ၸႄႈဝဵင်းၵေႃလၢင်း

ၸႄႈဝဵင်းၵေႃလၢင်း
ၸႄႈဝဵင်း
ၸႄႈဝဵင်းၵေႃလၢင်း ဢွင်ႈတီႈၸႄႈဝဵင်းၵေႃလၢင်း
ၵူဝ်ႇဢေႃးတိၼဵတ်ႉ: 23°47′N 95°41′E
မိူင်း	မိူင်းမၢၼ်ႈ
ၸႄႈတိူင်း	ၸႄႈတိူင်းၸႄႈၵႅင်း
ၸႄႈတွၼ်ႈ	ၸႄႈတွၼ်ႈၵၢတ်ႇသႃ
ဝဵင်းပၵ်းလုမ်းၸႄႈဝဵင်း	ဝဵင်းၵေႃလၢင်း
ၸူၼ်ႇၶၢဝ်းယၢမ်း	UTC+06:30 (MST)

ၸႄႈဝဵင်းၵေႃလၢင်း (မၢၼ်ႈ: ကောလင်းမြို့နယ် ; ဢိင်းၵလဵတ်ႈ: Kawlin Township ; သဵင်ဢွၵ်ႇတႆး: [Zewaeng Kaulaang]) ၼႆႉ ပဵၼ်ၸႄႈဝဵင်းဢၼ်ၼိုင်ႈ ဢၼ်မီးတီႈ ၸႄႈတွၼ်ႈၵၢတ်ႇသႃ၊ ၸႄႈတိူင်းၸႄႈၵႅင်း၊ မိူင်းမျၢၼ်ႇမႃႇၼၼ်ႉယဝ်ႉ။ ဝဵင်းပၵ်းလုမ်းၸႄႈဝဵင်းၼႆႉ ပဵၼ် ဝဵင်းၵေႃလၢင်းယဝ်ႉ။ မီးဝႆႉတီႈၼိူ် တၢင်းလူတ်ႉလဵၼ်း တႃႈလိူဝ်ႇ-ၸႄႈၼႃးသေ ပိူင်ႇဝႆႉ တႃႈလူတ်ႉလဵၼ်းပိူင်လူင်ဢၼ်ၼိုင်ႈ တႃႇမိူင်းမျၢၼ်ႇမႃႇပွတ်းၼိူဝ်ၼၼ်ႉယဝ်ႉ။ တီႈၽၢႆႇဢွၵ်ႇဝဵင်း ယၢၼ် 14 လၵ်းၼၼ်ႉ မီးဝႆႉ သဵၼ်ႈတၢင်းၵႃးမိူင်းႁူမ်ႈတုမ် သူၺ်ႇပူဝ်ႇ-ၸႄႈၼႃးယဝ်ႉ။ ပိူင်လူင်မၼ်း ၽုၵ်ႇသွမ်ႈၶဝ်ႈယဝ်ႉ။ လူတ်ႉလဵၼ်းၽႂ်း ၵေႃလၢင်း-တႃႈလိူဝ်ႇ၊ သၢႆလူတ်ႉၵႃး တင်းၼမ်ၵေႃႈ လဵၼ်ႈပၼ်ဝႆႉယူႇယဝ်ႉ။ ၽၢႆႇႁွင်ႇၼႆႉ မီးဝႆႉ ဝဵင်းသိူဝ်၊ ၽၢႆႇၸၢၼ်း မီးဝႆႉ ၸႄႈဝဵင်းၵျုၼ်းလႃႉ၊ ၽၢႆႇတူၵ်းမီးဝႆႉ ၸႄႈဝဵင်းပၢင်ႇၵႆႇၽူႈ သေ ၽၢႆႇတၢင်းဢွၵ်ႇၼႆႉ ဢိူမ်ႈၸပ်းၵၼ်ဝႆႉတင်း ၸႄႈဝဵင်းတီႈၶင်ႉယဝ်ႉ။ ၸွမ်းလူၺ်ႈ သဵၼ်ႈမၢႆႁူဝ်ႁိူၼ်း ပီ 2014 သေ ႁူဝ်ၼပ်ႉၵူၼ်း မီး 145,297 ၵေႃႉယဝ်ႉ။ တီႈၼိူဝ်ဝဵင်းၼႆႉ မီး 21,431 သေ ၸိူဝ်းပဵၼ်ၵူၼ်းၵမ်ႉၼမ်ႉ 123,866 ၼၼ်ႉတႄႉ ယူႇတီႈဝၢၼ်ႈၼွၵ်ႈယဝ်ႉ။ ႁူဝ်ၼပ်ႉၵူၼ်းၸၢႆးၼႆႉ မီး 69,782 သေ ႁူဝ်ၼပ်ႉၵူၼ်းယိင်းၼႆႉ မီး 75,515 လႄႈ ၼၢင်းယိင်းတိူဝ်းၼမ်ဝႆႉယဝ်ႉ။