ၽူႈၸႂ်ႉတိုဝ်း:မၢႆ

ဢမ်ႇသူၼ်ၸႂ်ၶိုၼ်ႈႁဵၼ်း၊ ၶႂ်ႈဢွင်ႇမၢင်ႇလႄႈ တေဢွၵ်ႇႁူင်းႁဵၼ်း၊ ၸၼ်ႉၸွမ်သေယဝ်ႉ တႄႈတင်ႈၼႃႈၵၢၼ်ယဝ်ႉ ၼႄႇ

တီႈၼိူဝ်ႈ internet ၼႆႉ ႁဝ်းတေလႆႈႁၼ် လိၵ်ႈ Motivation ဢၼ်လုၵ်ႉတီႈမိူင်းၾႃႉလိၼ်ႁိၼ်ၽႃၵေႃႈ ဢမ်ႇမိူၼ်မိူင်းႁဝ်း ဢၼ်ပဵၼ်ၽၢႆႇဢိင်းၵလဵတ်ႈ ႁေ ပိၼ်ႇမႃးပဵၼ်ၽၢႆႇမၢၼ်ႊ ၽၢႆးတႆးၸိူဝ်းၼၼ်ႉယူႇ။ လၢတ်ႈငၢႆႈ”ၵေႃႈ လွင်ႈၵူၼ်း entrepreneurs ၸိူင်ႉ Mark Zuckerberg ၶဝ် ဢွၵ်ႇၸၼ်ႉၸွမ်ႁေ တင်ႈ facebook ၼႄႇ၊ လွင်ႈ Bill Gate ၶဝ် ဢွၵ်ႇႁူင်းႁဵၼ်းႁေ မႃးတင်ႈ Microsoft ၼႄႇၸိူဝ်း။ ဢၼ်ဢဝ်ၶေႃႈ Motivation ၸိူဝ်းၼႆႉ မႃးၶႆႈၼႄႁႂ်ႈပဵၼ် Motivation ၵၼ်ၼၼ်ႉ ၽိတ်းႁႃႉၼႆၵေႃႈ ဢမ်ႇၽိတ်းၵွၼ်ႇ။ ၵူၺ်းၵႃႈ ဢၢႆႈၸိူဝ်းၼႆႉ ႁူင်းႁဵၼ်းၸၼ်ႉၸွမ် ဢၼ်ၶဝ်ဢွၵ်ႇမႃးၼႆႉ ယႃႇလိုမ်းဝႃႈ ပဵၼ်ၸၼ်ႉၸွမ် Harvard ဢၼ်ၸိုဝ်ႈလင်ႊၼႂ်းလူၵ်ႈ၊ ဢၼ်မီးႁမ်ႉ မီးယူႇတီႈမိူင်း America ။ 

မီးၽူႈတႅမ်ႈလိၵ်ႈၵေႃႉ ၸိုဝ်ႈႁွင်ႉ Win Ko Ko Aung ၊ မၼ်းႁၼ်ဝႃႈ ၵၢၼ်ပိၼ်ႇဢဝ်မႃး ပဵၼ်ပွတ်းပဵၼ်တွၼ်ႊႁေ ၶႆႊၼေၵၼ်ဢၼ်ဝႃႈ ဢၼ်တေလီတႄႉ တေဝၢၼ်တႃႇႁူယူႇ ၵူၺ်းဢမ်ႇၶႂ်ႈႁႂ်ႈ ၵူၼ်းၼုမ်ႇၶဝ် ႁပ်ႉႁၼ်တီႈပွင်ႇမၼ်းပိူင်ႈၸွမ်း ၸိူင်ႉၼၼ်။ ၵူၼ်းဢၼ် ႁပ်ႉႁၼ်တီႈပွင်ႇပိူင်ႈၸိူင်ႉၼၼ်ၵေႃႈ ယၢမ်ႈပႃးမၼ်းၵေႃႉၼိူင်ႈ။

ၵူၼ်းသႅၼ်း entrepreneurs ၸိူင်ႉၼင်ႇ Mark Zuckerberg ၊ Bill Gate ၶဝ်ၼႆႉ မၼ်းႁပ်ႉႁၼ် ၼိူင်ႈပၢၼ်လႂ်တေမီးၼိူင်ႈၵေႃႉမွၵ်ႈၼၼ်ႉၵွၺ်း။ ၵူၺ်း ပိူင်လူင်မၼ်း ဢၼ်ၶဝ်ၸိူဝ်းၼႆႉ ဢွင်ႇမၢင်ႇမႃးၼႆႉၵေႃႈ ပဵၼ် ၵွပ်ႈတၢင်းၶတ်းၸႂ်ဢၼ်ၶဝ်မီးဢၼ်ဝႃႈၵေႃႈ ၽႂ်တေမႃးထဵင်ဢမ်ႇလႆႈ။

တီႈတေႉတေႉမၼ်းတႄႉ မိူၼ်ၸိူင်ႉ မိူင်းႁုၼ်ႈမုၼ်း ၼင်ႇ America ၶဝ်ၵေႃႈ၊ ပေႃးဢဝ် ၽိုၼ်လၢႆးငၢၼ်းၶွင် National Center for Education Statistics ဢၼ်လၢႆးငၢၼ်း ဝႆႉ မိူဝ်ႈပီႊ ၂၀၂၄ ၼၼ်ႉ ဝႃႈၼႆၸိုင် ၵၢၼ် dropout rate ၶွင်လုၵ်ႈႁဵၼ်း ၸိူဝ်းဢႃႇယု လႆႈ ၁၆ ထိုင် ၂၄ ၼၼ်ႉမီးထိုင်မွၵ်ႈ ၅.၃ % ၵွၼ်ႇ။ ပေႃးၵဵဝ်လူၺ်ႈလွင်ႈၼႆႉမႃးၼႆ မီးလွင်ႈတၢင်းၼႂ်းပပ်ႉဢၼ်လီသူၼ်ၸႂ်ဢၼ်ၼိူင်ႈလၢတ်ႈဝႆႉဝႃႈ မီးမိူဝ်ႈၽွင်းႁိူဝ်းလမ်းၼိူင်ႈၸူမ်ၼမ်ႉၼၼ်ႉၼႆဝႃႇ ၵူၼ်းၸိူဝ်းလွတ်ႈဢႃႈသၢၵ်ႈမႃးလႆႈၼႆႉ ၵွပ်ႈၶဝ် ဢွၼ်ၵၼ်လွတ်ႈၵႃႇထႃႇဝႆႉၼႆ။ ၵူၺ်း ၵူၼ်းၸိူဝ်းဢၼ်ၸူမ် ၼမ်ႉတၢႆၵႂႃႇၸိူဝ်းၼၼ်ႉၵေႃႈ ယူဝ်ၶဝ်တေၸၢင်ႊလွတ်ႈႁေႃးၵႃႇထႃႇယူႇၵေႃႈ ပဵၼ်လႆႈ။ ဢၢႆႈၸိူဝ်းၼႆႉ ၶဝ်ႁမ်ႉ ဢမ်ႇမီးတိုဝ်ႉတၢင်းတႃႇမႃးလၢတ်ႈၼႄယဝ်ႉ မွၵ်ႈၼၼ်ႉၵွၺ်း။

ၶႂ်ႈပဵၼ်ၼႂ်းမိူင်းမၢၼ်ႊၼႆႉၵေႃႈယဝ်ႉ၊ ၼႂ်းမိူင်းAmerica ၵေႃႈလီ ၼႂ်းလုမ်ႈၾႃႉၼႆႉ ဢၼ်ဢမ်ႇယဝ်ႉၶူးယဝ်ႉပွၺ်ႉ ႁင်ႁေ ဢွင်ႇမၢင်ႇဝႆႉယူႇၵေႃႈမီးတၢင်းၼမ်။ ၵူၺ်းၵႃႊ ၵူၼ်းၸိူဝ်းဢၼ်ယဝ်ႉၶူး ယဝ်ႉပွၺ်ႉသေ ဢွင်ႇမၢင်ႇယူႇ ၼႆႉတႄႉၵေႃႈ မီးၼမ်လိူဝ် လၢႆလၢႆပုၼ်ႈယူႇ။