သေႇၶိယ 75
- သၢင်းပိူင်ႇၼၼ်ႉ တေလႆႈၼုင်ႈ ႁႂ်ႈတိၼ်မၼ်း ယၢၼ်ၶိုၼ်ႈပႃႈၼိူဝ်တႃႇတိၼ် သီႇၼိဝ်ႉသေ ႁႂ်ႈ တိၼ်မၼ်းပဵင်းၵၼ်လီငၢမ်းသေ ႁူဝ်မၼ်းယႃႇႁႂ်ႈ ႁူႇယဝ်ႉ။
- သၢင်ႇၵၢၼ်းၼၼ်ႉ တိၼ်မၼ်းႁႂ်ႈယၢၼ်တိၼ်သၢင်း ပိူင်ႇသီႇၼိဝ်ႉသေ ႁႂ်ႈတိၼ်မၼ်းပဵင်းၽဵင်ႇၵၼ်သေ ၼုင်ႈဝႆယဝ်ႉ။
- ပေႃးတေၵႂႃႇပႆ ယူႇသဝ်း ၼႂ်းဝၢၼ်ႈ ႁႂ်ႈရုင်ႇသၢင်ႇ ၵၢၼ်း ႁႂ်ႈႁူမ်ႇလူမ်ႈသၢမ်တီႈ ႁူမ်ႇၶွပ်ႈမိုဝ်း ၶေႃး ပုမ် သေ ၸင်ႇၵႂႃႇၸင်ႇယူႇၼင်ႈယဝ်ႉ။
- ပေႃးၵႂႃႇပႆယူႇသဝ်း ၼႂ်းဝၢၼ်ႈ ႁႂ်ႈထိင်းဢိင်ႇတရေႇ သေ ၵႂႃႇပႆ ယူႇသဝ်းယဝ်ႉ။
- ႁႂ်ႈဢဝ်တႃၵူမ်ႈတူၺ်းၵႂႃႇ ၸူဝ်ႈသီႇသွၵ်ႇသေ ၸင်ႇ ၵႂႃႇပႆယူႇသဝ်းၼႂ်းဝၢၼ်ႈယဝ်ႉ။
- ႁႂ်ႈမေးမႅတ်ႇသၢင်ႇၵၢၼ်း– ယႃႇႁႂ်ႈပိုတ်ႇပိုဝ်းသေ– ၸင်ႇလီၵႂႃႇပႆ ယူႇသဝ်း ၼႂ်းဝၢၼ်ႈယဝ်ႉ။
- ပေႃးၵႂႃႇပႆ ယူႇသဝ်း ၼႂ်းဝၢၼ်ႈ ယႃႇပေၶူဝ် ႁုၼ်ႉ ႁုၼ်ႉႁိူဝ်ႇႁိူဝ်ႇ သဵင်ႁႅင်းယဝ်ႉ။
- မိူဝ်ႈၵႂႃႇပႆ ယူႇသဝ်း ၼႂ်းဝၢၼ်ႈၼၼ်ႉ ယႃႇပေလၢတ်ႈ ၵႂၢမ်းသဵင်ႁႅင်း ပေႃးပူၼ်ႉႁိူၼ်းယဝ်ႉ။
- ယႃႇပေဢဝ်တူဝ် ဢိူင်ႇဢၢင်သေ– ၵႂႃႇပႆ ယူႇသဝ်း ၼႂ်းဝၢၼ်ႈယဝ်ႉ။
- ယႃႇပေဢဝ်ၶႅၼ်ဝႆၶွၼ်း ၽႅတ်းပူၼ်ႉတူဝ်ႁဝ်းသေ ၵႂႃႇပႆ ယူႇသဝ်း ၼႂ်းဝၢၼ်ႈယဝ်ႉ။
- ယႃႇပေဢဝ်ၵွၵ်းႁူဝ်ဝႆၶွၼ်းသေ ၵႂႃႇပႆ ယူႇသဝ်း ၼႂ်း ဝၢၼ်ႈယဝ်ႉ။
- ယႃႇပေတဝ်ႉဢႅင်ႈတဝ်ႉဢႅဝ်သေ ၵႂႃႇပႆ ယူႇသဝ်း ၼႂ်းဝၢၼ်ႈယဝ်ႉ။
- ယႃႇပေသုမ်ႇပူဝ်ႉၵွၵ်းႁူဝ်သေ– ၵႂႃႇပႆ ယူႇသဝ်း ၼႂ်း ဝၢၼ်ႈယဝ်ႉ။
- ယႃႇပေဢဝ်သူၼ်ႈတိၼ် ပႆၢတိၼ် ၼွၵ်းတဝ်ႉ– ယႅင်ႇယႄႈသေ ၵႂႃႇပႆၼႂ်းဝၢၼ်ႈယဝ်ႉ။
- ယႃႇပေဢဝ်မိုဝ်း ဢဝ်ၽႃႈ သၢၼ်ၵွတ်ႇထူင်ႇၶဵၼ်း ႁူဝ်ၶဝ်ႇသေ ယူႇၼင်ႈၼႂ်းဝၢၼ်ႈယဝ်ႉ။
- ပေႃးၵႂႃႇတုင်းသွမ်းၼၼ်ႉ– ႁႂ်ႈၼပ်ႉယမ်ၶဝ်ႈသွမ်း ႁၢင်ႈၶႂ်ႈလႆႈ ဢမ်ႇၶႂ်ႈလႆႈၼၼ် ယႃႇပေႁဵတ်းယဝ်ႉ။
- မိူဝ်ႈၵႂႃႇတုင်းသွမ်းၼၼ်ႉ ႁႂ်ႈဝႆႉသတိ တူၺ်းတီႈသ ပိတ်ႈႁဝ်းသေတုင်းဢဝ်ယဝ်ႉ၊ ယႃႇပေၵုမ်ႇဝၢႆႇတၢင်း ၼိုင်ႈလႄႈတၢင်းၼိုင်ႈယဝ်ႉ။
- ပေႃးၶဝ်ႈသွမ်းမီးသီႇပုၼ်ႈ ၽၵ်းၼၼ်ႉ လူဝ်ႇတုင်း ဢဝ် ယေႈပုၼ်ႈၵွႆးယဝ်ႉ။
- မိူဝ်ႈတုင်းသွမ်းၼၼ်ႉ လူဝ်ႇတုင်းဢဝ် ႁႂ်ႈတေႃႉ တႄႉ တဵမ်သပိတ်ႈၵွႆး၊ ဢမ်ႇလူဝ်ႇတုင်းဢဝ် ပေႃး သူတ်ႇပေႃးလိူဝ်ယဝ်ႉ။
- မိူဝ်ႈသုင်းသွမ်းၼၼ်ႉ ႁႂ်ႈၼပ်ႉယမ်ၶဝ်ႈသွမ်းသေ သုင်း ႁၢင်ႈၶႂ်ႈၵိၼ်ဢမ်ႇၶႂ်ႈၵိၼ်ၼၼ်ႉ ယႃႇပေႁဵတ်း ယဝ်ႉ။
- မိူဝ်ႈသုင်းသွမ်းၼၼ်ႉ– ႁႂ်ႈတူၺ်းၼႂ်းသပိတ်ႈႁဝ်း၊ ဝၢၼ်ႇႁဝ်း၊ ၶဝ်ႈႁဝ်းသေသုင်းၵွႆး– ဢမ်ႇလူဝ်ႇဝၢႆႇ ၽၢႆႇ ႞ လႄႈ ၽၢႆႇ ႞ ယဝ်ႉ။
- မိူဝ်ႈသုင်းသွမ်းၼၼ်ႉ ႁႂ်ႈၶူတ်ႉယိပ်းတၢမ်းၵၼ် ၸိူင်ႉၼင်ႇႁဝ်းၵူၼ်ႇလိၼ်ၼၼ်ႉသေ ၵိၼ်သုင်း ယဝ်ႉ၊ ၺွပ်းဢဝ်တီႈဢိတ်း တီႈဢီႈသေ ၵိၼ်သုင်း ၼၼ်ႉ ဢမ်ႇလီႁဵတ်းယဝ်ႉ။
- မိူဝ်ႈသုင်းသွမ်းၼၼ်ႉ ပေႃးသုင်းၶဝ်ႈသီႇပုၼ်ႈ ႁႂ်ႈ သုင်းၽၵ်းယေႈပုၼ်ႈၵွႆး ယႃႇပေသုင်းၽၵ်းၼမ် ယဝ်ႉ။
- ၶဝ်ႈသွမ်းၼၼ်ႉ ယႃႇပေၶူတ်ႉၸူင် ၵိၼ်ၵၢင်မၼ်း ယဝ်ႉ။
- ႁဝ်းမီးၸႂ် ၶႂ်ႈၵိၼ်ၼမ်သေလႄႈ ဢဝ်ၶဝ်ႈသွမ်းၵူမ် ဝႆႉၽၵ်း ၼႂ်းသပိတ်ႈႁဝ်း ဝၢၼ်ႇၶဝ်ႈႁဝ်းၼၼ်ႉ ဢမ်ႇလီႁဵတ်းယဝ်ႉ။
- ႁဝ်းယူႇလီယူႇသေ ၶၢၼ်ႉတုင်းသွမ်းလႄႈ–ၵႂႃႇႁႃ ယွၼ်းၵိၼ်ၶဝ်ႈၽၵ်းသွမ်းပိူၼ်ႈၼၼ်ႉ ဢမ်ႇလီႁဵတ်းယဝ်ႉ။
- ႁဝ်းမီးၸႂ်ၶႂ်ႈသႄႉၼႄးပိူၼ်ႈသေ လႄႇႁႃႇဝၢႆႇတူၺ်း သပိတ်ႈပိူၼ်ႈ ဝၢၼ်ႇၶဝ်ႈပိူၼ်ႈၼၼ်ႉ ဢမ်ႇလီ တူၺ်းယဝ်ႉ။
- ႁဵတ်းၶဝ်ႈၵမ်းယႂ်ႇသေ ၵိၼ်သုင်းၼၼ်ႉ– ဢမ်ႇလီ ႁဵတ်းယဝ်ႉ။ လူဝ်ႇႁဵတ်းႁႂ်ႈတၢၼ်ႇတိုၵ်ႉထုၵ်ႇသူပ်း ၽႂ် သူပ်းမၼ်းၵွႆးယဝ်ႉ။
- ၵမ်းၶဝ်ႈႁဝ်းၼၼ်ႉ ႁႂ်ႈႁဵတ်းမူၼ်းမူၼ်းသေ ၵိၼ် သုင်းယဝ်ႉ၊ ယႃႇပေပၼ်ႈယၢဝ်းယၢဝ်း– ယႃႇပေႁုပ်ႈ ႁၢပ်ႈသႂ်ႇသေ ၽၢႆးဢူမ်ႉၽၢႆးဢၢမ်ႉၵိၼ်ယဝ်ႉ။
- ယႃႇပေဢႃႈသူပ်း ပႂ်ႉထႃႈၵမ်းၶဝ်ႈသေ ၵိၼ်သုင်း ယဝ်ႉ၊ ပေႃးၵမ်းၶဝ်ႈၸမ်ထိုင်သူပ်း ၸင်ႇဢႃႈသေ သႂ်ႇယဝ်ႉ။
- ယႃႇပေဢဝ်ၼိဝ်ႉမိုဝ်းႁဝ်း သႂ်ႇၼႂ်းသူပ်းတၢင်းသဵင်ႈ သေ ၵိၼ်သုင်းယဝ်ႉ၊ ၼိဝ်ႉၼိုင်ႈၵွႆးၵေႃႈ ဢမ်ႇလီသႂ်ႇပႃးယဝ်ႉ။
- မိူဝ်ႈသုင်းသွမ်းၼၼ်ႉ ဢမ်ႇလီဢုပ်ႇၵၼ်သေ– ၵိၼ်သုင်းယဝ်ႉ။
- ဢမ်ႇလီဢဝ်ၵမ်းၶဝ်ႈ ထိုမ်ႈလိဝ်းသႂ်ႇသူပ်းသေ ၵိၼ် သုင်းယဝ်ႉ။
- ဢမ်ႇလီၶူပ်းၵႅတ်းၵမ်းၶဝ်ႈသွမ်းသေ– ၵိၼ်သုင်း ယဝ်ႉ။
- ဢမ်ႇလီႁဵတ်းႁႂ်ႈၵႅမ်ႈတိုင်ႇသေ ၵိၼ်သုင်းယဝ်ႉ။
- ဢမ်ႇလီသၼ်ႇၽႅတ်းမိုဝ်းသေ ၵိၼ်သုင်းယဝ်ႉ။
- ဢမ်ႇလီဢဝ်မဵတ်ႉၶဝ်ႈမိူဝ်သေ ၵိၼ်သုင်းယဝ်ႉ။
- ဢမ်ႇလီမႅပ်ႈလိၼ်ႉဢွၵ်ႇသေ ၵိၼ်သုင်းယဝ်ႉ။
- ဢမ်ႇလီႁဵတ်းႁႂ်ႈ သဵင်သူပ်းမေႃးၸၢပ်ႉၸၢပ်ႉသေ ၵိၼ်သုင်းယဝ်ႉ။
- မိူဝ်ႈသူတ်ႉၼမ်ႉၽၵ်း ၼမ်ႉမႆႈၼၼ်ႉ– ယႃႇႁႂ်ႈသဵင် မၼ်းမေႃး သူတ်ႉရူတ်ႉသူတ်ႉရူတ်ႉသေ– ၵိၼ်သုင်း ယဝ်ႉ။
- ယႃႇပေလႅမ်ႉမိုဝ်းသေ ၵိၼ်သုင်းယဝ်ႉ။
- ယႃႇပေၶူတ်ႉယၢႆးသပိတ်ႈ ဝၢၼ်ႇၶဝ်ႈသေ ၵိၼ်သုင်း ယဝ်ႉ။
- ယႃႇပေဢဝ်လိၼ်ႉမႅပ်ႈဢွၵ်ႇ လေးသီႇသူပ်းသေ ၵိၼ်သုင်းယဝ်ႉ။
- ပေႃးမိုဝ်းႁဝ်း ၼုၵ်းၶဝ်ႈၽၵ်း ဢမ်ႇလီယိပ်းၵွၵ်း ၼမ်ႉၵိၼ်ယဝ်ႉ။
- ၼမ်ႉလၢင်ႉသပိတ်ႈ ဢၼ်ပႃးမဵတ်ႉၶဝ်ႈၼၼ်ႉ ဢမ်ႇ လီဢဝ်ထွၵ်ႇပႅတ်ႈ ၼႂ်းဝၢၼ်ႈယဝ်ႉ၊ ၼႂ်းဝၢင်းၵျွင်း ၵေႃႈ ၶိူင်ႈၵိၼ်တၢင်းယႅမ်ႉ ဢၼ်တၵႃႇၶဝ်ႈလူႇ ၼၼ်ႉ– တီႈတၵႃႇၶဝ်ႈလႅပ်ႈႁၼ်ၼၼ်ႉ ဢမ်ႇလီ ထွၵ်ႇပႅတ်ႈယဝ်ႉ၊ ၸၢင်ႈပဵၼ်လွင်ႈဢၼ်ယသတ်ႉ ထႃႇတၵႃႇၶဝ်ယဝ်ႉ။
- ၽူႈဢၼ် ယူႇလီယူႇသေ– ၵင်ႈၸွင်ႈတိုဝ်းၵုပ်းယူႇ ၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇလႄႈ ယိပ်းၶွၼ်ႉယိပ်းမႆႉ ယူႇ ၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇလႄႈ– ယိပ်းၽမိတ်ႈလၢပ်ႇယူႇ ၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇလႄႈ– ယိပ်းၵွင်ႈၵၢင်ႇ ၶိူင်ႈယိပ်း (လၢၵ်ႈၼၢၵ်ႈ) ယူႇၼၼ်ႉ ဢမ်ႇလီႁေႃးတြႃးပၼ် မၼ်းယဝ်ႉ။
- ၽူႈဢၼ်ယူႇလီယူႇလႄႈ– တိုဝ်းၶႅပ်းတိၼ်ယူႇ ၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇလႄႈ– တိုဝ်းသွၵ်းတိၼ်ယူႇ ၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇလႄႈ– ၶီႇၼိူဝ်ၶိူင်ႈၶီႇယူႇၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇလႄႈ– ယူႇၼိူဝ်တီႈၼွၼ်းယူႇ ၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇသေ– သၢၼ်မိုဝ်းၵွတ်ႇႁူဝ်ၶဝ်ႇ ယူႇၼၼ်ႉ ဢမ်ႇလီႁေႃးတြႃးပၼ်တီႈမၼ်းယဝ်ႉ။
- ၽူႈဢၼ်ယူႇလီယူႇလႄႈ– ၶဵၼ်းၶဵၼ်းႁူဝ် တိုဝ်း မၢၵ်ႇႁူဝ် တိုဝ်းၵုပ်း ယူႇၼၼ်ႉ– ဢမ်ႇလီႁေႃးတြႃး ပၼ်မၼ်းယဝ်ႉ။
- ၽူႈဢၼ်ယူႇလီယူႇလႄႈ– သုမ်ႇၵွၵ်ႈႁူဝ်ယူႇၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇသေ– ႁဝ်းယူႇၼိူဝ်လိၼ်– မၼ်းသမ်ႉယူႇၼိူဝ် တီႈသိူဝ်ႇသေပိူင်ပိူင်ၼၼ်ႉ ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇသေ– ႁဝ်းယူႇတီႈတႅမ်ႇ မၼ်း သမ်ႉယူႇတီႈသုင်ၼၼ်ႉ ဢမ်ႇလီႁေႃးတြႃးပၼ် မၼ်းယဝ်ႉ။
- ၽူႈဢၼ်ယူႇလီယူႇသေ– ႁဝ်းလႆႈၸုၵ်း မၼ်းသမ်ႉ ၼင်ႈၼၼ်ႉ– ဢမ်ႇလီႁေႃးတြႃးပၼ်မၼ်းယဝ်ႉ။
- ၽူႈဢၼ်ယူႇလီယူႇသေ– ႁဝ်းလႆႈၵႂႃႇၽၢႆႇလင် မၼ်းသမ်ႉၵႂႃႇၽၢႆႇၼႃႈၼၼ်ႉ ဢမ်ႇလီႁေႃးတြႃး ပၼ်မၼ်းယဝ်ႉ။
- ၽူႈဢၼ်ယူႇလီယူႇသေ– ႁဝ်းလႆႈၵႂႃႇၼွၵ်ႈတၢင်း မၼ်းသမ်ႉၵႂႃႇၼႂ်းတၢင်းၼၼ်ႉ ဢမ်ႇလီႁေႃးတြႃး ပၼ်မၼ်းယဝ်ႉ။
- ပေႃးႁဝ်းယူႇလီယူႇ ဢမ်ႇလီၸုၵ်းသေၶီႈ ၸုၵ်းသေ ယဵဝ်ႈယဝ်ႉ။
- ပေႃးႁဝ်းယူႇလီယူႇ တီႈယိူဝ်ႈယႃႈလိပ်းၶဵဝ် ၶူဝ်း သူၼ်ပိူၼ်ႈၸိူဝ်းၼၼ်ႉ ဢမ်ႇလီၶီႈသႂ်ႇ ယဵဝ်ႈသႂ်ႇ ထူမ်ႇၼမ်ႉလၢႆးသႂ်ႇယဝ်ႉ။
- ပေႃးႁဝ်းယူႇလီယူႇ ၼႂ်းၼမ်ႉၼၼ်ႉ ဢမ်ႇလီၶီႈသႂ်ႇ ယဵဝ်ႈသႂ်ႇ ထူမ်ႇၼမ်ႉလၢႆးသႂ်ႇယဝ်ႉ။
ၸၼႆႉပဵၼ် သေၶိယ သိၵ်ႉၶႃႇပုၵ်ႈယဝ်ႉ၊ ပေႃးႁဵတ်း ၽိတ်းၸိုင်– ထုၵ်ႇတုၵ်ႉၵၢတ်ႈ ဢႃႇပၢတ်ႈယဝ်ႉ၊ တေလႆႈလဝ်ႈလၢတ်ႈတေႇသၼႃႇ (တေႇသၼႃႇၵျႃး) သေ ၸင်ႇႁၢႆယဝ်ႉ။
မၢႆတွင်း။ ။ သေႇၶိယ မၢႆ 3 ထိုင် မၢႆ 13 ၵႂႃႇၼႂ်းဝၢၼ်ႈလႄႈယူႇသဝ်းၼႂ်းဝၢၼ်ႈၼၼ်ႉ ယွၼ်ႉမၼ်းႁူမ်ႈၵၼ်ပဵၼ်သွင်ဢၼ်လႄႈပေႃးႁူမ်းပႃး မၢႆ 3-13 ထႅင်ႈ 11 ၶေႃႈၵေႃႈ ႁူမ်ႈပဵၼ်သေႇၶိယ 75 ယဝ်ႉ။