ပိုၼ်းၵႅပ်ႈၸဝ်ႈသႅင်ၸိုၼ်ႈ

ပိုၼ်းသုၼ်ႇတူဝ် ၸဝ်ႈသႅင်ၸိုၼ်ႈ ႁိုဝ် သၶႁ

ၸိုဝ်ႈမိူဝ်ႈလဵၵ်ႉ - ၸႆၢးၸၢမ်ႇၺူဝ်ႇ/ဢႆၢႈငဵဝ်ႇ/သိူဝ်လႅင်ၶိူဝ်း ပီၵိူတ်ႇ - November 7,1952 တီႈၵိူတ်ႇ - ဝၢၼ်ႈမၢဝ်းသႅင်၊ ဢိူင်ႇမင်းသႅင်၊ မိူင်းမင်းလိူၼ်း( ဝၼ်းဢွၵ်ႇၶူင်း) ဢူႈမႄႈ - လုင်းမၼ်ႈမူးလိင်ႇ ၊ ၼႆၢးလွႆၽွင် ပီႈၼွင်ႇႁူမ်ႈတွင်ႉ - 9 ၵေႃႉ -1. ၸႆၢးဢုင်း (1948-)တၢင်ႉယၢၼ်း၊ 2. ၼၢင်းၽူင်း( 1950- )မိူင်းၵုတ်ႈ၊ 3. သၶႁ ( 1952- )၊ 4.ၸႆၢးယုင်း( 1954-)၊ 5.ၸႆၢးၶမ်းယူၺ်ႉ( 1956-)၊ 6.ၸႆၢးၶမ်းၶျႃင်ႇ( လူႉမိူဝ်ႈ 1995 )၊ 7. ၸႆၢးလဵၵ်း( လူႉမိူဝ်ႈ 1994)၊ 8.ၼၢင်းၸၢမ်ၶဵဝ်( 1960-)တၢင်ႉယၢၼ်း၊ 9.ၸႆၢးၺုၼ်ႉ ( 1964)ၼမ်ႉၸၢင်၊ ဢမ်ႇႁူမ်ႈဢူႈ။ ၼႃႈႁိူၼ်း- ၼၢင်းလွၼ်ႉယိုၼ်း( ၼၢင်းလႃႉယဵၼ်ႇ)(1955) ပွၵ်ႉပေႃႈမိူင်း၊ ဝဵင်းမိူင်းၼႆၢး ဢဝ်ၵၼ်မိူဝ်ႈ 1980၊ ( တႄႇ ၼႃႈႁိူၼ်းဢမ်ႇလႆႈၵိၼ်ၶႅၵ်ႇမိူၼ်ပိူၼ်ႈ၊ ၵွပ်ႈယူႇၼႂ်းထိူၼ်ႇလွႆ)။ လုၵ်ႈလၢင်း- 4 ၵေႃႉ - 1. ၸႆၢးမင်းၸိုၼ်ႈ( 1981-1983)၊ 2. ၸႆၢးမင်းဝႃႉ ( 1982 )၊ 3.ၼၢင်းၽိဝ်ၽွင်းၽွင်း(1988-)၊ 4. ၸႆၢးမင်းမၼ်ႈမုၼ်းမၢၵ်ႈ(1990-)။ လွင်ႈၶိုၼ်ႈႁဵၼ်း-1957-58 - ယူႇႁူင်းႁဵၼ်း ၸၼ်ႉငဝ်ႈ( ႁိမ်းဝတ်ႉၵိူင်းယူၼ်းမင်းသႅင်)ပီပႆၢ။ ၶူးသွၼ်ပဵၼ် တႆးသီႇပေႃႉ ( ဢမ်ႇတွင်းၸိုဝ်ႈ)၊ သွၼ်ပၼ် ၵႂၢမ်းမၢၵ်ႇႁူဝ်ၽိူၵ်ႇ 2-3 ပုၵ်ႈ(ၵေႃႉဢိူၺ် ၽႅဝ်ႁွတ်ႈမိူင်းလႂ်/ မိူင်းတႆးလူင်ႁဝ်း တေႁိူဝ်ႈ ႁိူင်းႉႉႉၸိူဝ်းၼႆႉ) 1959-60 - ၶၢမ်ႈၶူင်း (တႃႈၵွင်းဢႅတ်း-ဢၼ်မီးၶူဝ်ယၢမ်းလဵဝ်) မႃးၽႆၢႇတူၵ်းၶူင်းၵႂႃႇယူႇၸွမ်းႁိူၼ်းပူႇဢွၼ်ႇ(ၼွင်ႉပူႇ -ပေႃႈၶွင်မႄႈ) သေၵႂႃႇႁဵတ်းၵပ်ႉပီႇ ဝတ်ႉၼွင်ၶမ်း။ ႁဵၼ်းလိၵ်ႈတႆးၵဝ်ႇ တၼ်းထိုင် ၵ ၽႅတ်း( ၵၵ်း ၵိၵ်း ၵုၵ်း ၵွၵ်ႇ ၵိုၵ်း) ယူႇဝႃႇၼိုင်ႈပူၼ်ႉၵေႃႈ ဢွၵ်ႇပႆၢႈမိူဝ်းဝၢၼ်ႈၶွၵ်းၼွႆႉ မိူဝ်ႈၼႂ်းဝႃႇ ( ဝၢၼ်ႈၶွၵ်းၼွႆႉ မီးႁိူၼ်းဢၢဝ်လႆၢးယွတ်ႈ မႄႈလူဝ်းၵဵင်)

ဢၼ်ၵႆၽႆၢႇဢွၵ်ႇ ၼွင်ၶမ်း 4-5လၵ်း။ ႁူဝ်ၶမ်ႈ လပ်းသိင်ႇၸွမ်ႉႁွမ်ႉလၵ်ႉသွင်ႉမိူဝ်း ၵေႃႇလဵဝ် ( ၵွပ်ႈၽိတ်းမေႃးၵၼ်

တင်း လုၵ်ႈပူႇဢွၵ်ႇ)။ မိူဝ်ႈယူႇၼွင်းၶမ်း ( ၶၢဝ်းတၢင်း ( 5-6 လိူၼ်) ၼၼ်ႉ ၵွပ်ႈၵိူတ်ႇယႂ်ႇ မိူင်းဝႃႉ ပွတ်းႁွင်ႇ( မင်းသႅင်)လႄႈ ပႆႇတွၼ်ႉယၢမ်ႈႁ ၼ်ၵႃးသေပွၵ်ႈ။ ဝၼ်းတုမ်းၵၢတ်ႇ ပွၵ်ႈၼိုင်ႈႉႉႉလႆႈငိၼ်းသဵင်ၵႃး လုၵ်ႉတၢင်ႉယၢၼ်း မိူဝ်းၵၢတ်ႇၼွင်ၶမ်း၊ ၸူဝ်းတႆးၵေႃႉ သေလုၵ်ႉပွၵ်ႉႁိူၼ်းၵေႃႉပဵၼ်ပူႇ( ပွၵ်ႉဝၢၼ်ႈၵွင်း ၽႆၢႇဢွၵ်ႇၵၢတ်ႇ၊ ယၢၼ်ၵႆမွၵ်ႈလၵ်းပႆၢ)ၼႅတ်ႈလႅၼ်ႈၵႂႃႇတူၺ်းၵႃး ထိုင်ၵၢတ်ႇ၊ ဢၢမ်းလူင်ဢၢမ်းလၢင်၊ ၵႂႃႇၸမ်ၸမ်သေ လုပ်ႈလုပ်ႈၵမ်းၵမ်း။ ၼႂ်းၸႂ်ဝႃႈ မီးမၢၵ်ႇတႃ 2 ၽႆၢႇသေ သမ်ႉတူ ၵ်းၸႂ်သဵင်ႁွၼ်းမၼ်း။ ၶိုၼ်းၶၢမ်ႈၶူင်းသေ မိူဝ်းယူႇ တၢင်းဢွၵ်ႇၶူင်း (မင်းသႅင်)တေႃႇၶႆၢႉမႃးယူႇ တၢင်ႉယၢၼ်း (1962-63)ဝႆၢးၸုမ်းသိုၵ်းမၢၼ်ႈ ႁုပ်ႈငမ်ဢႃႈၼႃႇ)။ 1967-68 - မိူဝ်းယူႇႁူင်းႁဵၼ်းၸၼ်ႉသုင် တီႈတၢင်ႉယၢၼ်း ( ၽူႈၵွၼ်းႁူင်းႁဵၼ်း ပဵၼ်ၶူးသွၼ်ၶမ်းလႅင်း-သႅၼ်ဝီ) ၶႄႉၶဵင်ႇ တႅမ်ႈလိၵ်ႈပွင်ႈၵႂၢမ်း လႆႈသူးထီႉ 1 – 2 ပၼ်ႇပုတ်ႈတင်း ယိင်းၼေႃႇၶမ်း ( တၢင်ႉယၢၼ်း)။ မေႃသွၼ်ၶမ်းလႅင်း ပဵၼ်ၼၢမ်းၼႃႈ ၽုၵ်ႇၽင်သွၼ်ပွၼ်ႈပၼ် ၵၢၼ်လိၵ်ႈလႆၢး/ၸိူဝ်ႉၸၢတ်ႈ။ ( လိၵ်ႈတႆးမႂ်ႇၼႆႉ ဢမ်ႇမီးၶူးသွၼ်၊ လဵပ်ႈႁဵၼ်း ဢဝ် ႁင်းၵူၺ်း။ လႆႈဝႃႈမေႃလိၵ်ႈတႆးၵဝ်ႇဢွၼ်တၢင်းၸဵမ်လဵၵ်ႉ၊ မေႃလိၵ်ႈတႆး ဢွၼ်တင်း လိၵ်ႈမၢၼ်ႈ)။ 1969- ၶႆၢႉၵႂႃႇၶိုၼ်ႈႁူင်းႁဵၼ်းၸၼ်ႉသုင် တီႈလႃႈသဵဝ်ႈ။ 1970- သိုပ်ႇၶိုၼ်ႈ ႁူင်းႁဵၼ်းၼွၵ်ႈလႅၵ်ႈ(tuition)တီႈဝဵင်းလိူဝ်ႇ သေ တွပ်ႇၸၼ်ႉသိပ်း( တူၵ်း )။ လွင်ႈၼႃႈၵၢၼ် 1972 - ၶဝ်ႈႁၢပ်ႇၵၢၼ် တီႈလုမ်းႁူမ်ႈသၢင်ႈ( သမဝႃႇယမ)တၢင်ႉယၢၼ်း)။ 1973- ႁူမ်ႈလူၺ်ႈၸႆၢးသႆၢမၢဝ်းသေ ဢတ်းဢွၵ်ႇၶႅပ်းၵႂၢမ်း ꧦ လိၵ်ႈႁူမ်ႈမႆၢပၢင်လူင် ꧦ ဢၼ်လိုဝ်းလင် ၼႂ်းၵႂၢမ်းတႆး ပၢၼ်မႂ်ႇၼၼ်ႉ၊ ၶဝ်ႈပႃးၸွမ်းၼႂ်းၸုမ်းတႆး ဢၼ်ၼႄၵၢင်ၸႂ်ၶွမ်ႈၶတ်း ၽႆၢႇၼႃႈလုမ်းၽွင်းတၢင်မိူင်း မိူင်းမၢၼ်ႈ တီႈမိူင်း ၵွၵ်ႇ ( Bang-kok)လႄႈ ထုၵ်ႈလႆႈတိၺွပ်းပႃး။ 1974- ၶဝ်ႈႁၢပ်ႇထၢမ်းၵၢၼ် ၼႂ်းတပ်ႉသိုၵ်းၸိုင်ႈတႆး ( SSA ) တီႈႁွင်ႈၵၢၼ်ပိုၼ်ၽၢဝ်ႇ ပႃႈတႂ်ႈ ဢၼ်ၸဝ်ႈသိူဝ်ဝႆၢႇ ( ၸဝ်ႈၸၢင်ႉယွင်ႈႁူၺ်ႈ ) ၵုမ်းၸၢတ်းၵၢၼ်။ 1978- ၶပ်းၶိုင်ႁဵတ်းဢွၵ်ႇ ၽိုၼ်လိၵ်ႈ ꧦ လိူတ်ႈႁၢၼ်ၼွင်းၶူင်း ꧦယူႇယဝ်ႉ။ 1981- ၶပ်းၶိုင်ႁဵတ်းဢွၵ်ႇၽိုၼ်လိၵ်ႈ ꧦ ပိုတ်ႇပၢင် ꧦ။ 1982- ၶဝ်ႈပႃး ၽွမ်ႉႁူမ်ႈ ပဵၼ်မူႇၼိုင်ႈၸုမ်းလဵဝ်ၵၼ်တင်း ꧦ တပ်ႉသိုၵ်းၽွမ်ႉႁူမ်ႈလုၵ်ႉၽိုၼ်ႉၸိုင်ႈတႆး( SSA )။ ၶပ်း ၶိုင်ပေႃႉဢွၵ်ႇ ၽိုၼ်လိၵ်ႈ ꧦ ၸိူင်းလႅဝ်း ꧦ လႄႈ လိၵ်ႈၽိုၼ်ၶၢဝ်ႇ ꧦ ၵွၼ်းၶေႃ ꧦယူႇယဝ်ႉ။ 1984- ဝႆၢးသေ ၵေႃႇတင်ႈၶွတ်ႇၽွတ်ႈ ꧦ ၶွင်ႇသီႇမႄးပွင်ၸိုင်ႈတႆး ꧦ SSA ယဝ်ႉ ဢဝ်ပုၼ်ႈၽွၼ်း ပဵၼ်ၽူႈၵွၼ်းႁွင်ႈၵၢ ၼ်ပိုၼ်ၽၢဝ်ႉ၊ ၶပ်းၶိုင်ႁဵတ်းဢွၵ်ႇပပ်ႉၸိူင်းလႅဝ်း လႄႈ လိၵ်ႈပိုၼ်ၽၢဝ်ႇ ꧦ ၵွၼ်းၶေႃ ꧦ ပႃႈတႂ်ႈ ဢၼ်ၸဝ်ႈၶိုၼ်းသႂ် ၵုမ်း ၸတ်းယူႇယဝ်ႉ။ 1994- ၶွတ်ႇၽွတ်ႈ ꧦ ၸုမ်းၽူႈတွႆႇႁွၵ်ႈ ꧦ။ ဢမ်ႇယူႇတႂ်ႈၸုမ်းလႂ် ၵုမ်းထိင်း။ ပဵၼ်ၸုမ်းလွတ်ႈလႅဝ်းႁင်းၶေႃ တႅမ်ႈၾၢၵ်ႇ တၢင်တူဝ် သဵင်ႁူဝ်ၸႂ် ၵူၼ်းမိူင်းမႃးတေႃႇယၢမ်းလဵဝ်ယူႇယဝ်ႉ။ 2011- လႆႈလပ်းတႃလိုမ်းၵႂႃႇပႅတ်ႈၸိူဝ်းႁဝ်းယွၼ်ႉတၢင်းပဵၼ်ၵိၼ်ႇသိူဝ်ႇ တီႈႁူင်းယႃ ꧦသူၼ်သီၽတ်း၊ သူၼ်တွၵ်ႇꧦ ဝဵင်းၵဵင်းမႆႇ၊ ဝၼ်းထိ 15 / 12 / 2011 ၽွင်းဢႃႈယုလႆႈ 59 ပီ၊၊

ၽိုၼ်ဢိင်- ၼႂ်းပပ်ႉ သၶႁ 50 ပီ ပီၵွၼ်းၶမ်း၊ ၼႃႈလိၵ်ႈ- 4'Bold text'