ဢွင်ႇထီးၶမ်း၊ ၸၢႆး
| ၸၢႆးဢွင်ႇထီးၶမ်း | |
|---|---|
| ၸၢဝ်းၶိူဝ်း |
 တႆး |
| ၽႃႇသႃႇၵိူဝ်းယမ် | ပုတ်ႉထၽႃႇသႃႇ |
| ၼႃႈၵၢၼ် | တႅမ်ႈၽဵင်း / တွႆႇတိုင်ႈ ဢတ်းသဵင် ၽဵင်းၵႂၢမ်း / ႁွင်ႉၵႂၢမ်း |
ၸၢႆးဢွင်ႇထီးၶမ်းၼႆႉ တႄႇဢဝ် ပီ 1996 သေ ႁွင်ႉၵႂၢမ်းတႆးမႃးလႄႈ တေလႆႈဝႃႈ ၽူႈႁွင်ႉၵႂၢမ်း ဢၼ်ပီႈၼွင်ႉတႆးႁဝ်း ႁပ်ႉႁွင်းပၼ်ႁႅင်းၵေႃႉၼိုင်ႈယဝ်ႉ။ ၸၢႆးဢွင်ႇထီးၶမ်းၼႆႉ ပဵၼ်ၼွင်ႉၸၢႆး ၽူႈႁွင်ႉၵႂၢမ်း ၸၢႆးထီးသႅင် ဢၼ်လႆႈသဵင်ႈၵၢမ်ႇၵႂႃႇၼၼ်ႉသေ မၼ်းႁဵတ်းဢွၵ်ႇၶႅပ်းၵႂၢမ်း မီးၵႂႃႇ ပႅတ်ႇၶႅပ်းယဝ်ႉ ၼႆၶႃႈဢေႃႈ။ ဢၼ်ပဵၼ် ၶႅပ်းၵႂၢမ်းဢွၼ်တၢင်းသုတ်း ဢၼ်လႆႈၸိုဝ်ႈဝႃႈ ၼွင်ႉၸၢမ်ႁွမ် ၼၼ်ႉ ၵေႃႉဢၼ်ပဵၼ် ပီႈဢၢႆႈ ၸၢႆးထီးသႅင် ပဵၼ်ၸဝ်ႈၶွင်ႈသေ ၵေႃႉႁဵတ်းဢွၵ်ႇပၼ်ယဝ်ႉ။ ဢၼ်ပဵၼ် ၶႅပ်းၵႂၢမ်းမၢၼ်ႈ စန်းတက်ချိန် ဢၼ်ဝႃႈၼၼ်ႉၸမ်ႉ ၵေႃႉဢၼ်ပဵၼ် ၼၢင်းငဝ်း မေႇတၢၼ်းၼု ၵေႃႉႁဵတ်းၸဝ်ႈၶွင်သေ ႁဵတ်းဢွၵ်ႇပၼ်ယဝ်ႉ။ မိူဝ်ႈပီ ႒႐႑႑ လိူၼ်ဢေႃးၵၢသ်ႉ ၼၼ်ႉ ဢၼ်ပဵၼ်ၶႅပ်းၵႂၢမ်း မၢၼ်ႈ ၸၢႆးဢွင်ႇထီးၶမ်း ဢၼ်လႆႈၸိုဝ်ႈဝႃႈ စန်းတက်ချိန် ၼႆႉ မၼ်းၶဝ်ႈပႃးၼႂ်း သဵၼ်ႈမၢႆ ၶႅပ်းၵႂၢမ်း သိပ်းၶႅပ်း ဢၼ်လႆႈၶၢႆသေပိူၼ်ႈၼႆလႄႈ တေလႆႈဝႃႈ ၽူႈပၼ်ႁႅင်း ၶႅပ်းၵႂၢမ်း ၸၢႆးဢွင်ႇထီးၶမ်းၼႆႉ မၼ်းဢမ်ႇၵႃးတႆးၵူၺ်း ပႃးၸဵမ်ပႃး ၽူႈထွမ်ႇၽဵင်းၵႂၢမ်းမၢၼ်ႈၶဝ်ယူႇၼႆၶႃႈယဝ်ႉ။