ၼႄတၢင်း Wikipedia
လွင်ႈႁဵတ်း ဢၶွင်ႉ Account
[မႄးထတ်း | မႄးထတ်းငဝ်ႈငႃႇ]တႃႇတေလူတူၺ်း ဝီႇၶီႇၼၼ်ႉ ဢမ်ႇတၢပ်ႈႁဵတ်း ဢၶွင်ႉသင်သေ ၶဝ်ႈလူတူၺ်းလႆႈယူႇ။ လိူဝ်သေၼၼ်ႉ ဢမ်ႇႁဵတ်းဢၶွင်ႉသင်သေလႄႈ ၶဝ်ႈထတ်း ၶဝ်မႄးပၼ် ၼႂ်းဝီႇၶီႇၵေႃႈ တေႃႈလႆႈယူႇၼင်ႇၵဝ်ႇ။ ၽူႈတႅမ်ႈလိၵ်ႈမၢင်ၸိူဝ်းၵေႃႈ တေႃႈဢမ်ႇႁဵတ်း ဢၶွင်ႉသင်သေ ၶဝ်ႈတႅမ်ႈဝႆႉယူႇၵေႃႈ မီးယူႇ။ ၵူၺ်းၵႃႈ တႃႇတေႁဵတ်း မၢႆၽၢင် ဢၶွင်ႉၼိုင်ႈဢၼ်ၼၼ်ႉ မၼ်းဢမ်ႇယၢပ်ႇသင်သေဢမ်ႇၵႃး ႁဵတ်းလႆႈၽႂ်းၽႂ်းၵမ်းလဵဝ်ယူႇ။ ၶေႃႈၸီႉသင်ႇၵေႃႈ ဢမ်ႇမီးၼမ်သင်ၼင်ႇၵဝ်ႇ။ ပေႃးၶႂ်ႈႁူႉ ၽွၼ်းလီႁဵတ်းဝႆႉ ဢၶွင်ႉၼၼ်ႉၼႆၸိုင် ၵႂႃႇလူတူၺ်း ၵွပ်ႈသင်လႄႈ ႁဵတ်းဢၶွင်ႉၼႆၼၼ်ႉတႃႉ။
ၼႄပၼ် မႄးပၼ် တီႈၽိတ်းပိူင်ႈ
[မႄးထတ်း | မႄးထတ်းငဝ်ႈငႃႇ]ၽူႈလူလိၵ်ႈၶဝ် ၸိူဝ်းၶဝ်ႈလူတူၺ်း ဝီႇၶီႇတႆးၼႆႉသေ သမ်ႉႁၼ်ထိုင် တီႈၽိတ်းပိူင်ႈ တီႈတူဝ်လိၵ်ႈၽိတ်းပိူင်ႈ ၸိူဝ်းၼၼ်ႉသေ မူၼ်ႉမႄးပၼ်ၵႂႃႇ၊ ႁဵတ်းၼၼ်သေ ပဵၼ်တႅမ်ႈလိၵ်ႈမႃးၵေႃႈမီးယဝ်ႉ။ ပေႃးႁူႉဝႃႈ တေလႆႈႁဵတ်းႁိုဝ်မႄးၼႆၵေႃႈ ၸွႆႈထႅမ် ၶဝ်ႈမႄးပၼ် လႆႈယူႇ။ ၵူၺ်းၵႃႈ သင်ဝႃႈ ၶႂ်ႈမူၼ်ႉမႄး လွင်ႈတၢင်းသေလွင်ႈလွင်ႈၼႆၸိုင် တေလႆႈသႂ်ႇပၼ်ပႃး ၽိုၼ်ဢိင်မၼ်း၊ တီႈၵမ်ႉတီႈယၼ်မၼ်းယူႇ။ ၵွပ်ႈသင်ၼႆ တီႈၼႂ်းဝီႇၶီႇၼႆႉ မီးဝႆႉ လွၵ်းၵၢၼ် တႃႇတေမွတ်ႇပႅတ်ႈ လိၵ်ႈ၊ ၶေႃႈလိၵ်ႈ ဢၼ်ဢမ်ႇပႃး တီႈၵမ်ႉတီႈယၼ်ၼၼ်ႉယူႇ။ သင်ဝႃႈ မႄးၵႂႃႇ လိၵ်ႈၼိုင်ႈတွၼ်ႈ ၼိုင်ႈထႅဝ်ၸိုင် ၵွပ်ႈသင်လႄႈ လႆႈမႄးၵႂႃႇၼၼ်ႉ သင်ႇလၢတ်ႈဝႆႉတီႈ လွၵ်းလၢတ်ႈ talk ၼၼ်ႉလႆႈယူႇ။ ၵူၺ်းၵႃႈ ၽၢႆႇလင် ဢၼ်ပၼ်မႃႈ ၶေႃႈၶႆႈၸႂ် comment ၼၼ်ႉ တေလႆႈသႂ်ႇပၼ် မၢႆ ~ ~ ~ ~ သီႇမၢႆ ၸပ်းၵၼ်ၼႆႉယူႇ။ ၼႆႉပဵၼ်မၢႆ ဢၼ်မွၵ်ႇၼႄဝႃႈ ပဵၼ်ၽႂ်ပၼ်မႃး တႅမ်ႈမႃးၼႆယဝ်ႉ။ မိူဝ်ႈထတ်းလိၵ်ႈၼၼ်ႉ သင်ဝႃႈ လူဝ်ႇတၢင်းၸွႆႈထႅမ်ၼႆၸိုင် လဵပ်ႈႁဵၼ်းတူၺ်းတီႈ လွင်ႈထတ်း လိၵ်းဝီႇၶီႇၽီးတီးယႃးၼၼ်ႉတႃႉ။
လွင်ႈတႅမ်ႈ ပွင်ႈလိၵ်ႈမႂ်ႇ
[မႄးထတ်း | မႄးထတ်းငဝ်ႈငႃႇ]ပွင်ႈလိၵ်ႈ ၼႂ်းဝီႇၶီႇၼႆႉ မၼ်းဢဝ်ၵွင်ႉlink သေၵွင်ႉၵၼ်ဝႆႉတင်း ပွင်ႈလိၵ်ႈတၢင်ႇဢၼ် တင်းၼမ်ယူႇ။ တူဝ်လိၵ်ႈသီသွမ်ႇ (ပေႃးလူယဝ်ႉတႄႉ ပဵၼ်ၵႂႃႇတူဝ်လိၵ်ႈသီၵမ်ႇ) ၼၼ်ႉ မၼ်းၼႄပၼ်ဝႃႈ မၼ်းၵွင်ႉဝႆႉ ပွင်ႈလိၵ်ႈ တၢင်ႇဢၼ်ၼႆယဝ်ႉ။ တူဝ်လိၵ်ႈသီလႅင် (ပေႃးလူယဝ်ႉၸိုင် tan) ၼၼ်ႉ မၼ်းၼႄပၼ် ပွင်ႈလိၵ်ႈ ဢၼ်ပႆႇလႆႈတႅမ်ႈ၊ ဢမ်ႇၼၼ် မၼ်းၼႄပၼ် ပွင်ႈလိၵ်ႈ ဢၼ်မွတ်ႇပႅတ်ႈ။ ဢမ်ႇၼၼ်ၵေႃႈ တေၸၢင်ႈပဵၼ် တူဝ်လိၵ်ႈမၼ်းၽိတ်းႁိုဝ် ဢမ်ႇပႆႇႁူႉၸၵ်း ၸိုဝ်ႈပွင်ႈလိၵ်ႈၽိတ်းႁိုဝ်ၼႆၵေႃႈ ၸၢင်ႈပဵၼ်။ ပေႃးၼႆ တီႈလိင်ႉၼၼ်ႉ ၸဝ်ႈၵဝ်ႇ ၸၢင်ႈၸွႆႈမႄးပၼ် ဢမ်ႇၼၼ် ၶိုၼ်းၼႄႉၼမ်း redirect ပၼ်လႆႈယူႇ။ သင်ဝႃႈ ၸဝ်ႈၵဝ်ႇယုမ်ႇယမ်ဝႃႈ ပွင်ႈလိၵ်ႈၼင်ၼၼ်ၵေႃႈ လီမီးယူႇၼႆၸိုင် ၸဝ်ႈၵဝ်ႇ ၶူင်တႅမ်ႈလႆႈႁင်းၶေႃယူႇ။ လိူဝ်သေၼၼ်ႉ တမ်ႈတီႈ သဵၼ်ႈမၢႆပွင်ႈလိၵ်ႈ ဢၼ်တုၵ်းယွၼ်းဝႆႉၼၼ်ႉသေ ၸဝ်ႈၵဝ်ႇ ပွင်ပဵၼ်လႆႈ လွင်ႈလႂ်ၵေႃႈ လိူၵ်ႈသေ တႅမ်ႈပၼ်လႆႈယူႇ။ တူၺ်းတီႈ တေလႆႈႁဵတ်းႁိုဝ်တႄႇ ၼၼ်ႉတႃႉ။ တႃႇတေတႄႇတႅမ်ႈ ပွင်ႈလိၵ်ႈဝီႇၶီႇၼၼ်ႉ ၶႂ်ႈႁႂ်ႈၵႂႃႇလူတူၺ်း တီႈတႄႇတႅမ်ႈပွင်ႈလိၵ်ႈဝီႇၶီႇ ၼၼ်ႉ တဵမ်တဵမ်ထူၼ်ႈထူၼ်ႈယူႇ။ တမ်ႈတီႈၼၼ်ႈ သပ်းလႅင်ၼႄဝႆႉပၼ် လွင်ႈပွင်ႈလိၵ်ႈမဵဝ်းလႂ် တေလႆႈႁဵတ်းႁိုဝ် တႄႇတႅမ်ႈ၊ ၵွပ်ႈသင်လႄႈတႅမ်ႈ၊ ၵွပ်ႈသင်လႄႈ ဢမ်ႇၵိုင်ႇလီတႅမ်ႈ ၶၢဝ်းလႂ်ၼႆၼၼ်ႉယူႇ။
ဢဝ်ၼႃႈလိၵ်ႈႁူမ်ႈၵၼ်
[မႄးထတ်း | မႄးထတ်းငဝ်ႈငႃႇ]ၵူၼ်းၵမ်ႉပႃႈၼမ်တႄႉ ယွၼ်ႉပိူဝ်ႈ ၵႂႃႇလူၺႃး ပွင်ႈလိၵ်ႈဝီႇၶီႇ ဢၼ်တူဝ်လိၵ်ႈၽိတ်းၽိူၼ်ၼၼ်ႉသေ ၸင်ႇပဵၼ်တႅမ်ႈမႃႈ ပွင်ႈလိၵ်ႈဝီႇၶီႇၼႆ တီႈၼိူဝ်ၼၼ်ႉ လၢတ်ႈမႃးယူႇယဝ်ႉ။ ပၼ်ႁႃထႅင်ႈဢၼ်ၼိုင်ႈတႄႉၵေႃႈ ပဵၼ်လူၺ်ႈ လႆႈလူႁၼ်ၺႃး ပွင်ႈလိၵ်ႈ 3, 4 ႁူဝ် ဢၼ်လွင်ႈတၢင်းမၼ်း မိူၼ်ၵၼ်ၼၼ်ႉယဝ်ႉ။ သင်ဝႃႈ ပွင်ႈလိၵ်ႈၸိူဝ်းၼၼ်ႉ ဢဝ်ၶွၼ်ႈၵၼ်ၸိုင် တေပဵၼ်မႃႈ ပွင်ႈလိၵ်ႈၶႅမ်ႉလႅပ်ႈ ၽိုၼ်ၼိုင်ႈယူႇ။ ဝီႇၶီႇတႆးၼႆႉ မၼ်းဢမ်ႇမိူၼ် ဝႅပ်ႉသၢႆႉတ် တၢင်ႇၸိူဝ်း။ ၽႂ်မေႃလိၵ်ႈတႆးၵေႃႈ မၼ်းၶဝ်ႈထတ်းလႆႈၼၼ်ႉယဝ်ႉ။ တႃႇတေပဵၼ်ၼင်ႇၼၼ် တေလႆႈတႄႇ လွင်ႈဢဝ်ပွင်ႈလိၵ်ႈႁူမ်ႈၵၼ် ၼၼ်ႉယူႇ။ သင်ဝႃႈ ၸဝ်ႈၵဝ်ႇ ဢမ်ႇၸၢင်ႈဢဝ် ပွင်ႈလိၵ်ႈၸိူဝ်းၼႆႉ လေႃးၵၼ်ၼႆၵေႃႈ တီႈလွၵ်းလၢတ်ႈ talk ၼၼ်ႉ ၸဝ်ႈၵဝ်ႇ ထုတ်ႇဢဝ် လိင်ႉပွင်ႈလိၵ်ႈၸိူဝ်းၼၼ်ႉသေ ပၼ်တၢင်းၶႆႈၸႂ်ဝႃႈ ပွင်ႈလိၵ်ႈၸိူဝ်းၼႆႉ ၵိုင်ႇလီဢဝ်လေႃးၵၼ် ပဵၼ်ႁူဝ်လဵဝ် ၼႆယူႇ။ ၽူႈထတ်းလိၵ်ႈ editor သေၵေႃႉၵေႃႉ တေႁၼ်သေ တေဢဝ်ပွင်ႈလိၵ်ႈၸိူဝ်းၼၼ်ႉ ႁူမ်ႈၵၼ်ပၼ်ယူႇ။ ၶႂ်ႈႁႂ်ႈလူတူၺ်း ဢဝ်ပွင်ႈလိၵ်ႈႁူမ်ႈၵၼ် ၼၼ်ႉယူႇ။ ၸၢမ်းတူၺ်း sandbox သေ တႅမ်ႈတူၺ်း ၸႂ်ႉတူၺ်းတႃႉ၊ ၶႂ်ႈၾၢင်ႉသတိပၼ်ဝႃႈ လိူၵ်ႈဢဝ် ၼႃႈလိၵ်ႈ ဢၼ်ၵိုင်ႇလီဢဝ်ၼၼ်ႉၵူၺ်းၼႆယူႇ။
ၸွႆႈထႅမ် လူႇတၢၼ်းပၼ် ဝီႇၶီႇတႃႉ
[မႄးထတ်း | မႄးထတ်းငဝ်ႈငႃႇ]ဝီႇၶီတႆးၼႆႉ ၵပ်းၵၢႆႇလူၺ်ႈ လွၵ်းလၢႆးပၢႆးပၺ်ႇၺႃႇၼၼ်ႉ တိုၵ်ႉလူဝ်ႇထႅင်ႈတင်းၼမ်ယူႇ။ ပေႃးလွၵ်းလၢႆးတဵမ်ထူၼ်ႈၵွၼ်ႇ ၽူႈလူလိၵ်ႈၶဝ် ၶႂ်ႈႁႃသင်ၵေႃႈ ၸင်ႇတေၸၢင်ႈၸွႆႈထႅမ်လႆႈ ၽႂ်းၶၼ်။ ဝီႇၶီႇတႆးၼႆႉ ဢမ်ႇၸႂ်ႈ ႁဵတ်းၵၢၼ် ပၢႆးမၢၵ်ႈမီးလႄႈ တႃႇၽိူမ်ႉၸွႆႈထႅမ် ၼႃႈၵၢၼ်မၼ်းၼၼ်ႉ ၶႂ်ႈတိုၵ်းသူၼ်း ႁႂ်းလူႇတၢၼ်းပၼ်ယူႇ။ လူႇတၢၼ်းလႆႈ တမ်ႈတီႈ [1] ၼၼ်ႉယူႇ။ Publicize Wikipedia See Wikipedia:Building Wikipedia membership for ideas.
ၸွႆႈထႅမ် ၽူႈၶဝ်ႈၸုမ်း တၢင်ႇၵေႃႉ
[မႄးထတ်း | မႄးထတ်းငဝ်ႈငႃႇ]မၢင်ၸိူဝ်းၼႆႉ ပဵၼ်ၵူၼ်းမႂ်ႇ ၽူႈၶဝ်ႈၸုမ်းသေတႃႉ ၸၢင်ႈၵႄႈၶႆပၼ်လႆႈ ၶေႃႈထၢမ် ၵမ်ႈၽွင်ႈယူႇ။ ၶႂ်ႈပွင်ႇၸႂ်ဝႃႈ ဝီႇၶီႇတႆးၼႆႉ ပဵၼ် Yahoo Answers ဢမ်ႇၼၼ် Windows Live QnA ၼႆၵေႃႈ ပွင်ႇၸႂ်လႆႈယူႇ။ တႃႇတေၶဝ်ႈပႃးၼႂ်း ဝီႇၶီႇၼႆႉ ဢမ်ႇတၢပ်ႈလူဝ်ႇပဵၼ် ၽူႈလူင်ႉလႅၼ်ႇလူင်ၼင်ႇၵဝ်ႇ။ ၵွပ်ႈသင်ပေႃးၼႆၸိုင်- ၸဝ်ႈၵဝ်ႇ ၸၢင်ႈၸွႆႈႁႃပၼ်လႆႈ ပွင်ႈလိၵ်ႈ ၼႂ်းဝီႇၶီႇၼႆႉပၼ်ပိူၼ်ႈတၢင်ႇၵေႃႉယူႇ။ သင်ဝႃး ၼႂ်းဝီႇၶီႇၼႆႉ ပႆႇမီးၶေႃႈတွပ်ႇမၼ်းၸိုင် သင်ဝႃႈ ၸဝ်ႈၵဝ်ႇ တွပ်ႇလႆၼႆၵေႃႈ တွပ်ႇပၼ်လႆႈယူႇ။ ၶေႃႈတွပ်ႇၼၼ်ႉ ၼင်ႇႁိုဝ် ၵူၼ်းၸုပ်ႈၽၢႆႇလင် တေလူလႆႈၼၼ်ႉ ၽိူမ်ႉထႅမ်သႂ်ႇ ၼႂ်းဝီႇၶီႇတႆႈၵမ်းလဵဝ်တႃႉ။ ပိၵ်ႉသမ်ႉဝႃႈ တမ်ႈတီႈ ၼႂ်းဝီႇၶီႇတႆးၼႆႉ ၸဝ်ႈၵဝ်ႇ ဢမ်ႇႁူႉလႆႈ ၶေႃႈထၢမ် ဢၼ်ၶဝ်ႈၸႂ်ၼၼ်ႉၼႆၸိုင် ၸဝ်ႈၵဝ်ႇ ၸၢင်ႈၵႂႃႇႁႃတူၺ်း လဵပ်ႈႁဵၼ်းတူၺ်း လွင်ႈတၢင်းမၼ်း တၢင်ႇတီႈသေ ၸၢင်ႈႁဵတ်းႁႂ်ႈ ဝီႇၶီႇတႆႈ မီးၼမ်ႉတွၼ်း ၼမ်ႉၵတ်ႉမႃးယူႇ။ ၼႂ်းဝီႇၶီႇတႆးၼႆႉ သင်ဝႃႈ ၸဝ်ႈၵဝ်ႇ ယၢမ်ႈတႅမ်ႈ ယၢမ်ႈမီးတူဝ်ထူပ်းမႃးယဝ်ႉၸိုင် တမ်ႈတီႈ Wikipedia help forums, Wikipedia:Help desk ၸိူဝ်းၼၼ်ႉ သင်ၸွႆႈပၼ်ၸိုင် ႁဵတ်းပဵၼ်လႆႈ တၢင်းၸွႆႈထႅမ် contribution ဢၼ်မီးၵႃႈၶၼ်ယႂ်ႇၼၼ်ႉယူႇ။
တေလႆႈတႄႇတီႈလႂ်ဢွၼ်တၢင်း
[မႄးထတ်း | မႄးထတ်းငဝ်ႈငႃႇ]လူတူၺ်း သဵၼ်ႈမၢႆ ဢၼ်လူဝ်ႇလႆႈႁဵတ်းၼၼ်ႉ ဢွၼ်တၢင်းတႃႉ။ Template:Opentask Template:Resources for collaboration ၸဝ်ႈၵဝ်ႇ တေၶဝ်ႈၸႂ် တီႈၼႂ်း collaborations of the week ဢမ်ႇၼၼ် Wikipedia:Article improvement drive တႃႇတေဢဝ် ပွင်ႈလိၵ်ႈ ႁူမ်ႈၵၼ်ၼၼ်ႉယူႇႁိုဝ်။
တႄႇတီႈ ဢၼ်ၸဝ်ႈၵဝ်ႇႁူႉၼၼ်ႉတႃႉ
[မႄးထတ်း | မႄးထတ်းငဝ်ႈငႃႇ]ၵႂႃႇလူတူၺ်း တီႈ Wikipedia:Pages needing attention ၸိုင် တေလႆႈႁၼ် ႁူဝ်ၶေႃႈပွင်ႈလိၵ်ႈယူႇ။ ပွင်ႈလိၵ်ႈၸိူဝ်းၼႆႉ မၼ်းတိုၵ်ႉလူဝ်ႇ လွင်ႈတၢင်းၽိူမ်ႉၸွႆႈပၼ် ၵေႃႉဢၼ်ႁူႉလွင်ႈတၢင်းမၼ်းလီလီယူႇ။ သဵၼ်ႈမၢႆ ဢၼ်ၸဝ်ႈၵဝ်ႇ ႁူႉၼၼ်ႉ တႅမ်ႈမၢႆဝႆႉ ၵဵပ်းသိမ်းဝႆႉ ဢွၼ်တၢင်းတႃႉ။ ဢၼ်ဢမ်ႇၵပ်းၵၢႆႇလူၺ်ႈ ဝီႇၶီႇတႆးၼၼ်ႉ ပၢၵ်ႈပႅတ်ႈတႃႉ။ ဢၼ်ၸဝ်ႈၵဝ်ႇႁူႉဝႆႉၼၼ်ႉၸမ်း . . . ဢၼ်ၸဝ်ႈၵဝ်ႇႁူႉဝႆႉၼၼ်ႉၸမ်း ပဵၼ်ဢၼ်ၸဝ်ႈၵဝ်ႇ ၶူၼ်ႉၶႂႃႉႁႃႁၼ်ဝႆႉၼၼ်ႉယဝ်ႉ။ တမ်တီႈ ၸဝ်ႈၵဝ်ႇၼၼ်ႉ ၸွင်ႇမီးဝႆႉ လိၵ်ႈႁႅၼ်း၊ လိၵ်ႈပွင်၊ လိၵ်ႈႁွမ်တွမ်၊ ဢမ်ႇၼၼ် လိၵ်ႈၽိုၼ်ပွင် ဢၼ်တီႈႁူင်းႁဵၼ်း ၸႂ်ႉတႅမ်ႈဝႆႉၼၼ်ႉႁိုဝ်၊ တၢင်းၶတ်းၸႂ် ဢၼ်ၸဝ်ႈၵဝ်ႇ ႁႃႁွမ်တွမ်ၸူႉမႃးၸိူဝ်းၼၼ်ႉ ဝူၼ်ႉဝႃႈ တေဢဝ်မႃးၽိူမ်ႉပၼ် ႁႂ်ႈပဵၼ်မွၵ်ႇမၢၵ်ႇ တမ်ႈတီႈ ၼႂ်းဝီႇၶီႇတႆးၼႆႉၼႆတႃႉ။ လွင်ႈဝႃႈ တေဢဝ်လိၵ်ႈဢၼ်ၸဝ်ႈၵဝ်ႇတႅမ်ႈဝႆႉ ဢမ်ႇမိူၼ်ပိူင် ဝီႇၶီႇ မႃးသႂ်ႇၼႂ်းဝီႇၶီႇၼၼ်ႉတႄႉ ၸဝ်ႈၵဝ်ႇ တေဢမ်ႇၶႂ်ႈႁဵတ်း။ ဢွၼ်တၢင်းသုတ်း ပွင်ႈလိၵ်ႈဢၼ်မီးဝႆႉၼၼ်ႉ တေလႆႈလိူၵ်ႈဢဝ် ၶေႃႈမုၼ်းတီႈၸဝ်ႈၵဝ်ႇၼၼ်ႉ ၽိူမ်ႉသႂ်ႇၵႂႃႇ။ ဝီႇၶီႇတႆးၼႆႉ ပဵၼ်ပပ်ႉသႅၼ်သမ်ႇဢၼ်ၼိုင်ႈလႄႈ ပွင်ႈလိၵ်ႈ ဢၼ်ဢမ်ႇငၢမ်ႇမႅၼ်ႈ လၢႆးတႅမ်ႈဝီႇၶီႇၼၼ်ႉ တေလႆႈၶႆႈၸႂ်သေ မႄးတႅမ်ႈယူႇ။ တီႈဢေႇသုတ်းမၼ်း tag ဢၼ်ဝႃႈ ထႅမ်းပလဵတ်ႉ:လူဝ်ႇလႆႈသပ်းလႅင်း ၼၼ်ႉ တေလႆႈသႂ်ႇၽၢႆႇၼိူဝ်မၼ်းယူႇ။ ပေႃးႁဵတ်းၼၼ်ၵွၼ်ႇ ပိူၼ်ႈတၢင်ႇၵေႃႉ ၸင်ႇတေၸၢင်ႈသွၵ်ႈႁႃႁၼ်လႆႈ မႄးပၼ်လႆႈ ငၢႆႈငၢႆႈၼၼ်ႉယဝ်ႉ။ ထႅင်ႈပိူင်ၼိုင်ႈ ဝီႇၶီႇတႆးၼႆႉ ဢမ်ႇၸႂ်ႈလႄႈဝႃႈ တီႈတေလႆႈဢဝ် ၶေႃႈၶူၼ်ႉၶႂႃႉ မႂ်ႇမႂ်ႇၼၼ်ႉ မႃးသႂ်ႇ၊ သင်ဝႃႈ ၸဝ်ႈၵဝ်ႇ ၶႂ်ႈဢဝ် ၶေႃႈၶူၼ်ႉၶႂႃႉမႂ်ႇ သႂ်ႇၼႆၸိုင် တေလႆႈၵႂႃႇႁႃသႂ်ႇ တၢင်ႇတီႈယူႇ။ ဝီႇၶီႇတႆးၼႆႉတႄႉ ပဵၼ်တီႈ ဢဝ်လွင်ႈတၢင်း ဢၼ်ပိူၼ်ႈတႅမ်ႈဝႆႉယဝ်ႉ ဢိတ်ႇပဵၼ်ပပ်ႉယဝ်ႉၸိူဝ်းၼၼ်ႉ မႃးၶွၼ်ႈၵၼ်သေ ၶူၼ်ႉၶႂႃႉဝႆႉၼၼ်ႉယဝ်ႉ။ လိၵ်ႈႁႅၼ်းၵမ်ႉပႃႈၼမ်တႄႉ ၵူၺ်းပဵၼ် ၸၼ်ႉထၢၼ်ႈ undergraduate level ၵူၺ်း။ ပုၼ်ႈတႃႇ တၢင်းၸွႆႈထႅမ် လွၵ်းလၢႆးပၢႆးပၺ်ႇၺႃႇၼၼ်ႉတႄႉ တူၺ်းတီႈ Wikipedia:How to import articles ၼၼ်ႉတႃႉ။ ပွင်ႈလိၵ်ႈ ၼႂ်းဝီႇၶီႇတႆးၼႆႉ တၵ်းတေလႆႈ မူၼ်ႉမႄးလႅၵ်ႈလၢႆႈၸွမ်းၵႂႃႇ ႁႂ်ႈၶိုတ်းၵၢပ်ႈပၢၼ်ယူႇ တႃႇသေႇၼၼ်ႉယဝ်ႉ။ ၼင်ႇႁိုဝ် ၵူၼ်းႁဝ်း ပေႃးတေပွင်ႇၸႂ် တီႈၼိူဝ် သၢႆငၢႆဢၼ်ပဵၼ်ယူႇ ယၢမ်းမိူဝ်ႈလဵဝ်ၼၼ်ႉ ဝီႇၶီႇတႆးၼႆႉ တေဢဝ် ၶေႃႈမုၼ်း ၸိူဝ်းပဵၼ်ပူၼ်ႉမႃးၼၼ်ႉသေ တေၸွႆႈထႅမ်ပၼ်ၵႂႃႇယူႇ။ သင်ဝႃႈ ၸဝ်ႈၵဝ်ႇ လႆႈငိၼ်းၶၢဝ်ႇငၢဝ်းမႃး တမ်ႈတီႈ လုမ်းၶၢဝ်ႇသေဢၼ်ဢၼ်ၸိုင် ၶၢဝ်ႇငၢဝ်းဢၼ်ၼၼ်ႉ ၸဝ်ႈၵဝ်ႇ ၶိုၼ်းမႄးတႅမ်ႈသေ ဢဝ်ႁဵတ်းပဵၼ် ပွင်ႈလိၵ်ႈဝီႇၶီႇလႆႈယူႇ။ သင်ဝႃႈ ၶႂ်ႈလႆႈ ၶၢဝ်ႇငၢဝ်းၼႆတႄႉ ၵႂႃႇႁႃဢဝ် ၼႂ်း Google News ၼၼ်ႉ လႆႈယူႇ။ ၵူၺ်းၵႃႈ ဝီႇၶီႇတႆးၼႆႉ ပဵၼ်ပပ်ႉသႅၼ်ႇသမ်ႇၼႆ ယႃႇပေလိုမ်း။ သင်ဝႃႈ ၸဝ်ႈၵဝ်ႇ ၶႂ်ႈတႅမ်ႈၶၢဝ်ႇႁင်းၶေႃၼႆၸိုင် ၵႂႃႇတႅမ်ႈတီႈ Wikinews ၼၼ်ႉလႆႈယူႇ။ ၸဝ်ႈၵဝ်ႇႁူႉ လိၵ်ႈလႄႈၵႂၢမ်း ၽႃႇသႃႇတၢင်ႇဢၼ်ယူႇဢမ်ႇၸႂ်ႈႁႃႉ? ပေႃးၼၼ် သႂ်ႇဝႆႉ interlagnuage links တႃႉ။ ၽိုၵ်းပိၼ်ႇတူၺ်း လိၵ်ႈၽႃႇသႃႇတၢင်ႇဢၼ် မွၵ်ႈၼိုင်ႈႁူဝ် သွင်ႁူဝ်တႃႉ။ ဢမ်ႇၼၼ်ၵေႃႈ လိူၵ်ႈႁႃဝႆႉ သဵၼ်ႈမၢႆပွင်ႈလိၵ်ႈ ဢၼ်ၵိုင်ႇလီပိၼ်ႇၽႃႇသႃႇၼၼ်ႉ ၸိူင်ႉၼင်ႇ လၢတ်ႈမႃးတီႈၼိူဝ်ၼၼ်ႉတႃႉ။ ႁႃတူၺ်း သဵၼ်ႈမၢႆ ၸၼ်ႉၸွမ်ၸဝ်ႈၵဝ်ႇ ဢမ်ႇၼၼ် ၸၼ်ႉၸွမ်ၸႄႈတွၼ်ႈ ၸဝ်ႈၵဝ်ႇတႃႉ။ လွင်ႈမိူင်းၸဝ်ႈၵဝ်ႇ၊ ဝဵင်းၸဝ်ႈၵဝ်ႇ၊ ၸႄႈဝဵင်းၸဝ်ႈၵဝ်ႇ၊ ဝၢၼ်ႈၸဝ်ႈၵဝ်ႇ ဢမ်ႇၼၼ် ဢွင်ႈတီႈၸဝ်ႈၵဝ်ႇ ဢႅဝ်ႇလႄႇသေ တီႈလီၶဝ်ႈၸႂ်ၼၼ်ႉ တႅမ်ႈပဵၼ်ပွင်ႈလိၵ်ႈတႃႉ။ တႄႇႁႃတူၺ်း သဵၼ်ႈမၢႆ ဝၢၼ်ႈမိူင်းတႃႉ။ ၵူၺ်းၵႃႈ လွင်ႈဝႃႈ ဝီႇၶီႇတႆးၼႆႉ ဢမ်ႇၸႂ်ႈ ဢွင်ႈတီႈၼႄပၼ် သဵၼ်ႈတႃႈသၢႆတၢင်း travel guide ၼႆ ဝႆႉသတိၽွင်ႈ။ တႃႇတေၼႄပၼ် သဵၼ်ႈတႃႈသၢႆတၢင်းၼၼ်ႉ ၸႂ်ႉတိုဝ်း Wikitravel တႃႉ။
တႄႇၽိုၵ်းတႅမ်ႈတူၺ်း ပိုၼ်း၊ လွင်ႈတၢင်းၵႃႈမူၼ်ႈၸႂ်၊ လွင်ႈတၢင်းလဵၼ်ႈ သေပိူင်ပိူင်တႃႉ။ ပပ်ႉဢၼ်ၸဝ်ႈၵဝ်ႇ လႆႈၸႂ်သေပိူၼ်ႈၼၼ်ႉ ပဵၼ်ပပ်ႉသင်? (သင်ဝႃႈ ဢမ်ႇၸႂ်ႈ ပပ်ႉၸိူင်းၼႆၶႅၼ်းလီ)။ ၸွင်ႇၸဝ်ႈၵဝ်ႇ ႁူႉၸၵ်း ၽူႈဢွၼ်ႇႁူဝ် ၽၢႆႇၽႃႇသႃႇ၊ ၽၢႆႇပၢႆးမိူင်းၸိူဝ်းၼၼ်ႉႁိုဝ်? ႁႃတူၺ်း သဵၼ်ႈမၢႆ ၽူႈဢွၼ်ႁူဝ် ပၢႆးမိူင်းတႃႉ။ ဝၼ်းလိူၼ်ပီၵိူတ်ႇၶဝ် ဝၼ်းတၢႆၶဝ် ၸွင်ႇမၢၼ်ႇမႅၼ်ႈၼႆ ၸွပ်ႇတူၺ်းတႃႉ။
တႄႇတီႈ လွင်ႈလဵပ်ႈႁဵၼ်း ၽၢႆႇၼွၵ်ႈတႃႉ
[မႄးထတ်း | မႄးထတ်းငဝ်ႈငႃႇ]ၽိူမ်ႉပၼ် တၢင်းႁူႉ ဢၼ်ၸဝ်ႈၵဝ်ႇ ပႆႇႁူႉပႆႇမေႃၼၼ်ႉတႃႉ။ လွင်ႈတၢင်းဢၼ်ၸဝ်ႈၵဝ်ႇ တိုၵ်ႉႁူႉဢိတ်းဢွၼ်ႇၼိုင်ႈၵူၺ်းၼၼ်ႉ ဢမ်ႇၼၼ် လွင်ႈဢၼ်ၸဝ်ႈၵဝ်ႇ ၶႂ်ႈႁူႉတႄႉတႄႉၼၼ်ႉ မၢႆၸႂ်ဝႃႈ သင်ၵဝ် ဢမ်ႇပႆႇႁူႉၸိုင် ပဵၼ်တၢင်းၽိတ်းလူင်ဢၼ်ၼိုင်ႈၼႆ ဝႆႉၸႂ်ၼင်ႇၼၼ်သေ လိူၵ်ႈဝႆႉႁူဝ်ၶေႃႈ သေဢၼ်ဢၼ်တႃႉ။ လွင်ႈတၢင်းသေဢၼ်ဢၼ်ၼၼ်ႉ သင်ဝႃႈ ၸဝ်ႈၵဝ်ႇႁူႉဝႆႉၼႆၵေႃႈ ဢဝ်တီႈၵမ်ႉတီႈယၼ်မၼ်းသေ ၽိူမ်ႉသႂ်ႇပၼ်ထႅင်ႈၸိုင် ပုၼ်ႈတႃႇ ၽူႈလူလိၵ်ႈၶဝ် ၶႅၼ်းပဵၼ် ဢၼ်တဵမ်ထူၼ်ႈမႃးယူႇ။ တမ်ႈတီႈ ၼႂ်းဢိၼ်ႇထိူဝ်ႇၼႅတ်ႉၼၼ်ႉ သွၵ်ႈႁႃပပ်ႉလိၵ်ႈ ဢၼ်ၶႅမ်ႉဢၼ်လီမၼ်း၊ ပပ်ႉမႅၵ်ႉၵၸိၼ်း ဢၼ်လီဢၼ်ၶႅမ်ႉမၼ်းတႃႉ။ ႁႃဢဝ် ၶေႃႈမုၼ်း ၶေႃႈၵမ်ႉယၼ်မၼ်ႈမၼ်ႈသေ ၽိူမ်ႉပၼ် ၼႂ်းဝီႇၶီႇတႆးၸိုင် ၼၼ်ႉတေပဵၼ် ဢဵၼ်ႁႅင်းလီလူင် ပုၼ်ႈတႃႇ ဝီႇၵီႇ တေမၼ်ႈၵိုမ်း ၶိုၼ်ႈယႂ်ႇၼၼ်ႉယဝ်ႉ။ မိူဝ်ႈတႅမ်ႈၼၼ်ႉ သႂ်ႇပၼ် တီႈၵမ်ႉတီႈယၼ် ၽိုၼ်ဢိင်တႃႉ။ လွင်ႈသႂ်ႇပၼ် ၽိုၼ်ဢိင်တီႈၵမ်ႉယၼ်ၼၼ်ႉ မၼ်းၼႄပၼ် လွင်ႈဝႃႈ ၸဝ်ႈၵဝ်ႇလႆႈၸႂ် လွင်ႈႁၼ်ထိုင်ၸဝ်ႈၵဝ်ႇသေ ပွင်ႇဝႃႈ ႁဝ်းဢမ်ႇၵႂႃႇယႃႉ ၶူဝ်းၶွင်ပိူၼ်ႈ။ ၽွင်းမိူဝ်ႈႁဵတ်း လွင်ႈၶူၼ်ႉၶႂႃႉသေ တႅမ်ႈပွင်ႈလိၵ်ႈယူႇၼၼ်ႉ တီႈလႂ်လူဝ်ႇသႂ်ႇသင်ထႅင်ႈၼႆ ၸဝ်ႈၵဝ်ႇတေႁူႉလိူဝ်မႃးယူႇ။ တႅမ်ႈပွင်ႈလိၵ်ႈ ဢၼ်ၸဝ်ႈၵဝ်ႇ ပႆႇတွၼ်ႉႁူႉသေပွၵ်ႈၼၼ်ႉတႃႉ။ ႁဵတ်းၼႆသေ လဵပ်ႈႁဵၼ်း ႁူဝ်ၶေႃႈမႂ်ႇ ဢၼ်ၼိုင်ႈတႃႉ။ ၽွင်းလဵပ်ႈႁဵၼ်းယူႇၼၼ်ႉ လဵပ်ႈႁဵၼ်းႁႃႁၼ်မႃးတၢၼ်ႇႁိုဝ်ၵေႃႈ ၵဵပ်းသႂ်ႇၼႂ်းဝီႇၶီႇတႆးတႃႉ။ လၢႆးၼႆႉ ပဵၼ်လွၵ်းလၢႆးလီ လွင်ႈလဵပ်ႈႁဵၼ်းသေ ၵုမ်ႉၸွႆႈပၼ် လွင်ႈၸဝ်ႈၵဝ်ႇႁႃႁၼ်မႃး မၢႆတွင်းမႃး ၵဵပ်းႁွမ်မႃးၸိူဝ်းၼၼ်ႉယူႇ။ ဢဝ်လွင်ႈတၢင်းၸိူဝ်းၼၼ်ႉသေ ၶူင်တႅမ်ႈပွင်ႈလိၵ်ႈႁင်းၵူၺ်းၸဝ်ႈၵဝ်ႇတႃႉ။ တႃႇတေတႅမ်ႈၼၼ်ႉ ၶႂ်ႈတိုၵ်းသူၼ်းဝႃႈ ႁႂ်ႈလဵပ်ႈႁဵၼ်း လွၵ်းလၢႆးတႅမ်ႈလိၵ်ႈယူႇ။ Public domain ကနေပြီး အချက်အလက်များ စုစည်းပါ။ လေ့လာ ဖြည့်စွက်ပြီး မြန်မာဝီကီမှာ ရေးသားပါ။ (မှတ်ချက်။ မူပိုင်ခွင့် ချိုးဖောက်မှု မဖြစ်စေရန် အထူးဂရုစိုက်ပါ။ မူပိုင်ခွင့်ကို ဒီမှာ လေ့လာပါ။ Wikipedia copyrights)။ ႁႃဢဝ် ၶေႃႈမုၼ်း တမ်ႈတီႈ ဝႅပ်ႉသၢႆႉ၊ ပပ်ႉလိၵ်ႈၸိူဝ်းပိူၼ်ႈတႅမ်ႈဝႆႉၼၼ်ႉတႃႉ။ လဵပ်ႈႁဵၼ်းယဝ်ႉ ၽိူမ်ႉထႅမ်ထႅင်ႈသေ တႅမ်ႈသႂ်ႇ ၼႂ်းဝီႇၶီႇတႆးတႃႉ။ (မိူဝ်ႈဢဝ် မူႇလိၵ်ႈပိူၼ်ႈမႃးၸႂ်ႉၼၼ်ႉ လွင်ႈဝႃႈ ဢဝ်မႃးတီႈလႂ်ၼႆ သႂ်ႇပၼ်ၵႂႃႇတႃ့။ ပေႃးႁဵတ်းၼၼ်ၸိုင် ႁဝ်းဢမ်ႇၵႂႃႇယႃႉ ၶူဝ်းၶွင် copyrights ပိူၼ်ႈ၊ တႃႇတေလဵပ်ႈႁဵၼ်း လွင်ႈcopyrights ၼၼ်ႉ တူၺ်းတီႈ Wikipedia copyrights ၼၼ်ႉတႃႉ။
လွင်ႈလီၶဝ်ႈၸႂ် ဢၼ်ၸဝ်ႈၵဝ်ႇ ၶႂ်ႈလဵပ်ႈႁဵၼ်း
[မႄးထတ်း | မႄးထတ်းငဝ်ႈငႃႇ]တမ်ႈတီႈ ၼႂ်းပိုၼ်း ဝၼ်းဢၼ်လီၶဝ်ႈၸႂ်ၼၼ်ႉ ပဵၼ်ဝၼ်းလႂ်လၢႆလၢႆ? ဝၼ်းၵိူတ်ႇၸဝ်ႈၵဝ်ႇၼၼ်ႉ ဢၼ်လီၶဝ်ႈၸႂ် ပဵၼ်ဢၼ်လႂ်?ၼႆ ႁႃတူၺ်းတီႈၼႂ်း http://www.google.com/search?q=this+day+in+history လႄႈ list of historical anniversaries တႃႉ။
ၶႂ်ႈလႆႈ Class assignments
[မႄးထတ်း | မႄးထတ်းငဝ်ႈငႃႇ]ၼႃႈလိၵ်ႈ ဢၼ်ၼႄဝႆႉ ၵႂၢင်ႈၵႂၢင်ႈၵူင်ၵူင် Wikipedia:School and university projects သင်ဝႃႈ ၸဝ်ႈၵဝ်ႇပဵၼ် မေႃသွၼ်ၼိုင်ႈၵေႃႉ ဢမ်ႇၼၼ် ၶူးသွၼ်ၸၼ်ႉၸွမ်ၼိုင်ႈၵေႃႉၸိုင် သင်ပဵၼ်လႆႈ ၸႂ်ႉတိုဝ်းဝီႇၶီႇသေ ႁဵတ်းပရေႃးၵျႅၵ်ႉ သပ်းလႅင်းၼႄပၼ် open content website ႇ ႁဵတ်းၵၢၼ်ၼင်ႇႁိုဝ်၊ လွင်ႈဝီႇၶီႇ တေလႆႈၸႂ်ႉတိုဝ်း ၼင်ႇႁိုဝ်ၼႆယူႇ။ ပေႃးႁဵတ်းၼင်ႇၼႆၸိုင် ပရေႃးၵျႅၵ်ႉၸိူဝ်းၼႆႉ တေႁဵတ်းႁႂ်ႈ တၢင်းႁူႉတၢင်းႁၼ် လုၵ်ႈႁဵၼ်းၶဝ် ၼမ်မႃးသေ ဝီႇၶီႇၵေႃႈ ၶေႃႈမုၼ်းမၼ်း တေတဵမ်ထူၼ်ႈလိူဝ်မႃးယူႇ။ လွင်ႈဢၼ်မၼ်းမီးတၢင်းယမ် လိူဝ်သေ ၸႂ်ႉလုၵ်ႈဢွၼ်ႇတႅမ်ႈ home work (လိၵ်ႈတႃႇတႅမ်ႈတီႈႁိူၼ်း) ၼၼ်ႉ လုၵ်ႈႁဵၼ်းၶဝ် တေလႆႈၽႅဝ်ထိုင်ၵႂႃႇ တမ်ႈတီႈ ၼႃႈၵၢၼ်တူဝ်ထူပ်းသေ ၼႂ်းၸႂ်ၶဝ် တေပွင်ႇၸႂ်ဝႃႈ ႁဝ်းႁဵၼ်းလိၵ်ႈ ပၢႆးပၺ်ႇၺႃႇပိူင်လဵဝ်ၵူၺ်းဢမ်ႇၸႂ်ႈလူင် တၢင်းႁဵတ်းႁဝ်းၼႆႉ ၵမ်ႇၽႃႇၵေႃႈ တေႁူႉၵႂႃႇၼႆသေ ၶဝ်တေၵျေႃႇမူၼ်ႈသိူဝ်းၸႂ်ယူႇ။ လိူဝ်သေၼၼ်ႉ လုၵ်ႈႁဵၼ်းၶဝ် တေမေႃဢဝ် လိၵ်ႈတီႈႁူင်းႁဵၼ်းၶဝ်လႄႈ လိၵ်ႈဢၼ်ၶဝ်ႁၢင်ႈႁႅၼ်းဝႆႉၼၼ်ႉ မႃးၸႂ်ႉလေႃးၵၼ်ယူႇ။ ပိူင်လူင်မၼ်း ၼႃႈၵၢၼ် ဢၼ်ၶဝ်ႁဵတ်းၼၼ်ႉ မၼ်းတေဢမ်ႇမီးဝႆႉၼိူဝ်ၸေႈလၢႆလၢႆ ၸိူင်ႉၼင်ႇၶဝ်ယၢမ်ႈႁဵတ်း ၵူႈဝၼ်းၼၼ်ႉ။ မၼ်းတေႁွတ်ႈထိုင်ၵႂႃႇ ၼိူဝ် online သေ တေပဵၼ် တီႈၵမ်ႉတီႈယၼ် တေပဵၼ် ၽိုၼ်ဢိင်ပိူၼ်ႈၼၼ်ႉယူႇ။
လူဝ်ႇၵူၼ်းဢၼ်မေႃ ပရူဝ်ႇၵရမ်ႇ
[မႄးထတ်း | မႄးထတ်းငဝ်ႈငႃႇ]ပုၼ်ႈတႃႇတေၸွႆႈထႅမ် တႅမ်ႈ standalone scripts ၊ ဢမ်ႇၼၼ် တႃႇႁဵတ်းႁႂ်ႈ သွပ်ႉဝႄးလ် ဝီႇၶီႇၶိုၼ်ႈယႂ်ႇၼၼ်ႉ ဝႆႉၼမ်ႉၼၵ်းသေ ႁပ်ႉတွၼ်ႈ ၽူႈၵတ်ႉၶႅၼ်ႇ ၽၢႆႇပရူဝ်ႇၵရမ်ႇယူႇ။ Wikipedia:Bot requests Reporting software bugs Toolserver Reports Summer of Code 2006 Summer of Code 2007
ဝီႇၶီႇတႆး ၶွပ်ႈၸႂ်ထိုင်ယူႇ
[မႄးထတ်း | မႄးထတ်းငဝ်ႈငႃႇ]ယွၼ်ႉပိူဝ်ႈ တၢင်းၸွႆႈထႅမ် ၵမ်ႉထႅမ် contributions သူၸဝ်ႈၼၼ်ႉသေ ၼေႃႇတႅၼ်းၶိူဝ်းတႆးႁဝ်းမိူဝ်းၼႃႈ တေမီးတီႈဢိင်ပိုင်ႈ ၵမ်ႉယၼ်၊ တေမီးၽိုၼ်ဢိင်ၵႂႃႇလႄႈ တၢင်တူဝ်ၶဝ်ၸိူဝ်းၼၼ်ႉသေ ဝီႇၶီႇတႆး ၸူမ်းသိူဝ်းၶွပ်ႈၸႂ်ထိုင် သူၸဝ်ႈယူႇဢေႃႈ။