ပꧤသ်သရဝိမႃၼဝတ်ထု၊ ၼၢင်းၽီ လူႇမွၵ်ႇလႄႈ ၼမ်ႉဢွႆႈၵႅင်ႈ တီႈၸဝ်ႈမွၵ်ႉၵလၢၼ်ႇ
2. ပꧤသ်သရဝိမႃၼဝတ်ထု၊ ၼၢင်းၽီ လူႇမွၵ်ႇလႄႈ ၼမ်ႉဢွႆႈၵႅင်ႈ တီႈၸဝ်ႈမွၵ်ႉၵလၢၼ်ႇ[မႄးထတ်း | မႄးထတ်းငဝ်ႈငႃႇ]
- 697။ ၼၢင်းၽီ ဢၼ်မီး ဢူဢၢႆသၢႆငဝ်း ႁိူဝ်ႈလႅင်းမၢပ်ႈမိပ်ႈ၊ ဢၼ်ၼုင်ႈသိူဝ်ႈၶူဝ်း သီလႅင်ႁၢင်ႈလီ၊ ဢၼ်မီး တူဝ်လီႁၢင်ႈသႅၼ်ႈ မိူၼ်ၼင်ႇ ဢဝ်ၸၼ်းၵူး လုပ်ႈတႃးဝႆႉ၊ ဢၼ်မီးဢူၽုင်းယႂ်ႇသေ မႃးဝႆႈၵဝ်ယူႇၼႆႉ မႂ်းၼၢင်း ပဵၼ်ၽႂ် ၼေႃး။
- 698။ ပလၢင်ႇ တီႈၼင်ႈမႂ်းၼၼ်ႉ ၵႃႈၶၼ်ယႂ်ႇလိူဝ်တႄႉယဝ်ႉ။ ဢဝ်ရတၼႃႇၵႅဝ်ႈသႅင် ၵူႈပိူင်ပိူင်(ဢၼ်ႁၢင်ႈ ၶိူင်ႈဝႆႉၼၼ်ႉၵေႃႈ) လၢၵ်ႇလၢႆးတႄႉ တႄ.ယဝ်ႉ။ လီၵေႃႈ လီႁၢၼ်ႉၸႂ်တႄႉယဝ်ႉ။ မႂ်းၼၢင်း ဢၼ်ၼင်ႈဝႆႉယူႇၼိူဝ်ႈ ပလၢင်ႇၼၼ်ႉ ႁၢင်ႈၽၢင်ၶိုၵ်ႉတွၼ်း မိူၼ်ၼင်ႇ ၸဝ်ႈၶုၼ်ဢိၼ်း ဢၼ်မီးယူႇ တမ်ႈတီႈ သူၼ်သိူဝ်းၼၼ်ႇတဝၼ်ႇၼၼ်ႉယဝ်ႉ။
- 699။ ၼၢင်းၽီလီဢိူၺ်း ၸၢတ်ႈၵွၼ်ႇ မႂ်းၼၢင်းလႆႈႁဵတ်း (သုၸရိတ်ႈ)မဵဝ်းလႂ်မႃးၼေႃး၊ ၼၢင်းၽီ တမ်ႈတီႈ မိူင်းၽီၼႆႉ မႂ်းၼၢင်း လႆႈမႃးၸၢမ်ႇပူၺ်ႈလူၺ်ႈ ၽွၼ်းလီၵုသူဝ်ႇဢၼ်လႂ်ၼေႃး။ ၽွၼ်းလီဢၼ်ၼႆႉ ပဵၼ်ၽွၼ်းလီ ၵၢမ်ႇၵုသူဝ်ႇဢၼ်လႂ်ၼေႃး။ ၵဝ်ထၢမ်မႂ်းယဝ်ႉ။ တွပ်ႇပၼ်လႄႈ (ၼႆ ၸဝ်ႈမွၵ်ႉၵလၢၼ်ႇ ထၢမ်ၵႂႃႇယဝ်ႉ)။
- 700။ ၸဝ်ႈႁဝ်းတီႈၶႃႈ မိူဝ်ႈၽွင်းတိုၵ်ႉ တုင်းသွမ်းယူႇၼၼ်ႉ ၶႃႈၼၢင်းလႆႈဢဝ် မွၵ်ႇလႄႈသင်၊ ၼမ်ႉဢွႆႈၵႅင်ႈ လႄႈသင် လူႇတၢၼ်းပၼ် ၸဝ်ႈႁဝ်းတီႈၶႃႈဢေႃႈ။ တမ်ႈတီႈ မိူင်းၽီၼႆႉ ၶႃႈၼၢင်း လႆႈမႃးၸၢမ်ႇပူၺ်ႈလူၺ်ႈ ၽွၼ်းလီ ဢၼ်ၼၼ်ႉတီႈၶႃႈဢေႃႈ။
- 701။ ၸဝ်ႈႁဝ်းတီႈၶႃႈ ၶႃႈၼၢင်းၼႆႉ ၶိုၼ်းလႆႈၼႅင်ၸႂ် မႆႈၸႂ်ၶိုၼ်းယူႇဢေႃႈ။ ယွၼ်ႉပိူဝ်ႈ မီးမႃး တၢင်းယူပ်ႈ ယွမ်းလႄႈ လႆႈၶၢၼ်ၸႂ်ယူႇဢေႃႈ။ တြႃးဢၼ်ၸဝ်ႈႁဝ်းႁေႃးၼၼ်ႉ ၶႃႈၼၢင်း ဢမ်ႇလႆႈထွမ်ႇမႃးတီႈၶႃႈ။
- 702။ ၸဝ်ႈႁဝ်းတီႈၶႃႈ ၵွပ်ႈပိူဝ်ႈ လွင်ႈတၢင်းၼင်ႇၼႆသေ ႁႂ်ႈၶႃႈၼၢင်း လႆႈဝႆႈလဝ်ႈထိုင် တမ်ႈတီႈ ၸဝ်ႈႁဝ်း သေၵမ်းၶႃႈ။ ၵူၼ်းၵေႃႉၼၼ်ႉၸမ်ႉ ၵိုင်ႇလီပဵၼ် ၵေႃႉလီဢီးလူ ပႂ်ႉပႃးယူႇယဝ်ႉ။ ႁႂ်ႈၵူၼ်းၵေႃႉၼၼ်ႉ တိုဝ်းၵမ်ၸွမ်း ၼင်ႇတြႃး ဢၼ်ၽြႃးပဵၼ်ၸဝ်ႈ ႁေႃးမႃးၼၼ်ႉတႃႉ။
- 703။ ၸဝ်ႈႁဝ်းတီႈၶႃႈ ၽီမၢင်ၸိူဝ်းၼႆႉ တမ်ႈတီႈၽြႃးရတၼႃႇလႄႈသင်၊ တြႃးရတၼႃႇလႄႈသင်၊ သင်ႇၶႃႇရတၼႃႇလႄႈသင် ၶဝ်မီးၸႂ်သတ်ႉထႃႇတြႃးသေ ယုမ်ႇယမ်ဢေႃႈ။ ၽီၸိူဝ်းၼၼ်ႉ လွင်ႈဢႃႇယုလႄႈသင်၊ လွင်ႈၸိုဝ်ႈလိုဝ်းလင်လႄႈသင်၊ လွင်ႈဢလုမ်ဢလၢင်းလႄႈသင်၊ လွင်ႈႁၢင်ႈၽၢင်ၶိုၵ်ႉလႄႈသင် ၶဝ်တွၼ်းလိူဝ်သေ ၶႃႈၼၢင်းဢေႃႈ။
- 704။ ၽီတၢင်ႇၸိူဝ်းၸိူဝ်းၼၼ်ႉ လွင်ႈတၼ်းၶူဝ်းလႄႈသင်၊ လွင်ႈႁၢင်ႈၽၢင်လႄႈသင် ၶဝ်တွၼ်းလိူဝ်သေ ၶႃႈၼၢင်းဢေႃႈ။ ဝိသဵတ်ႇမၼ်း ၶဝ်ၽုင်းတၼ်းၶူဝ်းယႂ်ႇဢေႃႈ (ၼႆ တွပ်ႇၵႂႃႇယူႇယဝ်ႉ)။
ပꧤသ်သရဝိမႃၼဝတ်ထု ႁူဝ်သွင် သုတ်းယဝ်ႉ။
ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ မၺ်ꧢိꩨ်ꩩဝၷ်၊ ပꧤသ်သရဝိမႃၼဝတ်ထု၊