ၼႃၷဝိမႃၼဝတ်ထု၊ ၼၢင်းၽီ လႆႈလူႇသိူဝ်ႈၶူဝ်း တီႈၽြႃး
3. ၼႃၷဝိမႃၼဝတ်ထု၊ ၼၢင်းၽီ လႆႈလူႇသိူဝ်ႈၶူဝ်း တီႈၽြႃး[မႄးထတ်း | မႄးထတ်းငဝ်ႈငႃႇ]
- 705။ ၼၢင်းၽီ ဢၼ်ႁၢင်ႈၶိူင်ႈဝႆႉ... မႂ်းၼၢင်းၼႆႉ ၶိုၼ်ႈၶီႇဝႆႉ ၼိူဝ်ၸၢင်ႉလူင် ဢၼ်ဢဝ် ၽႃႈယႅင်ႉၶမ်း ၶပ်ႉ သႅင်လႅင် ႁူမ်ႇဝႆႉသေ မိၼ်မႃးၼိူဝ်ၵၢင်ႁၢဝ် ႁွတ်ႈမႃးတီႈၼႆႈယဝ်ႉ။
- 706။ တီႈငႃးၸၢင်ႉ သွင်ဢၼ်ၼၼ်ႉၵေႃႈ ၼမ်ႉသႂ်သႂ် လေႃႈထင်ႇဢွၵ်ႇမႃးသေ ၽၢၼ်ႇပဵၼ်ၼမ်ႉၼွင်သႂ် ဢၼ်မီးမွၵ်ႇမူဝ်ပတုမ်ႇမႃႇ ၵီႈႁၢင်ႈလီဝႆႉၼၼ်ႉယဝ်ႉ။ တမ်ႈတီႈ မွၵ်ႇမူဝ်ပတုမ်ႇမႃႇၸိူဝ်းၼၼ်ႉၵေႃႈ သဵင်တူႇရိယႃႇ လင်မေႃးဝႆႉယူႇယဝ်ႉ။ ၼၢင်းၽီႁၢင်ႈလီဢွၼ်ႇ ဢၼ်မေႃၸၼ်ၸႂ်ၸိူဝ်းၼၼ်ႉ ၵႃႈၵေႃႈၵႃႈ ႁဵတ်းၵေႃႈႁဵတ်းၵႂၢမ်းဝႆႉယူႇယဝ်ႉ။
- 707။ ၼၢင်းၽီဢူမုၼ်ၽုင်းၵၢမ်ႇယႂ်ႇ... မႂ်းၼၢင်းၼႆႉ ၽုင်းတၼ်းၶူဝ်းၽီ ယႂ်ႇၶိုၵ်ႉ တဵမ်ထူၼ်ႈတႄႉယဝ်ႉ။ မိူဝ်ႈမႂ်းၼၢင်း ပဵၼ်ၵူၼ်းၼၼ်ႉ မႂ်းၼၢင်းလႆႈႁဵတ်း ၵၢၼ်လီၵုသူဝ်ႇသင်မႃးၼေႃး။ ၵွပ်ႈပိူဝ်ႈ ၵုသူဝ်ႇလၢၵ်ႇလၢႆးဢၼ်လႂ် သေ ၸင်ႇတေလႆႈမီး ဢူၽုင်းႁိူဝ်ႈၼင်ႇၼႆၼေႃး။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ ဢူဢၢႆသၢႆငဝ်းမႂ်းၼၢင်း ႁိူဝ်ႈႁိူင်းပိူင်း သႂ်ၵႂႃႇၵူႈၼႃႈၵူႈၽၢႆႇၼေႃး... ၼႆ ၸဝ်ႈဝင်ႇၵီႇသ ထၢမ်ၵႂႃႇယဝ်ႉ။
- 708။ တမ်ႈတီႈ မိူင်းပႃႇရႃႇၼသီႇၼၼ်ႉ ၶႃႈၼၢင်း လႆႈၶဝ်ႈၸူးမုၼ်ၶမ်းၽြႃးသေ လႆႈလူႇသိူဝ်ႈၶူဝ်းၸုမ်ႇၼိုင်ႈ ၶႃႈဢေႃႈ။ လႆႈၶုပ်ႉဝႆႈ တမ်ႈတီႈ တိၼ်မုၼ်ၶမ်းၽြႃးသေ ႁၢၼ်ႉၸႂ်ၼႃႇလႄႈ သမ်ႉၼင်ႈၼိူဝ်လိၼ်သေ ႁွမ်းမိုဝ်းဝႆႈသႃ မုၼ်ၶမ်းၽြႃးယဝ်ႉ။
- 709။ မုၼ်ၶမ်းၽြႃး ဢၼ်မူတ်းသႂ်မိူၼ်ၶမ်းမဝ်ႈၼၼ်ႉ ဢဝ်တြႃးလွင်ႈ(သမုတယသတ်ႉၸႃႇ၊ တုၵ်ႉၶသတ်ႉ ၸႃႇ) လွင်ႈဢမ်ႇမၼ်ႈၵိုမ်းၼၼ်ႉလႄႈသင်၊ ဢဝ်တြႃး(ၼိရေႃးထသတ်ႉၸႃႇ) လွင်ႈမၼ်ႈၵိုမ်း ဢၼ်ဢမ်ႇမီးလွင်ႈတၢင်းသင်မူၼ်ႉမႄးၼၼ်ႉလႄႈသင်၊ ဢဝ်တြႃး(မၵ်ႉၵသတ်ႉၸႃႇ)သဵၼ်ႈတၢင်းမၢၼ်ႇမႅၼ်းလႄႈသင် ႁေႃးပၼ်ၶႃႈၼၢင်းယဝ်ႉ။ ၵွပ်ႈပိူဝ်ႈ ႁေႃးပၼ် ၼင်ႇၼၼ်လႄႈ ၶႃႈၼၢင်း လႆႈႁူႉႁၼ် သတ်ႉၸႃႇသီႇပႃးယဝ်ႉ။
- 710။ ၸဝ်ႈႁဝ်းတီႈၶႃႈ ၶႃႈၼၢင်းၼႆႉ ယွၼ်ႉပိူဝ်ႈ ဢႃႇယုပွတ်းလႄႈ လႆႈတၢႆတမ်ႈတီႈ မိူင်းၵူၼ်းသေ မႃးပဵၼ် တမ်ႈတီးမိူင်းၽီ တႃႇဝတိမ်ႇသႃႇၼႆႉ တဵမ်ထူၼ်ႈၵိုၵ်း ဢလုမ်းဢလၢင်းၼင်ႇၼႆယဝ်ႉ။ တမ်ႈတီႈ မိူင်းၸဝ်ႈၶုၼ်ဢိၼ်း မိူင်းၽီ ၶူင်းသွင်ၼၼ်ႉ ၶႃႈၼၢင်းႁိၵ်ႈၸိုဝ်ႈဝႃႈ ယသုတ်တရႃႇၼႆသေ လႆႈပဵၼ်မေးၼၢင်း(ၸဝ်ႈၶုၼ်ဢိၼ်း)ၵေႃႉၼိုင်ႈ ယူႇယဝ်ႉဢေႃႈ...(ၼႆ လဝ်ႈလၢတ်ႈၼင်ႇၼႆယူႇယဝ်ႉ)။
ၼႃၷဝိမႃၼဝတ်ထု ႁူဝ်သၢမ် သုတ်းယဝ်ႉ။
ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]
- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ မၺ်ꧢိꩨ်ꩩဝၷ်၊ ၼႃၷဝိမႃၼဝတ်ထု၊