ပီႊ ( 1502-1523 ) ၼႆ့မိူင်းတႆးလႄႈမိူင်းမၢၼ်ႊပဵၼ်ၸိူင်ႉႁိုဝ်ဝႆႉ၊ ၶဝ်ဝႆႉၸႂ်ၼိူဝ်ၵၼ်ၸိူင်ႉႁိုဝ်။

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး

မိူဝ်ႈပၢၼ်ၼၼ်ႉၼႂ်းမိူင်းဢႃႇဝႃႉၼႆႉပဵၼ်ၸဝ်ႈႁေႃၵႅဝ်ႈၼရႃႉပတီႉၼင်ႈမိူင်းဝႆႉယူႇယဝ်ႉ။ မၼ်းၸဝ်ႈပဵၼ် လုၵ်ႈၸၢႆးၸဝ်ႈမင်းၶွင်။ မိူဝ်ႈမၼ်းၸၢႆးလႆႈၶိုၼ်ႈမိူင်းၼၼ်ႉ မၼ်းၸဝ်ႈလႆႈၶၢမ်ႇ မိူင်းၸိူဝ်းဢၼ်ၵွမ်းၼွမ်းတေႃႇ မၼ်း လုၵ်ႉၽိုၼ်ႉၶိုၼ်း။ မိူဝ်ႈပီႊ 1502-1504 ၼၼ်ႉ ပဵၼ်မိူင်းဢႃႇဝႃႉၼႆႉ ဢဵၼ်ႁႅင်းတႄႇယူပ်ႈ မႃး။ ၶဝ်လႆႈသုမ်းႁႅင်းပွင်ႊ ၼိူဝ်လိၼ်မိူင်းပွတ်းၶွပ်ႇလႅၼ်ႊ တၢင်းႁွင်ႇ လႄႈ မိူင်းယၢင်းၶဝ်ႈမႃးတိုၵ်းသေယိုတ်းသိမ်း ဢဝ်ၵႂႃႇလႆႈ တင်းႁွင်ႇၼႂ်းထုင်ႉၼမ်ႉမူးၼၼ်ႉယဝ်ႉ။ ဝၢႆးသေၺႃးတိုၵ်းယဝ်ႉၼၼ်ႉ ၶဝ်ဢၢၼ်းသၢင်ႈဢူၺ်းလီ တင်းတူင်ႇဢူႇသေတႃႉ ဢမ်ႇပဵၼ်မႃး။ ၼႂ်းရႃႇၸဝၢင်ႇမၢၼ်ႊၶဝ်လၢတ်ႈဝႃႈ မိူင်းယၢင်း၊ မိူင်းပြူင်ႈလႄႈမိူင်းတူင်ႇ ဢူႇၼႆ့ ပဵၼ်ၽေးလွၵ်ႇငိူတ်ႈတေႃႇမိူင်းဢႃႇဝႃႉၼၼ်ႉယဝ်ႉ။ ၼႂ်း( 2 ) ပီႊၼၼ်ႉၵွၺ်း မိူင်းယၢင်းၵႂႃႇတိုၵ်းမိူင်းမေေႇတူး။ ၸဝ်ႈမိူင်းမေေႇတူးၶတ်းၸႂ်တိုၵ်းၶိုၼ်းမိူင်း ယၢင်းယူႇၵူၺ်းၼႃႇ သိုၵ်းထႅမ်မၼ်းတူၵ်းလိုၼ်းလႄႈ ပွၺ်ႇဝဵင်းသေပၢႆႊၵႂႃႇပွတ်းၸၢၼ်း။ ၽိူဝ်ႇမိူင်းယၢင်းၶဝ် ယိုတ်းဢဝ်လႆႈမိူင်းမေေႇတူးယဝ်ႉၵေႃႈ ၵိုၼ်းယၢင်ႉၵၼ်တိုၵ်းၵႂႃႇ။ မိူဝ်ႈၽွင်းၼၼ်ႉၸဝ်ႈၾႃႉမိူင်းဢႃႇဝႃႉၵေႃႈ ဢဝ်ၶေႃႈၵႂၢမ်းၶုၼ်ၽွင်းမိူင်းမၼ်းသေ ၸင်ႇႁႃလၢႆးႁူမ်ႈ မိုဝ်းၸွမ်းမိူင်းတူင်ႇဢူႇ။ ၽွင်းမိူင်းတႅတ်ႉတေႃႇသေေႇလၢတ်ႈဝႃႈ “ မိၼ်းၵျီးၺူဝ်ႇမိူင်းတူင်ႇဢူႇၼႆႉ မၼ်းမီး ၸၢင်ႉ၊ မီးမႃႉလႄႈ မီးတပ်ႉသိုၵ်းတင်းၼမ် ၊ ပေႃးတေႁႂ်ႈမၼ်းလုၵ်ႉၽိုၼ်ႉသေ ဢမ်ႇၵႃးႁႂ်ႈမၼ်းဝၢင်းၵွမ်းတေႃႇၸဝ်ႈႁေႃ ၶမ်းၵႂႃႇၶၢဝ်းႁိုင်တေႉ ပၼ်မၼ်းသွၼ်ႉမိင်ႈၵၼ်တင်း သေၵေႃႉၵေႃႉ ဢၼ်ၸမ်တင်းၸဝ်ႈႁေႃ ၶမ်းတေႉတေ ၶႅမ်ႉယူႇယဝ်ႉ။ ” ယွၼ်ႉၼၼ်လႄႈမၼ်းၸဝ်ႈဢဝ် လုၵ်ႈယိင်းသတူဝ်းထမ်ႇမႃႉရႃႇၸႃႇ ၵေႃႉပဵၼ်လုင်းမၼ်းၼၼ်ႉ ယဝ်ႉ။ ယဝ်ႉပၼ်မၼ်းၵိၼ်ပႃးထႅင်ႈလိၼ်မိူင်း မႂ်ႇမႂ်ႇႁႂ်ႈမၼ်းၵိၼ်ပႃးထႅင်ႈယဝ်ႉ။ ၵူၺ်းၼႃႇဢမ်ႇႁိုင်ဢမ်ႇ ၼၢၼ်း မၼ်းၸဝ်ႈၸီႉသၢင်ႇႁႂ်ႈမိၼ်းၵျီးၺူဝ်ႇ ဢွၼ်ၵူၼ်းးဢၼ်ယူႇၼႂ်းမိူင်းမႂ်ႇမႂ်ႇၼၼ်ႉ ၶၢႆႉၵႂႃႇယူႇတီႈၼႂ်းမိူင်းတူင်ႇဢူႇ ၼၼ်ႉယဝ်ႉ။ တေႃႇထိုင်ယမ်းၼၼ်ႉၵေႃႈ မိၼ်းၵျီးၺူဝ်ႇ ယင်းတိုၵ်ႉမီးသတ်ႈၸႃႇသေဢမ်ႇၵႃး ဢွၵ်ႇၼႃႈသိုၵ်းသေ တိုၵ်းတေႃးပၼ်မိူင်းဢႃႇဝႃႉယူႇ။ လွင်ႈဢၼ် မိၼ်းၵျီးၺူဝ်ႇတေႃႉၵူၼ်းၵႂႃႇမိူင်းတူင်ႇဢူႇ လႄႈ လွင်ႈမီးတေၸိင်း တိုၵ်းလိၼ်မိူင်း ၸိူဝ်းဢၼ်တွၼ်ႈပၼ်ၸိူဝ်းၼၼ်ႉႇဢမ်ႇၸႂ်ႈ ၵၢင်ၸႂ်မိူင်းဢႃႉဝႃႉသေဢိတ်း။ ဢႃႇဝႃႉ တႄႇမုင်ႈ ယိူင်းဝႃႈမိူင်းတူင်ႇဢူႇတေဝၢင်ႇၵွမ်းသေသၢၵ်ႇၶွၼ်ၶူဝ်း လႄႈ ႁႂ်ႈပဵၼ်လွင်ႈ ၸွၺ်ႈၵႅတ်ႇၶႄ ဢၼ်တႆးတေ ယဵပ်ႇၶဝ်ႈ မႃးမိူင်းဢႃႇဝႃႉလႄႈ ႁႂ်ႈပဵၼ်မိူင်းဢူၺ်းလီၸွမ်းဢႃႇဝႃႉၵွၺ်းယဝ်ႉ။ ပေႃးဢဝ်ရႃႇၸဝၢင်ႇမၢၼ်ႊၶဝ်ဝႃႈၸိုင် ဢၼ်မိၼ်းၵျီးၺူဝ်ႇ ဢဝ်ၶူဝ်းငဝ်ႈတိုၼ်းတင်းလၢႆၼၼ်ႉ ပဵၼ်လၢႆး ၶႂ်ႈလုၵ်ႉၽိုၼ်ႉသၢၼ်ၶၢတ်းတေႃႇမိူင်းဢႃႇဝႃႉၼႆယူႇ။ မိူင်းဢႃႇဝႃႉလႆႈ သူင်ႇသိုၵ်းလူင်းတိုၵ်းမိူင်းတူင်ႇဢူႇ ယွၼ်ႉ ပိူဝ်ႈမၼ်းတေႃႉၼီႈတေႃႉၵူၼ်းမိူဝ်းမိူင်းတူင်ႇဢူႇ။ ၵူၺ်းၼႃႇမိူင်းတူင်ႇဢူႇ ၶိုၼ်းတိုၵ်းပႅတ်ႈ ၸဵမ်မိူဝ်ႈသိုၵ်းဢႃႉဝႃႉ ယင်းပႆႇတၼ်းထိုင်မိူင်းတွင်ႇဢူႇၼၼ်ႉယဝ်ႉ။ မိူဝ်ႈမၢၼ်ႊၶဝ်တိုၵ်ႉလၢတ်ႈလွင်ႈမိူင်းတူင်ႇဢူႇ လႄႈ မိၼ်းၵျီးၺူဝ်ႇဝႆႉၼၼ်ႉ လွင်ႈတႆးၶဝ်တိုၵ်းမိူင်းမၢၼ်ႊ ၵေႃႈတႄႇႁၢဝ်ႈႁႅင်းမႃး။ မိူဝ်ႈၶဝ်ၵႂႃႇတိုၵ်းမိူင်းတူင်ႇဢူႇၼၼ်ႉၶႂ်ႈတေဝႃႈ ဢႃႇဝႃႉၼႆႉတႄၸမ်ယူပ်ႈမႃးယဝ်ႉၼႆႁိုဝ်။ မိူဝ်ႈၵႂႃႇတိုၵ်းမိူင်းဢႃႇဝႃႉပွတ်းတၢင်းႁွင်ႇၼၼ်ႉၶဝ်လႆႈဢဝ်တၢင်းၸွၺ်ႈထႅမ်တၢင်းသွင်ၾၢႆ။ မိူဝ်ႈ 1511 ၸဝ်ႈႁေႃ ၶမ်းဢႃႇဝႃႉလႄႈ ၸဝ်ႈသီပေႃႉၶိုၼ်းႁဵတ်းဢူၺ်းလီၵၼ်။ ၸဝ်ႈလူင်မိူင်းယၢင်းသမ်ႉဢဝ်သိုၵ်းမၼ်းသေၵႂႃႇဝႅတ်ႉ ဝဵင်းမၼ်ႈမေႃႇ ဢၼ်ပဵၼ်ၼႂ်းလိၼ် ၸဝ်ႈသီႇပေႃႉၼၼ်ႉယဝ်ႉ။ ၸဝ်ႈသီႇပေႃႉၵေႃႈ သူင်ႇလိၵ်ႈၸူးၸဝ်ႈဢႃႇဝႃႉသေ ႁႂ်ႈၵႂႃႇဝႅတ်ႉ ဝဵင်းမေေႇတူး ဢၼ်ၸဝ်ႈမိူင်းယၢင်းသိမ်းဝႆႉၼၼ်ႉယဝ်ႉ။ မိူဝ်ႈၸဝ်ႈႁေႃၶမ်းဢႃႇဝႃႉၶဝ် ၵႂႃႇတိုၵ်း ဝဵင်း မေေႇတူးယူႇၼၼ်ႉ ဝဵင်း 3 ဝဵင်း ( ဝဵင်းတႂိၼ်းတိၼ်း၊ ဝဵင်းမိၼ်းၵိၼ် လႄႈ ဝဵင်းၵႃလိုဝ်း ) ၸိူဝ်းဢၼ်ပဵၼ် မိူင်းဝၢင်ႇ ၵွမ်းတေႃႇမိူင်းယၢင်းၵေႃႈ ဢဝ်တိုဝ်ႉတၢင်းသေ မႃးတိုၵ်းမိူင်းဢႃႇဝႃႉၼၼ်ႉယဝ်ႉ။ ၸဝ်ႈသိုၵ်းလူင်ၸဝ်ႈဢႃႇဝႃႉၵေႃႈ လႆႈလူႉလႅဝ်ၵႂႃႇ။ ၸဝ်ႉၾႃႉဢႃႇဝႃႉၵေႃႈ ၶိုၼ်းထွၼ်ၵႂႃႇတီႈ ဝဵင်းတပေေႉယိၼ်းလႄႈ သီႇပူၵ်ႇဢသႃႇ။ ယဝ်ႉၵေႃႈၶိုၼ်း ထႅမ်ႁႅင်း ၵူၼ်းမၼ်းတီႈၼၼ်ႉယဝ်ႉ။ တႄႇပီႊ 1513 တေႃႇ 1515 ( 2 ပီႊ ) ၼၼ်ႉ တီႈပွတ်းႁွင်ႇမိူင်းပြူင်ႇ ဢၼ်ပဵၼ်မိူင်းပွတ်းၸဵင်ႇၸၢၼ်း ဝၼ်းတူၵ်းဢႃႇဝႃႉ ဢၼ်မီးၵၢၼ်လုၵ်ႉၽိုၼ်ႉ။ ၼႂ်းပီႊ 1513 ၼၼ်ႉတင်ႈတႄႇဢဝ်သၵူး တေႃႇပေႃးထိုင် ပွတ်း ၸဵင်ၸၢၼ်းဝၼ်းတူၵ်းဢႃႇဝႃႉ ဢၼ်မီးႁိမ်းၾၢင်ႇၼမ်ႉၵဵဝ်ႇ ၼၼ်ႉဢွၼ်ၵၼ်လုၵ်ႉၽိုၼ်ႉမူတ်း။ ၸဝ်ႈၾႃႉဢႃႇဝႃႉ ဢဝ်တပ်ႉသိုၵ်းသေ ၵႂႃႇတိုၵ်းၶိုၼ်းမိူဝ်းဢၼ်လုၵ်ႉၽိုၼ်ႉၸိူဝ်းၼၼ်ႉ။ ၼႂ်းပီႊ 1515 ၼၼ်ႉၸဝ်ႈမိူင်းမေေႇထႄး ဝၢင်ႇၵွမ်းတေႃႇၸဝ်ႈၾႃႉမိူင်းဢႃႇဝႃႉၼၼ်ႉယဝ်ႉ။ မိူဝ်ႈပီႊ 1517 ၼၼ်ႉတပိၼ်ႇသုၺ်ႇထီး ဢၼ်ပဵၼ်လုၵ်ႈၸၢႆးမိၼ်းၵျီးၺူဝ်ႇ ၵိူတ်ႇမႃးၼႃႈၼၼ်ႉယဝ်ႉ။ တႄႇပီႊ 1518 တေႃႇ 1520 ၼၼ်ႉ မိူင်းယၢင်းၵေႃႈ တႄႇႁၢင်ႈသိုၵ်းတိုၵ်းၶိုၼ်း လႅၼ်ႊၶွပ်ႇမိူင်းဢႃႇဝႃႉ ၼၼ်ႉ ယဝ်ႉ။ ပီႊ 1518 ၼၼ်ႉၸဝ်ႈလူင်မိူင်းယၢင်းတိုၵ်းဝၼ်ႈၸိူဝ်းဢၼ်ယူႇၼႂ်း ဝဵင်းမေေႇတူးလႄႈ ၸဝ်ႇၾႃႉဢႃႇဝႃႉ လႆႈ ႁွမ်ႁႅင်းသိုၵ်းသေၵႂႃႇ တိုၵ်းတင်းတပ်ႉသိုၵ်းမိူင်းယၢင်း။ ၾၢႆတပ်ႉသိုၵ်းတႆးလႆႈၵႂႃႇၶဝ် ပႅၵ်ႉၼႂ်းဝဵင်းငရၼႄး။ လိုၼ်း သုတ်းမိူင်းယၢင်းလႆႈသုမ်းသေထွၺ်ၼီၵႂႃႇၼၼ်ႉယဝ်ႉ။ ၸဝ်ႈၾႃႉဢႃႇဝႃႉ တင်ႈၶိုၼ်းၸဝ်ႈမိူင်းငရၼႄး လႄႈ ၸဝ်ႈမိူင်းဝဵင်းမေေႇတူးသေ ၶိုၼ်းၵႂႃႇတိုၵ်းမိူင်းဢႃႇ ဝႃႉ။ ၼႂ်းပီႊ 1520 ၼၼ်ႉမိူင်းယၢင်းလႄႈ မိူင်းၵႃႇလိုဝ်းတိုၵ်းၵၼ်ႁိုင် ၵဝ်ႈလိူၼ်။ ၸဝ်ႈဢႃႇဝႃႉၵေႃႈ မၼ်းသူင်သိုၵ်း ၵႂႃႇတိုၵ်းတင်းသွင်ၾၢႆႇ။ မိူဝ်ႈၼႆႉ မိူင်းၵႃႇလိုဝ်းသေ ဝဵင်မၼ်းၵဝ်ႈဝဵင်းလႄႈ သိပ်းဝၢၼ်ႈသေ ၶိုၼ်းပဵၼ်မိူင်းသၢၵ်ႇ ၶွၼ်ႇၶူဝ်းႁၢႆတေႃႇမိူင်းဢႃႇဝႃႉထႅင်ႈပွၵ်ႈၼိူင်ႈ။ ဝဵင်းၸိူဝ်းမီးယူႇၸွမ်းၼမ်ႉၶျိၼ်းတႂိၼ်း( ၼမ်ႉၼႃႈလူင် ) ၼၼ်ႉ ၵေႃႈ ပဵၼ်မိူင်းသၢၵ်ႇၶွၼ်ႇၸူးတေႃႇမိူင်းဢႃႇဝႃႉမႃး။ ၵွပ်ႈၵူဝ်ဝႃႈ မိူင်းယၢင်းတေမႃး တိုၵ်းၶိုၼ်းထႅင်ႈၵမ်းၼႆလႄႈ လႆႈ ထႅမ် ႁႅင်းသႂ်ႇဝႆႉၼၼ်ႉယဝ်ႉ။ ပီႊ 1524 ဝႆးမႃးသီႇပီႊ ပွတ်းတွၼ်ႈလႅၼ်ႊမႄႈၼမ်ႉ ၶျိၼ်းတႂိၼ်းၼၼ်ႉ တေပဵၼ် တီႈ မိူင်းယၢင်းလတ်းၶဝ်ႈသေ တိုၵ်းမိူင်းဢႃႇဝ ၼၼ်ႉယဝ်ႉ။ ၼႂ်းရႃႇၸဝၢင်ႇတၢၼ်းမိူင်းသႅၼ်ဝီဝႃႈ မိူဝ်ႈပီႊ( 1513-1542 ) ၼႆႉ ၸဝ်ႈၶမ်းသႅၼ်ၾႃႉ ၶိုၼ်ႈၼင်ႈမိူင်း သႅၼ်ဝီ။ ဝႆးမၼ်းၸဝ်ႈၶိုၼ်ႈၼင်ႈမိူင်း 1523 ၼၼ်ႉ မၼ်းၸဝ်ႈၸီႉသင်ႇႁႂ်ႈမိူင်းဝၢင်ႇၵွမ်းတေႃႇမၼ်းတၢင်းလၢႆ ဢွၼ်ၵၼ်မႃးတီႈမိူင်းသႅၼ်ဝီ။ လွင်ႈၼႆႉၼႆႉ ဢမ်ႇတႅမ်ႈမၢႆဝႆႉၼႂ်း ၾၢႆႇလၢႆလႄႈ တေတူၺ်းၾၢႆလဵဝ်သေ လၢတ်ႈတေႉ ပႆႇၵုမ်ႇထူၼ်ႈ။ ၵူၺ်းၼႃႇ မၼ်းၶႂ်ႈၼႄဝႃႈ မိူဝ်ႈၽွင်းပီႊ 1520 ၼႆ့ တႆးႁဝ်းယၢမ်ႈၽွမ်ႉၵၼ် ၵႂႃႇတိုၵ်းမိူင်းဢႃႇဝႃႉ ၼၼ်ႉယဝ်ႉ။ ၸွမ်းၼင်ႇရႃႇၸဝၢင်ႇသႅၼ်ဝီဝႃႈၼႆ ၸဝ်ႈၾႃႉလၢႆလၢႆမိူင်းမႃးႁၼ်ၼႃႈသေတႃႉ ၸဝ်ႈၾႃႉမိူင်းၼၢႆး သမ်ႉဢမ်ႇမႃး။ ၸဝ်ႈၾႃႉမိူင်းၼၢႆး လိူၵ်ႈၵႂႃႇသွၼ်ႈၽူၺ်းၸဝ်ႈၾႃႉ မိူင်းဢႃႇဝႃႉ။ ၸဝ်ႈၾႃႉမိူင်းဢႃႇဝႃႉ ဢမ်ႇၶႂ်ႈမီးၸႂ် သၢင်ႈလွင်ႈၶွင်ႈၶမ်တင်းမိူင်းသႅၼ်ဝီလႄႈ ၸဝ်ႈမိူင်းဢႃႇဝႃႉၶိုၼ်းၸႂ်ႉၸဝ်ႈၾႃႉမိူင်းၼၢႆးႁႂ်ႈမိူဝ်းႁၼ်ၼႃႈတေႃႇ ၸဝ်ႈ ၾႃႉမိူင်းသႅၼ်ဝီၶိုၼ်း။ လိုၼ်းသုတ်းတႄႉၵေႃႈ မိူင်းတႆးတင်းလၢႆလႆႈၽွမ်ႉၵၼ်ၶိုၼ်း။ ၼႂ်းရႃႇၸဝၢင်ႇတၢၼ်းသႅၼ် ဝီၼႆ့ၵေႃႈ မီးလွင်ႈဢၼ်ဢမ်ႇပေႃးယုမ်ႇဢၼ်ၸဝ်ႈၾႃႉသီႇပေႃႉၼႆႉ ၵႆႉပဵၼ်ဢူၺ်းလီၵၼ် တင်းမိူင်းဢႃႇဝႃႉသေတႃႉ ၵွပ်ႈသင်သမ်ႉၵႂႃႇႁၼ်ၼႃႈၸူးတေႃႇ ၸဝ်ႈၾႃႉမိူင်းသႅၼ်ဝီႁဵတ်းသင်ၼႆယဝ်ႉ။ ပဵၼ်ဢၼ်ဢမ်ႇၸႅင်ႈလႅင်းၼႂ်း ရႃႇၸ ဝၢင်ႇသႅၼ်ဝီၼၼ်ႉယဝ်ႉ။ မိၼ်းၵျီးၺူဝ်ႇႁၢႆၵႂႃႇၶၢဝ်းတၢင်းသိပ်းပီႊသေ ၽိူဝ်ႇမၼ်းဢွၵ်ႉၶိုၼ်းမႃးၼႆၸိုင် မၼ်းၸဝ်ႈပိုတ်ႇၼႃႈတိုၵ်း တေႃးႁိမ်ၸိင်းမႃး တီႈမိူင်းမၢၼ်ႊ မိူဝ်ႈပီႊ 2523 ၼၼ်ႉယဝ်ႉ။ မိူဝ်ႈတူင်ႇဢူႇ ႁၢႆၵႂႃႇၶၢဝ်းတၢင်းသိပ်းပီႊ ၼၼ်ႉ ၵူၼ်းမိူင်းတူင်ႇဢူႇ ယႂ်ႇၼမ်မႃးတေႉတေႉ။ တေဝႃႈ မၼ်းႁၢင်ႈႁႅၼ်းဢဵၼ်ႁႅင်းသိုၵ်းမၼ်းၵေႃႈ ပဵꧣ်လႆႈဢိူဝ်ႈ။ ဢွၼ်တၢင်းသုတ်းမၼ်းၸဝ်ႈတိုၵ်းလႆႈ သိုၵ်းၸၢင်ႉ၊ မႃႉ လႄႈ ၵူၼ်းတင်းၼမ်လၢႆႊ ။ ၵွပ်ႈတႆးလူင်းမႃးတိုၵ်းဢႃႇဝႃႉ လႄႈ ႁဵတ်းႁႂ်ႈမၼ်း တင်ႈတူဝ်တိုၼ်ႇၶိုၼ်ႈမႃးႁိုဝ်။ ဢမ်ႇၼၼ်ၵေႃႈမၼ်းၶႂ်ႈၸၢမ်းတူၺ်း ဢဵၼ်ႁႅင်းတပ်ႉသိုၵ်းမၼ်း ဝႃႈမိူဝ်ႈမိူင်းမၼ်းတႄႇမီးႁႅင်းပွင်ႊပွၵ်ႈႁႅင်းသုတ်းၼႆႁိုဝ် ၼၼ်ႉယဝ်ႉ။ လွင်ႈတၢင်းၸိူဝ်းၼႆႉတေႉပဵၼ်လွင်ႈတၢင်း မိူင်းတႆးလႄႈ မိူင်းမၢၼ်ႊ မိူဝ်ႈပီႊ 2501 – 2523 ၼၼ်ႉယဝ်ႉ။