ၼူၵ်ႉၶဵဝ်

ၼူၵ်ႉၶဵဝ်ၼႆႉ ပဵၼ်ၼူၵ်ႉႁၢင်ႈလီ မဵဝ်းၼိုင်ႈ။ သူပ်းၼူၵ်ႉၶဵဝ်ၼႆႉ လႅင်ၸွင်းႁွင်းသေ ပၢႆဢွၼ်ႇမၼ်း ၵူတ်ႉငေႃးလူင်းတႂ်ႈဝႆႉ။ ၶူၼ်မၼ်း ပိၵ်ႇမၼ်းၵေႃႈ မီးသီၶဵဝ် မိူၼ်မႂ်မႆႉဝႆႉ။ ၼူၵ်ႉၶဵဝ်ၼႆႉ ၵွၵ်းႁူဝ်ယႂ်ႇ၊ ႁၢင်ယၢဝ်းသေး၊ တိၼ်ပွတ်း။ ၼိဝ်ႉတိၼ်မၼ်း ဢွၵ်ႇဝႆႉ ၽၢႆႇၼႃႈ ၽၢႆႇလင် ၵူႈတေႃႇၵူႈ။ လိူဝ်သေ မိူင်းယူးရူပ်ႉၼၼ်ႉ ၼူၵ်ႉၶဵဝ်ၼႆႉ လႆႈႁၼ် မီးဝႆႉ တင်းၵမ်ႇၽႃႇယူႇ။

ၼူၵ်ႉၶဵဝ်ၼႆႉ ၶဝ်မေႃယူႇၸွမ်းၵၼ် ပဵၼ်မုၵ်ႉပဵၼ်ၽုင်။ ၶဝ်မေႃဢဝ် တိၼ်ၶဝ် ယၵ်းယၢႆးတူၼ်ႈမႆႉသေ တႆႉၶိုၼ်ႈ ၵွပ်ႈၶိုၼ်ႈၵႂႃႇသေ ၵႂႃႇမိုတ်ႈယူႇၸွမ်း တူၼ်ႈမႆႉလမ်းသုင်ၼၼ်ႉယဝ်ႈ။ ၽွင်းမိူဝ်ႈ ၶဝ်မႃႈဢဝ်ၵိၼ်တၢင်းၵိၼ် တၢင်းယႅမ်ႉၶဝ် ၸွမ်းႁႆႈၸွမ်းသူၼ်ပိူၼ်ႈၼၼ်ႉ ၶဝ်ဢူၼ်မေႃးတႄႉတႄႉ။ ဢၼ်ၶဝ်ယႃႉလႅဝ် ၶူဝ်းသူၼ်ပိူၼ်ႈၼၼ်ႉ ၼမ်လိူဝ်သေ ဢၼ်ၶဝ်ၵိၼ်ၼၼ်ႉၵွၼ်ႇ။ ၼူၵ်ႉၶဵဝ်ၼႆႉ ဢမ်ႇႁဵတ်းႁၢင်း၊ ၶဝ်ၵူၺ်းၶႆႉတီႈၼႂ်းၵူင် ၼႂ်းႁူးၵူၺ်း။ ၶႆႉၶဝ် ပဵၼ်သီၶၢဝ်၊ ၶႆႉၶဝ်ၼၼ်ႉ တၢင်းယၢဝ်း တၢင်းယႂ်ႇမၼ်း တေမီးမွၵ်ႈ 1 ႁၵ်းမိုဝ်း 2 ႁၵ်းမိုဝ်း။

ၶၢဝ်းၶႆႉၶဝ်တႅၵ်ႇတႄႉ ပဵၼ်ၶၢဝ်းမႆႈ။ ၼူၵ်ႉၶဵဝ်ၼႆႉ ဢႃႇယုၶဝ် ယၢဝ်းထိုင်လႆႈ 70 ပီၼႆယဝ်ႈ၊ ၼူၵ်ႉၶဵဝ်ၼႆႉ မေႃယိူင်ႈလၢတ်ႈ သဵင်ၵူၼ်းယဝ်ႈ။ ပေႃးသွၼ်မၼ်းဝႆႉ ၵႂၢမ်းၶေႃႈဢမ်ႇပေႃးၼမ်ၸိုင် မၼ်းမေႃဝႃႈၸွမ်းယဝ်ႉ။