မိူင်းၵဵင်းလိူၼ်
မိူင်းၵဵင်းလိူၼ် | |
|---|---|
  မိူင်းၵဵင်းလိူၼ် ဢွင်ႈတီႈ ၼႂ်းမိူင်းမျၢၼ်ႇမႃႇ | |
| ၵူဝ်ႇဢေႃးတိၼဵတ်ႉ: 21°59′21″N 98°05′17″E / 21.98928°N 98.088040°E | |
| မိူင်း |  မိူင်းမျၢၼ်ႇမႃႇ |
| ၸႄႈမိူင်း |  မိူင်းတႆး |
| ၸႄႈတွၼ်ႈ | ၸႄႈတွၼ်ႈမိူင်းသူႈ |
| ၸႄႈဝဵင်း | ၸႄႈဝဵင်းၵေးသီး |
| တၢင်းသုင် | 2,600 ft (800 m) |
| ႁူဝ်ၼပ်ႉၵူၼ်းမိူင်း | |
| • သႃႇသၼႃႇၵိူဝ်းယမ် | ပုတ်ႉထၽႃႇသႃႇ |
| ၸူၼ်ႇၶၢဝ်းယၢမ်း | UTC+06:30 (MST) |
မိူင်းၵဵင်းလိူၼ်
[မႄးထတ်း | မႄးထတ်းငဝ်ႈငႃႇ]မိူင်းၵဵင်းလိူၼ် (1857 – 1926) မိူင်းၵဵင်းလိူၼ်ၼႆႉ ဢင်းၵိတ်းႁွင်ႉဝႃႈ [Kenglon] လိူဝ်ၼၼ်ႉ Kyainglun ၼႆၵေႃႉတႅမ်ႈသေ (ၽၢႆႇမၢၼ်ႈတေႉ မိူဝ်ႈဢွၼ် တႅမ်ႈ ကျိုင်းလွန်း ၼႆ မိူဝ်ႈလဵဝ်တေႉ တႅမ်ႈ ကျိုင်းလင်ရွာ ) ယၢမ်ႈပဵၼ်ဝဵင်းဢွၼ်ႇဝဵင်းၼိုင်ႈ မီးလွင်ႈဢုပ်ႉပိူင်ႇႁင်းၶေႃ ၼႂ်းမိူင်းတႆး။
မိူင်းၵဵင်းလိူၼ်ၼႆႉ ယၢမ်ႈလႆႈယူႇတႂ်ႈၽွင်းငမ်း မိူင်းသႅၼ်ဝီၸၢၼ်း (မိူင်းယႆ)၊ လႆႈလွင်ႈၵွၼ်းၶေႃ တႂ်ႈသႅၼ်ဝီၸၢၼ်း မိူဝ်ႈ 1857။ လႆႈၶၢမ်ႇတၢင်း ၶုၼ်မၢၼ်ႈၶဝ် ၶဝ်ႈၵဝ်ၼဝ်း ၵဵပ်းၶွၼ်ႇမႃး တေႃႇထိုင် 1887ၼီႈ မိူဝ်ႈၶုၼ်ၵူင်းပွင်ႇၶဝ်သုမ်းသိုၵ်းၸူး ဢင်းၵိတ်းၼၼ်ႉသေ မိူင်းတႆးၵေႃႈ လႆႈတူၵ်းလူင်းတႂ်ႈ ၵုမ်းၵမ်းဢင်းၵိတ်းၵႂႃႇ။ မိူဝ်ႈ 1926 ၼၼ်ႉ မိူင်းၵဵင်းလိူၼ် လႆႈၶၢမ်ႇ ဢဝ်ၵႂႃႇၶဝ်ႈႁူမ်ႈ တႂ်ႈဢုပ်ႉပိူင်ႇ မိူင်းၵေးသီးဝၢၼ်ႈၸၢမ်ၵႂႃႇယူႇယဝ်ႉ။
မိူင်းၵဵင်းလိူၼ်ၼႆႉ မီးၵွင်းမူးၵိုၵ်းပိုၼ်း ၵွင်းမူးၵဵင်းလိူၼ် ၵိုၵ်းဝႆႉလႄႈ ၸိုဝ်ႈၵွင်းမူးလႄႈ ၸိုဝ်ႈမိူင်းၵဵင်းလိူၼ်ၵေႃႈ ၵိုၵ်းၵၼ်ဝႆႉတေႃႇႁၢၼ်ႉၼႆႉ။
မိူဝ်ႈလဵဝ် မိူင်းၵဵင်းလိူၼ်ၼႆႉ ၵိုတ်းပဵၼ်ဝၢၼ်ႈဢွၼ်ႇၵူၺ်းယဝ်ႉသေ မီးဝႆႉၽၢႆႇဢွၵ်ႇၵေးသီးဝၢၼ်ႈၸၢမ် ၽၢႆႇႁွင်ႇဝၢၼ်ႈႁႆး ၼိူဝ်သဵၼ်ႈတၢင်းၵႃး မိူင်းသူႈ လႃႈသဵဝ်ႈၼၼ်ႉယဝ်ႉ။
မိူင်းၵဵင်းလိူၼ်
[မႄးထတ်း | မႄးထတ်းငဝ်ႈငႃႇ]- ၸိုဝ်ႈဝဵင်း - မိူင်းၵဵင်းလိူၼ်
- တင်းၵႂၢင်ႈ 1901- 111.3 ၵီႇလူဝ်ႇမီႇတႃႇ (43.0 လၵ်းပၼ်ႇမူၼ်း)
- ႁူဝ်ၼပ်ႉၵူၼ်း (1901) – 4259
- လႆႈၵွၼ်းၶေႃတီႈသႅၼ်ဝီၸၢၼ်း - 1857
- ႁူမ်ႈပွင်းလေႃးၵေးသီးဝၢၼ်ႈၸၢမ် - 1925
ၶုၼ်ဢၼ်ဢုပ်ႉပိူင်ႇ မိူင်းၵဵင်းလိူၼ်
[မႄးထတ်း | မႄးထတ်းငဝ်ႈငႃႇ]ၶုၼ်ၸိူဝ်းဢုပ်ႉပိူင်ႇ မိူင်းၵဵင်းလိူၼ်ၼႆႉ ၸႂ်ႉၸိုဝ်ႈမဵဝ်ႉၸႃးၼႆႉယဝ်ႉ။
- 1857 -1873 ၶုၼ်မွင်ႇပႂၢင်ႉ(ၶုၼ်ပႂၢင်ႉ)
- 1873 -1874 ၶုၼ်ၼေႃႇၶမ်းဢူး
- 1874 – 1885 ၶုၼ်တႃႇဝ
- 1885 – 1888 ၶုၼ်ထွၼ်း
- 1888 – 1926 ၶုၼ်မိူင်း
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- Imperial Gazetteer of India, v. 15, p.200.
- WHKMLA: History of th Shan States” 18 May 2010. Retrieved 21 December 2010.
- Ben Cahoon (2000). “World Statesmen.org: Shan and Karenni States of Burma”. Retrieved 21 December 2010