ၸၼ်ႉၸွမ်ထေရဝႃၻၿုၻ်ꩪသႃသၼႃၵူႈမိူင်းမိူင်း

ၸၼ်ႉၸွမ်ထေရဝႃၻၿုၻ်ꩪသႃသၼႃၵူႈမိူင်းမိူင်း ဢိင်းၵလဵတ်ႈ: International Theravada Buddhist Missionary University, (ITBMU) မၢၼ်ႈ: အပြည်ပြည်ဆိုင်ရာထေရဝါဒဗုဒ္ဓသာသနာပြုတက္ကသိုလ်)၊ ၼႆႉ ပၵ်းသဝ်းဝႆႉယူႇတီႈ ဝဵင်းတႃႈၵုင်ႈ၊ ပဵၼ်ၸၼ်ႉၸွမ် ဢၼ်ပွင်ႇၵၢၼ်သႃႇသၼႃႇယူႇဢၼ်ၼိုင်ႈသေ ဢၼ်မီးယူႇၽၢႆႇတႂ်ႈ ၽၢႆႇသႃႇသၼႃႇ လႄႈ ထၢၼ်ႈၽွင်းလူင်ၽၢႆႇယိၼ်ႇငႄႈ ၼၼ်ႉယဝ်ႉ။

ပိုၼ်းလင်

ၸၼ်ႉၸွမ်လင်ၼႆႉ ၵေႃႇတင်ႈမႃး မိူဝ်ႈဝၼ်းတီႈ 9/12/1998 လူၺ်ႈၶေႃႈမၵ်းမၼ်ႈ ၽၢႆႇငမ်းယဵၼ်ၸိုင်ႈမိူင်းလႄႈ ၵၢၼ်ပူၵ်းပွင်ၸိုင်ႈမိူင်း ၸွမ်းၼင်ႇၶေႃႈတႅပ်းတတ်း လူင်ပွင်ၸိုင်ႈမိူင်းႁူမ်ႈတုမ် ဢၼ်ၸတ်းႁဵတ်းမိူဝ်ႈဝၼ်းတီႈ 5/6/1998 ၼၼ်ႉယဝ်ႉ။

မိူင်းမၢၼ်ႈၼႆႉ ပဵၼ်မိူင်းၸၢဝ်းပုတ်ႉပုတ်ႉထၽႃႇသႃႇ ႁိူဝ်ႈႁိူင်းပိူင်းသႂ်မိူင်းၼိုင်ႈ၊ ၼႂ်းၵႃႈ ဢၼ်ပဵၼ်မိူင်းၸၢဝ်းထေႇရဝၢတ်ႈၸိူဝ်းၼၼ်ႉ ပဵၼ်မိူင်းဢၼ်ဢွၼ်ႁူဝ်ဝႆႉမိူင်းၼိုင်ႈယူႇယဝ်ႉ။ လွင်ႈဢၼ် ၸၢဝ်းပုတ်ႉထ ႁွတ်ႈမႃးထိုင် မိူင်းမၢၼ်ႈၼႆႉ မၼ်းၵွင်ႉၵၢႆႇၵၼ်တင်း ပိုၼ်းၵွင်းမူးသူၺ်ႇတၵုင်ႇ (ၵွင်းမူးၶႆႇၵႃၶမ်း) ၼႆယူႇ။ တႄႇမႃးမိူဝ်ႈ တပုသ်သ လႄႈ ꧤလ်လိၵ ၵူၼ်းၵႃႉသွင်ၵေႃႉ လႆႈႁပ်ႉဢဝ်ၶူၼ်ႁူဝ် မုၼ်ၶမ်းၽြႃးပဵၼ်ၸဝ်ႈယဝ်ႉသေ ပၢင်းမႃးꩪႃပႃၼႃႇဝႆႉ တီးၵွင်းမူး သူၺ်ႇတၵူင်ႇ(ၵွင်းမူးၶႆႇၵႃၶမ်း) ၼႆႉ မိူဝ်ႈပီ မႁႃႇသၵ်ၵရဵတ်ႉ -103 ၼီႈၼၼ်ႉယဝ်ႉ။ ဝၢႆးၼၼ်ႉမႃး သႃႇသၼႃႇပုတ်ႉထၸင်ႇတေယင်ႇႁၢၵ်ႈၶဝ်ႈမႃး ၼႂ်းမိူင်းမၢၼ်ႈသေ ၸင်ႇလႆႈဢွၼ်ၵၼ်ထိင်းသိမ်းမႃး တေႃႇႁၢၼ်ႉၼႆႉယူႇ။ တွၼ်ႈတႃႇတေ ၵေႃႇတင်ႈၸၼ်ႉၸွမ် ၸၼ်ႉၸွမ်ထေရဝႃၻၿုၻ်ꩪသႃသၼႃ ဢၼ်မီးယူႇႁိမ်း ၵျွင်းၶဵဝ်ႈၵႅဝ်ႈၼႆႉ ပဵၼ်ပၢႆးဝူၼ်ႉ ၽူႈယႂ်ႇၵူၼ်းလူင်ၸိုင်ႈမိူင်းၶဝ်ႈၼႆယဝ်ႉ။ ဢၼ်ပဵၼ် ၵူၼ်းၼွၵ်ႈမိူင်းၶဝ် တေမႃးလဵပ်ႈႁဵၼ်း ထမ်းပိတၵၢတ်ႈ လႄႈ ၵၢၼ်ၽိုၵ်းဝိပသ်သၼႃႇ ၼႂ်းမိူင်းမၢၼ်ႈၼၼ်ႉ လႆႈၽၢင်ႉႁၼ်မႅၼ်ႈဝႃႈ မၼ်းမီးလွင်ႈယၢပ်ႇၽိုတ်ႇ ၽႃႇသႃႇၵႂၢမ်းလၢတ်ႈၼႆယူႇယဝ်ႉ။

ယွၼ်ႉပိူဝ်ႈၼၼ်လႄႈ ၼင်ႇႁိုဝ် ပေႃးတေၵႄႈလိတ်ႈလႆႈ လွင်ႈယၢပ်ႇၽိုတ်ႈၽႃႇသႃႇၵႂၢမ်းလၢတ်ႈၼၼ်ႉလႄႈသင် ၼင်ႇႁိုဝ် ပုတ်ႉထသႃႇသၼႃႇ ပေႃးတေႁိူဝ်ႈႁိူင်းပိူင်းသႂ် ၸွတ်ႈတူဝ်ႈၼႂ်းလူၵ်ႈၼႆႉ ၼႆလႄႈ ၼင်ႇႁိုဝ်ၽူႈလဵပ်ႈႁဵၼ်းပၢႆးႁုႁၼ်ႁဝ်းၶဝ် ပေႃးတေမီးလွင်ႈငၢႆႈၸႂ် ၼႂ်းထမ်ႇမ ၶိုတ်းၵၢပ်ႈၸွမ်းပၢၼ်ၼႆၼၼ်ႉ ၸင်ႇလႆႈၵၢင်ၸႂ်ၸိူင်ႉၼႆသေ ၵေႃႇတင်ႈ ၸၼ်ႉၸွမ်ထေရဝႃၻၿုၻ်ꩪသႃသၼႃၵူႈမိူင်းမိူင်း ၼႆႉယူႇယဝ်ႉ။