ဢပုမ်ႇၶုၼ်လိူၼ်ၶုၼ်ဝၼ်း

ဢပုမ်ႇၶုၼ်ဝၼ်းလႄႈၶုၼ်လူမ်း

မိူဝ်ႈပွၵ်ႈၼိုင်ႈႁိူင်မႃးၼၼ်ႉ ၶုၼ်ဝၼ်းလႄႈၶုၼ်လူမ်း ထႅင်ၵၼ်ဝႃႈၽႂ်ႁႅင်းယႂ်ႇသေၽႂ်ၼႆယူႇ။ၶုၼ်လူမ်း ၸင်ႇဢဝ်ႁႅင်းမၼ်း ႁဵတ်းလူမ်းလႅင်ႉလူင် ၽတ်ႉပဝ်ႇၼႄၶုၼ်ဝၼ်းယူႇ။ ယွၼ်ႉႁႅင်းလူမ်းလူင်မၼ်းၼၼ်ႉလႄႈ တူၼ်ႈမႆႉတူၼ်ႈတွၵ်ႇပေႃးလူမ်ႉပေႃးပင်း လင်ႁိူၼ်းပေႃးပင်း လႅင်ႇၼမ်ႉလူင်ပဵၼ်ၵဵၼ်လူင် ႁဵတ်းႁႂ်ႈႁိူဝ်းသၢင်းၽေႃးလူင် ပေႃးပိၼ်ႁႆၢၵွႃႇၼႂ်းၼမ်ႉယူႇ။

ၶုၼ်ဝၼ်းၸင်ႇယွင်ႈယေႃးမၼ်းဝႃႈ "ၵျတေႉ ႁႅင်းယႂ်ႇတေႉ" ၼႆယဝ်ႉ။ ၵူၺ်းၼႃႇၶုၼ်ဝၼ်းဝႃႈ "ဢမ်ႇမီးဝၼ်းတေပေႉၵဝ်လႆႈ"ၼႆၶိုၼ်းယူႇ။ ၶုၼ်လူမ်းၸင်ႇဢမ်ႇၶႂ်ႈၶျေႃႉသေ လၢတ်ႈဝႃႈ "ပေႃးၼၼ်ၸၢမ်းၼမ်ႉၵတ်ႉၵၼ်လႄႇႁႃး" "ၶုၼ်ဝၼ်းၵေႃႈဝႃႈ မင်လႄႈပေႃးၼၼ်" ၼႆယူႇ ၸင်ႇလၢတ်ႈဝႃႈ ၼႄႈ ၵူၼ်းၵေႃႉဢၼ်ၼင်ႈယူႇၼႂ်းၵၢင်ပၢင်ႇၼၼ်ႉ မႃးႁႃးၶေႉၵၼ်ဝႃႈ ၽႂ်တေႁဵတ်းႁႂ်ႈ သိူဝ်ႈၶႅၼ်ယၢဝ်းမၼ်း ပေႃးထွတ်ႇဢွၵ်ႇၵွႃႇၼႆယူႇ။

ၶုၼ်လူမ်းၸင်ႇဢဝ်လူမ်းမၼ်းထူဝ်းပဝ်ႇသႂ်ႇ ၵူၼ်းၵေႃႉၼၼ်ႉယူႇ၊ၵူၼ်းၵေႃႉၼၼ်ႉၵူဝ်သိူဝ်ႈၶႅၼ်ယၢဝ်းမၼ်း ထွတ်ႇဢွၵ်ႇၵွႃႇလႄႈ ဢဝ်မိုဝ်းမၼ်းတိုတ်ႉၸၼ်ဝႆႉပိၵ်ႈသိူဝ်ႈမၼ်း မၼ်ႈမၼ်ႈယူႇ။ ၶုၼ်လူမ်းၶိုၼ်းဢဝ်လူမ်းမၼ်းပဝ်ႇ ပတ်ႉသႂ်ႇထႅင်ႈႁႅင်းႁႅင်းယူႇ ၵူၼ်းၵေႃႉၼၼ်ႉၵေႃႈ ၼိုင်ႈၶႅၼ်းဢဝ်မိုဝ်းမၼ်းၸႂ်ဝႆႉသိူဝ်ႈမၼ်းလိူဝ်ၵဝ်ႇယူႇယဝ်ႉ။ ၶုၼ်လူမ်းၼၼ်ႉဢဝ်လူမ်းမၼ်း ပတ်ႉသႂ်ႇႁႅင်းၵႃႈႁိုဝ်ၵေႃႈ သိုဝ်ႈၶႅၼ်ယၢဝ်းၵူၼ်းၵေႃႉၼၼ်ႉ ယင်းဢမ်ႇထွတ်ႇဢွၵ်ႇလႆႈလႃႈလႃႈလႄႈ ထိုင်တီႈၶုၼ်လူမ်းပေႃးလႆႈယွၼ်းသုမ်းၵွႃႇပႅတ်ႈ။

ၵမ်းၼၼ်ႉ ၶုၼ်ဝၼ်းၸင်ႇဢဝ်တၢင်းမႆႈမၼ်း ႁႅင်းၶိုၼ်ႈၵမ်းလွႆးလွႆး။ ၵူၼ်းၵေႃႉၼၼ်ႉ မႆႈၼႃႇလႄႈၸင်ႇပိုတ်ႇသိူဝ်ႈမၼ်းႁႂ်ႈလႆႈလူမ်းၵတ်းယူႇ။ ယွၼ်ႉပိူဝ်ႈမႆႈႁႅင်းၼႃႇလႄႈ ၸင်ႇဢမ်ႇၶၢမ်ႇလႆႈသေ ၸင်ႇထွတ်ႇသိူဝ်ႈမၼ်းဢွၵ်ႇယူႇ။ ၵွပ်ႈၼၼ်ႉသေ ၶုၼ်ဝၼ်းၸင်ႇလႆႈဢွင်ႇပေႉပၢင်ၶႄႉၼၼ်ႉယူႇ။

ၼႂ်းလုၵ်ႈလေႃးၵလူင်ၼႆႉ ၵဝ်ႁႅင်းယႂ်ႇ၊ ၵဝ်မၢၵ်ႈမီးဢိူဝ်ႈၼႆသေ ၵႃႈမီးႁႅင်းသေတႃႉ မင်လွင်ႈမင်ဢၼ်ၼႆႉ ဢၼ်ဢမ်ႇႁဵတ်းလႆႈမီးတၢင်းၼမ်ဢိူဝ်ႈ။ တႃႇတေႁဵတ်းလႆႈၼၼ်ႉတေလႆႈၸႂ်ႉပၢႆးဝူၼ်ႉ။ တႃႇတေမီးပႆၢးဝူၼ်ႉသမ်ႉတေလႆႈသွၼ်ႁဵၼ်းပၺ်ႇၺႃႇယဝ်ႉ။

ၽိုၼ်ဢိင်

ဢပုမ်ႇပၢၼ်မႂ်ႇ မႆၢ(1)