ၸၼ်ႉၸွမ်ပရိယတ်တိသႃႇသၼႃၸိုင်ႈမိူင်း (ဝဵင်းတႃႈၵုင်ႈ)
| ၶေႃႈၶၼ်ပၢၵ်ႇ | သၿ်ၿၻႃၼံ ꩪမ်မၻႃၼံ ꩡိၼႃတိ sabbadānaṃ dhammadānaṃ jināti |
|---|---|
| မဵဝ်း | Public |
| တႄႇတင်ႈမႃး | ၵျုၼ်ႇ 26, 1986 |
| လွင်ႈၵပ်းၵၢႆႇ | ထၢၼ်ၽွင်းလူင် ၵၢၼ်သႃႇသၼႃႇ လႄႈ ၵၢၼ်ယဵၼ်ႇငႄႈ |
| ဢထိပတိ | တွၵ်ႉတိူဝ်ႇꧤၻ်ၻၼ်တၸၼ်ၻိမႃꧤိဝံသ (ၸဝ်ႈသြႃႇၵျွင်းတၢၼ်ႇလျိၼ်ႇမိၼ်း) |
| ၽူႈပွင်ၵၢၼ်ၸၼ်ႉၸွမ် | တွၵ်ႉတိူဝ်ႇꧤၻ်ၻၼ်တၵုမႃရ (ၸဝ်ႈသြႃႇလူင်မႁႃႇႀဵင်ႇတေႃႇၵျီး) |
| ႁဵင်းလိၵ်ႈ | တီႈလိၼ်ၵမ်ꧤႃဢေး၊ ပွၵ်ႉ (၇)၊ ၸႄႈဝဵင်းမယၢၼ်းၵူင်း , , , 16°51′20″N 96°09′12″E / 16.855641°N 96.153273°E |
| ဝႅပ်ႉသၢႆႉ | spsuygn |
 | |
 | |
ၸၼ်ႉၸွမ်ပရိယတ်တိသႃသၼႃၸိုင်ႈမိူင်း (ဝဵင်းတႃႈၵုင်ႈ) (မၢၼ်ႈ: နိုင်ငံတော်ပရိယတ္တိသာသနာ့တက္ကသိုလ် (ရန်ကုန်)ၼႆႉ ပဵၼ်ၸၼ်ႉၸွမ်ၸၢဝ်းပုတ်ႉထၽႃႇသႃႇလင်ၼိုင်ႈ ဢၼ်မီးယူႇတီႈ ဝဵင်းတႃႈၵုင်ႈ ၼၼ်ႉယဝ်ႉ။ ၸၼ်ႉၸွမ်လင်ၼႆႉ ပူင်သွၼ်ပၼ် ပိတၵၢတ်ႈ ၽၢႆႇၿႃလိ၊ ၽၢႆႇမၢၼ်ႈ လႄႈ ဢိင်းၵလဵတ်ႈ တီႈၸဝ်ႈရႁၢၼ်းသင်ႇၶႃႇၶဝ်ၸဝ်ႈ တွၼ်ႈတႃႇပွင်ၵၢၼ်သႃႇသၼႃႇ ၼၼ်ႉယဝ်ႉ။ ဢၼ်လႆႈတႄႇတင်ႈမႃး ၸၼ်ႉၸွမ်လုၵ်ႈၼႆႉ မိူဝ်ႈပီ 1986 ၼီႈ၊ လိူၼ် June 26 ဝၼ်းၼၼ်ႉယဝ်ႉ။[1]
တီႈၸၼ်ႉၸွမ်ၼႆႉ ၼွပ်ႈပၼ်ၸုမ်ႈၶူး မိူၼ်ၼင်ႇ
- သႃသၼတၵ်ၵသီလꩪမ်မႃၸရိယ (B.A Buddhism)၊
- သႃသၼတၵ်ၵသီလမႁႃꩪမ်မႃၸရိယ(M.A Buddhism)၊
- သႃသၼတၵ်ၵသီလꩪမ်မပႃရၷူ (PhD) ၸိူဝ်းၼႆႉယဝ်ႉ။[2]
မိူဝ်ႈပီ 2018 ၼၼ်ႉ လႆႈၼွပ်ႈပၼ်ၸုမ်ႈၶူး တီႈ ၸဝ်ႈရႁၢၼ်းၸၢဝ်းပုတ်ႉၶဝ် 128 ၸုမ်ႈၶူးယူႇယဝ်ႉ။ သင်ႇၶႃႇၸဝ်ႈ ၸိူဝ်းဢၼ်ၶႂ်ႈၶိုၼ်ႈႁဵၼ်းသွၼ်ဢဝ်ပၢႆးပၺ်ၺႃႇတီႈ ၸၼ်ႉၸွမ်ၼႆႉၸိုင်
- တီႈဢႄႇသုတ်း ဢႃႇယု တေဢမ်ႇလႆႈလိူဝ် (30) ပီ၊ ဝႃႇ (10) ဝႃႇ၊
- ႁၢင်ႈၽၢင်တေလႆႈတဵမ်ထူၼ်ႈသေဢမ်ႇၵႃး
- တေလႆႈၸူပ်းယဝ်ႉၸၼ်ႉ မိူၼ်ၼင်ႇၸၼ်ႉလူင် (ပထမကြီး)၊ ၸဝ်ႈၶူး ꩪမ်မႃၸရိယ၊ သၵျသီႁ၊ ၸေတီယင်ၷꧣ ၸဵမ်ၸိူဝ်းၼႆႉၵွၼ်ႇ ၸင်ႇတေႁပ်ႉ တွပ်ႇလိၵ်ႈ တႃႇၶဝ်ႈၸၼ်ႉၸွမ်ၼႆယူႇယဝ်ႉ။
သင်ႇၶႃႈၸဝ်ႈ ၸိူဝ်းၶႂ်ႈၶိုၼ်ႈ ၸၼ်ႉ သႃသၼတၵ်ၵသီလမႁႃꩪမ်မႃၸရိယ ၼၼ်ႉၸမ်ႉ
- ဢႃႇယု တေဢမ်ႇလႆႈလိူဝ် (35) ပီ၊ ဝႃႇ (15) ဝႃႇ၊
- လိူဝ်သေၼၼ်ႉ တေလႆႈၸူပ်းယဝ်ႉၸၼ်ႉ ၸဝ်ႈၶူး ꩪမ်မႃၸရိယ၊ သၵျသီႁ၊ ၸေတီယင်ၷꧣ ၸိူဝ်းၼႆႉ သေဢၼ်ဢၼ်ဝႆႉၵွၼ်ႇယဝ်ႉ။ ဝၢႆးသေၵၢၼ်ႁဵၼ်းယဝ်ႉတူဝ်ႈလီငၢမ်းၼၼ်ႉ လုၵ်ႈႁဵၼ်းၵူႈၸဝ်ႈ တေလႆႈၵႂႃႇပွင်ၵၢၼ်သႃႇသၼႃႇ သၼ်လွႆ (ဢွင်ႈတီႈသႃႇသၼႃႇပႆႇႁိူဝ်ႈႁိူင်းႁႅင်း) ၶၢဝ်းတၢင်း (2) ပီမႃးယဝ်ႉၵွၼ်ႇ ၸင်ႇတေၼွပ်ႈပၼ်ၸုမ်ႈၶူးၼႆယဝ်ႉ။[3]
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ "Department for Promotion and Propagation of the Sanana". Archived from the original on 2018-10-13. Retrieved 2026-02-02.
- ↑ "A BRIEF HISTORY OF THE ESTABLISHMENT OF STATE PARIYATTI SÂSANA UNIVERSITY". Association of Theravāda Buddhist Universities (in ဢိင်းၵလဵတ်ႈ). 2018.
- ↑ "Ministry of Religious Affairs and Culture striving for long-lasting of the Sasana and preserving and protecting cultural heritage". Global New Light Of Myanmar (in ဢိင်းၵလဵတ်ႈ (မိူင်းႁူမ်ႈတုမ် ဢမႄႇရိၵ)).