ၼိတ်ႉသၵ်ႉၵီႇပႃႇၸိတ်ႈ 30
- သၢင်ႇၵၢၼ်းဢၼ်လႆႈမႃးမႂ်ႇ ဢၼ်ဢမ်ႇၸႂ်ႈၶၢဝ်း ၵထိင်ႇၼၼ်ႉ၊ ဢမ်ႇလီဝႆႉလိူဝ်သိပ်းဝၼ်း၊ ပေႃး ဝႆႉလိူဝ်– သၢင်ႇၵၢၼ်းၼၼ်ႉ လႆႈၸုၼ်ႉ– ၸဝ်ႈ ၼၼ်ႉၵေႃႈ ထုၵ်ႇပႃႇၸိတ်ႈဢႃႇပၢတ်ႈယဝ်ႉ။
- သၢင်ႇၵၢၼ်းသၢမ်ၽိုၼ်ၼၼ်ႉ တေဢမ်ႇလႆႈပၼ် ၽၢတ်ႇတူဝ်သေၶိုၼ်း၊ ပေႃးလႆႈၽၢတ်ႇၶိုၼ်းၼိုင်ႈ ၸိုင်– သၢင်ႇၵၢၼ်းၼၼ်ႉထုၵ်ႇၸုၼ်ႉ၊ ရႁၢၼ်း ၸဝ်ႈၼၼ်ႉၵေႃႈ ထုၵ်ႇပႃႇၸိတ်ႈဢႃႇပၢတ်ႈယဝ်ႉ။
- သၢင်ႇၵၢၼ်းဢၼ်လူႇ ဢၼ်ဢမ်ႇၸႂ်ႈၶၢဝ်းၵထိင်ႇ ၼၼ်ႉ ပေႃးပႆႇပေႃးႁဵတ်း ဝႆႉလႆႈယူႇလိူၼ်ၼိုင်ႈ ယဝ်ႉ၊ ပေႃးလိူဝ်လိူၼ် ဢမ်ႇလီဝႆႉ၊ ပေႃးဝႆႉ– သၢင်ႇၵၢၼ်းၼၼ်ႉထုၵ်ႇၸုၼ်ႉ၊ ရႁၢၼ်းၼၼ်ႉ ထုၵ်ႇပႃႇ ၸိတ်ႈဢႃႇပၢတ်ႈယဝ်ႉ၊ ၼင်ႇဢၼ်ဝႃႈ မႃးသၢမ်ပုၵ်ႈၼႆႉ ၼင်ႇႁိုဝ်မၼ်းတေ ဢမ်ႇပူၼ်ႉ ဝၼ်းမၼ်းၼၼ်ႉ– တေလႆႈႁဵတ်း ဢတိၵ်ႉ ထၢၼ်ႇဝႆႉယဝ်ႉ၊ ပေႃးလူဝ်ႇသိမ်းဝႆႉ တေလႆႈႁဵတ်း ဝိၵပ်ပၼႃ သေသိမ်းဝႆႉယဝ်ႉ။
- သၢင်ႇၵၢၼ်းၵဝ်ႇႁဝ်းၼၼ်ႉ ဢမ်ႇလီပၼ်ရႁၢၼ်း ယိင်းၶဝ် သၵ်ႉ “ယွမ်ႉ ၼူတ်ႈ” ယဝ်ႉ။
- ဢမ်ႇလီႁပ်ႉၶၢမ်ႇဢဝ်သၢင်ႇၵၢၼ်းရႁၢၼ်းယိင်း ၶဝ်သေ ၼုင်ႈမႆယဝ်ႉ။
- ပေႃးဢမ်ႇမီး လွင်ႈဢၼ်လုလႅဝ်ၸိုင်– ဢမ်ႇလီ ၵႂႃႇယွၼ်းသၢင်ႇၵၢၼ်း တီႈတၵႃႇဢၼ်ဢမ်ႇၸႂ်ႈ ပီႈၼွင်ႉၼၼ်ႉယဝ်ႉ။
- မီးလွင်ႈလုလႅဝ်သေ ၵႂႃႇယွၼ်းၵေႃႈ– ဢမ်ႇလီ ႁပ်ႉၶၢမ်ႇလိူဝ်– သၢင်းပိူင်ႇ သၢင်းၵၢၼ်း သွင်ၽိုၼ် ယဝ်ႉ။
- ငိၼ်းၶၢဝ်ႇပိူၼ်ႈ တေလူႇသၢင်ႇၵၢၼ်းတီႈႁဝ်းလႄႈ ဢမ်ႇလီမိူဝ်းၶိုင်ပွင် ၸိၸွႆႈၸိမ်ၸွမ်း ႁႂ်ႈႁဵတ်း ပၼ် သိုဝ်ႉပၼ် မဵဝ်းၼၼ်ႉမဵဝ်းၼႆႉၼႆယဝ်ႉ။
- ငိၼ်းၶၢဝ်ႇတၵႃႇသွင်သၢမ်ၵေႃႉ– ႁွမ်းဝႆႉၵႃႈသၢင်ႇ ၵၢၼ်းသေ တေမႃးလူႇႁဝ်းလႄႈ ဢမ်ႇလီမိူဝ်းၶိုင် ပွင် ႁႂ်ႈၶဝ်ႁူမ်ႈၵၼ်သေလူႇတီႈႁဝ်း။
- ဢၼ်ပဵၼ်ၶုၼ်ၶဝ် ၵူၼ်းမီးၶဝ် ၸႂ်ႉၵူၼ်းၸႂ်ႉၶဝ် ဢဝ် ငိုၼ်းၵႂႃႇသိုဝ်ႉသၢင်ႇၵၢၼ်းသေ မႃးလူႇႁဝ်း လႄႈ မၼ်းသမ်ႉဢဝ်ငိုၼ်းသေ မႃးလူႇၼၼ်ႉ တေဢမ်ႇလႆႈႁပ်ႉဢဝ်ယဝ်ႉ၊ ပေႃးမၼ်းၸႂ်ႉၼႄ ပၼ်ၵပ်ႉပီႇယၵေႃႈ တေလႆႈၼႄသေ ဢဝ်မိူဝ်း ဢၢပ်ႈဝႆႉယဝ်ႉ၊ ပေႃးႁဝ်းလူဝ်ႇတေလႆႈမိူဝ်းယွၼ်း ဢဝ်ထိုင်ႁူမ်ႈသၢမ်ပွၵ်ႈ၊ ယူႇယဵၼ်ယဵၼ်ၸုၵ်း ဢဝ်ထႅင်ႈသၢမ်ပွၵ်ႈ၊ ပေႃးလိူဝ်ၼၼ်ႉ ဢမ်ႇလီ ယွၼ်း ဢမ်ႇလီၸုၵ်းဢဝ်ယဝ်ႉ။
- တီႈသိူဝ်ႇၼင်ႈတၢၼ်းသိူဝ်းၼၼ်ႉ ဢမ်ႇလီႁဵတ်း ဢၼ်လေႃးလၢႆးယဝ်ႉ။
- ၶူၼ်သူဝ်းဢၼ်လမ်လၢႆလၢႆၼၼ်ႉ– ဢမ်ႇလီဢဝ် ႁဵတ်း တီႈသိူဝ်ႇၼင်ႈယဝ်ႉ။
- ပေႃးႁဵတ်းတၢၼ်းသိူဝ်း တီႈသိူဝ်ႇၼင်ႈၸိုင်– ဢဝ်ဢၼ်လမ်သွင်ပုၼ်ႈ ဢၼ်ၶၢဝ်ပုၼ်ႈၼိုင်ႈ၊ ဢၼ်လၢႆးလေႃးပုၼ်ႈၼိုင်ႈသေႁဵတ်းယဝ်ႉ။
- ပေႃးႁဵတ်းတီႈသိူင်ႇၼင်ႈဢၼ်မႂ်ႇၸိုင် တေလႆႈ ယိပ်းတိုဝ်း တေႃႇထိုင်ႁူၵ်းပီယဝ်ႉ။
- ပေႃးႁဵတ်းၽႅၼ်ႇသိူဝ်ႇၼင်ႈၸိုင်– တေလႆႈပၢတ်ႇ ဢဝ်ႁိမ်းဢၼ်ၵဝ်ႇ– ယဵပ်ႉလေႃးသေၶိုပ်ႈၽြႃး ပဵၼ်ၸဝ်ႈယဝ်ႉ၊ ဢမ်ႇလီႁဵတ်းဢၼ်မႂ်ႇလၢႆလၢႆ။
- ပေႃးၵႂႃႇတၢင်းလႄႈပိူၼ်ႈလူႇၶူၼ်သူဝ်းၸိုင်– ပေႃး ဢမ်ႇမီးၵေႃႉယိပ်း ၸဝ်ႈၵဝ်ႇယိပ်းၵႂႃႇတႃႇသၢမ်ယူႇ ၸၼႃႇလႆႈယူႇ– ပေႃးလိူဝ်သေၼၼ်ႉ ဢမ်ႇလီ ယိပ်းၵႂႃႇယဝ်ႉ။
- ၶူၼ်သူဝ်းၼၼ်ႉ– ဢမ်ႇလီၸႂ်ႉ ရႁၢၼ်းယိင်း ဢၼ်ဢမ်ႇၸႂ်ႈပီႈၼွင်ႉလွႆး၊ ယွမ်ႉ၊ လိတ်ႈယဝ်ႉ။
- ငိုၼ်းၶမ်းတႄႉလႄႈ ငိုၼ်းဢၼ်ပိူၼ်ႈၸၢႆႇၼၼ်ႉ ဢမ်ႇလီလူႇၶၢမ်ႇ၊ ပိူၼ်ႈဢဝ်မႃးတမ်းဝႆႉပၢၵ်ႇၼႃႈ ၵေႃႈ ဢမ်ႇလီၼႅတ်ႈသၢၵ်ႈၸႂ် ယဝ်ႉ။
- ငိုၼ်းၶမ်းၵူႈပိူင်ၼၼ်ႉ– ဢမ်ႇလီဢဝ်သိုဝ်ႉလႅၵ်ႈ ၵၼ်ယဝ်ႉ။
- လွင်ႈၵလွင်ႈၶၢႆၵူႈပိူင်ၼၼ်ႉ ဢမ်ႇလီၵၶၢႆယဝ်ႉ။
- သပိတ်ႈၼၼ်ႉ– တေလႆႈႁဵတ်းဢတိၵ်ႉထၢၼ်ႇ ၸဵမ်မိူဝ်ႈပႆႇပူၼ်ႉသိပ်းဝၼ်းယဝ်ႉ။
- သပိတ်ႈၼၼ်ႉ ပေႃးႁွႆးတႅၵ်ႇမၼ်း– ႁူးပွင်ႇမၼ်း ပႆႇတဵမ်ႁႃႈတီႈ ႁႃႈႁူးၸိုင်– ဢမ်ႇယွၼ်းထႅင်ႈ လုၵ်ႈမႂ်ႇယဝ်ႉ။
- ၼမ်ႉၽိုင်ႈ၊ ထေႃးပၢတ်ႈ၊ ၼမ်ႉမၼ်း၊ ၼမ်ႉဢွႆႈ တႅင်ႈ၊ ၼမ်ႉၼူမ်းတႅင်ႈ၊ ယႃႈယႃႁႃႈၸိူဝ်းၼႆႉ– ၵၢပ်ႈသေသိမ်းဝႆႉၵိၼ်သုင်း တေႃႇထိုင်ၸဵတ်း ဝၼ်းလႆႈယူႇ၊ ပေႃးလိူဝ်ၸႅတ်းဝၼ်းဢမ်ႇလီၵိၼ် သုင်းယဝ်ႉ။
- သၢင်ႇၵၢၼ်းလၢႆႈၼမ်ႉ လၢႆႈၽူၼ်ၼၼ်ႉ– ပေႃးပႆႇ ထိုင်လိူၼ်ၸဵတ်းလွင်ႈ ႞ ၶမ်ႈ ၵႂႃႇၼၼ်ႉ ပႆႇလီႁႃ၊ ပေႃးပႆႇထိုင် လိူၼ်ပႅတ်ႇမႂ်ႇ ႞ ၶမ်ႈ ၵႂႃႇၼၼ်ႉ ပႆႇလီ ယွမ်ႉၼုင်ႈမႆယဝ်ႉ။
- သၢင်ႇၵၢၼ်းဢၼ်ႁဝ်းပၼ်ရႁၢၼ်းတၢင်ႇၸဝ်ႈ ယဝ်ႉၼၼ်ႉ ဢမ်ႇလီႁိမ်ဢဝ်ၶိုၼ်း ဢမ်ႇလီၸႂ်ႉ ႁိမ်ဢဝ်ၶိုၼ်းယဝ်ႉ။
- ၵႂႃႇယွၼ်းမႆၵုၺ် တီႈဢမ်ႇၸႂ်ႈပီႈၼွင်ႉသေ ပၼ် ပိူၼ်ႈတေႃးႁဵတ်းၼၼ်ႉသၢင်ႇၵၢၼ်းၼၼ်ႉ– ဢမ်ႇလီႁဵတ်းယဝ်ႉ။
- သၢင်ႇၵၢၼ်း ဢၼ်ပိူၼ်ႈဢၢၼ်း တေႃးလူႇႁဝ်း ၼၼ်ႉ ဢမ်ႇလီၵႂႃႇၶိုင်ပွင်ၸိၸွႆႈၸိမ်ၸွမ်းယဝ်ႉ။
- သၢင်ႇၵၢၼ်း– ဢၼ်ပိူၼ်ႈၵႂႃႇတၢင်း— ဢမ်ႇယူႇ လီ— မႄႈမၢၼ်း— ပႆႇလႆႈလူႇၸိူဝ်းၼႆႉ– ပႆႇထိုင် ၶၢဝ်းၵထိင်ႇၵေႃႈ– ႁပ်ႉၶၢမ်ႇဢဝ်သေ ဝႆႉတေႃႇ ၶၢဝ်းၵထိင်ႇပေႃးသဵင်ႈၵေႃႈ– လႆႈယူႇယဝ်ႉ၊ ပေႃးလိူဝ်ၼၼ်ႉ လူဝ်ႇႁဵတ်းဢတိၵ်ႉထၢၼ်ႇဝႆႉ ယဝ်ႉ။
- ရႁၢၼ်း ဢၼ်ယူႇၵျွင်းၼႂ်းထိူၼ်ႇသေ ၵူဝ်ပိူၼ်ႈ လၵ်ႉဢဝ်သၢင်ႇၵၢၼ်းၼၼ်ႉ ဢဝ်သၢင်ႇၵၢၼ်း ဢၼ်ဢမ်ႇၼုင်ႈ ၸပ်းတူဝ်တႃႇသေႇၼၼ်ႉ မိူဝ်း ၽၢၵ်ႇဝႆႉ ၼႂ်းဝၢၼ်ႈသေ ပေႃးဢႃႇရုင်ႇၸမ်ၶိုၼ်ႈ မိူဝ်းၶၢမ်ႇဢႃႇရုင်ႇၼႂ်းဝၢၼ်ႈၼၼ်ႉသေလႆႈယူႇ၊ ပေႃးမီးတၢင်းၵႂႃႇၵေႃႈ ပေႃးၽၢတ်ႇယၢၼ်တႃႇႁူၵ်း ၶိုၼ်း လႆႈယူႇယဝ်ႉ၊ ပေႃးလိူဝ်သေႁူၵ်ႈၶိုၼ်း ၼၼ်ႉ ထုၵ်ႇၸုၼ်ႉယဝ်ႉ။
- လၢပ်ႈ ဢၼ်ဢၢၼ်းလူႇ ၵႃႈတီႈသင်ႇၶႃႇယဝ်ႉ ၼၼ်ႉ ဢမ်ႇလီႁေႃးဢဝ် ႁႂ်ႈပိူၼ်ႈလူႇတီႈႁဝ်း ယဝ်ႉ။
ၸိူဝ်းဝႃႈမႃး 30 ၼႆႉ– ပေႃးၽိတ်းၸိုင်၊ ဝတ်ႉထု ၵေႃႈလႆႈၸုၼ်ႉ ပႃႇၸိတ်ႈဢႃႇပၢတ်ႈၵေႃႈထုၵ်ႇ ယဝ်ႉ။ (ၸၼႆႉပဵၼ် ၼိတ်ႉသၵ်ႉၵီႇ 30 ယဝ်ႉ။)