်ႈတိုၵ်းတီႈမေႇတူႇၼၼ်ႉ ႁႅင်းသိုၵ်းၶဝ်ဢမ်ႇၵုမ်ႇထူၼ်ႈလႄႈ ၶဝ်ၸင်ႇၶိုၼ်းထွၺ်လူင်ႈၵႂႃႉတီႈၵႆဝဵင်းၼၼ်ႉသေ ၶိုၼ်းသိုပ်ႇလွမ်ႉထႅင်ႈယဝ်ႉ။ၵူၺ်းၵႃႊ မိူဝ်ႈၽွင်းယၢမ်းၼၼ်ႉၵေႃႈ ၶဝ်ၶိုၼ်းထုၵ်ႇၺႃး သိုၵ်းဝဵင်းမိၼ်ႇၵိၼ်း လႄႈ ဝဵင်းၵႃလိုဝ်း မႃးတိုၵ်းၶဝ်ၶိုၼ်းယဝ်ႉ။ယွၼ်ႉၵွပ်ႈလွင်ႈၸိူဝ်းၼႆႉသေ ႁဵတ်းႁႂ်ႈ ဢဵၼ်ႁႅင်းယွမ်းမၼ်း ယူပ်ႈလူင်းႁႅင်းလႄႈ မၼ်းၸင်ႇလႆႈၶိုၼ်းထွၺ် လူင်းမႃးတီႈဝဵင်း တပျေႉယိၼ်းလႄႈ သီႇ ၵူၵ်ႉတႃႇယႃႇၶိုၼ်းယဝ်ႉ။မၼ်းၶိုၼ်းမႃး ၶတ်းၸႂ်မႃး ႁၢင်ႈႁႅၼ်းၵူၼ်းမၼ်းၶိုၼ်း။

မိူဝ်ႈၼႂ်းပီ 1513 ၼၼ်ႉမႃး မိူင်းဢၼ်မီးတင်းၸဵင်ႇၸၢၼ်းဝၼ်းတူၵ်းၶွင်မိူင်းမၢၼ်ႈၼၼ်ႉ လႆႉမီးၵၢၼ်လုၵ်ႉၽိုၼ်ႉတေႃႇမိူင်းဢႃႇဝႃႉ တေႃႇပေႃးထိုင်ပီ 1515ယဝ်ႉ။ၵူၺ်းၵႃႊ ၼႂ်းပီ1513ၼၼ်ႉ တင်ႈတႄႇဢဝ် သၵူး တေႃႇပေႃးထိုင် ၸဵင်ႇၸၢၼ်းဝၼ်းတူၵ်းဢၼ်မီးႁိမ်းၽၢင်ႇၼမ်ႉၵဵဝ်ၼၼ်ႉ ဢွၼ်ၵၼ်လုၵ်ႉၽိုၼ်ႉ တေႃႇမိူင်းဢႃႇ ဝႃႉ မူတ်းမူတ်းယဝ်ႉ။ၵူၺ်းၵႃႊ ၸဝ်ႈၾႃႉမိူင်းဢႃႇဝႃႉၵေႃႈ ၶိုၼ်းသိုပ်ႇတိုၵ်းၶဝ်ၶိုၼ်းယဝ်ႉ။ မိူဝ်ႈပီ 1515ၼၼ်ႉ မိူင်းမျေႇထႄး လႆႈပဵၼ်မိူင်းဝၢင်းၵွမ်းတေႃႇ မိူင်းဢႃႇဝႃႉၶိုၼ်းယဝ်ႉ။ မိူဝ်ႈပီ တေႃ1518ႇ 1520ၼၼ်ႉ ၸဝ်ႈ ၾႃႉမိူင်းယၢင်း ဢၼ်ပဵၼ်လုၵ်ႈၸၢႆးမိၼ်ႉၵျီးၺူဝ်ႇ ဢၼ်လႆႈၸိုဝ်ႈဝႃႈ တပိၼ်သူၺ်ႇထီးၼၼ်ႉ လႆႈႁၢင်ႈသိုၵ်းသေတိုၵ်းတေႃႇ မိူင်းဢႃႇဝႃႉယဝ်ႉ။ထႅင်ႈၽၢႆႇၼိူင်ႈသမ်ႉ မိူင်းယၢင်းၵေႃႈ မႃးၶဝ်ႈတိုၵ်း တေႃႇမိူင်းဢႃႇဝႃႉပႃးယဝ်ႉ။ ၵူၺ်း ၵႃႊ တၢင်တူဝ်မၼ်းၸဝ်ႈၵေႃႉ ၶိုၼ်းတိုၵ်းတပ်ႉသိုၵ်းမိူင်းယၢင်းၶိုၼ်းလႄႈ ႁဵတ်းႁႂ်ႈတပ်းသိုၵ်းယၢင်းၶဝ် ပေႃးလႆႈ ၶဝ်ႈပႅပ်ႉတီႈဝဵင်းငရၼႄးသေ ၵမ်းလိုၼ်းသုတ်းၵေႃႈ လႆႈပၢႆႊလူင်းမႃးၶိုၼ်းယဝ်ႉ။

           ၽိူဝ်ႇဝၢႆးသေၼၼ်ႉမႃး မိူင်းယၢင်းလႄႈ မိူင်းၵႃလိုဝ်းလႆႈ တိုၵ်းၵၼ် တင်းႁိုင်မၼ်းမီးၵႂႃႇမွၵ်ႈၵဝ်ႈလိူၼ် ယဝ်ႉ။ သိုၵ်းဢႃႇဝႃႉၶဝ် လႆႈသူင်ႇသိုၵ်းၵႂႃႇၸွၺ်ႈတိုၵ်းယဝ်ႉ။ ၵွၼ်ႇတပ်ႉသိုၵ်းဢႃႇဝႃႉ ပႆႇထိုင်မိူင်းၵႃလိုဝ်းၼၼ်ႉ ၸဝ်ႈၾႃႉၵႃလိုဝ်းပေႃးဝၢင်း ၵွမ်းတေႃႇမၼ်းဢွၼ်တၢင်းယဝ်ႉ။ မိူၼ်ၼင်ႇ ဝဵင်းမၼ်းၵဝ်ႈဝဵင်းလႄႈတင်း ဝၢၼ်ႈမၼ်း သိပ်းဝၢၼ်ႈၼၼ်ႉ လႆပဵၼ်ၵႂႃႇမိူင်းသၢၵ်ႈၶွၼ်ႇတေႃႇမိူင်းဢႃႇဝႃႉယဝ်ႉ။ ႁူမ်ႈပႃးတင်း ဝၢၼ်ႈၸိူဝ်းဢၼ်မီးႁိမ်းႁွမ်း မႄႈၼမ်ႉၶျိၼ်းတႂိၼ်းၼၼ်ႉၵေႃႈ လႆႈပဵၼ်မိူင်းဢၼ်သၢၵ်ႈၶွၼ်ႇတေႃႇမၼ်းယဝ်ႉ။ ၵူၺ်းၵႃႊမၼ်းၸဝ်ႈသမ်ႉ ၵူဝ်ၸဝ်ႈၾႃႉမိူင်းယၢင်းမႃးၸိင်းတိုၵ်းမၼ်းလႄႈ မၼ်းၸင်ႇလႆႈထႅင်ႈႁႅင်းသိုၵ်းမၼ်းတီႈ မိူင်းမိၼ်ႇၵိၼ်းယဝ်ႉ။ လိူဝ်သေၼၼ်ႉဢမ်ႇၵႃး ပႆတမ်းပႃးတပ်ႉပႂ်ႉၵၢင်မိူင် ဢၼ်မႂ်ႇထႅင်ႈလူးၵွၼ်ႇ။မိူၼ် ၼင်ႇမိူင်းတပျေယိၼ်း၊ငရၼႄး လႄႈ သီႇပူၵ်ႉတႃႇယႃႇ ၸိူဝ်းၼႆႉယဝ်ႉ။ ယဝ်ႉၵေႃႈ ဝဵင်းဢႃႈမျိၼ်ႇ ဢၼ်မီးတင်းၸဵင်ႇၸၢၼ်းၼမ်ႉၶျိၼ်းတႂိၼ်း ၼၼ်ႉၵေႃႈ ပၼ်ႁႂ်ႈၸဝ်ႈၾႃႉၵႃလိုဝ်းၵိၼ်မိူင်းတီႈၼၼ်ႈယဝ်ႉ။ဢၼ်ပဵၼ်မႄႈၼမ်ၶျိၼ်းတႂိၼ်းၼၼ်ႉၵေႃႈ လႆႈပဵၼ်သဵၼ်ႈတၢင်းဢၼ်မိူင်းယၢင်းၶဝ် ၶဝ်ႈမႃးတိုၵ်းတေႃႇမိူင်းဢႃႇဝႃႉယဝ်ႉ။

           ပေႃးဢဝ်ၸွမ်းၼင်ႇ ရႃႇၸႃႇဝၢင်ႇမိူင်သႅၼ်ႈဝီဝႃႈၸိုင် ၵွၼ်ႇၼႃႈ မိူင်းတႆးပႆၵႂႃႇတိုၵ်းမိူင်းဢႃႇဝႃႉၼႆႉ မိူင်းတႆး လႆႈပဵၼ်မိူင်ႁွမ်းပွင်းၵၼ်မႃး ဢွၼ်တင်းယဝ်ႉ။ မိူင်းႁွမ်းပွင်းၸိူဝ်းၼၼ်ႉသမ်ႉ မိူင်းလႃႈ၊ မိူင်းတိင်၊ မိူင်းလႅမ်း ၊ မိူင်းသႅင်၊ မိူင်းတီး၊ မိူင်းဝၼ်း၊ မိူင်းၼွင် ၊ယွင်ႁူၺ်ႈ၊ သထုင်ႇ၊ မိူင်းပၢႆး၊ သီႇပေႃႉ ၊မိူင်းမၢဝ်း၊မိူင်းၵိုင်၊မိူင်းတေႊၾၢင်၊ လႄႈ မိူင်းၶွၼ်ယဝ်ႉ။ၵူၺ်းၵႃႊ ၼႂ်းမိူင်းၸိူဝ်းၼႆႉ တေတူၵ်းႁၢႆဝႆႉ မိူင်းၵွင်းယဝ်ႉ။ ၵူၺ်းၵႃႊ မိူင်းယၢင်းသမ်ႉမႃး ၶဝ်ႈႁူမ်ႈၸွမ်းယဝ်ႉလႄႈ ယူဝ်ၶႄး ၶဝ်တေသွၼ်ႇဝႃႈ ပေႃးမိူင်းယၢင်းမႃးၶဝ်ႈႁူမ်ႈယဝ်ႉၵေႃႈသွၼ်ႇဝႃႈ မိူင်းၵွင်းၵေႃႈမႃးၶဝ်ႈႁူမ်ႈၸွမ်းယဝ်ႉ။ ယူဝ်ၶႄးၶဝ်သွင်မိူင်းၼႆႉ ပဵၼ်မိူင်ဢၼ်လဵဝ်ၵၼ်ၵွၺ်းၼႆသေမိူင်းဢၼ်လႂ်ၶိုၼ်ႈႁွတ်ႈ ၵေႃႈ သွၼ်ႇဝႃႈမိူၼ်ၵၼ်ၼႆယဝ်ႉ။ ၵူၺ်းၵႃႊ ၸဝ်ႈၾႃႉမိူင်းၼၢႆးသမ်ႉလိူၵ်ႈသဵၼ်ႈတၢင်းတႃႇတေၵႂႃႇယူႇၸွမ်းမၢၼ်ႊ ယဝ်ႉ။ ထိုင်တီႈၸဝ်ႈၾႃႉဢႃႇဝႃႉၶဝ် ၶိုၼ်းလႆႈသူင်ႇၸဝ်ႈၾႃမိူင်းၼၢႆး မႃးႁွမ်းပွင်းၸွမ်းၸဝ်ႈၾႃႉမိူင်းတႆၶိုၼ်းယဝ်ႉ။ယွၼ်ႉၼၼ် ႁဵတ်းႁႂ်ႈမိူင်းတႆးလႆႈပဵၼ်မိူင်းႁွမ်းပွင်းၵၼ်မႃးယဝ်ႉ။

           ပၢၼ်လိုၼ်းၶွင်မိူင်းဢႃႇဝႃႉၼႆႉပဵၼ်ပၢၼ်ၸဝ်ႈသိူဝ်ႁၢၼ်ၾႃႉယဝ်။ မၼ်းၸဝ်ႈၼႆႉပဵၼ်ၸဝ်ႈၾႃႉတႆးသေ လႆႈၵႂႃႇၽွင်းငၢမ်းမိူင်းဢႃႇဝႃႉယဝ်ႉ။မၼ်းၸဝ်ႈၼႆႉ ဢမ်ႇၸႅၵ်ႇၸၼ်ႉထၢၼ်ႈလႄႈၸဝ်းၶိူဝ်းသင်းသေယူႇၸွမ်းၵၼ် ၵႂႃႉၸိူင်ႉၼႆၵွၺ်းယဝ်ႉ။ မိၼ်းၸီးယႅၼ်ႇၼွင်ႇသမ်ႉပဵၼ်ၽွင်းမိူင်းမၼ်းယဝ်ႉ။ ယွၼ်ႉဝႃႈမၼ်းပဵၼ်မၼ်ႊလႄႈမၼ်းၵေႃႈပဵၼ်ၸႂ်မၢၼ်ႊသေ ဢီးသူၼ်းႁႂ်ႈၸဝ်ႈသိူဝ်ႁၢၼ်ၾႃႉၼႆႉ ႁၼ်ၽိတ်းၼိူဝ်ၵူၼ်းၼႂ်းမိူင်းတႆး ဢၼ်မီးၼႂ်း ၼၼ်ႉယဝ်ႉ။ လႆႈလိုပ်ႈၵူၼ်းမိူင်းတႆး ဢၼ်မီးၼႂ်းမိူင်း ၼ ၼ်ႉ ဢွၵ်ႇမိူင်းတင်းသဵင်ႈသေ ထိုင်တီႈပေႃးလႆႈၵိုတ်းမၼ်း ၸဝ်ႈၵေႃႉလဵဝ်ၵွၺ်ႈယဝ်ႉ။ ၽိူဝ်ႇထိုင်ၸိူင်ႉၼႆမႃး ၵႅမ်မိူင်းမၼ်းၸဝ်ႈ ၸင်ႇႁွမ်းပွင်းၵၼ်းတင်းမိူင်းတွင်ႉငူႇသေမႃး တိုၵ်းမၼ်းၸဝ်ႈယဝ်ႉ။ ယွၼ်ႉၵွပ်ႈမၼ်းၸဝ်ႈဢမ်ႇမီးၽႂ်ၸွၺ်ႈယဝ်ႉလႄႈ ၸင်ႇလႆႈတူၵ်းသုမ်းလွၵ်းလိင်ႉၶွင်ၵႅမ် မိူင်းမၼ်းၼၼ်ႉသေထိုင်တီႈ ပေႃးလႆႈၶၢႆႉယၢၼ်မိူင်းမၼ်းၵႂႃႉယဝ်ႉ။ မိူဝ်ႈၽွင်းယၢမ်းၼၼ်ႉၵေႃႈ မၼ်းယွၼ်းတင်း ၸွၺ်ႈထႅမ်တီႈၸဝ်ႈၾႃႉတႆးၵေႃႉလႂ်ၵေႃႈ ဢမ်ႇမီးၽႂ်ၸွၺ်ႈထႅမ်းမၼ်းသင်ယဝ်ႉ။ ထိုင်တီႈ မၼ်းလႆႈၵႂႃႇယွၼ်းတင်း ၸွၺ်ႈထႅမ်တီႈပႃႈယိၼ်ႉဢဝ်ယဝ်ႉ။ပယိၼ်ႉၼွင်ႇတိုၵ်ႉပေႉၸွၺ်ႈသေတႃႉ ဢမ်ႇပၼ်မၼ်းၽွင်းငၢမ်းသေ ၶိုၼ်းႁွင်ႉဢဝ်ၼွင်းၸၢႆးမၼ်းၸဝ်ႈၽွင်းငၢမ်းဝႆႉယဝ်ႉ။ႁဵတ်းၼႆသေပၢၼ်မိ င်းဢႃႇဝႃႉၵေႃႈ လႆႈသုတ်းၵႂႃႇတီႈၼႆႈယဝ်ႉ။

           မိူဝ်ႈပၢၼ်မိူင်းဢႃႇဝႃႉယူပ်ႈယွမ်းၵႂႃႇၼၼ်ႉ ၶိုၼ်းပဵၼ်ပၢၼ်တူင်ႇဢူႇ လႆႈမီးႁႅင်းပွင်ႊမႃးယဝ်။ ယွၼ်ႉသင် လႃႇပေႃးၼႆ ယွၼ်ႉၵွပ်ႈဝႃႈ ၼႂ်ႈၶၢဝ်းတၢင်းသိပ်းပီ ဢၼ်ၶဝ်လႆႈမီးပၢင်တိုၵ်းၵၼ်ၼၼ်ႉ မိူင်းတွင်ႇငူႇသမ်းလႆႈ မီး လွင်ႈၵတ်းယဵၼ်သေ လႆႈ ႁင်ႈႁႅၼ်းဢဵၼ်ႁႅင်းၵူၼ်းၶဝ်ဝႆႉယဝ်ႉ။ ယွၼ်ႉၼၼ် ႁဵတ်းႁႂ်ႈတွင်ႇဢူႇၶဝ် မီးဢဵၼ်ႁႅင်းမႃး ဝႆးသေ မိူင်းဢႃႇဝႃႉလႆႈတူၵ်းသုမ်းၼၼ်ႉယဝ်ႉ။