ဢꧤိꩪꩡမႁႃရꩦ်ꩧၷုရု
| ၶေႃႈၸႅင်ႈၼႄ ပွတ်းတွၼ်ႈ |
| သႃႇသၼႃႇပုတ်ႉထ |
|---|
 |
ၸုမ်ႈၵုၼ်း ဢꧤိꩪꩡမႁႃရꩦ်ꩧၷုရု (ပႃႇလိ: Abhidhajamahāraṭṭhaguru, ဢိင်းၵလဵတ်ႈ: Abhidhaja Maha Rattha Guru, မၢၼ်ႈ: အဘိဓဇမဟာရဋ္ဌဂုရု) ၼႆႉ ပဵၼ်ၸုမ်ႈၵုၼ်း ဢၼ်သုင်သုတ်း ဢၼ် လူင်ပွင်ၸိုင်ႈ မိူင်းႁူမ်ႈတုမ်မျၢၼ်ႇမႃႇ၊ ထၢၼ်ႈၽွင်းလူင် သႃႇသၼႃႇ လႄႈ ၽၢႆႇၵၢၼ်ၽိင်ႈငႄႈ၊ ႁွင်ႈၵၢၼ်ၽၢႆႇသႃႇသၼႃႇ ၶဝ်ၼွပ်ႈၵၢပ်ႈၼၼ်ႉယဝ်ႉ။ တႄႇဢဝ် ပီ 1954 တေႃႇထိုင် ပီ 2025 ၼႆႉ ဢၼ်လႆႈၼွပ်ႈၵၢပ်ႈ ၸုမ်ႈၵုၼ်း ဢꧤိꩪꩡမႁႃရꩦ်ꩧၷုရု ၼႆႉ မီးၵႂႃႇ 183 ၸဝ်ႈယဝ်ႉ။
သြႃႇၸဝ်ႈ ဢၼ်လႆႈႁပ်ႉယဝ်ႉ ၸုမ်ႈၵုၼ်း ဢꧤိꩪꩡမႁႃရꩦ်ꩧၷုရု ၼႆႉၸိုင် မိူၼ်ၼင်ႇ လူတ်ႉၾႆး၊ ႁိူဝ်းမိၼ် လႄႈ ႁိူဝ်းၼမ်ႉ ၼႆႉ တၢင်းပေးသွင်ၵေႃႉသေ မီးသုၼ်ႇၶီႇလွတ်ႈꧦလႅဝ်းꧦၵႂႃႇမႃးလႆႈယဝ်ႉ။ ၸဝ်ႈဢၼ်ယင်းတိုၵ်ႉ ဢႃယုသၢႆၸႂ်ၼၼ်ႉ ယူႇတီႈလူင်ပွင်ၸိုင်ႈသေ လူႇတၢၼ်း ၶဝ်ႈသွမ်းသၢၼ်၊ ဝတ်ထုငိုၼ်းတွင်းၸိူဝ်းၼႆႉလႄႈသင်၊ ၸဝ်ႈဢၼ်ၶဝ်ႈသူၼ်မၢၵ်ႇႁၢၵ်ႈၶမ်းၵႂႃႇၸိူဝ်းၼၼ်ႉၵေႃႈ ၵႃႈႁၢင်ႈႁႅၼ်း ꧢႃပၼ သြႃႇၸဝ်ႈၼၼ်ႉ လူင်ပွင်ၸိုင်ႈ ဢဝ်ပုၼ်ႈၽွၼ်း လူႇတၢၼ်းပၼ်ပႃးၼႆယဝ်ႉ။
ပိူင်ၽၢင်/ၼမ်ႉၵတ်ႉ ၸုမ်ႈၵုၼ်း ဢꧤိꩪꩡမႁႃရꩦ်ꩧၷုရု
[မႄးထတ်း | မႄးထတ်းငဝ်ႈငႃႇ]- တေလႆႈႁပ်ႉယဝ်ႉ ၸုမ်ႈၵုၼ်း ဢၷ်ၷမႁႃပꧣ်ꩨိတ ဝႆႉ၊
- တီႈဢေႇသုတ်း ဢႃႇယု တေလႆႈတဵမ် (60)၊
- တၢင်းႁုၼမ်တၢင်းႁၼ်ၵႂၢင်ႈ၊
- တႅမ်ႈလိၵ်ႈဢွၵ်ႇၽိုၼ်ပပ်ႉ ဢၼ်မီးၽွၼ်းလီတႃႇသႃႇသၼႃႇ၊
- ပဵၼ်ၽူႈၵွၼ်းဝတ်ႉ တိူၵ်ႈသွၼ်လိၵ်ႈ၊
- မီးတပႄးၼမ် လႄႈ မီးဢႃႇၼႃႇယႂ်ႇလူင် ၼႂ်းတူင်ႇဝူင်းသင်ႇၶႃႇ။
- လႆႈထုၵ်ႇၵူၼ်းမိူင်းၼပ်ႉယမ် ယွၼ်ႉပိူဝ်ႈ တၢင်းယၢမ်ႈလီ လွင်ႈသိုဝ်ႈယူဝ်း လႄႈ တၢင်းႁူႉပၺ်ၺႃႇယႂ်ႇ။
မၢႆတွင်း - ပုၼ်ႈတႃႇသင်ၶၸဝ်ႈဢၼ်လႆႈႁဵၼ်းလိၵ်ႈၼွၵ်ႈမိူင်းၼၼ်ႉ ၸၢင်ႈလူတ်းယွမ်းပၼ်လႆႈ ၼမ်ႉၵတ်ႉမၢႆ(1) ၼၼ်ႉလႆႈယူႇ။
မိၵ်ႈမၢႆမၼ်းၸမ်ႉ
[မႄးထတ်း | မႄးထတ်းငဝ်ႈငႃႇ]- ၶႅပ်းမႂ်ဢွင်ႇ (1) ဢၼ်
- လၵ်းၸွမ်ပိဝ်ဢၼ်ပႃးႁၢင်ႈသၢင်ႇသီႈ လႄႈ ၸွမ်ပိဝ်လူင်ၼိုင်ႈဢၼ်
- ၸွင်ႇၽိူၵ်ႇလူင် (1) လူင်ႇ ပႃးတင်းပိုၼ်ႉၶၢမ်ႇမၼ်းသေ
- တိူၵ်ႈၸုမ်ႈလႄႈ ၸုမ်ႈ
- ပၢႆႉလူင် ဢၼ်တၢင်ႇၼိူဝ်ၽိူၼ် (1) ဢၼ် ၸိူဝ်းၼႆႉယဝ်ႉ။
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- "ဘွဲ့တံဆိပ် ဂုဏ်အင်္ဂါအရည်အချင်းသတ်မှတ်ချက်". Archived from the original on 10 August 2022. Retrieved 25 January 2026.