ၸႅၵ်ႇၽႄပူႇၸေႃႇထၢတ်ႈတထႃႇၵတၸဝ်ႈ

ပေႃးပူၼ်ႉသေ ၶမ်ႈလိူၼ်ႁူၵ်းမူၼ်းယဝ်ႉ မိူဝ်ႈၽွင်းမိူင်းပႆႇလႅင်းၼၼ်ႉ ၽြႃးပဵၼ်ၸဝ်ႈ ဢၼ်မီးဢႃႇယုယႂ်ႇပႅတ်ႇသိပ်းၼၼ်ႉ တေဢဝ်ပရိၼိပ်ႉပၢၼ်ႇယဝ်ႉ။ ၽွင်းဢွၼ်ၵၼ်သေ တဵတ်ႇယဵၼ်ယူႇၼၼ်ႉ ၸဝ်ႈဢႃႇၼၼ်ႇတႃႇ ဢွၵ်ႇၸႂ်မႃးလွင်ႈၼိုင်ႈသေ ၸင်ႇလဝ်ႈလၢတ်ႈတီႈၽြႃးပဵၼ်ၸဝ်ႈ "ၽြႃးပဵၼ်ၸဝ်ႈတီႈၶႃႈ၊ ပေႃးၽြႃးပဵၼ်ၸဝ်ႈဢဝ်ပရိၼိပ်ႉပၢၼ်ႇယဝ်ႉ ၶၢပ်ႈတူဝ်ဢုတုၸ ရုပ်ႈၵလၢပ်ႈၸဝ်ႈႁဝ်းၼၼ်ႉ ႁဝ်းၶႃႈတေလႆႈႁဵတ်းႁိုဝ်တီႈၶႃႈ" ၼႆ။

ၽြႃးပဵၼ်ၸဝ်ႈၸင်ႇယုမ်ႇသေ "လုၵ်ႈႁၵ်ႉဢႃႇၼၼ်ႇတႃႇ၊ ၶပ်းၶိုင်ႁဵတ်းၸွမ်းဢၼ်ႁဵတ်းပၼ် ဢုတုၸရုပ်ႈၵလၢပ်ႈၶုၼ်ၸၵျဝတေးၼၼ်ႉလႄႈ၊ ၸဝ်ႈတႄႉ သွၵ်ႈႁႃၵျၢင်ႉၵမ်တြႃးဢၼ်ထွတ်ႈမျၢတ်ႈၼၼ်ႉၵွႆးလႄႈ"

ဝၢႆးသေသၢင်းၵျူဝ်ႇယဝ်ႉ တေဢဝ်ထၢတ်ႈၽြႃးပဵၼ်ၸဝ်ႈၼၼ်ႉ ထႃႇပၼႃႇၵေႃႇၵွင်းမူး တီႈသဵၼ်ႈတၢင်းသီႇဢၼ် သုမ်ႇၺႃးၵၼ်ၼၼ်ႉဢိူဝ်ႈ။ ၵူၼ်းၸိူဝ်းမီးသတ်ႉထႃႇတြႃးၶဝ်သမ်ႉ တေပူႇၸေႃသေ ၽႄႈတိူၼ်းၵုသူဝ်ႇဢိူဝ်ႈ။ ၶဝ်ၸိူဝ်းၼၼ်ႉ ၸူမ်းသိူဝ်းသေ ၼပ်ႉယမ်ၵိူဝ်းလီလႄႈ တေလႆႈၽွၼ်းလီလေႃးၵီႇ၊ လေႃးၵုတ်ႉတရႃႇဢိူဝ်ႈ။

ၶၢဝ်းၶမ်ႈလိူၼ်ႁူၵ်းမၼ်းၸမ်သုတ်းသဵင်ႈၼၼ်ႉ ၸူဝ်ႈပၢၼ်ၽဝၵမ်းလိုၼ်းၽြႃးပဵၼ်ၸဝ်ႈ သုတ်းသဵင်ႈသေ ဢဝ်ပရိၼိပ်ႉပၢၼ်ႇယူႇယဝ်ႉ။

ၸဝ်ႈမႁႃႇၵသ်သပၽႅဝ်မႃးသေ ၸင်ႇဢဝ်ၶၢပ်ႈတူဝ်ၽြႃးပဵၼ်ၸဝ်ႈပူႇၸေႃႇတင်းၵွင်ၾႆးယဝ်ႉ။ ပေႃးဝႃႈၾႆးမွတ်ႇယဝ်ႉ ၶုၼ်မၼ်ႇလၶဝ် သိမ်းဢဝ်ထၢတ်ႈၸဝ်ႈ တႃႇတေ ထႃႇပၼႃႇၵေႃႇၵွင်းမူး မိူင်းၶဝ်ၼၼ်ႉယူႇယဝ်ႉ။

ၵူၺ်းၵႃႈ ၶုၼ်ဢၸႃႇတသၢတ်ႈတိူင်းမႃႇၵထ လႆႈငိၼ်းၶၢဝ်ႇဢၼ်ၼႆႉသေ ၸင်ႇႁွင်ႉဢဝ်တပ်ႉသိုၵ်းမၼ်းယဝ်ႉ ၶိုၼ်ႈၼႃႈၸူးၵုသိၼႃႇရုင်ႇယဝ်ႉ။ ဝၢႆးသေၼၼ်ႉ ၸင်ႇလၢတ်ႈဝႃႈ ထၢတ်ႈၸဝ်ႈၸိူဝ်းၼၼ်ႉ ထုၵ်ႇပဵၼ်မၼ်းၵေႃႉပိူင်ႇ ၼႆယူႇယဝ်ႉ။ ၽွင်းၼၼ်ႉ ၶၢဝ်ႇငၢဝ်းၽြႃးပဵၼ်ၸဝ်ႈ ဢဝ်ပရိၼိပ်ႉပၢၼ်ႇၼႆႉ ၸွတ်ႇၽႄႈလၢမ်းၵႂႃႇၵူႈတီႈၵူႈတၢင်းယဝ်ႉ။ ၶုၼ်လိတ်ႉသဝီႇ မိူင်းဝေႇသႃႇလီႇၶဝ်၊ ၶုၼ်သႃႇၵီႇ မိူင်းၵပ်ႉပိလဝၢတ်ႈၶဝ်၊ ၶုၼ်ၵႃပုလိ တိူင်းဢၼ်ႇလပ်ႉပ၊ ၶုၼ်ၵေႃးလိယ ဝၢၼ်ႈရႃႇမၶဝ်၊ ပရမ်ႇမၼ တူိင်းဝေႇထတီႇပၶဝ်လႄႈ ၶုၼ်မၼ်ႇလ မိူင်းပႃႇဝႃႇၶဝ်ၵေႃႈ ထၢတ်ႈၸဝ်ႈၼၼ်ႉ ထုၵ်ႇပဵၼ်ၶဝ်ပိူင်ႇ ဝႃႈၼႆသေ ႁၢင်ႈသိုၵ်းၶိုၼ်ႈမႃး ႁင်းၽႂ်မၼ်းယဝ်ႉ။ ၽွင်းငဝ်းလၢႆးပဵၼ်ၸူိင်ႉၼၼ်ယူႇ ပရမ်ႇမၼ တေႃးၼ ၵေႃႉပဵၼ်လုၵ်ႈၼွင်ႉၽြႃးပဵၼ်ၸဝ်ႈၼၼ်ႉ ၼင်ႇႁိုဝ်ပၼ်ႁႃတေဢမ်ႇၵိူတ်ႇၶိုၼ်ႈၼၼ်ႉ ၸင်ႇဢဝ် ထၢတ်ႈၸဝ်ႈၸႅၵ်ႇ ႁဵတ်းပဵၼ်ပႅတ်ႇၵွင်သေ ၽႄမႅင်ႇၶုၼ်မိူင်းၶဝ်ၵႂႃႇယူႇယဝ်ႉ။

ၶဝ်ၸိူဝ်းၼၼ်ႉ ပေႃးဝႃႈၽႅဝ်ၶိုၼ်းမိူင်းၶဝ်ယဝ်ႉၵေႃႈ ၸင်ႇဢဝ်ထၢတ်ႈၸဝ်ႈ ထႃႇပၼႃႇၵွင်းမူး တီႈသဵင်ႈတၢင်းသီႇဢၼ်တေႃႇသုမ်ႇၵၼ်ၼၼ်ႉသေ ၽႄႈတိူၼ်းၵၢၼ်ၵုသူဝ်ႇၵႂႃႇယူႇယဝ်ႉ။ ၶႃႈဝၢၼ်ႈၵူၼ်းမိူင်း ၸိူဝ်းမႂ်းၸႂ်သတ်ႉထႃႇၶဝ်ၵေႃႈ တေဢဝ်မွၵ်ႇယႃႈ၊ ၼၢမ်ႇသႃႇသေ လူႇတၢၼ်းပူႇၸေႃႇယဝ်ႉ လႆႈၽွၼ်းလꩮီတႃႇၸူဝ်ႈပၢၼ်ၶဝ်ၵႂႃႇ ၶၢဝ်းယၢဝ်းယူႇယဝ်ႉ။

ၽိုၼ်ဢိင်

ၼႃႈလိၵ်ႈ ႑႐႗၊ ပပ်ႉ - ႁၢင်ႈပိုၼ်းပုတ်ႉထၸဝ်ႈ| တႅမ်ႈ - သြႃႇလူင်ဢူးၵူဝ်ႇဢိင်ႇၵႃႇ (ၽူႈၼႄတြႃးဝိပသ်သၼႃႇလုမ်ႈၾႃႉ)