ဝီႇၶီႇၽီးတီးယႃး:ၽူႈၸႂ်ႉတိုဝ်းၶဝ်

ပိုၼ်းတွၼ်ႈၸဝ်ႉမိူင်းဢွတ်ႇ (မၢၼ်ႈ မိုင်အော. ဢင်းၵိတ်ႉ Mong Awt ) မိူင်ႈဢွတ်ႇၼႆႉ ပဵၼ်မိူင်းလဵၵ်ႉꧦဢွၼ်ႇဢၼ်ၶဝ်ႈပႃးဝႆႉၼႂ်း ၸေႈဝဵင်းမိူင်းသူႈ၊ မိူင်းတႆးပွတ်းၸၢၼ်း ၼၼ်ႉယဝ်ႉ၊မိူင်းဢွတ်ႇၼႆႉ ယွၼ်ႉပဵၼ်တီႈမိူင်းတႆးပွတ်းၸၢၼ်း တင်းပွတ်းႁွင်ႇၸၢပ်ႈၵၼ်ၼၼ်ႉလႄႈ ၵမ်ႈၽွင်ႈယင်းဝႃႈ မိူင်ႈဢွတ်ႇၼႆႉ ၶဝ်ႈပႃးၼႂ်းပွတ်းႁွင်ႇဢမ်ႇၸႂ်ႈႁ ၼႆလူးၵွၼ်ႇ။

 ငဝ်ႈငႃႇမၼ်းတႄႉ မိူင်းဢွတ်ႇၼႆႉ ၶုၼ်သိုၵ်းလူင် မိူင်းပၼ်ႇၸရဵတ်ႈ မၼ်းၸဝ်ႈဢွင်ႇပေႉသိုၵ်းသေ

ယဝ်ႉလႄႈဢွၵ်ႇႁႃတေႇတင်ႈမိူင်းဝႃႈၼႆ၊ မိူဝ်ႈတေႇတင်ႈမိူင်းၼၼ်ႉ ၶုၼ်သိုၵ်းလူင်လၢတ်ႈဝႃႈ ၵဝ်ၵေႃႉလဵဝ်ၵူၺ်းဢမ်ႇႁဵတ်းမိူင်းလူင်ယဝ်ႉ ၵဝ်တေႁဵတ်းမိူင်းဢွၼ်ႇၵူၺ်းယဝ်ႉၼႆသေ ဢွၼ်ဢဝ်ၶႃႈၵူၼ်းမၼ်းတႄႇမိူင်းဢွၼ်ႇယူႇသဝ်းမႃးလႄႈၸင်ႇဢွၼ်ၵၼ်ႁွင်ႉဝႃႈမိူင်းဢွတ်ႇၼႆမႃးယူႇ ယဝ်ႉ။

 ပၢၼ်သိုပ်ႇပၢၼ် လုၵ်ႈသိုပ်ႇလၢၼ် ႁိုင်မႃးၵေႃႈယွၼ်ႉဝေႃးႁႃႇရ လႅၵ်ႈလၢႆႈၶၢႆႉပိူင်ႈမႃးလႄႈ မိူင်းဢွၼ်ႇၼႆၼၼ်ႉၵေႃႈ ဢွၼ်ၵၼ်ႁွင်ႉဝႃႈမိူင်းဢွတ်ႇၼႆမႃးယူႇ ဝၢႆးသေတေႇတင်ႈမိူင်းယဝ်ႉၼၼ်ႉ ယွၼ်ႉပိူဝ်ႈဢုင်မုၼ်ၽူင်းၵၢမ်ႇ

ၸဝ်ႈၶုၼ်ၶိုၼ်ႈယႂ်ႇႁိူဝ်ႈႁိူင်း လႄႈ ၵူၼ်းမႃးၵႃႉမႃးၶၢႆၼႂ်းၵၢတ်ႇမိူင်းဢွတ်ႇၼၼ်ႉၵေႃႈပေႃးၵိုၼ်း ငိုၼ်းၶမ်းၵေႃႈသမ်ႉပေႃးလိူင်ႇမၢၵ်ႈလူင်ဝႆႉ၊ ၶူဝ်ဢၼ်ၵႃႉၶၢႆတေႃႇၵၼ်ၵေႃႈမီးၸေးၵူႈၸိူဝ်ႉ ၵူႈပိူင် ၵႃႉငၢႆႈၶၢႆလီတေႉꧦဝႃႈၼႆယူႇ၊ ယွၼ်ႉပိူဝ်ႈႁႅင်းဢူမုၼ်ၸဝ်ႈၶုၼ်မိူင်းလႄႈဝၢၼ်ႈမိူင်းသေ လွင်ႈလၢၵ်ႇလၢႆးလူင် ဢၼ်ဢမ်ႇတွၼ်ႉယၢမ်ႈ ႁၼ်ယၢမ်ႈငိၼ်း၊ ဢၼ်ဢမ်ႇတွၼ်ႉယၢမ်ႈပဵၼ်မႃးၼၼ်ႉၵေႃႈ ပဵၼ်မႃးၼႂ်းဝၢၼ်ႈၼႂ်းမိူင်းဝႃႈၼႆ။

  မီးဝၼ်းၼိုင်ႈ ၵူၼ်းဝၢၼ်ႈၽၢႆႇဢွၵ်ႇၼမ်ႉၵေႃႉၼိုင်ႈ ဢွၵ်ႇႁႃလႄႇထိူၼ်ႇလႄႇၼမ်ႉသေ ၵႂႃႇႁၼ်သႂ်ႇၼွင်လူင်လုၵ်ႈၼိုင်ႈ၊ တေဝႃႈၼႂ်းၵၢင်ၼွင်ၼၼ်ႉၵေႃႈမီးဝႆႉတူၼ်ႈမႆႉလူင်တူၼ်ႈၼိုင်ႈ ႁၢင်းဢီႈသင်လူင် မီးၼိူဝ်တူၼ်ႈမႆႉ ၼႂ်းၵၢင်ၼွင်ၼၼ်ႉဢေႉ မၼ်းလွမ်ဝူၼ်ႉၼႂ်းၸႂ်မၼ်းၸိူင်ႉၼႆသေ ဢွၵ်ႇၸႂ်ၶႆႈႁူႉၼႃႇလူင်လၢင်တေႉꧦဝႃႈꧦလႄႈ မၼ်းၵႂႃႇၶိုၼ်ႈၼိူဝ်တူၼ်ႈမႆႉလူင်ၼၼ်ႉသေယဝ်ႉ ငွၵ်ႈတူၺ်းၼႂ်းႁၢင်းဢၼ်မီးၼိူဝ်တူၼ်ႈမႆႉလူင်ၼၼ်ႉ၊ မၼ်းၸိုင်လႆႈႁၼ်ပႃယဵၼ်ႇလူင်တူဝ်ၼိုင်ႈ ၼွၼ်းၶူတ်းဝႆႉလူင်ယူႇလႄႈ မၼ်းတူၵ်းၸႂ်ၼႃႇလူင်လၢင်သေယဝ်ႉ ၼႅတ်ႈမိူဝ်းလၢတ်ႈၼႄၸဝ်ႈၶုၼ်လူင် လွင်ႈဝႃႈ ၼႂ်းႁၢင်းလူင် ၼိူဝ်တူၼ်ႈမႆႉ ၼႂ်းၵၢင်ၼွင်ၼၼ်ႉ မီးပႃယဵၼ်ႇလူင်ၼႆႉယူႇယဝ်ႉ။ ၸဝ်ႈၶုၼ်လူင်ၼၼ်ႉၵေႃႈၸင်ႇဝႃႈ   ဢႃႉ      ဢၢႆႈၼႆႉမႂ်းယႃႇပေမႃးလၢတ်ႈယူႇဢေႉ မဵဝ်းမၼ်းၵေႃႈဢမ်ႇၸႂ်ႈ၊ ပႃယဵၼ်ႇသင်လႄႈဝႃႈယူႇၼႂ်းႁၢင်းၼိူဝ်တူၼ်ႈမႆႉၼႆႉ။