ၶိင်းသိူဝ်
ၼႂ်း ၽူႈတႅမ်ႈလိၵ်ႈတႆးၼႆႉ ဢၼ်ၸႂ်ႉပၢႆၵမ် ၸိုဝ်ႈဝႃႈ ၶိင်းသိူဝ်သေ တႅမ်ႈမႃးၼၼ်ႉ ၼမ်ႉၵႂၢမ်း ပွင်ႇၸႂ်ငၢႆႈ၊ [1]
ဢမ်ႇလူယၢပ်ႇ၊ လူယဝ်ႉပွင်ႇၸႂ်၊ ဢမ်ႇၸႂ်ႉၶေႃႈၵႂၢမ်းလိုၵ်ႉလမ်ႇသေ လႆႈႁၼ် ၵူၼ်းၼုမ်ႇ သၢမ်ပၢၼ်ၸဵတ်းသႅၼ်းၶဝ် မိုတ်ႈႁူ ၸပ်းတႃမႃးဝႆႉၵေႃႉၼိုင်ႈ။
မၼ်းၸၢႆးၼႆႉ ပဵၼ်ၵူၼ်းမိူင်းလၢႆးၶႃႈ၊ မိူင်းပၼ်ႇၼႆႉ ပဵၼ်မိူင်း မီးပိုၼ်း မီးၸဝ်ႈၾႃႉ ယၢမ်ႈၽွင်းငၢမ်းမႃး လၢႆသိုပ်ႇလၢႆပၢၼ်လႄႈ ပဵၼ်မိူင်းဢၼ်မီး ၸဝ်ႈၶူးမေႃၶဝ် မိူၼ်ၼင်ႇ ၸဝ်ႈၶူးလူင် တွၵ်ႉတိူဝ်ႇၶမ်းမၢႆ ထမ်မသႃမိ၊ ၽူႈၵေႃႇတင်ႈ ၸၼ်ႉၸွမ်ပုတ်ႉထမိူင်းတႆး တီႈဝဵင်းလူင်တူၼ်ႈတီး ၵိူတ်ႇၵေႃႈၸႂ်ႈ၊ ပဵၼ်မိူင်းဢၼ် သႃႇသၼႇႁိူဝ်ႈႁိူင်း ပိူင်းသႂ်သေ မီး ၵူၼ်းၵူၼ်းၶႅၼ်ႇဝႆႉ တင်းၼမ်။ ဢမ်ႇဝႃႈ ၽူႈႁွင်ႉၵႂၢမ်း၊ ၽူႈတႅမ်ႈၵႂၢမ်း၊ ၽူႈလႆႈၸုမ်ႈၶူး၊ တႅမ်ႈလိၵ်ႈတႅမ်ႈလၢႆး ၸိူဝ်းၼႆႉယဝ်ႉ။ ၼႂ်းၼၼ်ႉ ၶိင်းသိူဝ်ၼႆႉၵေႃႈ ပဵၼ်ၽူႈ ပၢႆၵမ် ၽၢႆႇပိၼ်ႇတႅမ်ႈလိၵ်ႈတႆးႁဝ်း ၽၢႆဝႆႉၵေႃႉၼိုင်ႈ။
ၸိုဝ်ႈဢူႈမၼ်းၸၢႆး ႁိၵ်ႈဝႃႈ လုင်းၸၢင်းပၼ်ႇၸိၵ်ႉတ၊ ၸိုဝ်ႈမႄႈ ပႃႈၸၢင်းၶမ်းသေ ၵိူတ်ႇႁၼ်ၼႃႈမႃးမိူဝ်ႈ 28.12.1990 ပီၵေႃးၸႃႇ 1352 လိူၼ်ၵမ်မႂ်ႇ 13 ၶမ်ႈ ဝၼ်းသုၵ်းယဝ်ႉ။ မီးပီႈၼွင်ႉ ႁူမ်ႈတွင်ႉၵၼ် 5 ၵေႃႉ။
1. ၸၢႆး ( ) ၵိူတ်ႇယဝ်ႉ တၼ်းလႆႈလၢႆလိူၼ်သေ တၢႆ
2. ၼၢင်းၼူၼ်း
3. ၼၢင်းဢူး
4. ၼၢင်းလူႇ
5. ၸၢႆးသႅင်မိူင်း ။
ဝၢႆးသေ ၵိူတ်ႇလႆႈ 5 ပီယဝ်ႉ ဝၢၼ်ႈမိူင်းသုၵ်ႉ မႅၼ်ႈမိူဝ်ႈ ၶုၼ်သႃႇၶျႃႉလႅင်း ပီ 1996 လႄႈ လႆႈပၢႆႈ မိူဝ်းယူႇတီႈဝဵင်း တီႈႁိူၼ်းပီႈၼၢင်း ဝၢၼ်ႈၽူၺ်းႁႆး၊ ပေႃးယဝ်ႉ ၶိုၼ်းပၢႆႈၵႂႃႇယူႇ တီႈဝၢၼ်ႈၵျွၵ်ႉၸူႉ (ပၢၼ်းၵၢၼ်ႇ) ၽၢႆႇႁွင်ႈဝဵင်းလူင် တူၼ်ႈတီး။ တၼ်းၵႂႃႇယူႇတီႈၼၼ်ႈ လႆႈ 3 ပီသေ ၶိုၼ်းမႃးယူႇတီႈလၢႆးၶႃႈ သေ သိုပ်ႇၶိုၼ်ႈ ႁူင်းႁဵၼ်း ၸိုဝ်ႈၼႂ်းႁူင်းႁဵၼ်းမၼ်း ႁွင်ႉဝႃႈ ၸၢႆးသႅင်မိူင်း ၼႆသေ ၶိုၼ်ႈႁူင်းႁဵၼ်း တမ်ႈတီႈ မိူင်းလၢႆးၶႃႈ တၼ်းထိုင်ၸၼ်ႉဢွၼ်ႇ (တူႇငႄႇတၢၼ်း)ဝၢႆးၼၼ်ႉ လႆႈႁဵတ်း ၸဝ်ႈသၢင်ႇ မီးၸိုဝ်ႈဝႃႈ ၸဝ်ႈသၢင်ႇ သေႃၸိၼ်ၼ ၼႆသေ ယူႇတီႈ ၵျွင်းၶၢမ်းၼမ်ႉ လၢႆးၶႃႈ 1 ပီပၢႆ၊ ၶိုၼ်းၵႂႃႇယူႇတီႈ တိူၵ်ႈသွၼ်လိၵ်ႈ ဝတ်ႉပုပ်ႉၽႃႇရုင်ႇ ဝဵင်းလွႆၵေႃႇ မိူင်းယၢင်းလႅင် 7 ပီ၊ ၵႂႃႇယူႇတီႈ ဝတ်ႉဢွင်ႇမင်ႇၵလႃႇတိူၵ်ႈမႂ်ႇ တီႈဝဵင်းဢလုင်ႇ တႃႈၵုင်ႈ 2 ပီ၊ ယူႇတီႈ ဝတ်ႉၵျၶၢတ်ႈဝၢႆး ဝဵင်းပႃႇၵိူဝ်ႇ 1 ပီ၊ ၵႂႃႇႁဵၼ်းလိၵ်ႈ တီႈမိူင်းသီႇႁူဝ်ႇ ၶၢဝ်းတၢင်း 4 ပီ၊ ယူႇတီႈ တိူၵ်ႈသွၼ်လိၵ်ႈ ၵျွင်းတေႃႇ ႁူဝ်ဝဵင်း လၢႆးၶႃႈ 6 ပီသေ ၽိူဝ်ႇထိုင်ပီ 2022 မႅၼ်ႈၼႂ်းလိူၼ်ႁႃႈလွင်ႈ (3) ၶမ်ႈ လႆႈသိၵ်ႈ ထၢၵ်ႈလူင်းၵျွင်း မႃးယူႇယဝ်ႉ။
ၶိင်းသိူဝ် ၼႆ ပဵၼ်ၸိုဝ်ႈ ပၢႆၵမ် ၽူႈတႅမ်ႈလိၵ်ႈ ၼႂ်းတႆးပၢၼ်မႂ်ႇႁဝ်း ၵေႃႉၼိုင်ႈ။ [2]
လႆႈႁၼ် မၼ်းပိၼ်ႇတႅမ်ႈမႃးၼႆႉ ၵမ်ႉၼမ်ၼမ် တေပဵၼ်ပပ်ႉလွင်ႈပၼ်ႁႅင်းၸႂ်၊ ပပ်ႉပၢႆးမၢၵ်ႈမီး၊ ဢပုမ်ႇ ႁၢင်ႈလူၼ်ႉ၊ မွၼ်းၵႂၢမ်း ၸိူဝ်းၼႆႉလႂ်ယဝ်ႉ။
တႄႇတႅမ်ႈ ပိၼ်ႇတႅမ်ႈ ႁဵတ်းဢွၵ်ႇပပ်ႉမႃးၼႆႉ မိူဝ်ႈပီ 2018 သေ တႄႇဢွၵ်ႇမႃး ပပ်ႉမၢႆၼိုင်ႈ မီးၸိုဝ်ႈဝႃႈ "လုၵ်ႈၵေႃႉပေႃႈႁၵ်ႉ" ၼႆ။
တႄႇဢဝ်ၼၼ်ႉမႃးယဝ်ႉ ဝၼ်းပူၼ်ႉဝၼ်း လိူၼ်ပူၼ်ႉလိူၼ် ပီပူၼ်ႉပီသေ လႆႈႁၼ်
ၶတ်းၸႂ် တႅမ်ႈ ပိၼ်ႇတႅမ်ႈ ပပ်ႉဢွၵ်ႇမႃး ၶိူဝ်းၶိူဝ်းယႂ်းယႂ်းသေ ႁၢၼ်ႉတေႃႇထိုင် မိူဝ်ႈလဵဝ်ၼႆႉ မီးၵႂႃႇ 51 ပပ်ႉယဝ်ႉ။
တႄႇဢဝ်ပီ 2018 မႃးတေႃႇထိုင် 2025 ၼႆႉ လႆႈႁၼ် သဵၼ်ႈမၢႆပပ်ႉ ၼင်ႇၽၢႆႇတႂ်ႈၼႆႉ။
သဵၼ်ႈမၢႆပပ်ႉ ဢၼ်ၶိင်းသိူဝ် တႅမ်ႈဢွၵ်ႇမႃး
1. လုၵ်ႈၵေႃႉပေႃႈႁၵ်ႉ
2. မွၵ်ႇၵွၼ်တေလၢတ်ႈၼႄ
3. ဝူၼ်ႉႁႂ်ႈပဵၼ်ႁႅင်းၸႂ်
4. ဢမ်ႇၸႂ်ႈၵဝ်
5. ဝၼ်းဢမ်ႇမုင်ႈမွင်း
6. မိုဝ်းမႄႈ
7. ၵူၼ်းၽၢႆႇလင် (ႁိုဝ်) သႅၼ်းႁုၼ်ႈမႂ်ႇ
8. ၽူႈဢမ်ႇယွၼ်းၵၢၼ်ႉသုမ်း ၼႂ်းၸၢတ်ႈပၢၼ် မၢႆ (1)
9. ၽူႈဢမ်ႇယွၼ်းၵၢၼ်ႉသုမ်း ၼႂ်းၸၢတ်ႈပၢၼ် မၢႆ (2)
10. ဝူၼ်ႉၶူၼ်ႉႁႃႁၼ် ဢၼ်ၶႂ်ႈယိုၼ်ႈပၼ် မၢႆ (1)
11. ဝူၼ်ႉၶူၼ်ႉႁႃႁၼ် ဢၼ်ၶႂ်ႈယိုၼ်ႈပၼ် မၢႆ (2)
12. ဝူၼ်ႉၶူၼ်ႉႁႃႁၼ် ဢၼ်ၶႂ်ႈယိုၼ်ႈပၼ် မၢႆ (3)
13. သဵၼ်ႈတၢင်းတႃႇဢွင်ႇမၢၼ် ပူၼ်ႉတၢင်းၽၢၼ် (50) ယၢင်ႈ
14. တွၼ်ႈတႃႇၵဝ် မီးၵဝ်ယူႇ
15. ပေႃႈမၢၵ်ႈမီးလႄႈ ပေႃႈၵေႃႉၽၢၼ်
16. ဢပုမ်ႇဢပုမ်း မၢႆ (1)
17. ဝူၼ်ႉႁႂ်ႈၵႂၢင်ႈၵႂၢင်ႈ ၽၢင်ႈႁႂ်ႈသုင်သုင် မၢႆ (1)
18. ၵတ်းယဵၼ်ၸႂ်ယူႇ
19. ၶေႃႈၵႂၢမ်းပၼ်ႁႅင်းၸႂ်
20. လုၵ်ႈဢွၼ်ႇသႅၼ်းႁုၼ်ႈမႂ်ႇ ၼမ်ႉၵတ်ႉၼမ်ယႂ်ႇၵိုၼ်း
21. ၽႃႈပႅတ်ႈလႆႈယဝ်ႉႁႃႉ
22. တွၼ်ႈတႃႇ ၵူၼ်းထၢတ်ႈၸႂ်တူၵ်းၶဝ်လူ
23. ၽၵ်းတူတၢင်းသိူဝ်းၸႂ်
24. ၶႃႈပဵၼ်ၼၢင်းမႃႇလႃႇလႃႇ
25. လုၵ်ႉၶိုၼ်ႈမႃးၶိုၼ်းလႄႈ
26. ယႃႇပေၸႂ်သုၵ်ႉသၵ်ႉ ယွၼ်ႉလွင်ႈလဵၵ်ႉၼွႆႉ
27. I am Ok
28. Jack Ma & Alibaba
29. တွၼ်ႈတႃႇႁၵ်ႉတူဝ်ၵဝ်ႇ မီးၸဝ်ႈၵဝ်ႇယူႇ
30. ပုင်ႈၶိုၼ်ႈ မိူဝ်ႈတိုၵ်ႉႁႅင်း
31. ယႃႇယွမ်းႁပ်ႉ လွင်ႈတူၵ်းသုမ်း
32. ယိူင်းဢၢၼ်းႁႂ်ႈပဵၼ်ၵၢၼ် တႃႇၽဝဢွင်ႇမၢၼ်
33. တႃႇၵူၼ်းၼုမ်ႇၶဝ်လူ
34. လုၵ်ႈတူပ်ႉၽႃႈ ဢွၼ်ၼတၢင်း
35. လွၵ်းလၢႆးပူၼ်ႉလွတ်ႈတၢင်းၽၢၼ် (ႁၢၼ်ႈလူၼ်ႉ ပေႃႈမၢၵ်ႈမီး)
36. ဢပုမ်ႇဢပုမ်း မၢႆ (2)
37. ဢပုမ်ႇဢပုမ်း မၢႆ (3)
38. HOPE
39. Thank u X
40. ငိုၼ်း
41. တူဝ်မႂ်ႇ ၸႂ်မႂ်ႇ ႁႅင်းၸႂ်မႂ်ႇ
42. လုၵ်ႈဢွၼ်ႇလၵ်းလႅမ် လႄႈ မၢၵ်ႈမီး
43. လွင်ႈၵတ်းယဵၼ် PEACE
44. မိုၼ်ႇလၢၼ်ႉသႅၼ်ၵူၼ်း
45. ၵူၼ်းဢၼ်မီး တၢင်းသိူဝ်းသေပိူၼ်ႈ ၼႂ်းလူၵ်ႈ
- ၼိုင်ႈထႅမ်ၼိုင်ႈပဵၼ်သၢမ်
47. တေၶုပ်ႉၶဝ်ႇတေႃႇ ၶူင်းၵၢင်ၼႆႁႃႉ
48. ဝူၼ်ႉႁႂ်ႈၵႂၢင်ႈၵႂၢင်ႈ ၽၢင်ႈႁႂ်ႈသုင်သုင် မၢႆ (2)
49. ဢပုမ်ႇ မင်ႇၵလႃႇသုတ်ႈ မၢႆ (1)
50. ဢပုမ်ႇ မင်ႇၵလႃႇသုတ်ႈ မၢႆ (3)
51. ဢပုမ်ႇ မင်ႇၵလႃႇသုတ်ႈ မၢႆ (4)
52. LOVE (တိုၵ်ႉတေဢွၵ်ႇ) ၸိူဝ်းၼႆႉယဝ်ႉ။