ယူႇၸွမ်းပၺၢတ်ႈ ယၵ်ႉတူၺ်းပရမၢတ်ႈ

ၵႂၢမ်းၼမ်း

ၼႂ်းၸၢတ်ႈပၢၼ်ၵူၼ်းႁဝ်းၼႆႉ တႃႇယူႇသၢင်ႈၵိၼ်သဝ်းၸွမ်းပၺၢတ်ႈၼႆႉ ငၢႆႈယူႇသေတ တႃႇတေႁူႉႁၼ်ၸႅင်ႈလႅင်းလီၼိူဝ်ပၺၢတ်ႈသေ ယၵ်ႉတူၺ်းႁူႉႁၼ်ထိုင် သၽေႃးပရမၢတ်ႈမၢတ်ႈၼၼ်ႉတႄႉ လူဝ်ႇလႆႈမီးပၺ်ႇၺႃႇဢၼ်လိုၵ်ႉလမ်ႇ ဢၼ်ပွင်ႇၸႂ်ၼိူဝ်ပရၢတ်ႈၼၼ်ႉယဝ်ႉ။ မိူဝ်ႈႁူႉႁၼ်ၸႅင်ႈလႅင်းလီၼိူဝ်ပၺၢတ်ႈသေ ယၵ်ႉတူၺ်းပရမၢတ်ႈလႆႈယဝ်ႉၼၼ်ႉၵွၼ်ႇ ၸင်ႇတေႁွတ်ႈလႆႈတြႃးတီႈသုင်သုတ်းၼၼ်ႉယဝ်ႉ။ ၼႂ်းလိၵ်ႈၽိုၼ်ၼၼ်ႉ ၵဝ်ၶႃႈတေသပ်းလႅင်းၼေ လွင်ႈယူႇၸွမ်းပၺၢတ်ႈ လႄႈ ယၵ်ႉတူၺ်းပရမၢတ်ႈၵွႃႇယူႇယဝ်ႉ။

---ယူႇၸွမ်းပၺၢတ်ႈ---

ပၺၢတ်ႈၼႆႉ ပဵၼ်ၶေႃႈၵႂၢမ်း ပၵ်းပိူင် ဢၼ်ၵူၼ်းတၢင်းၼမ် မၵ်းမၼ်ႈၸွမ်းၽႃႇသႃႇၵႂၢမ်းလၢတ်ႈၽႂ်မၼ်းလႄႈ မၢၼ်ႇမႅၼ်ႈဝႆႉသေ ႁဝ်းလႆႈယူႇသဝ်းၸွမ်းၼၼ်ႉယဝ်ႉ။ မိူၼ်ၼင်ႇ- ႁိူၼ်း ၵျွင်းၸၵွႃႇ ဢၼ်လႆႈမၵ်းမၼ်ႈ၊တၢင်ႇၸိုဝ်ႈသဵင်တၢင်းသဵင်ႈ၊ ၸၢႆးယိင်းၸၵွႃႇ ဢၼ်မၵ်းမၼ်ႈ ႁွင်ႉၸွမ်းၽႃႇသႃႇၵႂၢမ်းလၢတ်ႈၽႂ်မၼ်း၊ တေဢမ်ႇလႆႈႁဵတ်းၸိူင်ႉၼၼ်ၸိူင်ၼႆၸၵွႃႇ ပၵ်းပိူင်ဢၼ်မၵ်းမၼ်ႈဝႆႉလႄႈ ပဵၼ်လွင်ႈမၢၼ်ႇမႅၼ်ႈ ဢၼ်ၵူၼ်းတၢင်းၼမ် ယွမ်းႁပ်ႉၼၼ်ႉယဝ်ႉ။