ဢၺ်ꧡိၵၻႃယိၵႃဝိမႃၼဝတ်ထု၊ ၼၢင်းၽီ လူႇၼမ်ႉထူဝ်ႇသွၵ်း တီႈၽြႃး
5. ဢၺ်ꧡိၵၻႃယိၵႃဝိမႃၼဝတ်ထု၊ ၼၢင်းၽီ လူႇၼမ်ႉထူဝ်ႇသွၵ်း တီႈၽြႃး[မႄးထတ်း | မႄးထတ်းငဝ်ႈငႃႇ]
- 719။ ၼၢင်းၽီ မိူၼ်ၼင်ႇလၢဝ်မႃမွင်း ႁိူဝ်ႈႁိူင်းလႅင်းပိူင်း ၵူႈပႃႈၵူႈၽၢႆႇၼင်ႇၼၼ် ငဝ်းတူဝ်မႂ်း ၼၢင်း ဢၼ်လီႁၢၼ်ႉၸႂ်ၼႃႇၼၼ်ႉၵေႃႈ ႁိူဝ်ႈႁိူင်းပိူင်းလႅင်းၵႂႃႇ ၵူႈပႃႈၵူႈတၢင်းဝႆႉယူႇယဝ်ႉ။
- 720။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ မႂ်းလႆႈမီး ဢူဢၢႆသၢႆငဝ်းႁိူဝ်ႈလႅင်းၼင်ႇၼႆၼေႃး။ ပ။ ယွၼ်ႉပိူဝ်ႈ ၵုသူဝ်ႇသင်သေ ငဝ်းတူဝ်မႂ်းၼၢင်းၵေႃႈ သမ်ႉပေႃး ႁိူဝ်ႈႁိူင်းမၢပ်ႈမိပ်ႈၵႂႃႇ ၵူႈပႃႈၵူႈၽၢႆႇၼေႃး (ၼႆ ၸဝ်ႈမွၵ်ႉၵလၢၼ်ႇ ထၢမ်ၵႂႃႇယဝ်ႉ)။
- 722။ ၵွပ်ႈပိူဝ်ႈ ၸဝ်ႈမွၵ်ႉၵလၢၼ်ႇထၢမ်လွင်ႈတၢင်းမၼ်းလႄႈ ၼၢင်းၽီၵေႃႈ ႁူမ်ႁူမ်ၸူမ်းၸူမ်း ၸင်ႇၶိုၼ်းတွပ်ႇလၢတ်ႈၼႄ လွင်ႈတၢင်းမၼ်းၵႂႃႇ ၸွမ်းၼင်ႇၶေႃႈထၢမ်ၼၼ်ႉယဝ်ႉ။
- 723။ တီႈဝဵင်းဢၼ်ထၵဝိၼ်ႇထၼၼ်ႉ ၶႃႈၼၢင်း လႆႈဢဝ် ၼမ်ႉထူဝ်ႇသွၵ်း ဢွင်ႇၼမ်ႉမၢၵ်ႇၶေႃ ဢၼ် ဢဝ်ၼမ်ႉမၼ်းႁွမ်သႂ်ႇဝႆႉၼၼ်ႉ လူႇတၢၼ်းပၼ် တမ်ႈတီႈ မုၼ်ၶမ်းၽြႃး ဢၼ်ပဵၼ်ဢူၺ်းလီ ၸဝ်ႈၶုၼ်လႅတ်ႇ ၼၼ်ႉယဝ်ႉ။
- 724။ မီးၼမ်ႉၸႂ် ၽိူၵ်ႇၸိုၼ်ႈၶၢဝ်သႂ် လႆႈဢဝ်ၼမ်ႉထူဝ်ႇသွၵ်း ဢၼ်လေႃးၽိတ်ႉၶျၢင်း၊ ၽၵ်းမီႇလႄႈ (ပၢၼ်းယိၼ်း)ၼၼ်ႉ လူႇတၢၼ်းၽၢၵ်ႇပၼ် တမ်ႈတီႈ ၸဝ်ႈဢႃႇၼၼ်ႇတႃႇသေ ႁႂ်ႈၵႂႃႇလူႇတၢၼ်းပၼ် တမ်ႈတီႈ မုၼ်ၶမ်းၽြႃး ဢၼ်မီးလွင်ႈၸိုဝ်ႈလွင်ႈသိုဝ်ႈၼၼ်ႉယဝ်ႉ။
- 725။ ၸဝ်ႈႁဝ်းတီႈၶႃႈ ၼၢင်းယိင်းဢၼ်မီးႁၢင်ႈၽၢင် ႁၢင်ႈလီတဵမ်ထူၼ်ႈ ၵေႃႉၽူဝ်ယၵ်ႉယဵမ်ႈဢမ်ႇဢိမ်ႇသေ လႆႈပဵၼ် မေးၼၢင်းၶုၼ်ၸၵျဝတေးၼၼ်ႉ ပေႃးမႃးတႅၵ်ႈတူၺ်း ၽွၼ်းလီ ဢၼ်လႆႈလူႇတၢၼ်း ၼမ်ႉထူဝ်ႇသွၵ်းၼိုင်ႈ ပွၵ်ႈၼၼ်ႉၸိုင် ၵႃႈၶၼ်မၼ်း သိပ်းႁူၵ်းပုၼ်ႈ ၼိုင်ႈပုၼ်ႈၵေႃႈ ဢမ်ႇမီး။
- 726။ ၶမ်းမဝ်ႈၼိုင်ႈသႅၼ်၊ မႃႉၼိုင်ႈသႅၼ်၊ မႃႉလေႃႉ ဢၼ်ဢဝ်မႃႉဢတ်ႉသထူဝ်ႇၼိုင်ႈသႅၼ်လၢၵ်ႈ၊ ၼၢင်း ယိင်းသၢဝ်သႅၼ်ၵေႃႉ ဢၼ်တိုဝ်းဝႆႉပီႇႁူသႅင်ပတ်ႉတမျႃး (ၶဝ်ၸိူဝ်းၼႆႉတင်းသဵင်ႈ) ပေႃးမႃးတႅၵ်ႈတူၺ်း ၽွၼ်းလီ ဢၼ်လႆႈလူႇတၢၼ်း ၼမ်ႉထူဝ်ႇသွၵ်းၼိုင်ႈပွၵ်ႈၼၼ်ႉၸိုင် ၵႃႈၶၼ်မၼ်း သိပ်းႁူၵ်းပုၼ်ႈ ၼိုင်ႈပုၼ်ႈၵေႃႈ ဢမ်ႇမီး။
- 727။ ၸၢင်ႉပၢႆးမႃႇတင်ႇၵ ပၢၵ်ႇတူဝ် ဢၼ်ယူႇသဝ်း တမ်ႈတီႈ လွႆႁိမဝၼ်ႇတႃႇ ဢၼ်တေႃႉတႄႉမီး ငႃးမွင်ႉ တၢၼ်ႇတၢၼ်ႇ ဢၼ်မေႃၶိုၼ်ႈၼႃႈသိုၵ်း ဢၼ်ဢဝ်ၸိူၵ်ႈၶမ်း ဢၼ်ဢဝ်ၶိူင်ႈၶမ်း ႁၢင်ႈၶိူင်ႈဝႆႉၼၼ်ႉ ပေႃးမႃးတႅၵ်ႈတူၺ်း ၽွၼ်းလီ ဢၼ်လႆႈလူႇတၢၼ်း ၼမ်ႉထူဝ်ႇသွၵ်းၼိုင်ႈ ပွၵ်ႈၼၼ်ႉၸိုင် ၵႃႈၶၼ်မၼ်း သိပ်းႁူၵ်းပုၼ်ႈ ၼိုင်ႈပုၼ်ႈၵေႃႈ ဢမ်ႇမီး။
- 728။ တီႈၼႂ်းလေႃးၵၼႆႉ သေၵေႃႉၵေႃႉၼၼ်ႉ တေလႆႈဢုပ်ႉပိူင်ႇၵွၼ်းၸိုင်ႈ သီႇၵုၼ်မိူင်းယူႇ။ ၸီးၸိမ်ႇ ၶုၼ်ၸၵျဝတေးၼၼ်ႉ ပေႃးမႃးတႅၵ်ႈတူၺ်း ၽွၼ်းလီ ဢၼ်လႆႈလူႇတၢၼ်း ၼမ်ႉထူဝ်ႇသွၵ်းၼိုင်ႈ ပွၵ်ႈၼၼ်ႉၸိုင် ၵႃႈၶၼ်မၼ်း သိပ်းႁူၵ်းပုၼ်ႈ ၼိုင်ႈပုၼ်ႈၵေႃႈ ဢမ်ႇမီး (ၼႆ တွပ်ႇလၢတ်ႈၵႂႃႇယဝ်ႉ)။
ၵၺ်ꧡိၵၻႃယိၵႃဝိမႃၼဝတ်ထု ႁူဝ်ႁႃႈ သုတ်းယဝ်ႉ။
ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ မၺ်ꧢိꩨ်ꩩဝၷ်၊ ဢၺ်ꧡိၵၻႃယိၵႃဝိမႃၼဝတ်ထု၊