ၵူၼ်းမိူၵ်ႈ

ၵူၼ်းမိူၵ်ႈဢၼ်ဝႃႈၼၼ်ႉ ပေႃးတေႃႇသူႈလူၺ်ႈ ပၢႆးမၢၵ်ႈမီးၽွၼ်းလီတူဝ်မၼ်းၼႆ ႁူမ်ႈဝႃႈပဵၼ်ၵေႃႉဢၼ်ယၢမ်ႈႁဵတ်း ၽွၼ်းလီပၼ်မၼ်းမႃးၵႃႈႁိုဝ်သေတႃႉ ဢၼ်းဢမ်ႇမေႃ ဝူၼ်ႉသွၼ်ႇပၼ်ၶိုၼ်းသေ မေႃယႃႉလူႉလႅဝ်ပႅတ်ႈၵူႈလွင်ႈလွင်ႈ ယဝ်ႉ။ ၸိူဝ်းပဵၼ် ၵူၼ်းႁၢႆႉ ၼႆႉယင်းၸၢင်ႈလီ ႁဵတ်းၵေႃႉႁဵတ်းသေႈယူႇသေတႃႉ ပေႃးပဵၼ် ၵူၼ်းမိူၵ်ႈၼႆတႄႉ ဢမ်ႇထုၵ်ႇလီ ၵပ်းၵၢႆႇသေဢမ်ႇၵႃး သင်ၸိူဝ်ႉဝႃႈ ႁိမ်းႁွမ်းတီႈဢၼ်ၸဝ်ႈၵဝ်ႇ ယူႇသဝ်းထင်ၵိၼ်ယူႇၼၼ်ႉ သင်ဝႃႈ မီးဝႆႉ ၵူၼ်းမိူၵ်ႈၼႆ ထုၵ်ႇလီ ပၢႆႈဝႄႈၶဝ် ၵႆၵႆယူႇယဝ်ႉ။ ယွၼ်ႉပိူဝ်ႈဝႃႈ ၵူၼ်းမိူၵ်ႈၼႆႉ မၼ်းဢမ်ႇပၼ်ၽွၼ်းလီၸဝ်ႈၵဝ်ႇ၊ ဢမ်ႇပၼ် ၽွၼ်းလီလေႃးၵ၊ ဢမ်ႇပၼ်ၽွၼ်းလီထမ်ႇမသေဢၼ်လႄႈ ထုၵ်ႇလီဝႄႈၵႆၵႆယူႇ။