ပရိတ်ႈလူင် 11 သုတ်ႈ

တီႈပွင်ႇပရိတ်ႈ

ပရိတ်ႈ ဢၼ်ဝႃႈၼႆႉ ၵႂၢမ်းပႃႇလိ ႁွင်ႉဝႃႈ ပရိတ်တ ၼႆလႄႈ ၶေႃႈၵႂၢမ်းတႆးႁဝ်းသမ်ႉႁွင်ႉဝႃႈ ပရိတ်ႈ ၼႆသေ ပဵၼ်ၶေႃႈၵႂၢမ်း ပႃႇလိ လု ၼႆၵေႃႈ ဝႃႈလႆႈယဝ်ႉ။ တီႈပွင်ႇၽၢႆႇတႆးႁဝ်း ပရိတ်ႈ ဢၼ်ဝႃႈၼႆႉၸမ်ႉ ပွင်ႇဝႃႈ ဢၼ်ႁေႉဢၼ်ၵင်ႈၼႆယဝ်ႉ။ မၼ်းၸၢင်ႈၵႅတ်ႇၶေႁေႉၵင်ႈပၼ် ၵူႈပိူင်ပိူင် ၼႂ်းတူဝ် ဢိၵ်ႇတၢင်းၼွၵ်ႈတူဝ်၊ ၼႂ်းႁိူၼ်းၼွၵ်ႈႁိူၼ်း၊ ၼႂ်းဝၢၼ်ႈၼွၵ်ႈဝၢၼ်ႈ၊ ၼႂ်းမိူင်းၼွၵ်ႈမိူင်းတႄႇၵႂႃႇၸိူဝ်းၼႆႉယဝ်ႉ။
ၵူၺ်းၵႃႈ ၸိူဝ်းဢၼ်မီးတၢင်းယုမ်ႇယမ်ၽိတ်းပိူင်ႈ ၼိယတမိၸ်ꧡႃတိတ်ထိ ၸိူဝ်းၼၼ်ႉလႄႈသင် ၸိူဝ်းဢၼ်ဝူတ်ႈၼႃ ၸိူဝ်းၼၼ်ႉလႄႈသင် မိူၼ်ၼင်ႇ 1)လႆႈႁႅမ်တၢႆပေႃႈ၊ 2) လႆႈႁႅမ်တၢႆမႄႈ၊ 3)လႆႈႁႅမ်တၢႆၸဝ်ႈရႁၢၼ်းတႃႇ၊ 4)လႆႈယႃႉသင်ႇၶႃႇၸဝ်ႈၶဝ် တႅၵ်ႇယၢႆႈၵၼ်၊ 5) လႆႈဢဝ်လိူတ်ႈၽြႃးပဵၼ်ၸဝ်ႈဢွၵ်ႇ ၶဝ်ၸိူဝ်းၼႆႉၵေႃႈ ယွၼ်ႉဢၵုသူဝ်ႇၵၢမ်ႇၶဝ်ယႂ်ႇႁႅင်းၼႃႇလႄႈ ၽွၼ်းလီပရိတ်ႈၸဝ်ႈၸိူဝ်းၼႆႉ တေဢမ်ႇၸၢင်ႈ ၸွမ်းၵႅတ်ႇၶႄႁေႉၵင်ႈပၼ်လႆႈၼႆယဝ်ႉ။

ၵႃႈၶၼ်ၼမ်ႉတွၼ်း လွင်ႈလႆႈလွတ်ႈပရိတ်ႈ

၁။ၽွၼ်းလီ လွတ်ႈႁေႃး မင်ၵလႃႇသုတ်ႈ သင်ၸိူဝ်ႉဝႃႈ ႁဝ်းလွတ်ႈသေ ၽိုၵ်းၵမ်ၸွမ်းၼႆၸိုင် ဢဝ်ၸဵမ် လေႃၵီႇ လႄႈ လေႃးၵုတ်တရႃႇ သွင်ပႃႈသွင်ၽၢႆႇ ဝၢႆႇၸူးတၢင်းလႂ်ၵေႃႈ တၵ်းၶိုၼ်ႈယႂ်ႇမႂ်ႇသုင်၊ လွတ်ႈၽေးၶဵၼ်ၵူႈလွင်ႈꧦ ယဝ်ႉႁေႃး၊ ၼႆႉပဵၼ် ၽွၼ်ႈလီမင်ႇၵလႃႇသုတ်ႈယဝ်ႉ။

၂။ ၽွၼ်းလီ လွတ်ႈႁေႃး ရတၼႃ သုတ်ႈ သင်ၸိူဝ်ႉဝႃႈ ႁဝ်းလွတ်ႈပၼ်သေႇသေႇၸိုင် တၵ်းဝႄႈပူၼ်ႉလႆႈ ၵၢပ်ႈလူင်သၢမ်ပိူင်၊ ၽေးဢု ပၢတ်ႈတင်းလၢႆ လႄႈ ပူၼ်ႉလွတ်ႈၽေး ၽီ ၽိူဝ်ႉ ဢမ်ႇလီတၢင်းလူင်လႄႈ လႆႈၶၢမ်ႇတၢင်း ၽီလီၽီမျၢတ်ႈၶဝ် ပႂ်ႉပႃးတူၺ်းထိုင်ယဝ်ႉ၊ ၼႆႉပဵၼ် ၽွၼ်ႈလီ ရတၼႃႇသုတ်ႈယဝ်ႉ။

၃။ၽွၼ်းလီ လွတ်ႈႁေႃး မဵတ်ႉတႃႇသုတ်ႈ ၽေးၶဵၼ်ၵၢတ်ႈၵၢင်း၊ ၼွၼ်းလပ်းၾၼ်လီ၊ တိုၼ်ႇလီ၊ ၽီႁၵ်ႉၵူၼ်းပႅင်း၊ တူဝ်ၵဝ်ႇၵတ်း ယဵၼ်သိူဝ်းသႃႇတႃႇသေႇယဝ်ႉ၊ ၼႆႉပဵၼ် ၽွၼ်းလီမဵတ်ႉတႃႇသုတ်ႈယဝ်ႉ။

၄။ၽွၼ်းလီ လွတ်ႈႁေႃး ၶၼ်ꩪသုတ်ႈ ၽေးငူးၽေးငဝ်ႉ ၽေးသိူဝ်ၽေးမီ ၽေးၼႂ်းလိၼ်၊ ၼိူဝ်လိၼ်၊ ၼႂ်းၼမ်ႉတႄႇၵႂႃႇ ၽေးတၵ ၽေးတင်းလၢႆၸိူဝ်းၼၼ်ႉ ပေႉလႆႈသဵင်ႈꧦယဝ်ႉ၊ ၼႆႉပဵၼ် ၽွၼ်လီ ၶၼ်ꩪသုတ်ႈယဝ်ႉ။

၅။ ၽွၼ်းလီ လွတ်ႈႁေႃး မေႃရသုတ်ႈ ႁေႉလႆႈ ၽေးၶုၼ်မၢပ်ႇၶုၼ်မႂ် ႁေႉလႆႈၽေး ပိူၼ်ႈၶႂ်ႈယႃႉၵဝ်းႁဝ်း၊ ပိူၼ်ႈၶႂ်ႈၽျၢၵ်ႈႁဝ်းၸိူဝ်း ၼႆႉယဝ်ႉ၊ ၼႆႉပဵၼ် ၽွၼ်းလီ မေႃရသုတ်ႈယဝ်ႉ။

၆။ ၽွၼ်းလီ လွတ်ႈႁေႃး ဝꩦ်ꩦသုတ်ႈ ႁေႉလႆႈ ၽေးၽိုၼ်းၽေးၽႆး၊ ၽႆးမႆႈပႃႈထိူၼ်ႇတႄႇၵႂႃႇတင်းသဵင်ႈၸိူဝ်းၼၼ်ႉယဝ်ႉ။ ၼႆႉပဵၼ် ၽွၼ်းလီ ဝꩦ်ꩦသုတ်ႈယဝ်ႉ။

၇။ ၽွၼ်းလီ လွတ်ႈႁေႃး ꩪꩡၷ်ၷသုတ်ႈ ပေႃးမီးလွင်ႈၵူဝ်ႁေ လွင်ႈႁေ လွင်ႈတိုၼ်ႇသၢၼ်ႈ တုမ်ႇၶူၼ်ၼိူဝ်ႉယုၵ်ႉၶိုၼ်ႈၼိူဝ်သုင် ၸႂ်ဢမ်ႇႁတ်းၸိူဝ်းၼႆႉ ၸဝ်ႈၵဝ်ႇတေမီးလွင်ႈႁတ်းႁၢၼ်မႃး၊ မီးဢူမုၼ်ၽုင်းမႃးယူႇယဝ်ႉ။ ၼႆႉပဵၼ် ၽွၼ်းလီ ꩪꩡၷ်ၷသုတ်ႈယဝ်ႉ။

၈။ ၽွၼ်းလီ လွတ်ႈႁေႃး ဢႃꩦႃၼႃꩦိယသုတ်ႈ ႁေႉၵင်ႈလႆႈ ၸႂ်ၵူဝ် ၸိူဝ်းၽီတုပ်းၽီတၢပ်ႇ ၽီတမ်ႇမွႆး ၽီၽုၵ်ႉၽီၽဵတ်ႇ ၽီၵုမ်ႇၽၢၼ်ႇ ၽီလူးၽီၽၢႆး တင်းမူတ်းတင်းသဵင်ႈယဝ်ႉ၊ ၼႆႉပဵၼ် ၽွၼ်လီ ဢႃꩦႃၼႃꩦိယသုတ်ႈယဝ်ႉ။

၉။ ၽွၼ်းလီ လွတ်ႈႁေႃး ဢင်ၷုလိမႃရသုတ်ႈ သင်ဝႃႈ လွတ်ႈႁေႃးပၼ် မႄႈပုမ်လူင် (ၵူၼ်းမၢၼ်း) ၼႆၸိုင် မႄႈပုမ်လူင်ၶဝ် တၵ်းလဵင်ႉ လုၵ်ႈငၢႆႈယူႇယဝ်ႉ၊ ၼႆႉပဵၼ် ၽွၼ်းလီ ဢင်ၷုလိမႃရသုတ်ႈယဝ်ႉ။

၁၀။ ၽွၼ်းလီ လွတ်ႈႁေႃး ၿေၢꩡ်ꧢင်ၷသုတ်ႈ မိူဝ်ႈပၢၼ်ၽြႃးပဵၼ်ၸဝ်ႈၼၼ်ႉ ၽွင်းမိူဝ်ႈမွၵ်ႉၵလၢၼ်ႇ ဢမ်ႇယူႇလီ၊ ၸဝ်ႈသႃရိပုတ်ႉတရႃႇ ၸင်ႇလွတ်ႈႁေႃး ၿေၢꩡ်ꧢင်ၷသုတ်ႈၼႆႉပၼ် တီႈၸဝ်ႈမႁႃမွၵ်ႉၵလၢၼ်ႇယူႇ၊ သင်ဝႃႈယူႇ ဢမ်ႇလီၵိၼ်ဢမ်ႇဝၢၼ်ၼႆၸိုင်၊ သင်ဝႃႈဝူတ်ႈၵၢမ်ႇႁဝ်းဢမ်ႇႁႅင်း၊ သင်လွတ်ႈႁေႃးၼႆႉ တၵ်း တေႁၢႆဢမ်ႇႁၢင်ႉယဝ်ႉ။ ၼႆႉပဵၼ်ၽွၼ်းလီ ၿေၢꩡ်ꧢင်ၷသုတ်ႈယဝ်ႉ။

၁၁။ ၽွၼ်းလီ လွတ်ႈႁေႃး ပုၿ်ၿꧣ်ႁသုတ်ႈ သင်ဝႃႈ ၵျူဝ်ႇဢမ်ႇလီ ၵၢမ်ႇတိုၼ်ႈ ႁဵတ်းသင်ၵေႃႈဢမ်ႇထုၵ်ႇ ၸႃႇတႃႇဢမ်ႇၶိုၼ်ႈ ၵ သင် ၵေႃႈမၢၼ်ၼႆၸိုင် ၊ သင်ဝႃႈ လွတ်ႈႁေႃး ပုၿ်ၿꧣ်ႁသုတ်ႈၼႆႉၸိုင် ၵူႈၸိူဝ်ႉၵူႈလွင်ႈ တၵ်းတေ သၢင်ႇထုၵ်ႇၵူႈလွင်ႈလွင်ႈယဝ်ႉ၊ ၼႆႉပဵၼ် ၽွၼ်းလီ ပုၿ်ၿꧣ်ႁသုတ်ႈယဝ်ႉ။

ၼိၻႃၼ

သမၼ်တႃ ၸၵ်ၵဝႃꩮေသု၊ ဢတြႃ ၷၸ်ꧡၼ်တု ၻေဝတႃ။
သၻ်ꩪမ်မံ မုၼိရႃꩡသ်သ၊ သုꧣၼ်တု သၷ်ၷမေၢၵ်ၶၻံ။
ꩪမ်မသ်သဝၼၵႃလေႃ ဢယံ ꧤၻ်ၻၼ်တႃ။
ၼမေႃ တသ်သ ꧤၷဝတေႃ ဢရႁတေႃ သမ်မႃသမ်ၿုၻ်ꩪသ်သ။
ယေ သၼ်တႃ သၼ်တ ၸိတ်တႃ တိသရꧣ သရꧣႃ ဢေတ်ထ လေႃၵၼ်တရေ ဝႃ။
ꧤုမ်မႃ ꧤုမ်မႃ ၸ ၻေဝႃ ၷုꧣ ၷꧣ ၷႁꧣ ၿျႃဝꩦႃ သၿ်ၿၵႃလံ။
ဢေတေ ဢႃယၼ်တု ၻေဝႃ ဝရ ၵၼၵ မယေ မေရုရႃꩡေ ဝသၼ်တေႃ။
သၼ်တေႃ သၼ်တေႃသ ႁေတုံ မုၼိဝရဝၸၼံ သေႃတုမၷ်ၷံ သမၷ်ၷႃ။
သၿ်ၿေသု ၸၵ်ၵဝႃꩮေသု၊ ယၵ်ၶႃ ၻေဝႃ ၸ ၿြႁ်မၼေႃ။
ယံ ဢမ်ႁေႁိ ၵတံ ပုၺ်ၺံ၊ သၿ်ၿသပ်ပတ်တိ သႃꩪၵံ။
သၿ်ၿေ တံ ဢၼုမေႃၻိတွႃ၊ သမၷ်ၷႃ သႃသၼေ ရတႃ။
ပမႃၻရႁိတႃ ႁေၢၼ်တု၊ ဢႃရၵ်ၶႃသု ဝိသေသတေႃ။
သႃသၼသ်သ ၸ လေႃၵသ်သ၊ ဝုꩨ်ꩩီ ꧤဝတု သၿ်ၿၻႃ။
သႃသၼမ်ပိ ၸ လေႃၵၺ်ၸ ၻေဝႃ ရၵ်ၶၼ်တု သၿ်ၿၻႃ။
သၻ်ꩪိံ ႁေၢၼ်တု သုၶိ သၿ်ၿေ၊ ပရိဝႃရေႁိ ဢတ်တၼေႃ။
ဢၼီꧠႃ သုမၼႃ ႁေၢၼ်တု၊ သႁ သၿ်ၿေႁိ ၺႃတိꧤိ။

ရႃꩡတေႃ ဝႃ ၸေႃရတေႃ ဝႃ
မၼုသ်သတေႃ ဝႃ ဢမၼုသ်သတေႃ ဝႃ
ဢၷ်ၷိတေႃ ဝႃ ဢုၻၵတေႃ ဝႃ
ပိသႃၸတေႃ ဝႃ ၶႃꧣုၵတေႃ ဝႃ
ၵꧣ်ꩦၵတေႃ ဝႃ ၼၵ်ၶတ်တတေႃ ဝႃ
ꩡၼပၻရေႃၷတေႃ ဝႃ ဢသၻ်ꩪမ်မတေႃ ဝႃ
ဢသၼ်ၻိꩦ်ꩧိတေႃ ဝႃ ဢသပ်ပုရိသတေႃ ဝႃ
ၸꧣ်ꩨ ႁတ်ထိ ဢသ်သ မိၷ ၷေႃꧣ ၵုၵ်ၵုရ ဢႁိ ဝိၸ်ꧡိၵ မꧣိသပ်ပ ၻီပိ ဢၸ်ꧡ တရၸ်ꧡ သူၵရ မႁိံသ ယၵ်ၶ ရၵ်ၶသႃၻီႁိ
ၼႃၼႃꧤယတေႃ ဝႃ ၼႃၼႃရေႃၷတေႃ ဝႃ
ၼႃၼႃဢုပၻ်ၻဝတေႃ ဝႃ ဢႃရၵ်ၶံ ၷꧣ်ႁၼ်တု။

မင်ၷလသုတ်

ယံ မင်ၷလံ ၻွႃၻသႁိ၊ ၸိၼ်တယိံ သု သၻေဝၵႃ။
သေၢတ်ထႃၼံ ၼႃꩪိၷၸ်ꧡၼ်တိ၊ ဢꩦ်ꩧတ်တိံ သၺ်ၸမင်ၷလံ။
ၻေသိတံ ၻေဝၻေဝေၼ၊ သၿ်ၿပႃပဝိၼႃသၼံ။ သၿ်ၿလေႃၵ ႁိတတ်ထႃယ၊ မင်ၷလံ တံ ꧤꧣႃမ ႁေ။
ဢေဝံ မေ သုတံ၊ ဢေၵံ သမယံ ꧤၷဝႃ သႃဝတ်ထိယံ ဝိႁရတိ ꩡေတဝၼေ ဢၼႃထပိꧣ်ꩨိၵသ်သ ဢႃရမေ။
ဢထၶေႃ ဢၺ်ၺတရႃ ၻေဝတႃ ဢꧤိၵ်ၵၼ်တႃယ ရတ်တိယႃ ဢꧤိၵ်ၵၼ်တ ဝꧣ်ꧣႃ။
ၵေဝလၵပ်ပံ ꩡေတဝၼံ ဢေႃꧤႃသေတႂႃ ယေၼ ꧤၷဝႃ တေၼုပ သင်ၵမိ၊
ဢုပသင်ၵမိတႂႃ ꧤၷဝၼ်တံ ဢꧤိဝႃၻေတႂႃ ဢေၵမၼ်တံ ဢꩦ်ꩧႃသိ၊
ဢေၵမၼ်တံ ꩧိတႃၶေႃ သႃ ၻေဝတႃ ꧤၷဝၼ်တံ ၷႃထႃယ ဢꩡ်ၸျꧤႃသိ။

ၿႁူၻေဝႃ မၼုသ်သႃ ၸ၊ မင်ၷလႃၼိ ဢၸိၼ်တယုံ။
ဢႃၵင်ၶမႃၼႃ သေႃတ်ထႃၼံ၊ ၿြူႁိ မင်ၷလ မုတ်တမံ။

ဢသေဝၼႃ ၸ ၿႃလႃၼံ၊ ပꧣ်ꩨိတႃၼၺ်ၸ သေဝၼႃ။
ပူꩡႃ ၸ ပူꩡၼေယျႃၼံ၊ ဢေတံ မင်ၷလ မုတ်တမံ။

ပတိရူပ ၻေသဝႃသေႃ ၸ၊ ပုၿ်ၿေ ၸ ၵတပုၺ်ၺတႃ။
ဢတ်တသမ်မႃပꧣိꩪိ ၸ၊ ဢေတံ မင်ၷလ မုတ်တမံ။

ၿႃႁုသၸ်ၸၺ်ၸ သိပ်ပၺ်ၸ၊ ဝိၼယေႃ ၸ သုသိၵ်ၶိတေႃ။
သုꧤႃသိတႃ ၸ ယႃဝႃၸႃ၊ ဢေတံ မင်ၷလ မုတ်တမံ။

မႃတႃ ပိတု ဢုပꩦ်ꩧႃၼံ၊ ပုတ်တၻႃရသ်သ သင်ၷႁေႃ။
ဢၼႃၵုလႃ ၸ ၵမ်မၼ်တႃ၊ ဢေတံ မင်ၷလ မုတ်တမံ။

ၻႃၼၺ်ၸ ꩪမ်မၸရိယႃ ၸ၊ ၺႃတၵႃၼၺ်ၸ သင်ၷႁေႃ။
ဢၼဝꩡ်ꩡႃၼိ ၵမ်မႃၼိ၊ ဢေတံ မင်ၷလ မုတ်တမံ။

ဢႃရတီ ဝိရတီ ပႃပႃ၊ မꩡ်ꩡပႃၼႃ ၸ သံယမေႃ။
ဢပ်ပမႃၻေႃ ၸ ꩪမ်မေသု၊ ဢေတံ မင်ၷလ မုတ်တမံ။

ၷႃရဝေႃ ၸ ၼိဝႃတေႃ ၸ၊ သၼ်တုꩦ်ꩧိ ၸ ၵတၺ်ၺုတႃ။
ၵႃလေၼ ꩪမ်မသ်သဝၼံ၊ ဢေတံ မင်ၷလ မုတ်တမံ။

ၶၼ်တီ ၸ သေႃဝၸသ်သတႃ၊ သမꧣႃၼၺ်ၸ ၻသ်သၼံ။
ၵႃလေၼ ꩪမ်မသႃၵၸ်ꧡႃ၊ ဢေတံ မင်ၷလ မုတ်တမံ။

တပေႃ ၸ ၿြႁ်မၸရိယၺ်ၸ၊ ဢရိယသၸ်ၸႃၼ ၻသ်သၼံ။
ၼိၿ်ၿႃၼ သၸ်ꧡိၵိရိယႃ ၸ၊ ဢေတံ မင်ၷလ မုတ်တမံ။

ၽုꩦ်ꩧသ်သ လေႃၵꩪမ်မေႁိ၊ ၸိတ်တံ ယသ်သ ၼ ၵမ်ပတိ။
ဢသေႃၵံ ဝိရꩡံ ၶေမံ၊ ဢေတံ မင်ၷလ မုတ်တမံ။

ဢေတႃၻိသႃၼိ ၵတႂႃၼ၊ သၿ်ၿတ်ထ မပရႃꩡိတႃ။
သၿ်ၿတ်ထ သေႃတ်ထိံ ၷၸ်ꧡၼ်တိ၊ တံ တေသံ မင်ၷလ မုတ်တမံ။
မင်ၷလသုတ်တံ ၼိꩦ်ꩧိတံ။

ရတၼသုတ်

ပꧣိꩪႃၼတေႃ ပꩦ်ꩧႃယ တထႃၷတသ်သ ၻသ ပႃရမိယေႃ၊
ၻသ ဢုပပႃရမိယေႃ၊ ၻသ ပရမတ်ထ ပႃရမိယေႃတိ၊
သမတ်တိံ သ ပႃရမိယေႃ၊ ပၺ်ၸ မႁႃပရိၸ်ၸႃၷေ၊ လေႃၵတ်ထၸရိယံ ၺႃတတ်ထၸရိယံ၊ ၿုၻ်ꩪတ်ထၸရိယၼ်တိ
တိသ်သေႃ ၸရိယႃယေႃ၊ ပၸ်ꧡိမꧤဝေ ၷၿ်ꧤဝေႃၵ်ၵၼ်တိံ၊ ꩡႃတိံ ဢꧤိၼိၵ်ၶမၼံ၊
ပꩪႃၼၸရိယံ ၿေႃꩪိပလ်လင်ၵေ မႃရဝိꩡယံ သၿ်ၿၺ်ၺုတ ၺ်ၺႃꧣပ်ပꩦိဝေꩪံ၊
ꩪမ်မၸၵ်ၵပ်ပဝတ်တၼံ၊ ၼဝ လေႃၵုတ်တရꩪမ်မေတိ၊ သၿ်ၿေပိ မေ ၿုၻ်ꩪၷုꧣေ၊ ဢႃဝꩡ်ꩡေတွႃ ၊
ဝေသႃလိယႃ တီသု ပႃၵႃရၼ်တ ရေသု၊ တိယႃမရတ်တိံ ပရိတ်တံ ၵရေႃၼ်တေႃ၊
ဢႃယသ်မႃ ဢႃၼၼ်ၻတ်ထေရေႃ ဝိယ၊ ၵႃရုၺ်ၺၸိတ်တံ ဢုပꩦ်ꩧပေတွႃ။

ၵေႃꩦီသတသႁသ်သေသု ၸၵ်ၵဝႃꩮေသု ၻေဝတႃ။
ယသ်သႃꧣံ ပꩦိၷ်ၷꧣ်ႁၼ်တိ၊ ယၺ်ၸ ဝေသႃလိယႃ ပုရေ။
ရေႃၷႃ မၼုသ်သၻုၿ်ꧤိၵ်ၶ သမ်ꧤူတံ တိဝိꩪံ ꧤယံ။
ၶိပ်ပ မၼ်တရꩪႃပေသိ၊ ပရိတ်တံ တံ ꧤꧣႃမႁေ။

ယႃၼီꩪ ꧤူတႃၼိ သမႃၷတႃၼိ။
ꧤုမ်မႃၼိ ဝႃ ယႃၼိ ဝ ဢၼ်တလိၵ်ၶေ။
သၿ်ၿေဝ ꧤူတႃ သုမၼႃ ꧤဝၼ်တု။
ဢထေႃပိ သၵ်ၵၸ်ၸ သုꧣၼ်တု ꧤႃသိတံ။

တသ်မႃ ႁိ ꧤူတႃ ၼိသႃမေထ သၿ်ၿေ၊
မေတ်တံ ၵရေႃထ မႃၼုသိယႃ ပꩡႃယ၊
ၻိဝႃ ၸ ရတ်တေႃ ၸ ႁရၼ်တိ ယေ ၿလိံ၊
တသ်မႃ ႁိ ၼေ ရၵ်ၶထ ဢပ်ပမတ်တႃ။

ယံ ၵိၺ်ၸိ ဝိတ်တံ ဢိꩪ ဝႃ ႁုရံ ဝႃ၊ သၷ်ၷေသု ဝႃ ယံ ရတၼံ ပꧣီတံ၊
ၼ ၼေႃ သမံ ဢတ်ထိ တထႃၷတေၼ၊ ဢိၻမ်ပိ ၿုၻ်ꩪေ ရတၼံ ပꧣီတံ၊
ဢေတေၼ သၸ်ၸေၼ သုဝတ်ထိ ႁေႃတု။

ၶယံ ဝိရႃၷံ ဢမတံ ပꧣီတံ၊ ယၻꩡ်ꧢၷႃ သၵျမုၼီ သမႃႁိတေႃ။
ၼ တေၼ ꩪမ်မေၼ သမတ်ထိ ၵိၺ်ၸိ၊ ဢိၻမ်ပိ ꩪမ်မေ ရတၼံ ပꧣီတံ၊
ဢေတေၼ သၸ်ၸေၼ သုဝတ်ထိ ႁေႃတု။

ယံ ၿုၻ်ꩪသေꩦ်ꩧေႃ ပရိဝꧣ်ꧣယီ သုၸိံ။ သမႃꩪိ မႃၼၼ်တရိၵၺ်ၺ မႃႁု။
သမႃꩪိၼႃ တေၼ သမေႃ ၼ ဝိꩡ်ꩡတိ။
ဢိၻမ်ပိ ꩪမ်မေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ယေ ပုၷ်ၷလႃ ဢꩦ်ꩧ သတံ ပသတ်ထႃ၊ ၸတ်တႃရိ ဢေတႃၼိ ယုၷႃၼိ ႁေႃၼ်တိ။
တေ ၻၵ်ၶိꧣေယျႃ သုၷတသ်သ သႃဝၵႃ၊ ဢေတေသု ၻိၼ်ၼႃၼိ မႁပ်ၽလႃၼိ။
ဢိၻမ်ပိ သံꧠေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ယေ သုပ်ပယုတ်တႃ မၼသႃ ၻꩮ်ႁေၼ။
ၼိၵ်ၵႃ မိၼေႃ ၷေႃတမသႃသၼမ်ႁိ။
တေ ပတ်တိပတ်တႃ ဢမတံ ဝိၷယ်ႁ၊ လၻ်ꩪႃ မုꩪႃ ၼိၿ်ၿုတိံ ꧤုၺ်ꩡမႃၼႃ။
ဢိၻမ်ပိ သံꧠေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ယထိၼ်ၻၶီလေႃ ပထဝိသ်သိတေႃ သိယႃ၊ ၸတုၿ်ꧤိ ဝႃတေႁိ ဢသမ်ပၵမ်ပိယေႃ။
တထူပမံ သပ်ပုရိသံ ဝၻႃမိ။ ယေႃ ဢရိယသၸ်ၸႃၼိ ဢဝေၸ်ၸ ပသ်သတိ။
ဢိၻမ်ပိ သံꧠေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ယေ ဢရိယသၸ်ၸႃၼိ ဝိꧤႃဝယၼ်တိ၊ ၷမ်ꧤီရပၺ်ၺေၼ သုၻေသိတႃၼိ။
ၵိၺ်ၸႃပိ တေ ႁေႃၼ်တိ ꧤုသံ ပမတ်ထႃ၊ ၼ တေ ꧤဝံ ဢꩦ်ꩧမ မႃၻိယၼ်တိ။
ဢိၻမ်ပိ သံꧠေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

သႁႃဝသ်သ ၻသ်သၼ သမ်ပၻႃယ၊ တယသ်သု ꩪမ်မႃ ꩡႁိတႃ ꧤဝၼ်တိ။
သၵ်ၵႃယၻိꩦ်ꩧိ ဝိၸိၵိၸ်ꧡိတၺ်ၸ၊ သီလၿ်ၿတံ ဝႃပိ ယၻတ်ထိ ၵိၺ်ၸိ။

ၸတူႁပႃယေႁိ ၸ ဝိပ်ပမုတ်တေႃ၊ ꧡၸ်ၸႃꧤိꩧႃၼႃၼိ ဢꧤၿ်ၿ ၵႃတုံ။
ဢိၻမ်ပိ သံꧠေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ၵိၺ်ၸႃပိ သေႃ ၵမ်မ ၵရေႃတိ ပႃပၵံ၊ ၵႃယေၼ ဝႃၸႃ ဢုၻ ၸေတသႃ ဝႃ။
ဢꧤၿ်ၿ သေႃ တသ်သ ပꩦိၸ်ꧡၻႃယ၊ ဢꧤၿ်ၿတႃ ၻိꩦ်ꩧပၻသ်သ ဝုတ်တႃ။
ဢိၻမ်ပိ သံꧠေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ဝၼပ်ပၷုမ်ၿေ ယထ ၽုသ်သိတၷ်ၷေ၊ ၷိမ်ႁႃၼ မႃသေ ပꩧမသ်မိံ ၷိမ်ႁေ။
တထူပမံ ꩪမ်မဝရံ ဢၻေသယိ၊ ၼိၿ်ၿႃၼၷႃမိံ ပရမံ ႁိတႃယ၊
ဢိၻမ်ပိ ၿုၻ်ꩪေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ဝရေႃ ဝရၺ်ၺူ ဝရၻေႃ ဝရႃႁရေႃ၊ ဢၼုတ်တရေႃ ꩪမ်မဝရံ ဢၻေသယိ။
ဢိၻမ်ပိ ၿုၻ်ꩪေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ၶီꧣံ ပုရႃꧣံ ၼဝ ၼတ်ထိ သမ်ꧤဝံ၊ ဝိရတ်တၸိတ်တႃယတိၵေ ꧤဝသ်မိံ။
တေ ၶီꧣၿီꩡႃ ဢဝိရုꩮ်ႁိꧡၼ်ၻႃ၊ ၼိၿ်ၿၼ်တိ ꩪိရႃ ယထႃယံ ပၻီပေႃ။
ဢိၻမ်ပိ သံꧠေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ယႃၼီꩪ ꧤူတႃၼိ သမႃၷတႃၼိ၊ ꧤုမ်မႃၼိ ဝႃ ယႃၼိ ဝ ဢၼ်တလိၵ်ၶေ။
တထႃၷတံ ၻေဝမၼုသ်သပူꩡိတံ။ ၿုၻ်ꩪံ ၼမသ်သႃမ သုဝတ်ထိ ႁေႃတု။

ယႃၼီꩪ ꧤူတႃၼိ သမႃၷတႃၼိ၊ ꧤုမ်မႃၼိ ဝႃ ယႃၼိ ဝ ဢၼ်တလိၵ်ၶေ။
တထႃၷတံ ၻေဝ မၼုသ်သပူꩡိတံ၊ ꩪမ်မံ ၼမသ်သႃမ သုဝတ်ထိ ႁေႃတု။

ယႃၼီꩪ ꧤူတႃၼိ သမႃၷတႃၼိ၊ ꧤုမ်မႃၼိ ဝႃ ယႃၼိ ဝ ဢၼ်တလိၵ်ၶေ။
တထႃၷတံ ၻေဝမၼုသ်သပူꩡိတံ။ သံꧠံ ၼမသ်သႃမ သုဝတ်ထိ ႁေႃတု။

ရတၼသုတ်တံ ၼိꩦ်ꩧိတံ။

မဵတ်တသုတ်

ယသ်သႃၼုꧤႃဝတေႃ ယၵ်ၶႃ၊ ၼေဝ ၻသ်သေၼ်တိ ꧤီသၼံ။
ယၺ်ႁိၸေဝႃ ၼုရုၺ်ꩡၼ်တေႃ၊ ရတ်တိၼ်ၻိဝ မတၼ်ၻိတေႃ။
သုၶံ သုပတိ သုတ်တေႃ ၸ၊ ပႃပံ ၵိၺ်ၸိ ၼ ပသ်သတိ။
ဢေဝမႃၻိၷုꧣူပေတံ၊ ပရိတ်တံ တံ ꧤꧣႃမ ႁေ။

ၵရꧣီယမတ်ထ ၵုသလေၼ၊ ယၼ်တ သၼ်တံ ပၻံ ဢꧤိသမေၸ်ၸ။
သၵ်ၵေႃ ဢုꩡူ ၸ သုႁုꩡူ ၸ၊ သုဝၸေႃ ၸသ်သ မုၻု ဢၼတိမႃၼီ။

သၼ်တုသ်သၵေႃ ၸ သုꧤရေႃ ၸ၊ ဢပ်ပၵိၸ်ၸေႃ ၸ သလ်လႁုၵဝုတ်တိ။
သၼ်တိၼ်ၻြိယေႃ ၸ ၼိပၵေႃ ၸ၊ ဢပ်ပၷၿ်ꧤေႃ ၵုလေသႂ ၼ ၼုၷိၻ်ꩪေႃ။

ၼ ၸ ၶုၻ်ၻ မႃၸရေ ၵိၺ်ၸိ၊ ယေၼ ဝိၺ်ၺူ ပရေ ဢုပ ဝၻေယျုံ။
သုၶိၼေႃ ဝ ၶေမိၼေႃ ႁေႃၼ်တု၊ သၿ်ၿသတ်တႃ ꧤဝၼ်တု သုၶိတတ်တႃ။

ယေ ၵေၸိ ပႃꧣꧤူတတ်ထိ၊ တသႃ ဝႃ ထႃဝရႃ ဝ ၼဝသေသႃ။
ၻီꧠႃ ဝႃ ယေဝ မႁၼ်တႃ၊ မꩡ်ꧢိမႃ ရသ်သၵႃ ဢꧣုၵထူလႃ။

ၻိꩦ်ꩧႃ ဝႃ ယေဝ ဢၻိꩦ်ꩧႃ၊ ယေဝ ၻူရေ ဝသၼ်တိ ဢဝိၻူရေ။
ꧤူတႃ ဝ သမ်ꧤဝေသီ ဝ၊ သၿ်ၿသတ်တႃ ꧤဝၼ်တု သုၶိတတ်တႃ။

ၼ ပရေႃ ပရံ ၼိၵုၿ်ၿေထ၊ ၼႃတိမၺ်ၺေထ ၵတ်ထၸိ ၼၵၺ်ၸိ။
ၿျႃရေႃသၼႃ ပꩦိꧠသၺ်ၺ၊ ၼႃၺ်ၺမၺ်ၺသ်သ ၻုၵ်ၶ မိၸ်ꧡေယျ။

မႃတႃ ယထႃ ၼိယံပုတ်တ၊ မႃယုသႃ ဢေၵပုတ်တ မၼုရၵ်ၶေ။
ဢေဝမ်ပိ သၿ်ၿꧤူတေသု၊ မႃၼသံ ꧤႃဝယေ ဢပရိမႃꧣံ။

မေတ်တၺ်ၸ သၿ်ၿလေႃၵသ်မိံ၊ မႃၼသံ ꧤႃဝယေ ဢပရိမႃꧣံ။
ဢုၻ်ꩪံ ဢꩪေႃ ၸ၊ တိရိယၺ်ၸ၊ ဢသမ်ၿႃ ꩪံ ဢဝေရ မသပတ်တံ။

တိꩦ်ꩧံ ၸရံ ၼိသိၼ်ၼေႃ ဝ၊ သယႃၼေႃ ယႃဝတႃသ်သ ဝိတမိၻ်ꩪေႃ။
ဢေတံ သတိံ ဢꩪိꩦ်ꩧေယျ၊ ၿြႁ်မ မေတံ ဝိႁႃရ မိꩪ မႃႁု။

ၻိꩦ်ꩧိၺ်ၸ ဢၼုပၷ်ၷမ်မ၊ သီလဝႃ ၻသ်သၼေၼ သမ်ပၼ်ၼေႃ။
ၵႃမေသု ဝိၼယ ၷေꩪံ၊ ၼ ႁိ ꩡႃတုၷ်ၷၿ်ꧤသေယျ ပုၼ ရေတိ။

မဵတ်တသုတ်တံ ၼိꩦ်ꩧိတံ။

ၶၼ်ꩪသုတ်

သၿ်ၿႃ သီဝိသ ꩡႃတီၼံ၊ ၻိၿ်ၿမၼ်တႃ ၷၻံ ဝိယ။
ယံ ၼႃသေတိ ဝိသံ ꧠေႃရံ၊ သေသၺ်ၸႃပိ ပရိသ်သယံ။
ဢႃꧣႃၶေတ်တမ်ႁိ သၿ်ၿတ်ထ၊ သၿ်ၿၻႃ သၿ်ၿပႃꧣိၼံ။
သၿ်ၿသေႃပိ ၼိဝႃရေတိ၊ ပရိတ်တံ တံ ꧤꧣႃမ ႁေ။

ဝိရူပၵ်ၶေႁိ မေ မေတ်တံ၊ မေတ်တံ ဢေရႃပထေႁိ မေ။
ꧡၿျႃပုတ်တေႁိ မေ မေတ်တံ၊ မေတ်တံ ၵꧣ်ႁႃၷေႃတမၵေႁိ ၸ။

ဢပႃၻၵေႁိ မေ မေတ်တံ၊ မေတ်တံ ၻႂိပႃၻၵေႁိ မေ။
ၸတုပ်ပၻေႁိ မေ မေတ်တံ၊ မေတ်တံ ၿႁုပ်ပၻေ ႁိ မေ။

မႃမံ ဢပႃၻၵေႃ ႁိံသိ၊ မႃမံ ႁိံသိ ၻႂိပႃၻၵေႃ။
မႃမံ ၸတုပ်ပၻေႃ ႁိံသိ၊ မႃမံ ႁိံသိ ၿႁုပ်ပၻေႃ။

သၿ်ၿေ သတ်တႃ သၿ်ၿေ ပႃꧣႃ၊ သၿ်ၿေ ꧤူတႃ ၸ ၵေဝလႃ။
သၿ်ၿေ ꧤၻြႃၼိ ပသ်သၼ်တု၊ မႃ ၵိၺ်ၸိ ပႃပ မႃၷမႃ။

ဢပ်ပမႃꧣေႃ ၿုၻ်ꩪေႃ၊ ဢပ်ပမႃꧣေႃ ꩪမ်မေႃ။
ဢပ်ပမႃꧣေႃ သံꧠေႃ၊ ပမႃꧣဝၼ်တႃၼိ သရီသပႃၼိ။
ဢႁိ ဝိၸ်ꧡိၵႃ သတပၻီ၊ ဢုꧣ်ꧣၼႃꧤီ သရၿူ မူသိၵႃ။

ၵတႃ မေ ရၵ်ၶႃ ၵတံ မေ ပရိတ်တံ၊ ပꩦိၵ်ၵမၼ်တု ꧤူတႃၼိ။
သေႃႁံ ၼမေႃ ꧤၷဝတေႃ၊ ၼမေႃ သတ်တၼ်ၼံ သမ်မႃသမ်ၿႃၻ်ꩪႃၼံ။
ၶၼ်ꩪသုတ်တံ ၼိꩦ်ꩧိတံ။

မေႃရသုတ်

ပူရေၼ်တံ ၿေႃꩪိသမ်ꧤႃရေ၊ ၼိၿ်ၿတ်တံ မေႃရယေႃၼိယံ။
ယေၼ သံဝိႁိတႃ ရၵ်ၶံ၊ မႁႃသတ်တံ ဝၼေၸရႃ။

ၸိရသ်သံ ဝႃယမၼ်တႃပိ၊ ၼေဝ သၵ်ၶိံသု ၷꧣ်ႁိတုံ။
“ၿြႁ်မမၼ်တ” ၼ်တိ ဢၵ်ၶႃတံ၊ ပရိတ်တံ တံ ꧤꧣႃမ ႁေ။

ဢုၻေတယံ ၸၵ်ၶုမႃ ဢေၵရႃꩡႃ၊ ႁရိသ်သဝꧣ်ꧣေႃ ပထဝိပ်ပꧤႃသေႃ။
တံ တံ ၼမသ်သႃမိ ႁရိသ်သဝꧣ်ꧣံ ပထဝိပ်ပꧤႃသံ၊ တယႃꩡ်ꩡ ၷုတ်တႃ ဝိႁရေမု ၻိဝသံ။

ယေ ၿြႃႁ်မꧣႃ ဝေၻၷူ သၿ်ၿꩪမ်မေ၊ တေ မေ ၼမေႃ, တေ ၸ မံ ပႃလယၼ်တု။
ၼမတ်ထု ၿုၻ်ꩪႃၼံ, ၼမတ်ထု ၿေႃꩪိယႃ၊ ၼမေႃ ဝိမုတ်တႃၼံ, ၼမေႃ ဝိမုတ်တိယႃ။
ဢိမံ သေႃ ပရိတ်တံ ၵတႂႃ၊ မေႃရေႃ ၸရတိ ဢေသၼႃ။

ဢပေတယံ ၸၵ်ၶုမႃ ဢေၵရႃꩡႃ၊ ႁရိသ်သဝꧣ်ꧣေႃ ပထဝိပ်ပꧤႃသေႃ။
တံ တံ ၼမသ်သႃမိ ႁရိသ်သဝꧣ်ꧣံ ပထဝိပ်ပꧤႃသံ၊ တယႃꩡ်ꩡ ၷုတ်တႃ ဝိႁရေမု ရတ်တိံ။

ယေ ၿြႃႁ်မꧣႃ ဝေၻၷူ သၿ်ၿꩪမ်မေ၊ တေ မေ ၼမေႃ, တေ ၸ မံ ပႃလယၼ်တု။
ၼမတ်ထု ၿုၻ်ꩪႃၼံ ၼမတ်ထု ၿေႃꩪိယႃ၊ ၼမေႃ ဝိမုတ်တႃၼံ, ၼမေႃ ဝိမုတ်တိယႃ။
ဢိမံ သေႃ ပရိတ်တံ ၵတႂႃ၊ မေႃရေႃ ဝႃသ မၵပ်ပယိ။

မေႃရသုတ်တံ ၼိꩦ်ꩧိတံ။

ဝꩦ်ꩦသုတ်

ပူရေၼ်တံ ၿေႃꩪိသမ်ꧤႃရေ၊ ၼိၿ်ၿတ်တံ ဝꩦ်ꩦꩡႃတိယံ။
ယသ်သ တေꩡေၼ ၻႃဝၷ်ၷိ၊ မႁႃသတ်တံ ဝိဝꩡ်ꩡယိ။

ထေရသ်သ သႃရိပုတ်တသ်သ၊ လေႃၵ ၼႃထေၼ ꧤႃသိတံ။
ၵပ်ပꩦ်ꩧႃယိံ မႁႃတေꩡံ၊ ပရိတ်တံ တံ ꧤꧣႃမ ႁေ။

ဢတ်ထိ လေႃၵေ သီလၷုꧣေႃ၊ သၸ်ၸံ သေႃၸေယျ ၼုၻ်ၻယႃ။
တေၼ သၸ်ၸေၼ ၵႃႁႃမိ၊ သၸ်ၸၵိရိယ မုတ်တမံ။

ဢႃဝꩡ်ꩡေတႂႃ ꩪမ်မၿလံ၊ သရိတႂႃ ပုၿ်ၿၵေ ꩡိၼေ။
သၸ်ၸၿလ မဝသ်သႃယ၊ သၸ်ၸၵိရိယ မၵႃသ ႁံ။

သၼ်တိ ပၵ်ၶႃ ဢပတၼႃ၊ သၼ်တိ ပႃၻႃ ဢဝၺ်ၸၼႃ။
မႃတႃ ပိတႃ ၸ ၼိၵ်ၶၼ်တႃ၊ ꩡႃတဝေၻ ပꩦိၵ်ၵမ။

သႁ သၸ်ၸေ ၵတေ မယ်ႁံ၊ မႁႃပꩡ်ꩡိလိတေႃ သိၶီ။
ဝꩡ်ꩡေသိ သေႃꩮသ ၵရီသႃၼိ၊ ဢုၻၵံ ပတႂႃ ယထႃ သိၶီ။
သၸ်ၸေၼ မေ သမေႃ ၼတ်ထိ၊ ဢေသႃ မေ သၸ်ၸပႃရမီ။

ဝꩦ်ꩦသုတ်တံ ၼိꩦ်ꩧိတံ။

ꩪꩡၷ်ၷသုတ်

ယသ်သႃၼုသ်သရꧣေၼႃပိ၊ ဢၼ်တလိၵ်ၶေပိ ပႃꧣိၼေႃ။
ပတိꩦ်ꩧ မꩪိၷၸ်ꧡၼ်တိ၊ ꧤူမိယံ ဝိယ သၿ်ၿထႃ။

သၿ်ၿုပၻ်ၻဝꩡႃလမ်ႁႃ၊ ယၵ်ၶၸေႃရႃၻိသမ်ꧤဝႃ။
ၷꧣၼႃ ၼ ၸ မုတ်တႃၼံ၊ ပရိတ်တံ တံ ꧤꧣႃမ ႁေ။
ဢေဝံ မေ သုတံ ဢေၵံ သမယံ ꧤၷဝႃ သႃဝတ်ထိယံ ဝိႁရတိ ꩡေတဝၼေ၊ ဢၼႃထပိꧣ်ꩨိၵသ်သ ဢႃရႃမေ။

တတြ ၶေႃ ꧤၷဝႃ ꧤိၵ်ၶူ ဢႃမၼ်တေသိ “ꧤိၵ်ၶဝေႃ” တိ။
“ꧤၻၼ်တေ” တိ တေ ꧤိၵ်ၶူ ꧤၷဝတေႃ ပၸ်ၸသ်သေႃသုံ။
ꧤၷဝႃ ဢေတၻဝေႃၸ ꧤူတပုၿ်ၿံ ꧤိၵ်ၶဝေ ၻေဝႃ သုရသင်ၷႃမေႃ သမုပၿျူꩮ်ႁေႃ ဢႁေႃသိ။
ဢထ ၶေႃ ꧤိၵ်ၶဝေ သၵ်ၵေႃ ၻေဝႃၼမိၼ်ၻေႃ ၻေဝေ တႃဝတိံသေ ဢႃမၼ်တေသိ -
“ သၸေ မႃရိသႃ ၻေဝႃၼံ သင်ၷႃမၷတႃၼံ ဢုပ်ပꩡ်ꩡေယျ
ꧤယံ ဝႃ ꧡမ်ꧤိ တတ်တံ ဝႃ လေႃမႁံသေႃ ဝႃ၊ မမေဝ တသ်မိံ သမယေ ꩪꩡၷ်ၷံ ဢုလ်လေႃၵေယျႃထ။
မမံ ႁိ ဝေႃ ꩪꩡၷ်ၷံ ဢုလ်လေႃၵယတံ ယံ ꧤဝိသ်သတိ ꧤယံ ဝႃ ꧡမ်ꧤိတတ်တံ ဝႃ လေႃမႁံသေႃ ဝႃ သေႃ ပႁီယိသ်သတိ။

ၼေႃ ၸေ မေ ꩪꩡၷ်ၷံ ဢုလ်လေႃၵေယျႃထ၊
ဢထ ပꩡႃပတိသ်သ ၻေဝရႃꩡသ်သ ꩪꩡၷ်ၷံ ဢုလ်လေႃၵေယျႃထ၊
ပꩡႃပတိသ်သ ႁိ ဝေႃ ၻေဝရႃꩡသ်သ ꩪꩡ်ꩡၷ်ၷံ ဢုလ်လေႃၵယတံ။
ယံ ꧤဝိသ်သတိ ꧤယံ ဝႃ ꧡမ်ꧤိတတ်တံ ဝႃ လေႃမႁံသေႃ ဝႃ၊ သေႃ ပႁီယိသ်သတိ။

ၼေႃ ၸေ ပꩡႃပတိသ်သ ၻေဝရႃꩡသ်သ ꩪꩡၷ်ၷံ ဢုလ်လေႃၵေယျႃထ၊
ဢထ ဝရုꧣသ်သ ၻေဝရႃꩡသ်သ ꩪꩡၷ်ၷံ ဢုလ်လေႃၵေယျႃထ
ဝရုꧣသ်သ ႁိ ဝေႃ ၻေဝရႃꩡသ်သ ꩪꩡၷ်ၷံ ဢုလ်လေႃၵယတံ
ယံ ꧤဝိသ်သတိ ꧤယံ ဝႃ ꧡမ်ꧤိတတ်တံ ဝႃ လေႃမႁံသေႃ ဝႃ သေႃ ပႁီယိသ်သတိ။
ၼေႃ ၸေ ဝရုꧣသ်သ ၻေဝရႃꩡသ်သ ꩪꩡၷ်ၷံ ဢုလ်လေႃၵေယျႃထ၊
ဢထ ဢီသႃၼသ်သ ၻေဝရႃꩡသ်သ ꩪꩡၷ်ၷံ ဢုလ်လေႃၵေယျႃထ။
ဢီသႃၼသ်သ ႁိ ဝေႃ ၻေဝရႃꩡသ်သ ꩪꩡၷ်ၷံ ဢုလ်လေႃၵယတံ၊
ယံ ꧤဝိသ်သတိ ꧤယံ ဝႃ ꧡမ်ꧤိတတ်တံ ဝႃ လေႃမႁံသေႃ ဝႃ သေႃ ပႁီယိသ်သတီ” တိ။

တံ ၶေႃ ပၼ ꧤိၵ်ၶဝေ သၵ်ၵသ်သ ဝႃ ၻေဝႃၼမိၼ်ၻသ်သ
ꩪꩡၷ်ၷံ ဢုလ်လေႃၵယတံ ပꩡႃပတိသ်သ ဝႃ ၻေဝရႃꩡသ်သ ꩪꩡၷ်ၷံ ဢုလ်လေႃၵယတံ
ဝရုꧣသ်သ ဝႃ ၻေဝရႃꩡသ်သ ꩪꩡၷ်ၷံ ဢုလ်လေႃၵယတံ ဢီသႃၼသ်သ ဝႃ ၻေဝရႃꩡသ်သ ꩪꩡၷ်ၷံ ဢုလ်လေႃၵယတံ
ယံ ꧤဝိသ်သတိ ꧤယံ ဝႃ ꧡမ်ꧤိတတ်တံ ဝႃ လေႃမႁံသေႃ ဝႃ သေႃ ပႁီယေထႃပိ ၼေႃပိ ပႁီယေထ။

တံ ၵိသ်သ ႁေတု သၵ်ၵေႃ ႁိ ꧤိၵ်ၶဝေ
ၻေဝႃၼမိၼ်ၻေႃ ဢဝီတရႃၷေႃ ဢဝီတၻေႃသေႃ ဢဝီတမေႃႁေႃ
ꧤီရု ꧡမ်ꧤီ ဢုတြႃသီ ပလႃယီတိ။ ဢႁၺ်ၸ ၶေႃ ꧤိၵ်ၶဝေ ဢေဝံ ဝၻႃမိ
သၸေ တုမ်ႁႃၵံ ꧤိၵ်ၶဝေ ဢရၺ်ၺၷတႃၼံ ဝႃ
ရုၵ်ၶမူလေၷတႃၼံ ဝႃ သုၺ်ၺႃၷႃရၷတႃၼံ ဝႃ ဢုပ်ပꩡ်ꩡေယျ ꧤယံ ဝႃ
ꧡမ်ꧤိတတ်တံ ဝႃ လေႃမႁံသေႃ ဝႃ၊ မမေဝ တသ်မိံ သမယေ ဢၼုသ်သရေယျႃထ။

“ဢိတိပိ သေႃ ꧤၷဝႃ ဢရႁံ, သမ်မႃသမ်ၿုၻ်ꩪေႃ
ဝိꩡ်ꩡႃၸရꧣသမ်ပၼ်ၼေႃ, သုၷတေႃ, လေႃၵဝိၻူ
ဢၼုတ်တရေႃ ပုရိသၻမ်မသႃရထိ
သတ်ထႃ ၻေဝမၼုသ်သႃၼံ, ၿုၻ်ꩪေႃ ꧤၷဝႃ” တိ။

မမံ ႁိ ဝေႃ ꧤိၵ်ၶဝေ ဢၼုသ်သရတံ၊
ယံ ꧤဝိသ်သတိ ꧤယံ ဝႃ ꧡမ်ꧤိတတ်တံ ဝႃ
လေႃမႁံသေႃ ဝႃ၊ သေႃ ပႁီယိသ်သတိ။

ၼေႃ ၸေ မံ ဢၼုသ်သရေယျႃထ ဢထ ꩪမ်မံ ဢၼုသ်သရေယျႃထ။

“သွၢၵ်ၶႃတေႃ ꧤၷဝတႃ ꩪမ်မေႃ, သၼ်ၻိꩦ်ꩧိၵေႃ
ဢၵႃလိၵေႃ, ဢေႁိပသ်သိၵေႃ, ဢေႃပၼေယျိၵေႃ
ပၸ်ၸတ်တံဝေၻိတၿ်ၿေႃ ဝိၺ်ၺူႁီ” တိ။ ꩪမ်မံ ႁိ ဝေႃ ꧤိၵ်ၶဝေ ဢၼုသ်သရတံ၊
ယံ ꧤဝိသ်သတိ ꧤယံ ဝႃ ꧡမ်ꧤိတတ်တံ ဝႃ လေႃမႁံသေႃ ဝႃ၊
သေႃ ပႁီယိသ်သတိ။

ၼေႃ ၸေ ꩪမ်မံ ဢၼုသ်သရေယျႃထ၊
ဢထ သံꧠံ ဢၼုသ်သရေယျႃထ

“သုပ်ပꩦိပၼ်ၼေႃ ꧤၷဝတေႃ သႃဝၵ သံꧠေႃ
ဢုꩡုပ်ပꩦိပၼ်ၼေႃ ꧤၷဝတေႃ သႃဝၵ သံꧠေႃ
ၺႃယပ်ပꩦိပၼ်ၼေႃ ꧤၷဝတေႃ သႃဝၵ သံꧠေႃ
သႃမီၸိပ်ပꩦိပၼ်ၼေႃ ꧤၷဝတေႃ သႃဝၵ သံꧠေႃ
ယၻိၻံ ၸတ်တႃရိ ပုရိသ ယုၷႃၼိ ဢꩦ်ꩧပုရိသ ပုၷ်ၷလႃ၊
ဢေသ ꧤၷဝတေႃ သႃဝၵ သံꧠေႃ
ဢႃႁုၼေယျေႃ, ပႃႁုၼေယျေႃ ၻၵ်ၶိꧣေယျေႃ
ဢၺ်ꩡလိၵရꧣီယျေႃ, ဢၼုတ်တရံ ပုၺ်ၺၵ်ၶေတ်တံ လေႃၵသ်သႃ” တိ။

သံꧠံ ႁိ ဝေႃ ꧤိၵ်ၶဝေ ဢၼုသ်သရတံ၊
ယံ ꧤဝိသ်သတိ ꧤယံ ဝႃ ꧡမ်ꧤိတတ်တံ ဝႃ လေႃမႁံသေႃ ဝႃ၊
သေႃ ပႁီယိသ်သတိ။ တံ ၵိသ်သ ႁေတု တထႃၷတေႃ ႁိ ꧤိၵ်ၶဝေ
ဢရႁံ သမ်မႃသမ်ၿုၻ်ꩪေႃ ဝီတရႃၷေႃ ဝီတၻေႃသေႃ ဝီတမေႃႁေႃ
ဢꧤီရုဢꧡမ်ꧤီ ဢၼုတြႃသီ ဢပလႃယီတိ။

ဢိၻ မဝေႃၸ ꧤၷဝႃ၊ ဢိၻံ ဝတႂႃၼ သုၷတေႃ။
ဢထႃ ပရံ ဢေတၻဝေႃ ၸ သတ်ထႃ။

ဢရၺ်ၺေ ရုၵ်ၶမူလေ ဝႃ၊ သုၺ်ၺႃၷႃရေဝ ꧤိၵ်ၶဝေႃ။
ဢၼုသ်သရေထ သမ်ၿုၻ်ꩪံ၊ ꧤယံ တုမ်ႁႃၵ ၼေႃ သိယႃ။

ၼေႃ ၸေ ၿုၻ်ꩪံ သရေယျႃထ၊ လေႃၵꩡေꩦ်ꩧံ ၼရႃသꧤံ။
ဢထ ꩪမ်မံ သရေယျႃထ၊ ၼိယျႃၼိၵံ သုၻေသိတံ။

ၼေႃ ၸေ ꩪမ်မံ သရေယျႃထ၊ ၼိယျႃၼိၵံ သုၻေသိတံ။
ဢထ သံꧠံ သရေယျႃထ၊ ပုၺ်ၺၵ်ၶေတ်တံ ဢၼုတ်တရံ။

ဢေဝံ ၿုၻ်ꩪံ သရၼ်တႃၼံ၊ ꩪမ်မံ သံꧠၺ်ၸ ꧤိၵ်ၶဝေႃ။
ꧤယံ ဝႃ ꧡမ်ꧤိတတ်တံ ဝႃ၊ လေႃမႁံသေႃ ၼ ႁေသ်သတိ။

ꩪꩡၷ်ၷသုတ်တံ ၼိꩦ်ꩧိတံ။

ဢႃꩦႃၼႃꩦိယသုတ်

ဢပ်ပသၼ်ၼေႁိ ၼႃထသ်သ၊ သႃသၼေ သႃꩪုသမ်မတေ။
ဢမၼုသ်သေႁိ ၸꧣ်ꩨေႁိ သၻႃ ၵိၿ်ၿိသၵႃရိꧤိ။

ပရိသႃၼံ ၸတသ်သၼ်ၼံ၊ ဢႁိံ သႃယၸ ၷုတ်တိယႃ။
ယံ ၻေသေသိ မႁႃဝီရေႃ၊ ပရိတ်တံ တံ ꧤꧣႃမ ႁေ။

ဝိပသ်သိသ်သ ၸ ၼမတ်ထု၊ ၸၵ်ၶုမၼ်တသ်သ သိရီမတေႃ။
သိၶိသ်သပိ ၸ ၼမတ်ထု၊ သၿ်ၿꧤူတႃၼုၵမ်ပိၼေႃ။

ဝေသ်သꧤုသ်သ ၸ ၼမတ်ထု၊ ၼ်ႁႃတၵသ်သ တပသ်သိၼေႃ။
ၼမတ်ထု ၵၵုသၼ်ꩪသ်သ၊ မႃရသေၼႃ ပမၻ်ၻိၼေႃ။

ၵေႃꧣႃၷမၼသ်သ ၼမတ်ထု၊ ၿြႃႁ်မꧣသ်သ ဝုသီမတေႃ။
ၵသ်သပသ်သ ၸ ၼမတ်ထု၊ ဝိပ်ပမုတ်တသ်သ သၿ်ၿꩪိ။

ဢင်ၷီရသသ်သ ၼမတ်ထု၊ သၵျပုတ်တသ်သ သိရီမတေႃ။
ယေႃ ဢိမံ ꩪမ်မံ ၻေသေသိ၊ သၿ်ၿၻုၵ်ၶႃ ပၼူၻၼံ။
ယေ ၸႃပိ ၼိၿ်ၿုတႃ လေႃၵေ၊ ယထႃꧤူတံ ဝိပသ်သိသုံ။
တေ ꩡၼႃ ဢပိသုꧣႃထ၊ မႁၼ်တႃ ဝီတသႃရၻႃ။

ႁိတံ ၻေဝမၼုသ်သၼံ၊ ယံ ၼမသ်သၼ်တိ ၷေႃတမံ။
ဝိꩡ်ꩡႃၸရꧣသမ်ပၼ်ၼံ၊ မႁၼ်တံ ဝီတသႃရၻံ။

ဢေတေ ၸၺ်ၺေ ၸ သမ်ၿုၻ်ꩪႃ၊ ဢၼေၵသတ ၵေႃꩦိယေႃ။
သၿ်ၿေ ၿုၻ်ꩪႃ သမသမႃ၊ သၿ်ၿေ ၿုၻ်ꩪႃ မႁိၻ်ꩪိၵႃ။

သၿ်ၿေၻသၿလူပေတႃ၊ ဝေသႃရꩡ်ꩡေႁု ပႃၷတႃ။
သၿ်ၿေ တေ ပꩦိꩡႃၼၼ်တိ၊ ဢႃသꧤံ ꩧႃၼမုတ်တမံ။

သီႁၼႃၻံ ၼၻၼ်တေတေ၊ ပရိသ်သသု ဝိသႃရၻႃ။
ၿြႁ်မၸၵ်ၵံ ပဝတ်တေၼ်တိ၊ လေႃၵေ ဢပ်ပꩦိဝတ်တိယံ။

ဢုပေတႃ ၿုၻ်ꩪꩪမ်မေႁိ၊ ဢꩦ်ꩧႃရသႁိ ၼႃယၵႃ။
ၿႃတ်ထိံသ လၵ်ၶꧣူပေတႃ၊ သီတႃၼုၿျၺ်ꩡၼႃꩪရႃ။
ၿျႃမပ်ပꧤႃယ သုပ်ပꧤႃ၊ သၿ်ၿေ တေ မုၼိၵုၺ်ꩡရႃ။
ၿုၻ်ꩪႃ သၿ်ၿၺ်ၺုၼေႃ ဢေတေ၊ သၿ်ၿေ ၶီꧣႃသဝႃ ꩡိၼႃ။

မႁႃပꧤႃ မႁႃတေꩡႃ၊ မႁႃပၺ်ၺႃ မႁၿ်ၿလႃ။
မႁႃ ၵႃရုꧣိၵႃ ꩪီရႃ၊ သၿ်ၿေသႃၼံ သုၶႃဝႁႃ။

ၻီပႃ ၼႃထႃ ပတိꩦ်ꩧႃ ၸ၊ တႃꧣႃ လေꧣႃ ၸ ပႃꧣိၼံ။
ၷတီ ၿၼ်ꩪူ မႁေသ်သႃသႃ၊ သရꧣႃ ၸ ႁိတေသိၼေႃ။

သၻေဝၵသ်သ လေႃၵသ်သ၊ သၿ်ၿေ ဢေတေ ပရႃယꧣႃ။
တေသႃ ႁံ သိရသႃ ပႃၻေ၊ ဝၼ်ၻႃမိ ပုရိသုတ်တမေ။

ဝၸသႃ မၼသႃ ၸေဝ၊ ဝၼ်ၻႃမေ တေ တထႃၷတေ။
သယၼေ ဢႃသၼေ ꩧႃၼေ၊ ၷမၼေ ၸႃပိ သၿ်ၿၻႃ။

သၻႃ သုၶေၼ ရၵ်ၶၼ်တု၊ ၿုၻ်ꩪႃ သၼ်တိၵရႃ တုဝံ။
တေႁိ တွံ ရၵ်ၶိတေႃ သၼ်တေႃ၊ မုတ်တေႃ သၿ်ၿꧤယေႁိ ၸ။
သၿ်ၿရေႃၷႃ ဝိၼီမုတ်တေႃ၊ သၿ်ၿသၼ်တႃပ ဝꩡ်ꩡိတေႃ။
သၿ်ၿဝေရ မတိၵ်ၵၼ်တေႃ၊ ၼိၿ်ၿုတေႃ ၸ တုဝံ ꧤဝ။

တေသံ သၸ်ၸေၼ သီလေၼ၊ ၶၼ်တိမေတ်တႃ ၿလေၼ ၸ။
တေပိ ဢမ်ႁေ ၼုရၵ်ၶၼ်တု၊ ဢရေႃၷေၼ သုၶေၼ ၸ။

ပုရတ်ထိမသ်မိံ ၻိသႃꧤႃၷေ၊ သၼ်တိ ꧤူတႃ မႁိၻ်ꩪိၵႃ။
တေပိ ဢမ်ႁေ ၼုရၵ်ၶၼ်တု၊ ဢရေႃၷေၼ သုၶေၼ ၸ။

ၻၵ်ၶိꧣသ်မိံ ၻိသႃꧤႃၷေ၊ သၼ်တိ ၻေဝႃ မႁိၻ်ꩪိၵႃ။
တေပိ ဢမ်ႁေ ၼုရၵ်ၶၼ်တု၊ ဢရေႃၷေၼ သုၶေၼ ၸ။

ပၸ်ꧡိမသ်မိံ ၻိသႃꧤႃၷေ၊ သၼ်တိ ၼႃၷႃ မႁိၻ်ꩪိၵႃ။
တေပိ ဢမ်ႁေ ၼုရၵ်ၶၼ်တု၊ ဢရေႃၷေၼ သုၶေၼ ၸ။

ဢုတ်တရသ်မိံ ၻိသႃꧤႃၷေ၊ သၼ်တိ ယၵ်ၶႃ မႁိၻ်ꩪိၵႃ။
တေပိ ဢမ်ႁေ ၼုရၵ်ၶၼ်တု၊ ဢရေႃၷေၼ သုၶေၼ ၸ။

ပုရတ်ထိမေၼ ꩪတရꩦ်ꩧေႃ၊ ၻၵ်ၶိꧣေၼ ဝိရူꩮ်ႁၵေႃ။
ပၸ်ꧡိမေၼ ဝိရူပၵ်ၶေႃ၊ ၵုဝေရေႃ ဢုတ်တရံ ၻိသံ။

ၸတ်တေႃရေႃ တေ မႁႃရႃꩡႃ၊ လေႃၵပႃလႃ ယသသ်သိၼေႃ။
တေပိ ဢမ်ႁေ ၼုရၵ်ၶၼ်တု၊ ဢရေႃၷေၼ သုၶေၼ ၸ။

ဢႃၵႃသꩦ်ꩧႃ ၸ ꧤူမꩦ်ꩧႃ၊ ၻေဝႃ ၼႃၷႃ မႁိၻ်ꩪိၵႃ။
တေပိ ဢမ်ႁေ ၼုရၵ်ၶၼ်တု၊ ဢရေႃၷေၼ သုၶေၼ ၸ။

ဢိၻ်ꩪိမၼ်တေႃ ၸ ယေ ၻေဝႃ၊ ဝသၼ်တႃ ဢိꩪ သႃသၼေ။
တေပိ ဢမ်ႁေ ၼုရၵ်ၶၼ်တု၊ ဢရေႃၷေၼ သုၶေၼ ၸ။

သၿ်ၿီတိယေႃ ဝိဝꩡ်ꩡၼ်တု၊ သေႃၵေႃ ရေႃၷေႃ ဝိၼသ်သတု။
မႃ တေ ꧤဝၼ်တၼ်တရႃယႃ၊ သုၶီ ၻီꧠႃယုၵေႃ ꧤဝ။

ဢꧤိဝႃၻၼ သီလိသ်သ၊ ၼိၸ်ၸံ ဝုꩨ်ꩩႃပၸႃယိၼေႃ။
ၸတ်တႃရေႃ ꩪမ်မႃ ဝꩨ်ꩩၼ်တိ၊ ဢႃယု ဝꧣ်ꧣေႃ သုၶံ ၿလံ။

ဢႃꩦႃၼႃꩦိယသုတ်တံ ၼိꩦ်ꩧိတံ။

ဢင်ၷုလိမႃလသုတ်

ပရိတ်တံ ယံ ꧤꧣၼ်တသ်သ၊ ၼိသိၼ်ၼꩦ်ꩧႃၼ ꩪေႃဝၼံ။
ဢုၻၵမ်ပိ ဝိၼႃသေတိ၊ သၿ်ၿမေဝ ပရိသ်သယံ။

သေႃတ်ထိၼႃ ၷၿ်ꧤဝုꩦ်ꩧႃၼံ၊ ယၺ်ၸ သႃꩪေတိ တင်ၶꧣေ။
ထေရသ်သင်ၷုလိမႃလသ်သ၊ လေႃၵၼႃထေၼ ꧤႃသိတံ။
ၵပ်ပꩦ်ꩧႃယိံ မႁႃတေꩡံ၊ ပရိတ်တံ တံ ꧤꧣႃမ ႁေ။

ယတေႃ ႁံ ꧤၷိၼိ ဢရိယႃယ၊ ꩡႃတိယႃ ꩡႃတေႃ။
ၼႃꧤိꩡႃၼႃမိ သၺ်ၸိၸ်ၸ ပႃꧣံ၊ ꩡိဝိတႃ ဝေႃရေႃပေတႃ။
တေၼ သၸ်ၸေၼ သေႃတ်ထိ တေ၊ ႁေႃတု သေႃတ်ထိ ၷၿ်ꧤသ်သ။

ဢင်ၷုလိမႃလသုတ်တံ ၼိꩦ်ꩧိတံ။

ၿေႃꩡ်ꧢင်ၷသုတ်

သံသႃရေ သံသရၼ်တႃၼံ၊ သၿ်ၿၻုၵ်ၶႃဝိၼႃသၼေ။
သတ်တ ꩪမ်မေ ၸ ၿေႃꩡ်ꧢင်ၷေ၊ မႃရသေၼႃပမၻ်ၻၼေ။

ၿုꩡ်ꧢိတႂႃ ယေ ၸိမေ သတ်တႃ၊ တိꧤဝႃ မုတ်တၵုတ်တမႃ။
ဢꩡႃတိ မ ꩡရႃၿျႃꩪိံ၊ ဢမတံ ၼိၿ်ꧤယံ ၷတႃ။

ဢေဝမႃၻိ ၷုꧣူပေတံ၊ ဢၼေၵ ၷုꧣသင်ၷႁံ။
ဢေႃသꩪၺ်ၸ ဢိမံ မၼ်တံ၊ ၿေႃꩡ်ꧢင်ၷၺ်ၸ ꧤꧣႃမ ႁေ။

ၿေႃꩡ်ꧢင်ၷေႃ သတိသင်ၶႃတေႃ၊ ꩪမ်မႃၼံ ဝိၸယေႃ တထႃ။
ဝီရိယံ ပီတိ ပသ်သၻ်ꩪိ၊ ၿေႃꩡ်ꧢင်ၷႃ ၸ တထႃပရေ။

သမႃꩪု ပေၵ်ၶႃ ၿေႃꩡ်ꧢင်ၷႃ၊ သတ်တေတေ သၿ်ၿၻသ်သိၼႃ။
မုၼိၼႃ သမ်မၻၵ်ၶႃတႃ၊ ꧤႃဝိတႃ ၿႁုလီၵထႃ။

သံဝတ်တၼ်တိ ဢꧤိၺ်ၺႃယ၊ ၼိၿ်ၿႃၼႃယ ၸ ၿေႃꩪိယႃ။
ဢေတေၼ သၸ်ၸဝꩡ်ꩡေၼ၊ သေႃတ်ထိ တေ ႁေႃတု သၿ်ၿၻႃ။
ဢေၵသ်မိံ သမယေၼႃထေႃ၊ မေႃၷ်ၷလ်လႃၼၺ်ၸ ၵသ်သပံ။
ၷိလႃၼေ ၻုၵ်ၶိတေ ၻိသႂႃ၊ ၿေႃꩡ်ꧢင်ၷေ သတ်တ ၻေသယိ။

တေ ၸ တံ ဢꧤိၼၼ်ၻိတႂႃ၊ ရေႃၷႃ မုၸ်ၸိံ သု တင်ၶေꧣေ။
ဢေတေၼ သၸ်ၸဝꩡ်ꩡေၼ သေႃတ်ထိ တေ ႁေႃတု သၿ်ၿၻႃ။

ဢေၵၻႃ ꩪမ်မရႃꩡႃပိ၊ ၷေလၺ်ၺေၼႃꧤိ ပီꩮိတေႃ။
ၸုၼ်ၻတ်ထေရေၼ တံယေဝ၊ ꧤꧣႃပေတႂႃၼ သႃၻရံ။

သမ်မေႃၻိတႂႃၼ ဢႃၿႃꩪႃ၊ တမ်ႁႃ ဝုꩦ်ꩧႃသိ ꩧႃၼသေႃ။
ဢေတေၼ သၸ်ၸဝꩡ်ꩡေၼ၊ သေႃတ်ထိ တေ ႁေႃတု သၿ်ၿၻႃ။

ပႁီၼႃ တေ ၸ ဢႃၿႃꩪႃ၊ တိꧣ်ꧣၼ်ၼမ်ပိ မႁေသိၼံ။
မၷ်ၷႁတႃ ၵိလေသႃဝ၊ ပတ်တႃ ၼုပ်ပတ်တိꩪမ်မတံ။
ဢေတေၼ သၸ်ၸဝꩡ်ꩡေၼ၊ သေႃတ်ထိ တေ ႁေႃတု သၿ်ၿၻႃ။

ၿေႃꩡ်ꧢင်ၷသုတ်တံ ၼိꩦ်ꩧိတံ။

ပုၿ်ၿꧣ်ႁသုတ်

ယံ ၻုၼ်ၼိမိတ်တံ ဢဝမင်ၷလၺ်ၸ၊ ယေႃၸႃမၼႃပေႃ သၵုꧣသ်သ သၻ်ၻေႃ။
ပႃပၷ်ၷႁေႃ ၻုသ်သုပိၼံ ဢၵၼ်တံ၊ ၿုၻ်ꩪႃၼုꧤႃဝေၼ ဝိၼႃသ မေၼ်တု။

ယံ ၻုၼ်ၼိမိတ်တံ ဢဝမင်ၷလၺ်ၸ၊ ယေႃၸႃမၼႃပေႃ သၵုꧣသ်သ သၻ်ၻေႃ။
ပႃပၷ်ၷႁေႃ ၻုသ်သုပိၼံ ဢၵၼ်တံ၊ ꩪမ်မႃၼုꧤႃဝေၼ ဝိၼႃသ မေၼ်တု။

ယံ ၻုၼ်ၼိမိတ်တံ ဢဝမင်ၷလၺ်ၸ၊ ယေႃၸႃမၼႃပေႃ သၵုꧣသ်သ သၻ်ၻေႃ။
ပႃပၷ်ၷႁေႃ ၻုသ်သုပိၼံ ဢၵၼ်တံ၊ သံꧠႃၼုꧤႃဝေၼ ဝိၼႃသ မေၼ်တု။

ၻုၵ်ၶပ်ပတ်တႃ ၸ ၼိၻ်ၻုၵ်ၶႃ၊ ꧤယပ်ပတ်တႃ ၸ ၼိၿ်ꧤယႃ။
သေႃၵပ်ပတ်တႃ ၸ ၼိသ်သေႃၵ၊ ႁေႃၼ်တု သၿ်ၿေပိ ပႃꧣိၼေႃ။

ဢေတ်တႃဝတႃ ၸ ဢမ်ႁေႁိ၊ သမ်ꧤတံ ပုၺ်ၺသမ်ပၻံ။
သၿ်ၿေ ၻေဝႃၼုမေႃၻၼ်တု၊ သၿ်ၿသမ်ပတ်တိ သိၻ်ꩪိယႃ။
ၻႃၼံ ၻၻၼ်တု သၻ်ꩪႃယ၊ သီလံ ရၵ်ၶၼ်တု သၿ်ၿၻႃ။
ꧤႃဝၼႃꧤိရတႃ ႁေႃၼ်တု၊ ၷၸ်ꧡၼ်တု ၻေဝတႃၷတႃ။

သၿ်ၿေ ၿုၻ်ꩪႃ ၿလပ်ပတ်တႃ၊ ပၸ်ၸေၵႃၼၺ်ၸ ယံ ၿလံ။
ဢရႁၼ်တႃၼၺ်ၸ တေꩡေၼ၊ ရၵ်ၶံ ၿၼ်ꩪႃမိ သၿ်ၿသေႃ။

ယံ ၵိၺ်ၸိဝိတ်တံ ဢိꩪ ဝႃ ႁုရံ ဝႃ၊ သၷ်ၷေသု ဝႃ ယံ ရတၼံ ပꧣီတံ။
ၼ ၼေႃ သမံ ဢတ်ထိ တထႃၷတေၼ။
ဢိၻမ်ပိ ၿုၻ်ꩪေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ယံ ၵိၺ်ၸိဝိတ်တံ ဢိꩪ ဝႃ ႁုရံ ဝႃ၊ သၷ်ၷေသု ဝႃ ယံ ရတၼံ ပꧣီတံ။
ၼ ၼေႃ သမံ ဢတ်ထိ တထႃၷတေၼ။
ဢိၻမ်ပိ ꩪမ်မေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ယံ ၵိၺ်ၸိဝိတ်တံ ဢိꩪ ဝႃ ႁုရံ ဝႃ၊ သၷ်ၷေသု ဝႃ ယံ ရတၼံ ပꧣီတံ။
ၼ ၼေႃ သမံ ဢတ်ထိ တထႃၷတေၼ။
ဢိၻမ်ပိ သံꧠေ ရတၼံ ပꧣီတံ၊ ဢေတေၼ သၸ်ၸေၼ သုဝတ်ထိ ႁေႃတု။

ꧤဝတု သၿ်ၿမင်ၷလံ၊ ရၵ်ၶၼ်တု သၿ်ၿၻေဝတႃ။
သၿ်ၿၿုၻ်ꩪႃၼုꧤႃဝေၼ၊ သၻႃသုၶီ ꧤဝၼ်တု တေ။

ꧤဝတု သၿ်ၿမင်ၷလံ၊ ရၵ်ၶၼ်တု သၿ်ၿၻေဝတႃ။
သၿ်ၿꩪမ်မႃၼုꧤႃဝေၼ၊ သၻႃသုၶီ ꧤဝၼ်တု တေ။

ꧤဝတု သၿ်ၿမင်ၷလံ၊ ရၵ်ၶၼ်တု သၿ်ၿၻေဝတႃ။
သၿ်ၿသံꧠႃၼုꧤႃဝေၼ၊ သၻႃသုၶီ ꧤဝၼ်တု တေ။

မႁႃၵႃရုꧣိၵေႃ ၼႃထေႃ၊ ႁိတႃယ သၿ်ၿပႃꧣိၼံ။
ပူရေတႂႃ ပႃရမီ သၿ်ၿႃ၊ ပတ်တေႃ သမ်ၿေႃꩪိ မုတ်တမံ။
ဢေတေၼ သၸ်ၸဝꩡ်ꩡေၼ၊ သေႃတ်ထိ တေ ႁေႃတု သၿ်ၿၻႃ။

ꩡယၼ်တေႃ ၿေႃꩪိယႃ မူလေ၊ သၵျႃၼံ ၼၼ်ၻိဝꩨ်ꩩၼေႃ။
ဢေဝမေဝ ꩡယေႃ ႁေႃတု၊ ꩡယသ်သု ꩡယမင်ၷလေ။

ဢပရႃꩡိတ ပလ်လင်ၵေ၊ သီသေပုထုဝိပုၵ်ၶလေ။
ဢꧤိသေၵေ သၿ်ၿၿုၻ်ꩪႃၼံ၊ ဢၷ်ၷပ်ပတ်တေႃ ပမေႃၻတိ။
သုၼၵ်ၶတ်တံ သုမင်ၷလံ၊ သုပ်ပꧤႃတံ သုႁုꩦ်ꩧိတံ။
သုၶꧣေႃ သုမုႁုတ်တေႃ ၸ၊ သုယိꩦ်ꩧံ ၿြႁ်မၸႃရိသု။

ပၻၵ်ၶိꧣံ ၵႃယၵမ်မံ၊ ဝႃၸႃၵမ်မံ ပၻၵ်ၶိꧣံ။
ပၻၵ်ၶိꧣံ မၼေႃၵမ်မံ၊ ပꧣိꩪိ တေ ပၻၵ်ၶိꧣေ။

ပၻၵ်ၶိꧣႃၼိ ၵတႂႃၼ၊ လꧤၼ်တတ်တေ ပၻၵ်ၶိꧣေ။
တေ ဢတ်ထလၻ်ꩪႃ သုၶိတႃ၊ ဝိရူꩮ်ႁႃ ၿုၻ်ꩪသႃသၼေ။
ဢရေႃၷႃ သုၶိတႃ ႁေႃထ၊ သႁ သၿ်ၿေႁိ ၺႃတိꧤိ။

ပုၿ်ၿꧣ်ႁသုတ်တံ ၼိꩦ်ꩧိတံ။