ၶိုၼ်းထူပ်းႁၼ်ၵၼ်

ၶိုၼ်းထူပ်းႁၼ်ၵၼ်

ၽူႈတႅမ်ႈလိၵ်ႈ	ႁႅင်းသိူဝ်ၶႅင် (တၢင်ႉယၢၼ်း)
ၽူႈၸၼ်ႁၢင်ႈၼႃႈပပ်ႉ	တိၼ်ႇသူၺ်ႇၶျူဝ်ႇ မျေၼီႇၵူင်း၊ တႃႈၵုင်ႈ
ၽႃႇသႃႇ	တႆး
မဵဝ်းမၼ်း	ၸိူင်း
ပိုၼ်ၽႄ	1999 (ပပ်ႉ)
ၽူႈပိုၼ်ၽႄ	ႁႅင်းသိူဝ်ၶႅင် တၢင်ႉယၢၼ်း
တီႈပိုၼ်ၽႄ	မျၢၼ်ႇမႃႇ
မဵဝ်းမီႇတီႇယႃႇ	ၽိမ်းဢွၵ်ႇ

ပပ်ႉၸိူင်း ၶိုၼ်းထူပ်းႁၼ်ၵၼ် ၼႆႉ ၶဝ်ႈပႃးၼႂ်းပပ်ႉဢၼ် ႁႅင်းသိူဝ်ၶႅင် (တၢင်ႉယၢၼ်း) တႅမ်ႈသေ ဢိတ်ႇဢွၵ်ႇမိူဝ်ႈ ပီ 1999 ယဝ်ႉ။ တၢင်းၼမ်ပပ်ႉ ဢိတ်ႇဢွၵ်ႇ 2000 ပပ်ႉသေ ဢွင်ႈတီႈဢိတ်ႇတႄႉ ပဵၼ် “ၵတ်း” (Aye Offset) သဵၼ်ႈတၢင်း 35 ၵျွၵ်ႉတတႃး တႃႈၵုင်ႈ။ ၵေႃႉၽူႈ ပေႃႉပၼ် တူဝ်လိၵ်ႈၶွမ်း ပဵၼ် ၸၢႆးတိုၼ်းၶွင်ႇ (ၵျေးသီး)၊ ၵေႃႉတႅမ်ႈႁၢင်ႈၼႃႈသိူဝ်ႈပပ်ႉ ပဵၼ် တိၼ်ႇသူၺ်ႇၶျူဝ်ႇ မျေၼီႇၵူင်း တႃႈၵုင်ႈ (တင်ရွှေချို ပန်းချီ) ၊ ၸဝ်ႈၶွင်ပဵၼ် ႁႅင်းသိူဝ်ၶႅင် တၢင်ႉယၢၼ်း ယဝ်ႉ။

တီႈပိုၼ်ၽႄပပ်ႉ

• မွၵ်ႇၵူႇသွႆႈလႅင် တႃႈၵုင်ႈ

• ဝူင်းဝၼ်း တူၼ်ႈတီး

• ပဝ်းႁွမ် ပၢင်လူင်

• ၵျွင်းပွၵ်ႉမျႅင်ႇ ဝဵင်းလိူဝ်ႇ

• ၸၢႆးၵျေႃႇလ ၼၢင်းယဵၼ်ႇ လႃႈသဵဝ်ႈ

ႁူဝ်ႁုပ်ႈလွင်ႈၸိူင်း

ပပ်ႉၸိူင်း “ၶိုၼ်းထူပ်းႁၼ်ၵၼ်”ၼႆႉ ပဵၼ်လွင်ႈ ၸၢႆးဝူင်းလိူၼ်၊ ၼၢင်းမိုၼ်ႇႁွမ်၊ ၼၢင်းၶႅတ်ႉလႃး ၶဝ်သၢမ်ၵေႃႉ ပဵၼ်ငဝ်ႈတူဝ်ၸိူင်းမၼ်း။ ၶဝ်လုၵ်ႈဢွၼ်ႇ သၢမ်ၵေႃႉ ထူပ်းၵၼ်တီႈတၢင်ႉယၢၼ်း။ ဝၢႆးၼၼ်ႉ ဝူင်းလိူၼ်လႄႈ မိုၼ်ႇႁွမ် ၽၢတ်ႇတၢင်ႉယၢၼ်းၵႂႃႇၸွမ်း ၼႃႈၵၢၼ်ဢူႈမႄႈၶဝ်။ ၶႅတ်ႉလႃး ၵိုတ်းဝႆႉတၢင်ႉယၢၼ်းသေ ထူပ်းတၢင်းယၢပ်ႇၵေႃႈ ၶတ်းၸႂ်ၸိုၼ်ႇႁႅင်း။ ဝူင်းလိူၼ်လႄႈ မိုၼ်ႇႁွမ် သိုပ်ႇၶိုၼ်ႈႁဵၼ်း၊ မိုၼ်ႇႁွမ် လႄႈ ဝူင်းလိူၼ် ႁဵတ်းႁိုဝ် ၸႂ်ၸပ်းၵၼ်။ ထိုင်တီႈ ၵေႃႉယႂ်ႇမႃး ၶဝ်ႁဵတ်းႁိုဝ် ၶိုၼ်းၵႂႃႇႁၼ် ၶႅတ်ႉလႃး။ ၶဝ်သၢမ်ၵေႃႉ ၶိုၼ်းႁဵတ်းႁိုဝ် မႃးၶွႆႈၵၼ်။ ၼႂ်းၶဝ်သၢမ်ၵေႃႉၼၼ်ႉ ႁဵတ်းႁိုဝ်ပဵၼ် သၢမ်ႁူဝ်ၸႂ်တၢင်းႁၵ်ႉ။ ၶႅတ်ႉလႃးပဵၼ်ၽႂ်။ ၽႂ်သမ်ႉၵိုတ်း ၽႂ်သမ်ႉယိုတ်းၼႆ သင်လူထူၺ်း ၸိူင်း “ၶိုၼ်းထူပ်းႁၼ်ၵၼ်”ၸိုင် တေလႆႈႁူႉထိုင်ယူႇ။

တီႈၼႂ်းပပ်ႉၼႆႉ ၶဝ်ႈပႃးဝႆႉ တွၼ်ႈ ၶေႃႈသင်ႇ ဢိၵ်ႇတင်း တွၼ်ႈလိၵ်ႈ 21 တွၼ်ႈယဝ်ႉ။

သင်ဝႃႈ ၶႂ်ႈဢၢၼ်ႇတူၺ်းၸိုင် ၵႂႃႇဢၢၼ်ႇတူၺ်းလႆႈ တီႈၼႂ်း ဝီႇၶီႇပပ်ႉ ၽၢႆႇတႆးလႆးယူႇ။