ဝၢၼ်ႈတူၼ်ႈၵႃႈ၊ ၸႄႈဝဵင်းသီႇပေႃႉ
တူၼ်ႈၵႃႈ | |
|---|---|
| ဝၢၼ်ႈတူၼ်ႈၵႃႈ | |
 | |
  တူၼ်ႈၵႃႈ ဢွင်ႈတီႈ ၼႂ်းမိူင်းမျၢၼ်ႇမႃႇ | |
| ၵူဝ်ႇဢေႃးတိၼဵတ်ႉ: 22°35′23″N 97°15′25″E / 22.5897197723389°N 97.2569122314453°E | |
| မိူင်း |  မိူင်းမျၢၼ်ႇမႃႇ |
| ၸႄႈမိူင်း |  မိူင်းတႆး |
| ၸႄႈတွၼ်ႈ | ၸႄႈတွၼ်ႈၵျွၵ်းမႄး |
| ၸႄႈဝဵင်း | ၸႄႈဝဵင်းသီႇပေႃႉ |
| ဢိူင်ႇ | ဢိူင်ႇပေႃႇၵျူဝ်ႇ |
| ႁူဝ်ၼပ်ႉၵူၼ်းမိူင်း | |
| • သႃႇသၼႃႇၵိူဝ်းယမ် | ပုတ်ႉထၽႃႇသႃႇ |
| ၸူၼ်ႇၶၢဝ်းယၢမ်း | UTC+06:30 (MST) |
ဝၢၼ်ႈတူၼ်ႈၵႃႈ (မၢၼ်ႈ: တွန်ကာရွာ၊ ဢိင်းၵလဵတ်ႈ: Tunkar) ၼႆႉ မီးဝႆႉတီႈၼႂ်း [[မိူင်းတႆး|မိူင်းတႆးပွတ်းႁွင်ႇ)၊ ၸႄႈတွၼ်ႈၵျွၵ်းမႄး၊ ၸႄႈဝဵင်းသီႇပေႃႉ၊ ဢိူင်ႇပေႃႇၵျူဝ်ႇၼၼ်ႉယဝ်ႉ။ ၶူတ်ႉဢွင်ႈတီႈဝၢၼ်ႈတႄႉ ပဵၼ် 209918 ယဝ်ႉ။ ၸွမ်းလူၺ်ႈသဵၼ်ႈမၢႆႁူဝ်ႁိူၼ်း ပီ 2014 သေ ၵူၼ်းယူႇသဝ်း ၸၢႆး 1425 ၵေႃႉ၊ ယိင်း 1438 ၵေႃႉ၊ ႁူဝ်ၼပ်ႉၵူၼ်း ႁူမ်ႈၵၼ် မီးယူႇ 2863 ၵေႃႉယဝ်ႉ။[1]
မိူဝ်ႈၼၼ်ႉ တီႈဝၢၼ်ႈလူင်ၼႆႉ ဢွၼ်တၢင်းမီးဝႆႉၸိုဝ်ႈသၢမ်ၸိုဝ်ႈၼႆၶႃႈဢေႃႈ။ ၸိူဝ်းၼၼ်ႉတႄႉပဵၼ်-
- ပွၵ်ႉမႂ်ႇတူၼ်ႈမႆႉႁုင်းၵၢႆး
- ပွၵ်ႉတူၼ်ႈသဝ်ႈ
- ပွၵ်ႉတူၼ်ႈၵႃႈ ၼႆသေ မီးဝႆႉ သၢမ်ၸိုဝ်ႈ သၢမ်ပွၵ်ႉယူႇၶႃႈယဝ်ႉ။[2]
ပွၵ်ႉတူၼ်ႈသဝ်ႈ
[မႄးထတ်း | မႄးထတ်းငဝ်ႈငႃႇ]ပွၵ်ႉတၢင်းတႂ်ႈၼၼ်ႉ မၼ်းမီးဝႆႉ တူၼ်ႈမႆႈသဝ်ႈလူင်လႄႈ ၵူၼ်းယူႇပွၵ်ႉၼၼ်ႉၵေႃႈ ႁွင်ႉၵိုၵ်းတူၼ်ႈမႆႉ ၼၼ်ႉသေ ဢၼ်ၵၼ်ဝႃႈ ပွၵ်ႉတူၼ်ႈသဝ်ႈ ၼႆယူႇယဝ်ႉ။
ပွၵ်ႉတူၼ်ႈၵႃႈ
[မႄးထတ်း | မႄးထတ်းငဝ်ႈငႃႇ]ၽၢႆႇၼိူဝ်ပွၵ်ႉတူၼ်ႈသဝ်ႈလူင်ၼၼ်ႉ သမ်ႉမီးဝႆႉ တူၼ်ႈမႆႉၵႃႈလူင် လႄႈ ၵူၼ်းဢၼ်ယူႇသဝ်းဝႆႉၸိူဝ်း ၼၼ်ႉၵေႃႈ ၶဝ်ႁိၵ်ႈၸိုဝ်ႈပွၵ်ႉၼၼ်ႉဝႃႈ ပွၵ်ႈတူၼ်ႈၵႃႈ ၼႆယူႇယဝ်ႉ။
ပွၵ်ႉမႂ်ႇတူၼ်ႈမႆႉႁုင်းၵၢႆး
[မႄးထတ်း | မႄးထတ်းငဝ်ႈငႃႇ]တႄႇဢဝ်တၢင်းၽႄ (ပၢင်ႇၵိၼ်း ၼႆၵေႃႈႁွင်ႉ) ၼၼ်ႉသေ ၶိုၼ်ႈမႃးတၢင်းၼိူဝ်ၼႆႉ ပႆႇမီးဝၢၼ်ႈၵူၼ်း သင် ပႆႇမီးပွၵ်ႉမီးယွမ်ႇသင်၊ ၸင်ႇတၢင်းမီးၵူၼ်းဝၢၼ်ႈတုင်းၶူၵ်ႈၶဝ် တႄႇၶၢႆႉမႃးယူႇႁိူၼ်းသွင်ႁိူၼ်းသေ ႁိုင် မႃးၵေႃႈ ပဵၼ်ပွၵ်ႉ၊ တီႈပွၵ်ႉၼၼ်ႉသမ်ႉ မီးဝႆႉတူၼ်ႈမႆႉႁုင်းလူင်ယူႇယဝ်ႉ။ မဵဝ်းမႆႉႁုင်းဢၼ်ဝႃႈၼၼ်ႉ မႂ်မၼ်းၵေႃႈၵၢႆး တူၼ်ႈမၼ်းၵေႃႈၵၢႆး ပေႃးလူမ်းထူဝ်းမႃးၼႆၸိုင် ၽဝ်ႇၵၢႆးမၼ်း တီႈမႂ်မၼ်းလႂ် တီႈတူၼ်ႈမၼ်းလႂ်ၸိူဝ်းၼၼ်ႉ ပေႃးၽူင်ႉၺႃးၵူၼ်းၼႆၸိုင် ၵၢႆးထိုင်တူဝ်လႄႈ ၸင်ႇႁွင်ႉဝႃႈ မႆႉႁုင်းၵၢႆးၼႆသေ တၢင်ႇၸိုဝ်ႈပွၵ်ႉၼၼ်ႉဝႃႈ ပွၵ်ႉမႂ်ႇတူၼ်ႈမႆႉႁုင်းၵၢႆး ၼႆယူႇယဝ်ႉ။ တူၼ်ႈမႆႉၸိူဝ်းၼၼ်ႉ ၸင်ႇတိုၵ်ႉမီး တူၼ်ႈမႆႉၸိူဝ်းၼၼ်ႉ မၢင်တူၼ်ႈၵေႃႈ ၵူၼ်းဢၼ်ယူႇၼႂ်းဝၢၼ်ႈၶဝ်ႈပွမ်ႈသေ ၸႂ်ႉတိုဝ်းတၢင်ႇမဵဝ်း ၵေႃႈမီး၊ မၢင်တူၼ်ႈၵေႃႈ ဢႃႇယုယႂ်ႇသေ ၽင်ႉႁင်းၵူၺ်းသေတၢႆပႅတ်ႈၵေႃႈမီး၊ ဝၢႆးၼၼ်ႉ ႁိုင်မႃးၵေႃႈၵိုတ်း ၸိုဝ်ႈမၼ်းၵူၺ်းသေ ဢဝ်ပွၵ်ႉၸိူဝ်းၼၼ်ႉ ၵိုတ်းၵိုၵ်းၸိုဝ်ႈတူၼ်ႈမႆႉၸိူဝ်းၼၼ်ႉသေ ၵိုၵ်းတေႃႇထိုင်ဝၼ်း မိူဝ်ႈလဵဝ်ယူႇယဝ်ႉ။
တူၼ်ႈၵႃႈ ႁဵတ်းႁိုဝ်ၸပ်းၸိုဝ်ႈမႃး
[မႄးထတ်း | မႄးထတ်းငဝ်ႈငႃႇ]ပွၵ်ႉသၢမ်ပွၵ်ႉၼႆႉ ပွၵ်ႉၼိုင်ႈလႄႈပွၵ်ႉၼိုင်ႈ တိတ်းၸပ်းၵၼ်ၼႃႇလေႈ ပွၵ်ႉတႂ်ႈဢၼ်ပဵၼ် ပွၵ်ႉတူၼ်ႈ သဝ်ႈၼၼ်ႉၵေႃႈႁၢႆ၊ ပွၵ်ႉၼိူဝ် ဢၼ်ပဵၼ်ပွၵ်ႉမႂ်ႇတူၼ်ႈႁုင်းၵၢႆး ၼၼ်ႉၵေႃႈႁၢႆသေ ဝၢႆးမႃးၵူၼ်းဝၢၼ်ႈၵေႃႈ ဢွၼ်ၵၼ်ႁွင်ႉၸပ်းၸိုဝ်ႈ ပွၵ်ႉဢၼ်မီး တူၼ်ႈမႆႉၵႃႈလူင် ၼၼ်ႉလေႈ ၸင်ႇၵွႆႈၸပ်းၸိုဝ်ႈမႃး ဝၢၼ်ႈတူၼ်ႈၵႃႈ ၼႆ တေႃႇထိုင်ဝၼ်းမိူဝ်ႈၼႆႉယူႇယဝ်ႉ။
ႁိမ်းႁွမ်း ဝၢၼ်ႈတူၼ်ႈၵႃႈ မီးသင်လၢႆလၢႆ
[မႄးထတ်း | မႄးထတ်းငဝ်ႈငႃႇ]ဝၢၼ်ႈတူၼ်ႈၵႃႈ ၼႆႉ ယွၼ်ႉပွၵ်ႉသၢမ်ပွၵ်ႉ မႃးၸပ်းၵၼ်သေ ပဵၼ်မႃးဝၢၼ်ႈၼိုင်ႈဝၢၼ်ႈလႄႈ ပဵၼ်ဝႆႉ ဝၢၼ်ႈဢၼ်ယူႇသႃႇ လီမူၼ်ႈသိူဝ်းဝႆႉယူႇဝၢၼ်ႈၼိုင်ႈၶႃႈယဝ်ႉ။ ပေႃးယူႇတီး Google Maps သေႁႃတူၺ်း ဝၢၼ်ႈတူၼ်ႈၵႃႈ ၼႆႉၼႆၸိုင် ၸိုဝ်ႈ - Durne Gar Village ဝၢၼ်ႈတူၼ်ႈၵႃႈ - တေလႆႈႁၼ် ဝၢၼ်ႈၼႆႉ ၸပ်းၼမ်ႉတူႈသႂ်သႂ်ၼၼ်ႉ လဵပ်ႈလူင်းၸွမ်းႁိမ်းယူႇယဝ်ႉ။ ပေႃးတူၺ်းၽၢႆႇဢွၵ်ႇဝၢၼ်ႈၼႆႉ မီး ဝၢၼ်ႈတူၼ်ႈၶေႃႉ ၊ ၽၢႆႇတူၵ်းဝၢၼ်ႈသမ်ႉ တိတ်းၸပ်းၵၼ် ဝၢၼ်ႈၵၢင်ႉမေႃႇ ႁိမ်းၵွင်းမူး ၼၢင်းမွၼ်းလႃႉ ၼၼ်ႉယဝ်ႉ။ ၽၢႆႇႁွင်ႇဝၢၼ်ႈသမ်ႉ မီး ဝၢၼ်ႈၼႃးၶၢႆး ဢၼ်မီး ႁိမ်းၽင်ႇတၢင်းၵႃးလူင် ၼၼ်ႉယူႇယဝ်ႉ။
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ "Place codes (Pcodes)". Myanmar Information Management Unit. June 2020.
- ↑ ပိုၼ်းၸိုဝ်ႈဝၢၼ်ႈၼႆႉ လႆႈတွင်ႈထၢမ် လုင်းသြႃႇသၢင်ႇလွတ်ႈ၊ ပူႇၵီး၊ (ထဝ်ႈဝၢၼ်ႈထဝ်ႈၼႃး) ၶဝ်သေ မၢႆတွင်းဝႆႉယဝ်ႉ။
- ↑ "ၽိုၼ်လိၵ်ႈ မႂ်ပိဝ်" (12.12.2015): 1-5. ၽိင်ႈငႄႈပုတ်ႉထလႄႈလိၵ်ႈလၢႆးတႆး၊ ဝၢၼ်ႈတူၼ်ႈၵႃႈ.
