ၸၼ်ၻႃလိဝိမႃၼဝတ်ထု၊ ၼၢင်းၽီမီးဢလုမ်းဢလၢင်းၼမ်
4- ၸၼ်ၻႃလိဝိမႃၼဝတ်ထု၊ ၼၢင်းၽီမီးဢလုမ်းဢလၢင်းၼမ်[မႄးထတ်း | မႄးထတ်းငဝ်ႈငႃႇ]
- 195။ မႄႈဢွၵ်ႇလူင် ၸၼ်ႇတႃႇလိ ၵေႃႉဢၼ်မီးဢလုမ်းဢလၢင်းၼမ်... ဝႆႈသႃတမ်ႈတီႈ တိၼ်မုၼ်ၶမ်းၽြႃးတႃႉ။ မုၼ်ၶမ်းၽြႃး ဢၼ်ၵႅဝ်ႈမျၢတ်ႈသေ ပဵၼ်ဢိသိၼၼ်ႉ ၶႂ်ႈႁွပ်ႇႁွင်ႈယုၵ်ႉယွင်ႈ မႂ်းလႄႈ ၸင်ႇမႃးၸုၵ်းဝႆႉယူႇယဝ်ႉ။
- 196။ ႁဵတ်းႁႂ်ႈၸႂ်ၽိူၵ်ႇၸိုၼ်ႈၶၢဝ်သႂ် တီႈၼိူဝ်မုၼ်ၶမ်းၽြႃး ဢၼ်မီးၵုင်ႇမုၼ်တႃႇတိ (ထူပ်းၺႃးလေႃးၵ ထမ်ႇသေတႃႉ တိုၼ်းဢမ်ႇသၼ်ႇတဵၼ်ႈၶွၼ်းဝႆသေ ယိူၼ်ႉၵၼ်ႈလႆႈ) ဢၼ်ၵိုင်ႇတၢင်းလွင်ႈပူႇၸေႃႇမူးၸႃး ၼၼ်ႉတႃႉ။ ႁွမ်းမိုဝ်းၶၼ်ၶၼ်ဝႆးဝႆးသေ ဝႆႈၽြႃးလႄႈ၊၊ ဢႃႇယုမႂ်းၼႆႉ ပွတ်းၼႃႇယဝ်ႉ (ၼႆ ၸဝ်ႈ မွၵ်ႉၵလၢၼ်ႇ လၢတ်ႈၵႂႃႇယဝ်ႉ)
- 197။ ၵွပ်ႈပိူဝ်ႈ ၸဝ်ႈမွၵ်ႉၵလၢၼ်ႇ ဢၼ်ၽိုၵ်းၽႄႈၸႂ်ယဝ်ႉတူဝ်ႈသေ မီးတူဝ်ၶၼ်ႇထႃႇၵမ်း လိုၼ်းသုတ်းၼၼ်ႉ တိုၵ်းသူၼ်းလႄႈ မႄႈဢွၵ်ႇလူင်ၸၼ်ႇတႃႇလိ ဢၼ်မီးဢလုမ်းဢလၢင်းၼမ်ၼၼ်ႉ ၸင်ႇၶုပ်ႉဝႆႈ တမ်ႈတီႈတိၼ် မုၼ်ၶမ်းၽြႃးယဝ်ႉ။
- 198။ ၽွင်းမိူဝ်ႈ တိုၵ်ႉဝႆႈ မုၼ်ၶမ်းၽြႃး ၸဝ်ႈၽူႈမီးၺၢၼ်ႇလႅင်းသႂ် တီႈၼႂ်းလေႃးၵလပ်းသိင်ႇယူႇၼၼ်ႉ ဝူဝ်းမႄႈတေႃးပတ်ႉပၼ် မႄႈဢွၵ်ႇၸၼ်ႇတႃႇလိ တၢႆၵႂႃႇယဝ်ႉ။
- 199။ ၼၢင်းၽီၸၼ်ႇတႃႇလိ ဢၼ်မီးဢူၽုင်းၽီ တဵမ်ထူၼ်ႈလီၼၼ်ႉ ၸင်ႇလူင်းမႃးၸူး တမ်ႈတီႈ ၸဝ်ႈမွၵ်ႉၵလၢၼ်ႇ ၽူႈဢၼ်ဢႃႇသဝေႃးမူၺ်ႉမူတ်း ဢၼ်ဢမ်ႇမီးမုၼ်ႈၶႆးၵိလေႇသႃႇ ဢၼ်ယူႇသဝ်း တမ်ႈတီႈ ထိူၼ်ႇတဵတ်ႇယဵၼ် ၸဝ်ႈလဵဝ်သေ ၸဝ်ႈႁဝ်း ၽူႈဢၼ်မီးတၢင်းၶတ်ႈၸႂ်ယႂ်ႇထူၼ်ႈ ၽူႈဢၼ်မီးဢူမုၼ်ၽုင်းငဝ်းယႂ်ႇ တီႈၶႃႈဢေႃႈ ၶႃႈၼၢင်းဝႆႈသႃ ၸဝ်ႈႁဝ်းယူႇတီႈၶႃႈဢေႃႈ (ဝႃႈၼႆယဝ်ႉ)။
- 200။ ၼၢင်းၽီ ဢၼ်မီးၵုင်ႇမုၼ်ငဝ်းတဵမ်ထူၼ်ႈ... ဢၼ်ၼၢင်းၽီသီၶမ်းဢွၼ်ႇတင်းၼမ် ဢၼ်မီးဢူငဝ်းၵူႈပိူင်ပိူင် လၢၵ်ႇလၢႆးတဵမ်ထူၼ်ႈ ဢုမ်ႇလွမ်ႉဝႆႉသေ မႂ်းၼၢင်းဢၼ်လုၵ်ႉတီႈႁေႃဝိမၢၼ်ႇ မႃးဝႆႈၵဝ်ၼႆႉ ပဵၼ်ၽႂ်ၼေႃး (ၼႆ ၸဝ်ႈမွၵ်ႉၵလၢၼ်ႇထၢမ်ယဝ်ႉ)။
- 201။ ၸဝ်ႈႁဝ်းတီႈၶႃႈ ၶႃႈၼၢင်းပဵၼ် ၸၼ်ႇတႃႇလိဢေႃႈ။ ယွၼ်ႉပိူဝ်ႈ ၸဝ်ႈႁဝ်း ၽူႈဢၼ်မီး တၢင်းၶတ်းၸႂ်ယႂ်ႇ တိုၵ်းသူၼ်း ႁႂ်ႈၶႃႈၼၢင်း ဝႆႈသႃ မုၼ်ၶမ်းၽြႃး ၸဝ်ႈၽူႈဢၼ်ၵိုင်ႇလီပူႇၸေႃႇမူးၸႃး ဢၼ်မီးဢလုမ်းဢလၢင်းၼမ်ၼၼ်ႉလႄႈ လႆႈၶုပ်ႉဝႆႈ တမ်ႈတီႈ တိၼ်မုၼ်ၶမ်းၽြႃးမႃးယဝ်ႉ။
- 202။ ၸဝ်ႈႁဝ်းတီႈၶႃႈ ၵွပ်ႈပိူဝ်ႈ ၶႃႈၼၢင်းလႆႈၶုပ်ႉဝႆႈ တမ်ႈတီႈတိၼ်မုၼ်ၶမ်းၽြႃးလႄႈ လုၵ်ႉ တီႈၽဝႃႉၸၢတ်ႈၵူၼ်းယွၼ်း တၢႆသေ လႆႈမႃးပဵၼ်ၽီ မိူင်းတႃႇဝတိမ်ႇသႃႇ တီႈလီသိူဝ်းၸႂ် လႆႈမႃးယူႇသဝ်း ၼႂ်းႁၢင်ႈႁေႃဝိမၢၼ်ႇ ၶိုၵ်ႉၶႅမ်ႉလီတွၼ်းတင်းသဵင်ႈၼၼ်ႉၶႃႈယဝ်ႉ။
- 203။ ၼၢင်းၽီသႅၼ်ၼိုင်ႈ လႆႈမႃးယူႇသဝ်း ဢုမ်ႇလွမ်ႉ ၶႃႈၼၢင်းဝႆႉၶႃႈဢေႃႈ။ ဢူငဝ်းၶႃႈၼၢင်းလႄႈသင်၊ ဢလုမ်းဢလၢင်းၶႃႈၼၢင်းလႄႈသင် ဢႃႇယုလႄႈသင် ၶိုၵ်ႉတွၼ်းလိူဝ်သေ ၼၢင်းၽီသႅၼ်ၼၢင်း ၸိူဝ်းၼၼ်ႉယဝ်ႉ။ ဝိသဵတ်ႇမၼ်း လီဢၢမ်းတႄႉတႄႉယဝ်ႉ။
- 204။ ၸဝ်ႈႁဝ်းတီႈၶႃႈ တီႈၼႂ်းလေႃးၵၼႆႉ ၵုသူဝ်ႇတၢင်းလီ ဢၼ်ၶႃႈၼၢင်းလႆႈႁဵတ်းဝႆႉၼၼ်ႉ မီးတင်းၼမ်ဢေႃႈ။ ပႆႇၺႃႇ လွင်ႈမေႃႁိဝ်ႈၸင်ႈၵေႃႈ တဵမ်ထူၼ်ႈယဝ်ႉ။ သတိ လွင်ႈမေႃၶုၵ်းၶွပ်ႈၵေႃႈ တဵမ်ထူၼ်ႈယဝ်ႉ။ ပုၼ်ႈတႃႇတေလႆႈဝႆႈမုၼ်ၶမ်းၽြႃး ဢၼ်ပဵၼ်မုၼိၸိၵ်းၸွမ် ဢၼ်မေႃဢီးလူပိူၼ်ႈ ၼၼ်ႉ ၶႃႈၼၢင်း ၸင်ႇၽႅဝ်မႃးၶႃႈဢေႃႈ။
- 205။ ၼၢင်းၽီ ၸၼ်ႇတႃႇလိ ဢၼ်မေႃႁူႉၸၵ်းၵျေးၸူးပိူၼ်ႈ ဢၼ်မေႃႁဵတ်းႁႂ်ႈၵျေးၸူးပိူၼ်ႈ ထၢင်ႇၸႅင်ႈၼၼ်ႉ မႃးလဝ်ႈလၢတ်ႈၼင်ႇၼႆ ၶုပ်ႉဝႆႈတမ်ႈတီႈတိၼ် ၸဝ်ႈမွၵ်ႉၵလၢၼ်ႇ ၽူႈဢၼ်မီးၵုင်ႇမုၼ် ၵႆယၢၼ်ၵိလေႇသႃႇသေ ႁၢႆတူဝ်ၵႂႃႇယဝ်ႉ။
ၸၼ်ꩦႃလိဝိမႃၼဝတ်ထု ႁူဝ်သီႇသုတ်းယဝ်ႉ။
ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ဢိၻ်ꩪိဝိမႃၼ၊ ၸိတ်တလတႃဝၷ်၊ ၸၼ်ၻႃလိဝိမႃၼဝတ်ထု