ပိူင်လိူင်း:လိၵ်ႈႁိၼ်မၢႆတွင်းၸၼ်ႉၸွမ်ပုတ်ႉထမိူင်းတႆး
လိၵ်ႈႁိၼ်မၢႆတွင်း ၸၼ်ႉၸွမ်ပုတ်ႉထမိူင်းတႆး
[မႄးထတ်းငဝ်ႈငႃႇ]ၼမေႃး တသ်သ ၽၵဝတေႃး ဢရႁတေႃး သမ်ႇမႃႇသမ်ပုတ်ႉတသ်သ။
[မႄးထတ်းငဝ်ႈငႃႇ]ၽႃႇသယေ ၸေႃးတယေ ထမ်မံ
[မႄးထတ်းငဝ်ႈငႃႇ]ၸၼ်ႉၸွမ်ပုတ်ႉထမိူင်းတႆး ၼႆႉ လႆႈယုၵ်ႉဢဝ် သြႃႇၸဝ်ႈလူင်ဢေႃဝႃတႃၸရိယၸိုင်ႈမိူင်းၶဝ်ၸဝ်ႈ၊ သြႃႇၸဝ်ႈလူင်သင်ႇၶမႁႃၼႃယၵၸိုင်ႈမိူင်းၶဝ်ၸဝ်ႈ၊ သြႃႇၸဝ်ႈလူင်သင်ႇၶမႁႃၼႃယၵမိူင်းတႆးၶဝ်ၸဝ်ႈ လႄႈ ၽူႈၵေႃႇတင်းၸၼ်ႉၸွမ် ၸဝ်ႈၶူးလူင် ပႃႇမွၵ်ႇၶ တွၵ်ႉတိူဝ်ႉ ၶမ်းမၢႆ ထမ်မသႃမိ DPhil (Oxford) မိူင်းဢင်းၵိတ်ႉ ပဵၼ်ငဝ်ႈငႃႇဢွၼ်ႁူဝ်သေယဝ်ႉ ၵႅမ်ၸွမ်ၸိုင်ႈမိူင်း Dr. ၸၢႆးမွၵ်ႇၶမ်း တင်း ၸွမ်ၽွင်းလူင် မိူင်းတႆး ၸဝ်ႈဢွင်ႇမျၢတ်ႈ ႁူမ်ႈလူၺ်ႈ ၽွင်းမိူင်းတႆး ၶဝ်ႈလႄႈ ၸဝ်ႈတႃႇၼတၢင်းလႆၢ လႆႈဝၢင်းမၢၵ်ႇဢုတ်ႇငိုၼ်း မၢၵ်ႇဢုတ်ႇၶမ်း တႃႇၵေႃႇသၢင်ႈ မိူဝ်ႈပီသႃႇသၼႃႇ 2558 (ပီၵေႃးၸႃ- 1376၊ ပီတႆး 2109) လိူၼ်ၸဵင်မႂ်ႇ(2)ၶမ်ႈ၊ ပီၶရိတ်ႉ 2014 လိူၼ်ၼူဝ်ႇဝႅမ်ႇပိူဝ်ႇ 23 ဝၼ်း ဝၼ်းဢႃးတိတ်ႉၼၼ်ႉယူႇယဝ်ႉ။ တႄႇဢဝ်မိူဝ်ႈပီ 2015 လိူၼ်ဢေႇပိူဝ်ႇ မႃးၼၼ်ႉၸမ်ႉ ၸုမ်းၵေႃႇမတီႇၽႆၢႇပွင်ႇပဵၼ်ၸၼ်ႉၸွမ်ပုတ်ႉထမိူင်းတႆး လႄႈ ၵေႃႇမတီႇၽၢႆႇၵေႃႇသၢင်ႈၶဝ် လႆႈဢဝ်ငိုၼ်းလူႇတၢၼ်း ၵႃႈတီႈတၵႃႇသတ်ႉထႃးၶဝ်တင်းလၢႆသေ တႄႇၵေႃႇသၢင်ႈမႃးယူႇယဝ်ႉ။
ထိုင်မႃးမိူဝ်ႈပီသႃသၼႃႇ 2559 (ပီၵေႃးၸႃ 1377၊ ပီတႆး 2110) လိူၼ်ၵမ်လွင်ႈ(14)ၶမ်ႈ (ပီၶရိတ်ႉ 2016 လိူၼ်ၽေပဝႃႇရီႇ (7 ) ဝၼ်း 7/2/2016 ဝၼ်းဢႃးတိတ်ႉၼၼ်ႉၸမ်ႉ ၵႅမ်ၸွမ်ၸိုင်ႈမိူင်း Dr.ၸၢႆးမွၵ်ႇၶမ်း လႄႈ ၼၢင်းသူၺ်ႇမုင်ႇ လႄႈၸဝ်ႈတႃႇၼၶဝ်ၸဝ်ႈတင်းလၢႆ ၸင်ႇဢဝ်ၸၼ်ႉၸွမ်ပုတ်ႉထမိူင်းတႆး ဢၼ်မီးတၢင်းၵႂၢင်ႈ(37)ဢေႇၵတင်းဝၢင်း ႁူမ်ႈလူၺ်ႈတီႈယူႇတၼ်းသဝ်းတင်းသဵင်ႈ ႁူမ်ႈလူၺ်ႈၶူဝ်းၶွင်ၵရုၽၼ်ႇ လႁုၽၢၼ်ႇတင်းသဵင်ႈ ယုၵ်ႉဢၢပ်ႈလူႇတၢၼ်းထိုင် ဢၵ်ႉၵမႁႃသတ်ႉထမ်မၸေႃးတိၵထၸ၊ ဢၵ်ႉၵမႁႃၵၼ်ထဝႃႇၸၵပၼ်ႇတိတ ၸဝ်ႈၶူးလူင် ပႃႇမွၵ်ႇၶ တွၵ်ႉတိူဝ်ႉ ၶမ်းမၢႆ ထမ်မသႃမိ DPhil (Oxford) ပဵၼ်ၶူးသွၼ်တီႈ ၸၼ်ႉၸွမ်ဢွၵ်ႉၸၽွတ်ႉ၊ မိူင်းဢင်းၵိတ်ႉ လႄႈ ၸၼ်ႉၸွမ်ပိုၼ်ၽႄႈထေရဝႃတပုတ်ႉထသႃသၼႃႇၵူႈမိူင်းမိူင်း၊ ဝဵင်းတႃႈၵုင်ႈ ၼၼ်ႉ လီလီငၢမ်းငၢမ်း ၵႃႈတီႈသိုဝ်ႈၼႃႈတၼ်းတႃ သြႃႇၸဝ်ႈလူင်ဢေႃဝႃတႃၸရိယၸိုင်ႈမိူင်းၶဝ်ၸဝ်ႈ၊ သြႃႇၸဝ်ႈလူင်သင်ႇၶမႁႃၼႃယၵၸိုင်ႈမိူင်းၶဝ်ၸဝ်ႈ၊ သြႃႇၸဝ်ႈလူင်သင်ႇၶမႁႃၼႃယၵမိူင်းတႆးၶဝ်ၸဝ်ႈ၊ ၸဝ်ႈသြႃႇလူင် ဢထိပတိ ၸၼ်ႉၸွမ်ၼႂ်းမိူင်းၼွၵ်ႈမိူင်း၊ ၸဝ်ႈသြႃႇလူင်ၽူႈမီးပၺ်ႇၺႃႇၶဝ်ၸဝ်ႈ လႄႈ သြႃႇၸဝ်ႈဢုတ်တမသီရိ၊ ဝတ်ႉၵမ်မထၢၼ်းပၺ်ႇၺႃႇၽေႃထိ ႁူမ်ႈတင်း ၽွင်းမိူင်းၽၢႆႇသႃသၼႃႇမိူင်းႁူမ်ႈတုမ် ဢူးၸူဝ်းဝိၼ်း၊ ၸွမ်ၽွမ်းလူင်မိူင်းတႆး ၸဝ်ႈဢွင်ႇမျၢတ်ႈ လႄႈ ၽွင်းမိူင်းတႆးတင်းသဵင်ႈ ႁူမ်ႈထိုင်တင်း ၽူႈၵွၼ်းတိူင်း တပ်ႉၸုမ်းပွတ်းဢွၵ်ႇ ဢိၵ်ႇတင်းၽူႈမီးၸၼ်ႉၼႂ်း သိုၵ်းၶဝ်ၵမ်ႈၽွင်ႈလႄႈ ပီႈၼွင်ႉၵူၼ်းမိူင်းၶဝ်ၸဝ်ႈၸိူဝ်းၼၼ်ႉၵႂႃႇယူႇယဝ်ႉ။
ၽီသၢင်သတ်းၵူၼ်း ႁူမ်ႈသႃထု ႁူမ်ႈၸူမ်းၸွမ်းသေၵမ်းလူၺ်ႈတႃႉ။