ၵၢၼ်ၶုတ်းထၢၼ်ႇႁိၼ်

ၵၢၼ်ၶုတ်းထၢၼ်ႇႁိၼ် ၼိူဝ်ၼႃႈလိၼ် တီႈ မိူင်းဝၢႆႇယွမ်ႇ မိူင်းဢမေႇရိၵၢၼ်ႇ .

ၶုတ်း ထၢၼ်ႇႁိၼ် တီႈ ႁူင်းထၢၼ်ႇႁိၼ် လႃႇၵႃႇဝႃႇၼႃႇ တီႈဝဵင်းသ ၵရႅၼ်ႇတၼ်ႇ ၸေႊမိူင်းပႅၼ်ႇသီႇလႅၼ်ႇၼီႇယႃႇ

ၵူၼ်းၶုတ်းထၢၼ်ႇႁိၼ် ဢွၵ်ႇမႃး တီႈ ႁူး ထၢၼ်ႇႁိၼ် တီႈၶုတ်းထၢၼ်ႇႁိၼ် ႁိမ်း ဝဵင်း Richlands ၸေႊမိူင်း Virginia မိူဝ်ႈပီႊ 1974

ၶုတ်းထၢၼ်ႇႁိၼ် တီႈ ဝဵင်းၾရႅမ်းရီႇ မိူင်းပႄႇလ်ၵျီႇယမ်ႇ .

ၵၢၼ်ၶုတ်းထၢၼ်ႇႁိၼ် ၼႆႉ ပဵၼ်ၵၢၼ်ဢၼ်ဢဝ် ထၢၼ်ႇႁိၼ် ဢွၵ်ႇ မႃးတီႈလိၼ် ဢမ်ႇၼၼ် တီႈ ၶုတ်းထၢၼ်ႇႁိၼ် ။ ထၢၼ်ႇႁိၼ်ၼႆႉ မၼ်းမီးၵႃႈၶၼ် ယွၼ်ႉပိူဝ်ႈ မၼ်း မီးႁႅင်းမႆႈၾႆး လႄႈ တႄႇဢဝ် ပီႊ 1880 ၼၼ်ႉမႃး လႆႈၸႂ်ႉတိုဝ်း တႃႇ ႁဵတ်းဢွၵ်ႇ ၾႆးၾႃႉ လႄႈ ၸႂ်ႉတိုဝ်းတႃႇပၼ်ႁႅင်းမႆႈၾႆး ၸိူဝ်းႁူင်းၵၢၼ်လူင်ၸိူဝ်းၼႆႉ ၵႂၢင်ႈၵႂၢင်ႈၶႂၢင်ၶႂၢင်မႃးယဝ်ႉ။

တီႈမိူင်းတႆးႁဝ်းၶႃႈ ၵၢၼ်ၶုတ်းထၢၼ်ႁိၼ် ၼႆႉ တေလႆႈႁၼ် တီႈၼႂ်း ထုင်ႉၼမ်ႉမ၊ ၼမ်ႉပွင်ႈ၊ သႅၼ်တေႃႇ/ၼွင်ယၼွင်ပူး(မိူင်းယႆ)၊ ႁၢတ်ႇပွတ်း(တၢင်ႉယၢၼ်း)၊ထုင်ႉယိူင်း(လၢႆးၶႃႈ)၊ ၼမ်ႉၸၢင် ၸိူဝ်းၼႆႉယူႇၶႃႈယဝ်ႉ။

ၵၢၼ်ၶုတ်းထၢၼ်ႇႁိၼ်တီႈမိူင်းတႆးႁဝ်းၶႃႈၼႆႉ တေလႆႈႁၼ် မီးယူႇသွင်လၢႆးသေ ပဵၼ်လၢႆးၶုတ်းၼိူဝ်ၼႃႈလိၼ် လႄႈ လၢႆးၶုတ်းၸူင်ၶဝ်ႈၼႂ်းလိၼ်ယူႇၶႃႈယဝ်ႉ။ လၢႆးၶုတ်းၸူင်ၶဝ်ႈၼႂ်းလိၼ် ၼၼ်ႉတေလႆႈႁၼ် တီႈ ၵၢၼ်ၶုတ်းထၢၼ်ႇႁိၼ် ထုင်ႉႁၢတ်ႇပွတ်း(တၢင်ႉယၢၼ်း ၼၼ်ႉယူႇၶႃႈယဝ်ႉ။

ထၢၼ်ႁိၼ်ဢၼ်ၶုတ်းဢွၵ်ႇမိူင်းတႆးၼႆႉ တေတေႃႉတၢင်ႇၵႂႃႇၸႂ်ႉတိုဝ်းတီႈ ႁူင်းၵၢၼ်ႁဵတ်းလိၼ်ယၢင်၊ ႁူင်းၵၢၼ်ဢွင်ႇၽွႆႈ၊ ႁူင်းၵၢၼ်ၾႆးၽႃႉ ၸိူဝ်းၼႆႉၵမ်ႉၼမ်ယူႇယဝ်ႉ။