လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
- ၵႆႈလၢတ်ႈသိုဝ်ႈ ႁဵတ်းၸိုဝ်ႈၸႂ်ႈ ပဵၼ်ၵူၼ်းလီ
- ၵႆႉယႃႉၸႂ်မႆႈၸႂ်ၶီ ပဵၼ်ၵူၼ်းၵျႃႉ
- ၵႆႉဝူၼ်ႉလီဢိၵ်ႇၸႃႉ ပဵၼ်ၵူၼ်းၸႂ်လႅင်း
- ၵႆႉမေႃလၢတ်ႈၸူမ်းပႅင်း ပဵၼ်ၵူၼ်းလၵ်းလႅမ်
- ၵႆႉၸၢင်ႈၸွႆႈမေႃထႅမ် ပဵၼ်ၵူၼ်းႁၵ်ႉၸၢတ်ႈ
- ၵႆႉၸၢင်ႈဢုပ်ႇမေႃလၢတ်ႈ ပဵၼ်ၵူၼ်းၸႂ်ႁတ်း
- ၵႆႉၸၢင်ႈတွပ်ႇထဵင်ၶတ်း ပဵၼ်ၵူၼ်းၸႂ်တိုဝ်
- ၵႆႉတွႆႇဢမ်ႇပဵၼ်ႁိုဝ် ပဵၼ်ၵူၼ်းလွၼ်ပူၵ်ႇ
- ၵႆႉငဝ်ငိူဝ်ႈၼိုၵ်းၼူၵ်ႇ ပဵၼ်ၵူၼ်းပႅတ်ႈလၢႆ
- ၵႆႉသေႃႇယူင်းၶႃႉၶၢႆ ပဵၼ်ၵူၼ်းၵႅၵ်း
- ၵႆႉယုမ်ႉပိူၼ်ႈမႅၵ်းမႅၵ်း ပဵၼ်ၵူၼ်းငိူဝ်ႈ
- ၵႆႉၵူင်းလူဝ်းႁိူၼ်ႇႁိူဝ်ႈ ပဵၼ်ၵူၼ်းမဝ်
- ၵႆႉလၢတ်ႈၽႃႇယႃႉတဝ် ပဵၼ်ၵူၼ်းလူၺ်ႈ
- ၵႆႉၸၢင်ႈၼိင်ႈၸၢင်ႈသူၺ်ႈ ပဵၼ်ၵူၼ်းယွၵ်း
- ၵႆႉၼႃႈတူႇၵူတ်ႉငွၵ်း ပဵၼ်ၵူၼ်းပိင်ႈတြိင်း
- ၵႆႉလတ်ႈလိူမ်ႈလၵ်းလိင်း ပဵၼ်ၵူၼ်းၸၢင်ႈလႅၼ်
- ၵႆႉဢုပ်ႇပူၼ်ႉလၢတ်ႈပႅၼ် ပဵၼ်ၵူၼ်းထူင်လူမ်း
- ၵႆႉယုမ်ႉယၢႆႈၶူဝ်ၸူမ်း ပဵၼ်ၵူၼ်းၸႂ်ပျေႃႇ
- ၵႆႉသႄႇယဝ်ႈသူၼ်းသေႃႇ ပဵၼ်ၵူၼ်းၸႂ်ဢမ်ႇၶိုင်ႈ
- ၵႆႉလၢတ်ႈၼိုင်ႈသိူင်ႇသွင် ပဵၼ်ၵူၼ်းၸၢင်ႈၵဝ်း
- ၵႆႉၶႃႉၶိူဝ်းႁိူၼ်းႁဝ်း ပဵၼ်ၵူၼ်းလိုမ်းတူဝ်
- ၵႆႉဢုပ်ႇႁုၼ်ႉလၢတ်ႈၶူဝ် ပဵၼ်ၵူၼ်းသေႃႉလေႃႉ
- ၵႆႉလၢတ်ႈယၵ်းတွႆႇပေႃႉ ပဵၼ်ၵူၼ်းမိုဝ်းလူၼ်းမိုဝ်းၶၼ်း
- ၶႂ်ႈပဵၼ်ၵူၼ်းသင်ၵေႃႈ ၽိုၵ်းဢဝ်ၶတ်းဢဝ် လတ်းဢဝ် ၸႂ်ၽႂ်ဢိၵ်ႇၸႂ်မၼ်းတႃႉ ပီႈၼွင်ႉတႆးၶဝ်႟ ။ ။ [1]
- ↑ တၢင်းၵႄး (လုင်း)၊ မင်ႇၵထတႆး ၶေႃႈၵႂၢမ်းတိုၵ်းသူၼ်း၊ ၼႃႈလိၵ်ႈ 2-3၊ 1962
ပိူင်ထၢၼ်ႈ ၸိူဝ်းဢၼ်လပ်ႉဝႆႉ:
