ၸႄႈဝဵင်းၼွင်ၶဵဝ်
ၸႄႈဝဵင်းၼွင်ၶဵဝ် | |
|---|---|
  ၸႄႈဝဵင်းၼွင်ၶဵဝ် ဢွင်ႈတီႈ ၼႂ်းမိူင်းမျၢၼ်ႇမႃႇ | |
| ၵူဝ်ႇဢေႃးတိၼဵတ်ႉ- 22°20′02″N 96°48′05″E / 22.333809°N 96.801421°E | |
| မိူင်း |  မိူင်းမျၢၼ်ႇမႃႇ မိူင်းမၢၼ်ႈ |
| ၸႄႈမိူင်း |  ၸႄႈမိူင်းတႆး |
| ၸႄႈတွၼ်ႈ | ၸႄႈတွၼ်ႈၵျွၵ်းမႄး |
| ဝဵင်းပၵ်းလုမ်း | ဝဵင်းၼွင်ၶဵဝ် |
| လႅၼ်တီႈ | |
• ႁူမ်ႈလေႃး | 488.44 လွၵ်းလၵ်း (1,265.06 လွၵ်းၵီႇလူဝ်ႇမီႇတႃႇ) |
| တၢင်းသုင် | 9,020 ထတ်း (2,750 မီႇတႃႇ) |
| ႁူဝ်ၼပ်ႉၵူၼ်းမိူင်း (2014)[2] | 149,842 |
| • သႃႇသၼႃႇၵိူဝ်းယမ် | ပုတ်ႉထၽႃႇသႃႇ |
| ပွတ်းတွၼ်ႈၶၢဝ်းယၢမ်း | UTC+06:30 (MST) |
| မၢႆသူင်ႇလိၵ်ႈ | 06311 |
ၸႄႈဝဵင်းၼွင်ၶဵဝ် (IPA: [nɔ̌ŋ kěo]), (မၢၼ်ႈ: နောင်ချိုမြို့နယ်), (ဢိင်းၵလဵတ်ႈ: Nawnghkio Township), (သဵင်ဢွၵ်ႇ [Zewaeng Naungkhaeo] ၼႆႉပဵၼ်ႄၸႄႈဝဵင်းဢၼ်မီးၼႂ်း ၸႄႈတွၼ်ႈၵျွၵ်းမႄး၊ ၸႄႈမိူင်းတႆး၊ မိူင်းမျၢၼ်ႇမႃႇသေ တီႈပၵ်းလုမ်း ၸႄႈဝဵင်းတႄႉ ပဵၼ်တီႈ ဝဵင်းၼွင်ၶဵဝ်ယဝ်ႉ။[3]
ဝဵင်းၼွင်ၶဵဝ် ၼႆႉ မီးဝႆႉၼႂ်းၵႄႈ လတ်ႉတီႇတုတ်ႉႁွင်ႇ 22° 45' နှင့် 23° 15'၊ လွင်ႇၵျီႇတုတ်ႉဢွၵ်ႇ 96° 00' နှင့် 97° 00' ဢေႃႈ။ တၢင်းသုင်ၼႃႈပၢင်ႇလၢႆႇ တီႈတဵမ်ႇသုတ်း မီးမွၵ်ႈ 700 ထတ်းသေ တၢင်ႉသုင်သုတ်းမၼ်းတႄႉ ပဵၼ် 4300 ထတ်းလႄႈ ပေႃးၽတ်ႉၽဵင်ႇၵၼ်ၸိုင် ပဵၼ် 2,759 ထတ်းယဝ်ႉ။ ၼႃႈလိၼ်ၶိုင်ႈ ၸႄႈဝဵင်းၼႆႉ ပဵၼ်ၼႃႈလိၼ်ပဵင်ႈသေ ဢၼ်ၼႃႈလိၼ် ဢၼ်လီၽုၵ်ႇသွမ်ႈ၊ ယဝ်ႉၵေႃႈ သၼ်လွႆလူင်ၵေႃႈ လွမ်ႉႁွပ်ႈဝႆႉ။ ဢေႇရိယႃႇၼႃႈလိၼ်ၶိုင်ႈၼိုင်ႈၼႆႉ ပဵၼ်ထိူၼ်ႁိုဝ်ႉ ယဝ်ႉ။ ၼိူင်ႈပီၼႆႉ ၽူၼ်ၵႆႉမႃး မွၵ်ႈ 90 ဝၼ်းတေႃႇ 130 ဝၼ်းလႄႈ ၼိူင်ႈပီၼႆႉ တၢင်ႉၼမ်ႉၽူၼ် မီး 47 ၼဵဝ်ႉ တေႃႇ 70 ၼဵဝ်ႉ ယဝ်ႉ။ တၢင်ႉလူမ်းမႆႈတႄႉ ပေႃးၶၢဝ်းၵတ်း မီး 43° တေႃႇ 81° ၽႃႇရိၼ်ႇႁၢႆႉ သေ ပေႃးၶၢဝ်းမႆႈတႄႉ မီးၵႂႃႇ 61° တေႃႇ 96° ၽႃႇရိၼ်ႇႁၢႆႉယဝ်ႉ။ ၼႂ်းၸႄႈဝဵင်းၼွင်ၶဵဝ်ၼႆႉ မီးမႄႈၼမ်ႉ ႁွင်ႈၼမ်ႉလႆလူင်းတင်းၼမ်သေ မၢင်တီႈၼႆႉ ၵႂႃႇမီး ၼမ်ႉတူၵ်းတၢတ်ႇ ႁၢင်ႈလီလီသေၵွၼ်ႇဢေႃႈ။ ၼမ်ႉတူၵ်းတၢတ်ႇ ဢိၼ်းဝၢႆး၊ ဢိၼ်းၽူဝ်ႇ၊ ၶျွင်းလူင်၊ တပျေႇတူဝ်း ၸိူဝ်းၼႆႉ ပဵၼ်ၼမ်ႉတူၵ်းတၢတ်ႇ ဢၼ်ၸိုဝ်ႈသဵင်လိုဝ်းလင်ဢေႃႈ။ တီႈႁိမ်းဝၢၼ်ႈသဵၵ်ႉၽူးၼၼ်ႉ မၼ်းဝႆႉ ၼမ်ႉဢုၼ်ႇဢၼ်ၼိုင်ႈၵွၼ်ႇ။ ၼႂ်းၸႄႈဝဵင်းၼွင်ၶဵဝ်ၼႆႉ လႆႈႁဵတ်းၽၢႆဢွၼ်ႇဝႆႉ မီးမွၵ်ႈ 30 သေ ပဵၼ်ဢၼ်ၸႂ်ႉဝႆႉ တွၼ်ႈတႃႇ ပၢႆးၽုၵ်ႇသွမ်ႈယဝ်ႉ။
သၢပ်ႇလႅၼ်လိၼ်
[မႄးထတ်း | မႄးထတ်းငဝ်ႈငႃႇ]သၢပ်ႇလႅၼ်လိၼ် ဢၼ်ၸပ်းၵၼ်ဝႆႉတင်း ၸႄႈဝဵင်းၼွင်ၶဵဝ်ၼၼ်ႉတႄႉ ပဵၼ် ၸႄႈဝဵင်း[4]
- ၽၢႆႇႁွင်ႇၼႆႉ မီး ၸႄႈဝဵင်းတပဵၵ်ႉၵျိၼ်း လႄႈ ၸႄႈဝဵင်းမိူင်းၵုတ်ႈ
- ၽၢႆႇဢွၵ်ႇလႄႈ ၽၢႆႇဢွၵ်ႇႁွင်ႇ မီးဝႆႉ ၸႄႈဝဵင်းၵျွၵ်းမႄး
- ၽၢႆႇၸၢၼ်း ၸႄႈဝဵင်းလွၵ်ႉၸွၵ်ႇ
- ၽၢႆႇတူၵ်း လႄႈ ၽၢႆတူၵ်းၸၢၼ်း မီးဝႆႉ ၸႄႈဝဵင်းၸိၼ်ႉၵူး၊ ၸႄႈဝဵင်းမၢတ်ႈတယႃႇ၊ ၸႄႈဝဵင်းပၢင်ႇဢူး လႄႈ ၸႄႈဝဵင်းၵျွၵ်ႉသႄႇ ယဝ်ႉ။
ၶႅပ်းႁၢင်ႈ
[မႄးထတ်း | မႄးထတ်းငဝ်ႈငႃႇ]-
ၶူဝ်ႁူဝ်ၵိုတ်ႈ -
ၼမ်ႉတူၵ်းတၢတ်ႇ ၶျွင်းလူင် -
ၼမ်ႉတူၵ်းတၢတ်ႇ ဢိၼ်းဝၢႆး -
ၼမ်ႉတူၵ်းတၢတ်ႇ ဢိၼ်းဝၢႆး
.jpg)
ဝဵင်းဢၼ်ပႃးၼႂ်း ၸႄႈဝဵင်း ၼွင်ၶဵဝ်
[မႄးထတ်း | မႄးထတ်းငဝ်ႈငႃႇ]ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ GoogleEarth
- ↑ (မေ ၂၀၁၅) သန်းခေါင်စာရင်း အစီရင်ခံစာ, ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ အတွဲ-၂. နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန, ၆၆.
- ↑ "ခရိုင်မြေပုံ - ရှမ်းပြည်နယ် (မြောက်ပိုင်း)" (PDF). မြန်မာသတင်းအချက်အလက် စီမံခန့်ခွဲမှုယူနစ်. စက်တင်ဘာ ၂၀၁၆. Archived from the original (PDF) on 2017-03-17. Retrieved ၁၇ မတ် ၂၀၁၇.
{{cite web}}: Check date values in:|accessdate=and|date=(help) - ↑ "Myanmar States/Divisions & Townships Overview Map" Myanmar Information Management Unit (MIMU)
