ဝၼ်ၻၼဝိမႃၼဝတ်ထု၊ ၼၢင်းၽီ လႆႈဝႆႈၸဝ်ႈရႁၢၼ်း

11 - ဝၼ်ၻၼဝိမႃၼဝတ်ထု၊ ၼၢင်းၽီ လႆႈဝႆႈၸဝ်ႈရႁၢၼ်း

             ၼၢင်းၽီဢွၼ်ႇ... မိူဝ်ႈၸၢတ်ႈၵွၼ်ႇ လႆႈမီးၸႂ်ၸေႇတၼႃႇ ၽိူၵ်ႇၸိုၼ်ႈၶၢဝ်သႂ် ၼပ်ႉယမ်ဝႆႈသႃ ၸဝ်ႈရႁၢၼ်း ဢၼ်မီးသိၼ်သႂ်လႄႈ လႆႈမႃးၸၢမ်ႇပူၺ်ႈလူၺ်ႈ ဢူငဝ်းႁၢင်ႈလီႁၢင်ႈလဝ်းၼင်ႇၼႆ

• 819။ ၼၢင်းၽီ မိူၼ်ၼင်ႇလၢဝ်မႃမွင်း ႁိူဝ်ႈႁိူင်းလႅင်းပိူင်း ၵူႈပႃႈၵူႈၽၢႆႇၼင်ႇၼၼ် ငဝ်းတူဝ်မႂ်း ၼၢင်း ဢၼ်လီႁၢၼ်ႉၸႂ်ၼႃႇၼၼ်ႉၵေႃႈ ႁိူဝ်ႈႁိူင်းပိူင်းလႅင်းၵႂႃႇ ၵူႈပႃႈၵူႈတၢင်းဝႆႉယူႇယဝ်ႉ။

• 820။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ မႂ်းလႆႈမီး ဢူဢၢႆသၢႆငဝ်းႁိူဝ်ႈလႅင်း ၼင်ႇၼႆၼေႃး။ ပ။ ယွၼ်ႉပိူဝ်ႈ ၵုသူဝ်ႇသင်သေ ငဝ်းတူဝ်မႂ်းၼၢင်းၵေႃႈ သမ်ႉပေႃး ႁိူဝ်ႈႁိူင်းမၢပ်ႈမိပ်ႈၵႂႃႇ ၵူႈပႃႈၵူႈၽၢႆႇၼေႃး။

• 822။ ၼၢင်းၽီၵေႃႈ ႁူမ်ႁူမ်ၸူမ်းၸူမ်း ။ပ။ ၸင်ႇၶိုၼ်းတွပ်ႇလၢတ်ႈ ၶေႃႈထၢမ်ၼၼ်ႉ ၸွမ်းလွင်ႈတၢင်းၵၢမ်ႇ မၼ်း ၼင်ႇၼၼ်ယဝ်ႉ။

• 823။ မိူဝ်ႈပဵၼ်ၵူၼ်းၼၼ်ႉ ၶႃႈၼၢင်းၼႆႉ လႆႈႁၼ်ၸဝ်ႈရႁၢၼ်း ဢၼ်မီးသိၼ်သီႇလ ၽိူၵ်ႇၸိုၼ်ႈၶၢဝ်သႂ် လႄႈ မီးၸႂ်ၽိူၵ်ႇၸိုၼ်ႈၶၢဝ်သႂ် ႁၢၼ်ႉၸႂ်ႁၢၼ်ႉၶေႃး ၶုပ်ႉဝႆႉ တမ်ႈတီႈ တိၼ်ၸဝ်ႈရႁၢၼ်းၶဝ်သေ ယၢမ်ႈလႆႈႁွမ်းမိုဝ်း ဝႆႈမႃးၶႃႈဢေႃႈ။

• 824။ ယွၼ်ႉပိူဝ်ႈ ၵုသူဝ်ႇၼႃးမုၼ်ဢၼ်ၼၼ်ႉသေ ၶႃႈၼၢင်း ၸင်ႇမႃးမီး ငဝ်းတူဝ်ႁိူဝ်ႈလႅင်းပိူင်း ၼင်ႇ ၼႆယဝ်ႉ။ ပ။ ၵွပ်ႈၵုသူဝ်ႇၼၼ်ႉသေ ဢူငဝ်းၶႃႈႁဝ်းၼႆႉၵေႃႈ ႁိူဝ်ႈႁိူင်း ပိူင်းသႂ်ၵႂႃႇ ၵူႈပႃႈၵူႈၽၢႆႇၶႃႈဢေႃႈ။

ဝၼ်ၻၼဝိမႃၼဝတ်ထု ႁူဝ်သိပ်းဢဵတ်းသုတ်းယဝ်ႉ။