လွင်ႈဢမ်ႇမီးၽွၼ်းလီ 6 ပိူင်

ဢၼတ်ထပုၸꧡၵ ပြႁ်မꧣဝတ်ထု

ၽွင်းမိူဝ်ႈ မုၼ်ၶမ်းၽြႃးယူႇသဝ်း တမ်ႈတီႈ မိူင်းသႃႇဝတ်ႉထိ ၵျွင်းၸေႇတဝၼ်ႇၼၼ်ႉ ဢိင်ပိုင်ႈလူၺ်ႈ ပုၼ်ႇၼႃး ဢၼတ်ထပုၸ်ꧡၵသေ ၸင်ႇတေႁေႃး တြႃးဢၼ်ဢဝ်ၵႃႇထႃႇ “ဢတ်ထႃ ႁဝေ” ၼၼ်ႉယဝ်ႉ။

ပုၼ်ႇၼႃးၼၼ်ႉ ဝူၼ်ႉဝႃႈ “တေဝႃႈႁိုဝ်ၼေႃ မုၼ်ၶမ်းၽြႃးဢၼ်ဝႃးၼႆႉ ၶဝ်ၸဝ်ႈၵူၺ်းႁူႉ ဢၼ်မီးၼမ်ႉတွၼ်းၽွၼ်းလီၵူၺ်းႁိုဝ်ၼေႃး၊ ယူဝ်ၶႄး မၼ်းၸဝ်ႈ ဢမ်ႇႁူႉလွင်ႈဢမ်ႇမီးၽွၼ်းလီၼၼ်ႉသႄႈ၊ ၵဝ်တေဢဝ်လွင်ႈတၢင်းဢၼ်ၼႆႉသေ ၵႂႃႇတွင်ႈထၢမ်တူၺ်း မုၼ်ၶမ်းၽြႃးၵွၼ်ႇ” ၼႆသေ ၸင်ႇတေၵႂႃႇၸူးၽြႃး တမ်ႈတီႈ ၵျွင်းၸေႇတဝၼ်ႇယဝ်ႉ။

“မုၼ်ၶမ်းၽြႃးတီႈၶႃႈ ၽြႃးဢၼ်ဝႃႈၼႆႉ ၵူၺ်းႁူႉ လွင်ႈဢၼ်မီးၽွၼ်းလီၼၼ်ႉၵူၺ်း။ ၶႃႈပႄးထၢင်ႇတႄႉ လွင်ႈဢၼ်ဢမ်ႇမီးၽွၼ်းလီၼၼ်ႉ မုၼ်ၶမ်းၽြႃးၶဝ်တေဢမ်ႇႁူႉၶႃႈယူဝ်ႉၼေႃႈ” ၼႆယဝ်ႉ။ ၵမ်းၼၼ်ႉ မုၼ်ၶမ်းၽြႃးၸင်ႇတွပ်ႇဝႃႈ

“ပုၼ်ႇၼႃးလူင် … ၵဝ်ၽြႃးၼႆႉ လွင်ႈဢၼ်မီးၽွၼ်းလီၵေႃႈႁူႉဢိူဝ်ႈ၊ လွင်ႈဢၼ်ဢမ်ႇမီးၽွၼ်းလီၵေႃႈ တေႃႈႁူႉဢိူဝ်ႈ” ၼႆယဝ်ႉ။ “ပေႃးၼၼ် ၽြႃးၸဝ်ႈႁေႃးၼႄပၼ်ၶႃးႁဝ်း လွင်ႈဢမ်ႇမီးၽွၼ်းလီၼၼ်ႉ သေၵမ်းၶႃႈ” ၼႆယူႇ။

ဢုသ်သူရသေယျံ ဢႃလသျံ၊ ၸꧣ်ꩦိၵ်ၵံ ၻီꧠသေၢꧣ်ꩦိယံ။

ဢေၵသ်ၻ်ꩪႃၼၷမၼံ၊ ပရၻႃရူပသေဝၼံ။

ဢေတံ ၿြႁ်မꧣ သေဝသ်သု၊ ဢၼတ်ထံ တေ ꧤဝိသ်သတိ။

ၿြႁ်မꧣ - ပုၼ်ႇၼႃးလူင်ဢိူၺ်း၊ ဢုသ်သူရသေယျံ- လွင်ႈဢၼ်လႅတ်ဢွၵ်ႇသေ ၸင်ႇလုၵ်ႉၼၼ်ႉလႄႈသင်၊ ဢႃလသျံ - လွင်ႈဢမ်ႇမီးတၢင်းၶတ်းၸႂ်ၼၼ်ႉလႄႈသင်၊ ၸꧣ်ꩦိၵ်ၵံ - လွင်ႈဢၼ်တေႃးသယႂ်ႇ ၵျၢမ်းထၢမ်းၼၼ်ႉလႄႈသင်၊ ၻီꧠသေၢꧣ်ꩦိယံ - လွင်ႈၵိၼ်လဝ်ႈမဝ်းၵႅပ်ႈ ယူႇတႃႇသေႇၼၼ်ႉလႄႈသင်၊ ဢေၵသ်ၻ်ꩪႃၼၷမၼံ - လွင်ႈဢွၵ်ႇၶၢဝ်းတၢင်းၵႆ ၵေႃႉလဵဝ်ၼၼ်ႉလႄႈသင်၊ ပရၻႃရူပသေဝၼံ - လွင်ႈဢၼ်ၵူတ်ႉလုၵ်ႈထုၵ်ႇမေး ၵဝ်းၼႃႈႁိူၼ်းတႃယေး ပိူၼ်ႈၼၼ်ႉလႄႈသင်၊ ဢတ်ထိ- မီးဝႆႉ ထၢင်ႇၸႅင်ႈယူႇယဝ်ႉ။ ၿြႁ်မꧣ - ပုၼ်ႇၼႃးလူင်ဢိူၺ်း၊ တွံ - မႂ်းၸမ်း - ဢေတံ - ၼင်ႇၵႃႈဝႃႈမႃး တြႃးႁူၵ်းပႃးၼၼ်ႉ၊ သေဝသ်သု- ၶတ်းၸႂ် ႁဵတ်းသၢင်ႈႁၢင်ႈပွင်လႄႈ။ တေ - တမ်ႈတီႈမႂ်းၼၼ်ႉ၊ ဢၼတ်ထံ - လွင်ႈဢမ်ႇမီးၽွၼ်းလီၸိုင်၊ ꧤဝိသ်သတိ - တေပဵၼ်မႃးယူႇယဝ်ႉ။ ပေႃးဝႃႈလႆႈငိၼ်းၼင်ႇၼၼ်ယဝ်ႉ ပုၼ်ႇၼႃးလူင်ၸင်ႇဝႃႈ

“ၽြႃးၸဝ်ႈ ဢၼ်ပဵၼ်ႁူဝ်ပိူၼ်ႈတင်းသဵင်ႈတီႈၶႃႈၼေႃး … ၽြႃးၸဝ်ႈ ဢၼ်ပဵၼ်ႁူဝ်ပိူၼ်ႈတင်းသဵင်ႈတီႈၶႃႈၼေႃး … လီတႄႉၶႃႈယဝ်ႉ၊ လီတႄႉၶႃႈယဝ်ႉ။ ၸဝ်ႈႁဝ်းၶဝ်ၼႆႉ လွင်ႈမီးၽွၼ်းလီၵေႃႈႁူႉ၊ လွင်ႈဢမ်ႇမီးၽွၼ်းလီၵေႃႈ ႁူႉတီႈၶႃႈယဝ်ႉ” ၼႆသေ ယွင်ႈယေႃးၽြႃးယူႇယဝ်ႉ။

“ပုၼ်ႇၼႃး လွင်ႈဢၼ်မီးၽွၼ်းလီ၊ လွင်ႈဢၼ်ဢမ်ႇမီးၽွၼ်းလီ ဢၼ်ဝႃႈၼၼ်ႉ ၵေႃႉဢၼ်ႁူႉပဵင်းၵဝ်ၽြႃးၼၼ်ႉ ဢမ်ႇမီးသေၵေႃႉ” ၵမ်းၼၼ်ႉ မုၼ်ၶမ်းၽြႃး ၸင်ႇၶႆႈၸႂ်တူၺ်းလွင်ႈပုၼ်ႇၼႃးသေ ထၢမ်

“ပုၼ်ႇၼႃးလူင် … ၸဝ်ႈၵဝ်ႇ ႁဵတ်းၵၢၼ်လဵင်ႉတွင်ႉ ၸိူင်ႉႁိုဝ်?” ၼင်ႇၼႆလႄႈ ပုၼ်ႇၼႃးလူင် ၶိုၼ်းတွပ်ႇဝႃႈ “ၵဝ်ၶႃႈ တေႃႇလွင်ႈမၢၵ်ႇတႅဝ်ႇမၢၵ်ႇမႄႈသေ လဵင်ႉတွင်ႉဢေႃႈ” “ပေႃးၼႆ မႂ်းပႄႉႁႃႉ သုမ်း?” ပုၼ်ႇၼႃးၶိုၼ်းတွပ်ႇဝႃႈ “ပႄႉၵေႃႈမီး သုမ်းၵေႃႈမီးဢေႃႈ”

“ပုၼ်ႇၼႃးလူင် … ဢၼ်ပႄႉၼၼ်ႉ ၵူၺ်းပဵၼ် ဢၼ်ဢွၼ်ႇဢီႈၵူၺ်း။ ဢၼ်ပႄႉပိူၼ်ႈတၢင်ႇၵေႃႉၼၼ်ႉ ဢမ်ႇမျၢတ်ႈ၊ ၵူၼ်းၵေႃႉ ဢၼ်ဢွင်ႇပႄႉလႆႈၵိလႄႇသႃႇၼၼ်ႉ မၼ်းဢွင်ႇပႄႉၶိုၼ်း တူဝ်မၼ်းယဝ်ႉ။ လွင်ႈဢွင်ႇမၢၼ်ၼင်ႇၼၼ်ၼၼ်ႉ ပဵၼ်လွင်ႈဢွင်ႇမၢၼ်မျၢတ်ႈယဝ်ႉ။ ၵေႃႉဢၼ်ဢွင်ႇပႄႉလႆႈ တူဝ်ၸဝ်ႈၵဝ်ႇၼၼ်ႉ ပိူၼ်ႈတၢင်ႇၵေႃႉ ဢမ်ႇၸၢင်ႈႁဵတ်းႁႂ်ႈမၼ်းသုမ်းလႆႈၵူၺ်း” ၼႆသေ ႁေႃးတြႃႈပၼ်ၵႂႃႇယဝ်ႉ။

(104) ဢတ်ထႃ ႁဝေ ꩡိတံ သေယျေႃ၊ ယႃ ၸႃယံ ဢိတရႃ ပꩡႃ။

ဢတ်တၻၼ်တသ်သ ပေႃသသ်သ၊ ၼိၸ်ၸံ သၺ်ၺတၸႃရိၼေႃ။

(105) ၼေဝ ၻေဝေႃ ၼ ၷၼ်ꩪၿ်ၿေႃ၊ ၼ မႃရေႃ သႁ ၿြႁ်မုၼႃ

ꩡိတံ ဢပꩡိတံ ၵယိရႃ၊ တထႃရူပသ်သ ꩡၼ်တုၼေႃ။

ၵူၼ်းၸၢႆး ၵေႃႉဢၼ်မီးတၢင်းတိုဝ်းၵမ်လီ ဢၼ်သင်ႇသွၼ်ဝႆႉ သူပ်းတူဝ်ႁူဝ်ၸႂ်ၸဝ်ႈၵဝ်သေ လႆႈဝႆႉ လွင်ႈဢွင်ႇမၢၼ်ၸိုင် လွင်ႈဢွင်ႇမၢၼ်မၼ်းၼၼ်ႉ ၽီၵေႃႈ ဢမ်ႇႁဵတ်းလႆႈ ႁႂ်ႈမၼ်းသုမ်း။ ၽီၵၼ်ႇထပ်ႉပ ၽီၽၢႆးၵေႃႈ ဢမ်ႇႁဵတ်းလႆႈ ႁႂ်ႈမၼ်းသုမ်း။ ၶုၼ်သၢင်လႄႈသင် ၶုၼ်သူင်လႄႈသင် ဢမ်ႇႁဵတ်းလႆႈ ႁႂ်ႈမၼ်းသုမ်း။ တၢင်းဢွင်ႇမၢၼ် ဢၼ်မၼ်းၸၢႆး ဢွင်ႇပႄႉလႆး ၵိလေႇသႃႇတီႈတူဝ်ၸဝ်ႈၵဝ်ႇၼၼ်ႉ ပဵၼ်တၢင်းဢွင်ႇမၢၼ် ဢၼ်မျၢတ်ႈတွၼ်းယဝ်ႉ။ တၢင်းဢွင်ႇမၢၼ် ဢၼ်တေႃႇလွင်း ဢၼ်တိုၵ်းသိုၵ်းၸိူဝ်းၼၼ်ႉၵေႃႈ မီးယူႇ။ တၢင်းဢွင်ႇမၢၼ်ၸိူဝ်းၼၼ်ႉတႄႉ ဢမ်ႇၸႂ်ႈ တၢင်းဢွင်ႇမၢၼ် မျၢတ်ႈတွၼ်း။

လွၵ်းလၢႆး ဢမ်ႇမီးၽွၼ်းလီ 6 ပိူင်ၼႆႉ ၽြႃးၵေႃးတမ ႁေႃးပၼ် ပုၼ်ႇၼႃးၵေႃႉၼိုင်ႈ မီးၼင်ႇၼႆ။

1. ဥဿူရသေယျံ ဢမ်ႇလုၵ်ႉၸဝ်ႉၵၢင်ၼႂ် (ပွင်ႇဝႃး လႅတ်ႇဢွၵ်ႇယဝ်ႉ ၸင်ႇတေလုၵ်ႉ ပဵၼ်ၸဝ်ႈဝၼ်းပိူင်း)

2. အာလသျံ - ဢမ်ႇၶတ်းၸႂ်ၶီႈၶၢၼ်ႉ (ပွင်ႇဝႃႈ ဢမ်ႇမီးဝီႇရိယ လွင်ႈၶတ်းၸႂ်သႂ်ႇႁႅင်း)

3. စဏ္ဍိက္ကံ - ထၢတ်ႈၸႂ်မၢၼ်ႉ ၵျၢမ်းထၢမ်း (ပွင်ႇဝႃႈ ဢဝ်ၸႂ်တေႃးသသေ ႁဵတ်းႁွတ်းၵႂႃႇ)

4. ဒီဃ သောဏ္ဍိယံ- မူတ်းယၢမ်းၸွမ်းလဝ်ႈယႃႈ (ပွင်ႇဝႃႈ ၵုမ်ႇမဝ်းမိင်းၸွမ်း ယႃႈမဝ်းၵမ်)

5. ဧကဿဒ္ဓါန ဂမနံ - ၵႂႃႇတႃႈတၢင်းၵေႃႉလဵဝ် (ၶၢဝ်းတၢင်းၵႆၼၼ်ႉ ၵႂႃႇၵေႃႉလဵဝ် ၸၢင်ႈထူပ်းၽေး)

6. ပရဒါရူပသေဝနံ-- ပွင်ယဵဝ်ၵူတ်ႉလွင်ႈၽွၵ်ႇ (ပွင်ႇဝႃႈ ၵူတ်ႉၽူဝ်ၵူတ်ႉမေးပိူၼ်ႈသေ-  ပိုၼ်ႇၽွၵ်ႇ)

ဢမ်ႇဢွၵ်ႇၼမ်ႉတွၼ်းလီ၊ တၵ်းလႆႈၶီဢမ်ႇၵၢတ်ႈ၊ ၽြႃးႁေႃးလၢတ်ႈ၊ မႂ်းပုၼ်ႇၼႃးမၢတ်ႈမၢႆတၼေႃး။