ပိူင်လိူင်း:ၵွၢမ်းယၢတ်ႇၼမ်ႉဢၼ်ယၢဝ်း
ၵႂၢမ်းယၢတ်ႉၼမ်ႉဢၼ်ယၢဝ်း
ဢေႃးၵႃႇသ ဢေႃးၵႃႇသ ဢေႃးၵႃႇသ ၸင်ႇၼႆႉႁဝ်းၶႃႈ သြႃႇတၵႃႇ တင်းသဵင်ႈ တင်းလူင် လႆႈဢွၼ်ၵၼ်မႃး ပူႇၸေႃႇ မူးၸႃးၽြႃး၊ တြႃး၊ သင်ႇၶႃႇ ရတၼႃႇ ၵႅဝ်ႈမျႅတ်ႈ သၢမ်ပႃး ႁဝ်းၸဝ်ႈၶႃႈ လႆႈလူႇတၢၼ်းၵေႃႈလီ လႆႈၵျၢင်ႉၵမ်သိၼ်ၵေႃႈလီ လႆႈၽႃႇဝၼႃႇ ၸီး ၽျႅၼ်းၼႆႉၵေႃႈလီ ၶႅၼ်းတေႃႈ ႁႂ်ႈလႆႈပဵၼ် တႃႇမျႅတ်ႈ သီႇလမျႅတ်ႈ ၽႃႇဝၼႃႇမျႅတ်ႈ ၵမ်ႉ ၸူးႁဝ်းၸဝ်ႈၶႃႈ တေႃႇတဝ်ႉႁွတ်ႈ တီႈယွတ်ႈသိူဝ်းသႃႇ ဢမတႃႇ ၼိပ်ႉပႃႇၼ တီႈၵတ်းယဵၼ် သၵ်းၵမ်းလူၺ်ႈတႃႉၼေႃး။
တွင်းၵေႃႈတွင်းတ ၼင်လိၼ်မိူင်း ၼႃလႆႈသွင်သႅၼ်သီႇမိုၼ်ႇ ယူႇၸၼႃႇ ပဵၼ် သၢၵ်ႈသေႇ ႁဝ်းၶႃႈ ၼင်ႇဢၼ် ဢၵျႃႃဝ်းတၢင်းလီ ႁဝ်းၸဝ်ႈၶႃႈ လႆႈလူႇလႆႈတၢၼ်း လႆႈ သၢင်ႈ ပႃႇရမီႇမႃး မိုၼ်ႇၸၢတ်ႈသႅၼ်ၸၢတ်ႈ ပၢၵ်ႇၸၢတ်ႈႁဵင်ၸၢတ်ႈ ဢၢၼ်ႇၼပ်ႉၸၢတ်ႈ ဢမ်ႇလႆႈ ၶႆႈဢမ်ႇၺႃး ႁဝ်းၸဝ်ႈၶႃႈ ယွၼ်းယိပ်းဢဝ် ဢွမ်ႁဵဝ်ၵေးလႃး ၼမ်ႉယၢတ်ႉၽွင်းသႂ် လႆသွၼ်းယမ်း ၼင်လိၼ်မိူင်း ၼႃလႆႈသွၼ်သႅၼ်သီႇမိုၼ်ႇ ယူႇၸၼႃႇ ပဵၼ်သၢၵ်ႈသေႇ ႁဝ်းၶႃႈ။
မၢတ်ႈၵေႃႈမၢတ်ႈတႃႉ တွင်းၵေႃႈတွင်းတႃႉ ၽီၸွႆႈမၢတ်ႈ ၵူၼ်းၸွႆႈတွင်း ၼၢင်းဝ သုင်ႇတရီႇ မၼိမေႇၶလႃႇ တူၼ်ထွတ်ႈတူၼ်မျႅတ်ႈ တူၼ်မၢတ်ႈမၢႆတွင်း ၵုသူဝ်ႇ ၼႃးမုၼ် တင်းသဵင်ႈတင်းလူင်ၼႆႉ ယႃႇတူၵ်းႁူင်ႈတူၵ်းႁၢႆ ၼႂ်းလိၼ်ၼႂ်းသၢႆး ယႃႇႁၢႆလၢႆ ၼႂ်းယိူဝ်ႈ ၼႂ်း ယႃႈ တူၵ်းၼႂ်းၼမ်ႉယႃႇႁႂ်ႈလႆ တူၵ်းၼႂ်းၾႆးယႃႇႁႂ်ႈမႆႈ ႁႂ်ႈလႆႈၸပ်းၸွမ်းႁွမ်းပႆ ပူၵ်းသုမ်ႇ ႁူမ်ႇ ငမ်း မိူၼ်ၼင်ႇၸွင်ႈထီးၶမ်း သုမ်ႇငမ်းႁဝ်းၸဝ်ႈၶႃႈ တေႃႇတဝ်ႉႁွတ်ႈတီႈယွတ်ႈသိူဝ်း သႃႇ ဢမတႃႇ ၼိပ်ႉပႃႇၼၶတီႈၵတ်းယဵၼ်သၵ်းၵမ်းလူၺ်ႈတႃႈၼေႃး။
ဢဝ်ၼႆႉတေႃႇၵႂႃႇဝၼ်းတႃမိူဝ်းၼႃႈ ႁႂ်ႈလႆႈလီသေဢွၼ် တွၼ်းသေၵဝ်ႇ ႁႂ်လႆႈ မၢၵ်ႈ မုၼ်းတုၼ်းတဝ်ႉ ႁႂ်ႈလႆႈယူႇလီၵိၼ်ဝၢၼ် လွတ်ႈၽေးလွတ်ႈ လၢၼ်ႇၵတ်း ယဵၼ် သိူဝ်းသႃႇ ဢၼႃႇၽေးၵၢင်းယၢၼ်ၵၢင်း တၢင်းၸဵမ်းယႃႇလႆႈ တၢင်းၶႆႈယႃႇမီး တၢင်းဢမ်ႇလီသႅၼ် ပိူင် ငိူင်ႉၵွႃႇ တၢင်းလီ သႅၼ်ပိူင် မင်ႇၵလႃႇမီးမႃး ပၼ်ႁဝ်းၸဝ်ႈၶႃႈ။
ဢဝ်ၼႆႉတေႃႇၵွႃႇဝၼ်းတႃမိူဝ်းၼႃႈ ၽီတေလၢၼ်ႇယႃႇပေလၢၼ်ႇလႆႈ ၵူၼ်းတေ လၢၼ်ႇ ယႃႇပေလၢၼ်ႇလႆႈ သတ်းတေလၢၼ်ႇ ယႃႇပေလၢၼ်ႇလႆႈ ၽီႁၼ်ႁႂ်ႈ ၽီမီး မႅတ်ႉ တႃႇ ၵူၼ်းႁၼ်ႁႂ်ႈၵူၼ်းမီးမႅတ်ႈတႃႇ သတ်းတဝႃႇႁၼ် ႁႂ်ႈသတ်ႇတဝႃႇမႅတ်ႉတႃႇ ၼိူဝ် ႁဝ်း ၸဝ်ႈၶႃႈ။
ဢဝ်ၼႆႉတေႃႇၵွႃႇဝၼ်းတႃမိူဝ်းၼႃႈ ၵႃႈၸူဝ်ႈပႆႇႁွတ်ႈမိူင်းၶမ်း မႁႃႇၼိပ်ႉပၢၼ်ႇ ၵိူတ်ႇမႃးပဵၼ်ၵူၼ်း ႁႂ်ႈလႆႈပဵၼ်ၵူၼ်းလီ ၵိူတ်ႇမႃးပဵၼ်ၽီ ႁႂ်ႈလႆႈပဵၼ်ၽီထွတ်ႈၽီမျႅတ်ႈ ႁႂ်ႈလႆႈဢွင်ႇမႅင်ႇထၢင်ႇသျႃး ႁႂ်ႈလႆႈယူႇလူၺ်ႈ ဢႃယု၊ ဝၼ်ႇၼ၊ သုၶ၊ ပလ၊ ပတိ၊ ၽႃႇၼ ဢၵျႃႃဝ်းၵျီးငႃးပႃး ပေႉဝပေႉၸုင်ႇ ၵူႈၸိူဝ်ႉၵူႈမဵဝ်း ၵူႈသမ်ႇၵူႈပိူင် ဢဝ်ၸဵမ်ရုတ်ႉၵႃးမႃႉၶီႇ ၽႃႈၶမ်း ႁမ်းၽေး ငိုၼ်းၶမ်းၵမ်ၵႅဝ်ႈ ၽုတ်းပေႃႇမီးမႃး ယူႇၼႂ်းၼမ်ႉၵေႃႈၽူး ယူႇၼႂ်းႁူး ၵေႃႈဢွၵ်ႇ မႃႈထွၵ်ႇလူႇထွၵ်ႇတၢၼ်း လႆလင်ႇထင်ႇမႃး မိူၼ်ၼင်ႇၼမ်ႉၵၢင်းၵႃႇ ယမုၼႃႇ ဢၸိရဝတီႇ သရၽူႇမႁီႇ ဢၼ်ဢမ်ႇႁူႉႁႅင်ႈသေႁၢတ်ႇ ဢၼ်ဢမ်ႇ ႁူႉၶၢတ်ႇ သေဝၢင်း ထၢင်ႇႁၢင်ႈလႆႈၵိၼ်လိူင်ႇတၢၼ်းလိူင်ႇ ထၢပ်ႈတႃႇၼ သီႇလ ၽႃႇဝၼႃႇ ၵႂႃႇဝၼ်း တႃမိူဝ်း ၼႃႈ ႁႂ်ႈလႆႈလူႇလႆႈတၢၼ်း ဝၼ်းလႂ်သိပ်းသႅၼ်ငိုၼ်း သိပ်းသႅၼ်ၶမ်း မိူၼ်ၼင်ႇ ၸေႃးတိ ၵသထေး မိူၼ်ၼင်ႇသထေးဢၼႃႇၼပိင်ႇ မိူၼ်ၼင်ႇၶုၼ်ႁေႃၶမ်း ဢႃႇသေႃး ၵထမ်ႇမ ရႃႇၸႃႇ ႁႂ်ႈလႆႈၵမ်ႉထွၵ်ႈသႃႇသၼႃႇ တေႃႇတဝ်ႉႁွတ်ႈ ႁႃႈႁဵင်ပီမိူင်း ၽႂ်ၵေႃႈ ယႃႇပေမီးၸႂ်မိူၵ်ႈ ၸႂ်လိူင်း။ ဢဝ်ၼႆႉတေႃႇၵွႃႇဝၼ်းတႃမိူဝ်းၼႃႈ သူႇတေႃႇၵွင်း ႁႂ်ႈလႆႈပွင်းၽေႃႇ ဢမ်ႇသူႇ တေႃႇ ၵွင်း ယႃႇပေႁႂ်ႈလႆႈပွင်းၽေႃႇ သူႇတေႃႇမျႅတ်ႈ ႁႂ်ႈလႆႈလၢတ်ႈတေႃႇ ဢမ်ႇသူႇတေႃႇ မျႅတ်ႈ ယႃႇပေႁႂ်ႈလႆႈလၢတ်ႈတေႃႇ ၵိူတ်ႇမႃးပဵၼ်ၵူၼ်း ၸၢတ်ႈလႂ် ပၢၼ် လႂ်သေၵေႃႈ ႁႂ်ႈလႆႈၵိူတ်ႇ မႃးႁူပ်ႉမႃးၺႃး သႃႇသၼႃႇ ၶမ်းၽြႃးပဵၼ်ၸဝ်ႈ ၵူႈၸၢတ်ႈ ၵူႈပၢၼ် ႁႂ်ႈ လႆႈၵိူတ်ႇမႃးႁူပ်ႉမႃးၺႃး ပေႃႈလီမႄႈလီ ပီႈၼွင်ႉလီ သြႃႇသမႃး တပေးတပၢၼ်း လုၵ်ႈလၢၼ်တမ်းၸႂ်တီးလီ ၸႂ်မုၼ်ၸႂ်ၵုသူဝ်ႇ ယႃႇပေၵူတ်ႇ မႃးႁူပ်ႉမႃးၺႃး ၵူၼ်းမူၵ်ႉသူဝ်းတမ်ႇငႃႈ ဢထမ်ႇမတြႃး ၸႂ် ၼူၵ်ႇၸႂ်ၼႃ ၸႂ်မိူၵ်ႈၸႂ်တၼ် ၵူၼ်းဝႃႈယၢပ်ႇ သွၼ်ယၢပ်ႇ ယႃႇပေႁီႈလႆႈထူပ်းလႆႈၺႃး ယႃႇ ပေႁႂ်ႈလႆႈ ႁၼ်ၼႃႈ ႁၼ်ၶဝ် လႃးလႃး။
ႁႂ်ႈလႆႈသၢင်ႈပႃႇရမီႇသၢမ်သိပ်းပႃး တႃႇၼပႃႇရမီႇ သီႇလပႃႇရမီႇ ၼဵၵ်ႉၶမ်မပႃႇရမီႇ ပၺ်ၺႃႇပႃႇရမီႇ ဝိရိယပႃႇရမီႇ ၶၼ်ႇတီႇပႃႇရမီႇ သၸ်ၸႃပႃရမီႇ ဢတိတ်ထႃၼပႃရမီႇ မဵတ်ႉတႃႇပႃႇရမီႇ ဢုပဵၵ်ႉၶႃႇပႃႇရမီႇ သၢမ်သိပ်းၸူဝ်းၵျီး တၢင်းမီးပေယၢၼ် တၢင်း ၽၢၼ် လေးပႃး ႁႂ်ႈလႆႈၵၢင်းၵႆၵႆ ဢဝ်မိုဝ်း ၶႆၽၵ်းတူ လူတ်းသေႃး မၼေႃးသႂ်ၸိုၼ်ႈပၢင်ႇ ၵႃႈၸူဝ်ႈ ပႃႇရမီႇႁဝ်းၸဝ်ႈၶႃႈ ပႆႇပျေႉ ၸုင်ႇထူၼ်ႈ ႁႂ်ႈလႆႈမူၼ်ႈၸွမ်း တႃႇၼ၊ သီႇလ၊ ၸႃႇၵ၊ ပိင်ႇၺႃႇ၊ ဝိရိယ၊ ႁိရိ၊ ဢွတ်ႉတပ်ပ ၽိူၵ်ႇၸိုၼ်ႈၶၢဝ်ၸၢင်ႇ ငၢႆးမၢၵ်ႈၵၢင်ႇၶူမ်း ပေႃးဝႃႈ ပႃႇရမီႇႁဝ်း ၸဝ်ႈၶႃႈ ပျေႉဝ ၸုင်ႇထူၼ်ႈယဝ်ႉ ႁႂ်ႈလႆႈမူၼ်ႈၸွမ်း ၶုၼိတ်ႉၸဵတ်းတၢၼ်ႇ ၶေႃႈဝႃႇၸႃႇ ၸၵႃး ႁႂ်ႈလႆႈ ၸပ်းၸွမ်း ႁွမ်းပႆ ႁိူဝ်းလူင် ၵူင်မၢင် သၢင်းၽေႃး တေႃးတတ်း လတ်းၼိူဝ် ၸွမ်ႁူဝ် ၼိပ်ႉပၢၼ်ႇ ႁႂ်ႈလႆႈ ႁွတ်ႈ မၢၵ်ႈၺၢၼ်ႇ ၽူဝ်ႇၺၢၼ်ႇ ဢမၢၼ်ႇတီႈတဵင်ႈ ဝဵင်းသႅင် ဝဵင်း ၶမ်း သူၼ်မၢၵ်ႇႁၢၵ်ႈၶမ်း တီႈၵတ်းတီႈယဵၼ် ႁင်းၽႂ်ႁင်းမၼ်း သၵ်းၵမ်းလူၺ်ႈတႃႉၼေႃး။
ၼင်ႇဢၼ်ဢၵျႃဝ်းတၢင်းလီ ႁဝ်းၸဝ်ႈၶႃႈ လႆႈလူႇလႆႈတၢၼ်း လႆႈသၢင်ႈပႃႇရမီႇမႃး တင်း သဵင်ႈတင်းလူင်ၼႆႉ ယွၼ်းဝူၺ်ႇဝၢၵ်ႇၵုသူဝ်ႇဢၵျႃႃဝ်း မိူဝ်းၸူးၸွတ်ႇႁွတ်ႈထိုင် (မႄႈသႅင် လႃႈ ပေႃႈၶမ်းလႃႈ) ဢၼ်ဢၼိၵ်ႉၸၶၼ်ႇထႃႇၵွႃႇ ပီၵၢႆဝႃးသိုၼ်း ႁႂ်ႈလႆႈႁွတ်ႈ မိူင်းၽီ ထိုင် လီၼိပ်ႉပၢၼ်ႇ သၵ်းၵမ်းလူၺ်ႈတႃႉၼေႃး။
ၼင်ႇဢၼ်ဢၵျႃႃဝ်းတၢင်းလီ ႁဝ်းၸဝ်ႈၶႃႈ လႆႈလူႇလႆႈတၢၼ်း လႆႈသၢင်ႈ ပႃႇရမီႇမႃး တၢင်းသဵင်ႈတၢင်းလူင်ၼႆႉ ယွၼ်းဝူၺ်ႇဝၢၵ်ႈၵုသူဝ်ႇ ဢၵျႃႃဝ်း ၽႄၸႅၵ်ႇၽႄၸွတ်ႇ ပၼ် ၸေး ၵေႃႇၸပထမ ယွၼ်းဝူၺ်ႇဝၢၵ်ႈဝၢင်းပၼ် မႃႇတႃႇပိတႃႇ လႃၽေး ၵေးၸူး ၼေႃႇ တင်းသွင်ပေႃႈမႄႈ ဢိၵ်ႇႁူမ်ႈလူၺ်ႈ ၺႃႇတိၵႃႇ ဝူင်းသႃပီႈၼွင်ႉ ပူႇၼ လုင်း ဢၢဝ်ဢႃ ပႃႈပူႇ ဢၼ်ယူႇတီႈၵႆတီႈၸမ် ၸဵမ်လိပ်းၸဵမ်ႁၢႆ ၸဵမ်တၢႆ ၸဵမ်ယင်း ယွၼ်းဝူၺ်ႇဝၢင်းၽႃးပၼ် သဵင်ႈ ဢိၵ်ႇႁူမ်ႈလူၺ်ႈ သြႃႇသမႃး တူၼ်ၶူးသင်ႇသွၼ်တြႃး သႃႇၽီ သြႃႇၵူၼ်း သြႃႇၵဝ်ႉ သြႃႇပၢႆ သြႃႇတၢႆ သြႃႇယင်း သြႃႇဢွၼ်ႇ သြႃႇဢီႈ သြႃႇပီႈ သြႃႇၼွင်ႉ ၸဝ်ႈရသေး သိတ်ႉသွင်း ပႅတ်ႇမိုၼ် သီႇႁဵင် ယူႇၼႂ်းထမ်ႈၼႂ်းႁူး ၵူႈၸဝ်ႈၵူႈပႃး ယွၼ်းဝူၺ်ႇဝၢင်းၽႃး ပၼ်သဵင်ႈ ဢိၵ်ႇႁူမ်ႈလူၺ်ႈ ၼတ်ႉတေႇဝႃႇၶၸူဝ်းမႅတ်ႈ ဢႃၵႃႇ သၸူဝ်း မႅတ်ႈ ၽီလီ ၽီထွတ်ႈ ၽီမႅတ်ႈ ၵူႈၸဝ်ႈၵူႈပႃး ၽီပႂ်ႉသႃႇသၼႃႇ ႁႃႈႁဵင်ပီမိူင်း ၽီပႂ်ႉထၢတ်ႈၽူမ်ၶမ်းလွၼ်းရိူင်း ၽီၸဝ်ႈ ဝၢၼ်ႈၸဝ်ႈမိူင်း မိူင်းတႆး မိူင်းထႆး မိူင်းလၢဝ်း မိူင်းၶေႇ မိူင်းမၢၼ်ႈ ၼႂ်းလုၵ်ႈ ၵမ်ႇၽႃႇ တင်းသဵင်ႈ ယွၼ်းဝူၺ်ႇဝၢၵ်ႈပၼ်ၸေး ၶဵၼ်း တေႃႈ ႁႂ်ႈလႆႈၵတ်းယဵၼ် ဢေး ။
ဢဝ်ၸဵမ် ၽီပႂ်ႉၼမ်ႉတီႈၵိၼ် ၽီပႂ်ႉလိၼ်တီႈယူႇ ၽီပႂ်ႉႁႆႈၼႃးတႃၵႃႈ ၽီပႂ်ႉၸၢင်ႉ မႃႉဝူဝ်းၵႂၢႆး ၽီပႂ်ႉပုၵ်ႉၵလႃႇယိင်းၸၢႆ တူဝ်ၵွႃႇတၢင်းၼႃႈ လႄႈ တူဝ်မႃးတၢင်းလင် တင်း သဵင်ႈ ယွၼ်းဝူၺ်ႇဝၢၵ်ႈပၼ်ၸေး ၶဵၼ်းတေႃႈႁ ႁႂ်ႈလႆႈၵတ်းယဵၼ်ဢေး ။
ဢဝ်ၸဵမ် ၽီသူင် ၽီမၢၼ်း ၽီလူး ၽီၽၢႆးတၢင်းသဵင်ႈ ယွၼ်းဝူၺ်ႇဝၢၵ်ႈပၼ် ၸေး ၶဵၼ်း တေႃႈႁႂ်ႈလႆႈၵတ်းယဵၼ်ဢေး။ဢဝ်ၸဵမ် ၽီႁူၺ်ႈ ၽီလွႆ ၽီၵွင်ႉၵွႆတႃမွႆး ပတ်းၵွႆ တင်းသဵင်ႈ ယွၼ်းဝူၺ်ႇဝၢၵ်ႈပၼ်ၸေး ၶဵၼ်းတေႃႈႁႂ်ႈလႆႈၵတ်းယဵၼ်ဢေး။
ဢဝ်ၸဵမ် ၽီဢိုပ်း ၽီယၢပ်ႇ ၽီႁူဝ်ပူတ်းႁၢင်ၶၢတ်ႇ ၽီဝႃႈယၢပ်ႇလိူဝ်ၵွၢမ်း ၽီ ပႃႇႁဵဝ်ႈသၢင်းၶႅင်း ၽီဝတ်ႉႁၢင်ႇၵျွင်းႁၢမ်း ၽီတၢႆႁေႈၵၢင်တၢင်း ၽီတၢႆတူၵ်း ၼမ်ႉ တူၵ်းၼွင် ၽီပႂ်ႉၶူဝ်းပႂ်ႉၶွင် ၽီပႂ်ႉၶုမ်ငိုၼ်း ၶုမ်ၶမ်း ၽီပႂ်ႉလွႆငိုၼ်းလွႆၶမ်း လွႆၵႅဝ်ႈလွႆသႅင် တင်းသဵင်ႈ ယွၼ်းဝူၺ်ႇဝၢၵ်ႈပၼ်ၸေး ၶဵၼ်းတေႃႈႁႂ်ႈလႆႈၵတ်း ယဵၼ် ဢေး။
ဢဝ်ၸဵမ် ၽုမ်မတေႇဝႃႇ ရုၵ်ႇၶတေႇဝႃႇ ပပ်ႉပတႃႇ တေႇဝႃႇ ၼတီႇတေႇဝႃႇ ႁိမဝၼ်ႇတႃႇတေႇဝႃႇ သၵႃႇမဝၸရႃႇ ၸတုမႁႃႇရႃႇၸိၵႃႇ တႃႇဝတိင်ႇသႃႇ ယႃႇမႃႇ တုသိတႃ ၼိမ်ႇမႃႇၼရတီႇ ပရၼိမ်မီႉတဝသဝတီႇ ၽုမ်မပရိသတ်ႉၸႃႇ ၽုမ်မပရူဝ်း ႁိတႃႇ မႁႃႇၽုမ်မႃ ပရိတ်ႉတၽႃ ဢပမႃႇၼၽႃ ဢႃၽတ်ႉသရႃ ပရိတ်ႉတၽႃ ဢပမႃႇ ၼသုၽႃ သုၽၵိၼ်ႁႃ ဝေႁပ်ႉၽလႃ ဢဝိႁႃ ဢတပ်ႉပႃ သုတတ်ႉသႃ သုတတ်ႉသီ ဢၵ ၼိတ်ႉထႃ ၶုၼ်ၽီၶုၼ်သၢင် ၶုၼ်ႁၢင်ၼၵႃး ၶုၼ်ၽီသိၵ်းၵျႃႃး ၶုၼ်ဢိၼ်းၶုၼ်ၽူမ်း ၶုၼ်လႅတ်ႇ ၶုၼ်ၽူၼ် ၶုၼ်လူမ်း ၶုၼ်လိူၼ် ၶုၼ်ဝၼ်း ၸတုလေႃႇလေးပႃး ၼၢင်းဝ သူင်ႇတရီႇ သီႇၸဵင်ႇပႅတ်ႇပႃႈ သီႇၼႃႈပႅတ်ႇၽၢႆ ဢတ်ႉ ထတိသႃႇ တသတိသႃႇ ၶူင်းတႂ်ႈ ၶူင်း ၼိူဝ် လိူဝ်သေၼၼ်ႉဢမ်ႇၵႃး ပႃးသၢမ် သိပ်းၶူင်း မၼုတ်ႉသမိူင်းၶူင်းၵၢင် ပလပၢၵ်ႇပၢႆ ၸိုဝ်ႈ မိုၼ်ႇၸိုဝ်ႈသႅၼ်မဵဝ်း ၸဵမ် ၶေႇ လၢဝ်း ၸၢဝ်းႁေႃႈ ၸိၵ်ႉၸိၼ် ယူၼ်း လၢဝ်း ၸၢဝ်းထႆး လိုဝ်ႉ ၶိုၼ် တႆး မၢၼ်ႈ ၵျပၢၼ်ႇ ၽူႇတၢၼ်ႇ ဢမေႇရိၵၢၼ်ႇ ဢင်းၵိတ်း ဝ ၶၢင် ယၢင်းၸွၼ်း ဢီႇၵေႃႈ မူးသိူဝ်း ပလွင်ႈ တွင်ႇသူႇ ၵလႃးမၢၼ်ႈငႅဝ်ႉတင်းသဵင်ႈ ယွၼ်းဝူၺ်ႇဝၢၵ်ႈပၼ်ၸေး ၶႅၼ်းတေႃႈႁႂ်ႈ လႆႈ ၵတ်း ၼ်ဢေး။
ဢဝ်ၸဵမ် ၸၵျႃႇဝလေႇ ဢၼၼ်ႇၸတၵျႃႇဝလေႇ ဢဝ်ၸဵမ် ဢဝီႇၸိငရၢႆး ပိၵ်ႉတူႇပိၵ်ႉတႃႇ ဢသူႇရၵႄႇ ဢပေႇသီႇၽုင်ႇ သတ်းတိရိတ်ႉသၢၼ်ႇ တူဝ်လဵၵ်ႉ တူဝ်ယႂ်ႇ တူဝ်သၼ်ႈ တူဝ်ပီး တူဝ်ယွမ် တူဝ်မီးလိူတ်ႈမီးယၢင် တူဝ်ၵွႃႇတၢင်းၶႂၢင် တူဝ်ဢမ်ႇမီးတိၼ် တူဝ်မီးတိၼ်သွင်တိၼ် တူဝ်မီးတိၼ်သီႇတိၼ် တူဝ်မီးတိၼ်ႁူၵ်းတိၼ် တူဝ်မီးတိၼ် ပႅတ်ႇတိၼ် တူဝ်မီးတိၼ်ၼမ်ၼႃႇ သပ်ႉ ပသၼ်းတဝႃႇ တူဝ်ယူႇၼႂ်း ၼမ်ႉ ၼိူဝ် လိၼ် တူဝ် ၸၢင်ႈမိၼ်ၸၢင်ႈၵၢၼ်း တူဝ်ယူႇၼႂ်းၼမ်ႉ မီးသိပ်းၵုၵ်ႉတေႇ တူဝ်ယူႇ ၼိူဝ်လွႆ မီးၵဝ်ႈၵုၵ်ႉ တေႇ ဢၼ်ပႃးသၼ်ႇထေႇ ၵိူတ်ႇၵိူတ်ႇ တၢႆတၢႆ။
တူဝ်ယူႇၼႂ်းၼမ်ႉ ဢဝ်ၸဵမ် တဝ်ႇၼမ်ႉ ပူ ပႃ ႁွႆ ၵုင်ႈၼဵဝ်ႈ ၵူပ်းၶဵတ်ႇ မႅင်းၼဵင်ႇ မႅင်း လႃး မႅင်းၶီႈၶၢၼ်ႉ တဝ်ႇၼမ်ႉပႃၽႃ ၸၵ်းၶေႈမင်းၵွၼ်း ၼႂ်းၼမ်ႉတင်းသဵင်ႈ ယွၼ်းဝူၺ်ႇ ဝၢၵ်ႈပၼ်ၸေး ၶႅၼ်းတေႃႈႁႂ်ႈလႆႈၵတ်းယဵၼ်ဢေး ။
သတ်းတူဝ်ယူႇၼိူဝ်လွႆ ပတ်းၵွႆတင်းသဵင်ႈ ဢဝ်ၸဵမ်မူမႃမႅဝ်း တူဝ်မီးမဵၼ်မီးၶႅဝ်း ၸၢင်ႉမႃႉဝူဝ်ႈၵႂၢႆ ပဵတ်းၵႆႇႁၢၼ်ႇ သတ်းထိူၼ်ႇသတ်းဝၢၼ်ႈ ၸဵမ်သိူဝ်မီၽီပႃႇ ၸဵမ်ၵႂၢင် ၸဵမ် ယိူင်း ၸဵမ်လိင်းပၢင်တၢႆ သၢင်ႇသီႈ ၵၢပ်ႇမိူဝ်ႈၵၢပ်ႇမီႈ ၼၢင်းတၵႃလမ် ၼူၵ်ႉယူင်း ၼူၵ်ႉယၢင်း ၼူၵ်ႉၵိတ်းၼူၵ်ႉၸွၵ်ႇ ၼူၵ်ႉဢဵင်ႈ ပတ်းသဵင်ႈဢမ်ႇၵျၢၼ်ႇ သတ်းတူဝ်လဵၵ်ႉတၢၼ်ႇႁၢႆး သတ်းတူဝ်ယႂ်ႇတၢၼ်ႇလွႆ ပတ်းၵွႆတင်းသဵင်ႈ ယွၼ်းဝူၺ်ႇဝၢၵ်ႈပၼ်ၸေး ၶႅၼ်း တေႃႈ ႁႂ်ႈလႆႈၵတ်းယဵၼ်ဢေး ။
သၼ်ၸိၸ ဢၼ်လႆႈတင်ႈၸႂ်ႁႅမ်တၢႆၵေႃႈလီ ဢသၼ်ၸိၸ ဢၼ်ဢမ်ႇလႆႈ တင်ႈၸႂ်ႁႅမ်တၢႆၵေႃႈလီ ဢၼ်လႆႈၵိၼ်ၼိူဝ်ႉၵိၼ် ၼင်ၶဝ်ၵေႃႈလီ ဢၼ်ဢမ်ႇလႆႈ ၵၼ် ၼိူဝ်ႉၵိၼ်ၼင်ၶဝ်ၵေႃႈလီ၊ ဝေရေၼ တူဝ်မီးဝူတ်ႈမီးဝဵၼ်း ဢဝေရေၼ တူဝ်ဢမ်ႇမီး ဝူတ်ႈ မီးဝဵၼ်း ယွၼ်းဝူၺ်ႇဝၢင်း ၽႃးပၼ်သဵင်ႈ။
သတ်းတဝႃႇတူဝ်လႂ် လႆႈတူၵ်းတုၵ်ႉတူၵ်းၶီ ႁႂ်ႈလႆႈပူၼ်ႉတီႈၶီယၢၵ်ႈ သတ်းတဝႃႇ တူဝ်လႂ် လႆႈလီလႆႈၶျၢမ်းသႃႇ ႁႂ်ႈလႆႈၶျၢမ်းသႃႇ လိူဝ်ၵွႃႇၵဝ်ႇ လၢႆပၢၵ်ႇတဝ်ႉႁဵင်ပုၼ်ႈ လူၺ်ႈတေႇ ၸ ၵုသူဝ်ႇၼႃးမုၼ် ဢၼ်ႁဝ်းၸဝ်ႈၶႃႈ လႆႈသၢင်ႈပႃႇရမီႇၼႆႉ ႁႂ်ႈႁဝ်းၸဝ်ႈၶႃႈ လႆႈမီးတေႇ ၸေႃႇဢၼုၽေႃႇ ႁိူဝ်ႈႁိူင်း ပိူင်းသႂ် ပေႃးတၢၼ်ႇသၢႆလိူၼ် သၢႆဝၼ်း ႁႂ်ႈလႆႈပိဝ်ႉသႃႇသၼႃႇ ၼႂ်းလူၵ်ႈၵမ်ႇၽႃႇ ၽႂ်ဢမ်ႇတႅၵ်ႈဢမ်ႇတဵမ်းႁဝ်းၶႃႈလႆႈ။
ႁႂ်ႈႁဝ်းၸဝ်ႈၶႃႈ လႆႈမီးပိင်ႇၺႃႇ ဢတ်ႉထႃႇရတ်ႉသ လၵ်းလႅမ်သႅမ်းၵႃႈ ႁႂ်ႈ လႆႈႁူႉ လႆႈႁၼ် တြႃးၸႅတ်ႈ တြႃးမၢၼ်ႇ ပိတၵၢတ်ႈသုင်းပုင်းသၢမ်ၵွင် သုတ်ႈတၼ်ႇတ ဝိၼေး ယ ဢၽိထမ်ႇမႃႇ ႁႂ်ႈလႆႈပွင်ႈၸႅင်ႈလႅင်းၸႂ် ႁင်းၽႂ်ႁင်းမၼ်း ဢၼ်ဢမ်ႇမီး ယႃႇပေ ႁႂ်ႈလႆႈႁူႉ ဢၼ်ဢမ်ႇႁူႉ ယႃႇပေႁႂ်ႈလႆႈမီး ႁႂ်ႈလႆႈမီးသဵင်ႈသဵင်ႈ ႁႂ်ႈလႆႈ ႁူႉသဵင်ႈသဵင်ႈ။
ႁႂ်ႈႁဝ်းၸဝ်ႈၶႃႈ လႆႈႁွတ်ႈၵႃႈတီႈ ပထမသၢၼ်ႇ တုတိယသၢၼ်ႇ တတိယသၢၼ်ႇ ၸတုတ်ႉထသၢၼ်ႇ ပၼ်ႇၸမသၢၼ်ႇ သတ်ႉထသၢၼ်ႇ သတ်းတသၢၼ်ႇ ဢတ်ႉထသၢၼ်ႇ သမ်ႇမႃႇပၢတ်ႈတင်းပႅတ်ႇ ႁႂ်ႈလႆႈပွင်ႇၸႅင်ႈလႅင်းၸႂ် ႁင်းၽႂ်ႁင်းမၼ်း ။ ႁႂ်ႈလႆႈမီးႁူတိပ်ႉ တႃတိပ်ႉ သၢၼ်ႇလႆႈ မိၼ်လႆႈ ၶႂ်ႈၵွႃႇၶႂ်ႈပႆ တီႈၵႆတီႈၸမ် ႁႂ်ႈမိူၼ်ၼင်ႇ ဢထၢင်ႇၵၢင်ၸႂ် ၼႂ်းၶေႃး ႁႂ်ႈႁဝ်းၸဝ်ႈၶႃႈ လႆႈႁွတ်ႈၵႃႈတီႈ သေႃး တႃႇ ပၢၼ်ႇ သၵိတႃႇၵၢမ်ႇ ဢၼႃႇၵမ်ႇ ရႁၢၼ်းတႃႇမၢၵ်ႈ ရႁၢၼ်းတႃႇၽူဝ်ႇ ၵူႉသူဝ်ႇတင်းသဵင်ႈၼႆႉ ႁႂ်ႈႁဝ်းၸဝ်ႈၶႃႈ လႆႈတတ်း ၶၢတ်ႇပၢတ်ႇပႅတ်ႈ ၸႂ်ၵိလေႇသႃႇ တၼ်ႇႁႃႇ လေႃးၽ တေႃးသ မေႃးႁ မႃႇၼ တိတ်ႉထိ ဝီႇၸိၵိတ်ႉသႃႇ ဢႁိရိၵ ဢၼွတ်ႉတပ်ႉပ ႁဵင်ပၢႆ ႁႃႈပၢၵ်ႇ တတ်းၶၢတ်ႇပၢတ်ႇသဵင်ႈ ႁႂ်ႈ လႆႈႁွတ်ႈ တီႈတဵင်ႈၶေႇမႃႇ ဢမတႃႇၼိပ်ႉပႃႇၼ တီႈၵတ်းယဵၼ် သၵ်းၵမ်း လူၺ်ႈတႃႉ ၼေႃး။ ၼင်ႇဢၼ် ဢၵျႃႃဝ်းတင်းလီ ႁႂ်ႈလႆႈသူပ်းလီသဵင်ဝၢၼ် ၶၢၼ်ပျေႃး ႁေႃးတူဝ်မ ထၢၼ်း ၸီးၽျၢၼ်း ၸဝ်ႉဝၼ်းၼႂ်လွတ်ႈဢၢၼ်ႇ ႁႂ်ႈလႆႈႁွတ်ႈၼိပ်ႉပၢၼ်ႇ လၢၼ်းငိမ်ႇ ၸေး ၸိမ်ႇလေႃႇၵုတ်ႈ ဝိမုတ်ႈဢႁမ်ႇဢမ်ႇဢ ဢသင်ႇၶတထၢတ်ႈ လွင်ႈမျၢတ်ႈၸွႆႇတေႃႇ ႁေႃၵႃႈ သႅင်းဝႅင်း ႁႂ်ႈလႆႈၸူး ၸွတ်ႇႁွတ်ႈထိုင် ၼိပ်ႉပၢၼ်ႇၼသိူဝ်ႈသႃႇ ၸိုၼ်ႈသႂ်လႅင်း သၵ်းၵမ်း လူၺ်ႈတႃႉ သႃထု သႃထု သႃထု မုၼ်ဢိူၺ်း......မုၼ်ၼေႃး.....
ၼိပ်ႉပႃၼသ်သ ပတ်ႉၸယေႃး ႁေႃးတု။ သႃထု သႃထု သႃထု
ၽိုၼ်ဢိင်- ပပ်ႉၵႂၢမ်းဝႆႈၽြႃး သဵင်လမ်ႇၶူးဝႃးပေႃႈၸဝ်ႈသိၼ်ထမ်းဝုၼ်းၸုမ်ႉ။