ၽူႈၸႂ်ႉတိုဝ်း:KINGSUR/sandbox

-->==ယႃႇလိုမ်းလွင်ႈၼွၼ်းၾၼ်==

ၵူၼ်းၵူႈၵေႃႉၼႆႉ ၽႂ်ၽႂ်ၵေႃႈ မီးတၢင်းယိူင်းဢၢၼ်းဝႃႈ “ပေႃးၵဝ်ယႂ်ႇ မႃး ၵဝ်တေႁဵတ်းသင်” "ၵဝ်ၶႂ်ႈပဵၼ်သင်" ၼႆၼၼ်ႉ ၽႂ်မၼ်းဝႆႉယူႇ။ မႂ်းၵေႃႈ မီးတၢင်းၼွၼ်းၽၼ် ၵဝ်ၶႃႈၵေႃႈမီးတၢင်းၼွၼ်းၽၼ်။ ႁဝ်းၶႃႈ မီးတၢင်း ၼွၼ်းၽၼ်မိူၼ်ၵၼ်။ ၵူၺ်းၵႃႈ ဢၼ်ႁဝ်းၼွၼ်းၾၼ်ၼၼ်ႉတေႉ မီးမိူၼ်ၵၼ်သေတ တႃႇတေၽေႃႇၼမ်ႉ ၼႄတူဝ်လႆႈ၊ ဢမ်ႇၽေႃႇၼႄၼမ်ႉၼႄတူဝ်လႆႈၼၼ်ႉ တႄႉ မၼ်းပိူင်ႈၵၼ်။ လွင်ႈဢွင်ႇမၢၼ် တၢင်းယိူင်းဢၢၼ်း၊ ဢၼ်ဢမ်ႇၸၢင်ႈ သပ်းလႅင်းၼႄလႆႈ ၼၼ်ႉၵေႃႈ မၼ်းပိူင်ႈၵၼ်။ မၢင်ၵေႃႉလိုမ်းလွင်ႈၼွၼ်း ၾၼ်၊ မၢင်ၸိူဝ်းႁၼ်ဝႃႈ တၢင်းယိူင်းဢၢၼ်းၶဝ် ၵႃႈၶၼ်ယႂ်ႇၼႃႇ လႄႈ တႃႇတေႁဵတ်းၸွမ်းၼၼ်ႉ ဢမ်ႇၶိုတ်းလႆႈ ၼႆၵေႃႈမီး။ ၵမ်ႈၽွင်ႈၵေႃႈ ၽေႃႇၼမ်ႉၼႄတူဝ်လႆႈ လွင်ႈၼွၼ်းၽၼ်ၶဝ် ဢၼ် ၼိုင်ႈယဝ်ႉ ဢၼ်ၼိုင်ႈသေ ႁွတ်ႈထိုင်ဝႆႉတီႈသုင်သုတ်းဝႆႉယဝ်ႉ။ ၸဝ်ႈၵဝ်ႇလူး ႁဵတ်းႁႂ်ႈတၢင်းယိူင်းဢၢၼ်းၸဝ်ႈၵဝ်ႇ ပဵၼ်မႃးလႆႈယူႇႁႃႉ? ႁွတ်ႈထိုင်လႂ်ယဝ်ႉ လႃႇ။ ႁွတ်ႈထိုင်တီႈသုင်သုတ်းၼၼ်ႉယဝ်ႉႁႃႉ? ဢမ်ႇၼၼ်ၵေႃႈ လိုမ်းပႅတ်ႈ လွင်ႈၼွၼ်းၾၼ် မိူဝ်ႈတိုၵ်ႉလဵၵ်ႉၼၼ်ႉယဝ်ႉႁႃႉ။ ဢမ်ႇၼၼ် ဢမ်ႇမီး လွင်ႈၼွၼ်းၾၼ်သင်ဝႆႉယဝ်ႉႁႃႉ၊ ၸွမ်းၼင်ႇၶႃႈယၢမ်ႈလူဢၢၼ်ႇ လႄႈ တွင်းမႃးၼၼ်ႉ ၶိုၼ်းတေမႃး လၢတ်ႈၼႄ ဢပုမ်ႇဢၼ်ၼိုင်ႈၵွၼ်ႇ။ မိူဝ်ႈၵွၼ်ႇၵွၼ်ႇၼၼ်ႉ မီးဢူႈလုင်း ပိူင်ႇဝႆႉသူၼ်ၵႆႇ ၸဝ်ႈၼိုင်ႈ။ ထိုင် မႃးဝၼ်းၼိုင်ႈ ၽွင်းဢူႈလူင်းၼၼ်ႉ တိုၵ်ႉၵႂႃႇႁႃတၢင်းၵိၼ် တႃႇလဵင်ႉၵႆႇ မၼ်းယူႇၼၼ်ႉ မၼ်းဢမ်ႇထၢင်ႇသေ ၵႂႃႇၵဵပ်းလႆႈၶႆႇၼူၵ်ႉႁုင်ႉလူင် ၸွမ်း တၢင်းလုၵ်ႈၼိုင်ႈ။ ၵူၼ်းထဝ်ႈၵေႃႉၼၼ်ႉ ဢမ်ႇႁူႉဝႃႈ ပဵၼ်ၶႆႇၼူၵ်ႉႁုင်ႉ။ ၵွပ်ႈ ၼၼ် မိူဝ်ႈဢူႈလုင်း ၸဝ်ႈၶွင်သူၼ်ၵႆႇ ပွၵ်ႈမႃးႁိူၼ်းၼၼ်ႉ မၼ်းၸင်ႇဢဝ် ၶႆႇ ၼူၵ်ႉႁုင်ႉလူင် ဢၼ်မၼ်းၵဵပ်းလႆႈမႃးၼၼ်ႉ မႃးသႂ်ႇဝႆႉၸွမ်းၶႆႇၵႆႇယဝ်ႉ။ ဢမ်ႇႁိုင်သင် ၼူၵ်ႉႁုင်ႉႁၢင်ႈလီတူဝ်ၼိုင်ႈ တႅၵ်ႈဢွၵ်ႇမႃးတီႈၶႆႇၼူၵ်ႉ ႁုင်ႉလူင် ၼၼ်ႉယူႇယဝ်ႉ။ ၼူၵ်ႉႁုင်ႉဢွၼ်ႇၼၼ်ႉၵေႃႈ ဝူၼ်ႉဝႃႈ မၼ်းပဵၼ်ၵႆႇ မိူၼ်ၼင်ႇ ၵႆႇတၢင်ႇၸိူဝ်းလႄႈ ၵိၼ်မိူၼ်ၵႆႇသေ ႁဵတ်းၸွမ်းလၢႆးႁဵတ်းလၢႆး သၢင်ႈ မိူၼ်ၼင်ႇၵႆႇၼၼ်ႉယဝ်ႉ။ ထိုင်မႃးဝၼ်းၼိုင်ႈမႃး ၼူၵ်ႉႁုင်ႉဢွၼ်ႇတူဝ်ၼိုင်ႈ တိုၵ်ႉလဵၼ်ႈၸွမ်း ဢူၺ်းၵေႃႉၵႆႇမၼ်း ၼႂ်းပၢင်ႇလူင်ဢၼ်ၼိုင်ႈသေ လႆႈႁၼ်ၼူၵ်ႉႁုင်ႉမိၼ်ႁၢင်ႈ လီ ၼိူဝ်ၵၢင်ႁၢဝ်။ ၵမ်းၼၼ်ႉ ၼူၵ်ႉႁုင်ႉၸင်ႇဝႃႈ “ဢၼ်မိၼ်ယူႇၼိူဝ်ၵၢင်ႁၢဝ်ၼၼ်ႉ ပဵၼ်ၼူၵ်ႉသင်” ၵႆႇၶိုၼ်းတွပ်ႇလၢတ်ႈၼင်ႇၼႆ "ပဵၼ်ၼူၵ်ႉႁုင်ႉ ဢၼ်ႁဝ်းၶွႆဢၢမ်းမၼ်းၼႃႇၼႃႇၼၼ်ႉဢိူဝ်ႈ” တွပ်ႇပၼ်ၼင်ႇၼၼ်ယဝ်ႉ ၼူၵ်ႉႁူင်ႉဢွၼ်ႇၵေႃႈ ၸင်ႇဝႃႈ "ၵဝ်ၶႂ်ႈမိၼ်မိူၼ်ၼင်ႇ ၼူၵ်ႉႁုင်ႉၸိူဝ်းၼၼ်ႉ။ ၼင်ႇႁိုဝ်ၵဝ်တေ မိၼ် လႆႈ ၸိူင်ႉၼင်ႇၶဝ်ၵေႃႈ ၵဝ်တေၶတ်းၸႂ်” မိူဝ်ႈမၼ်း လၢတ်ႈၼင်ႇၼၼ်ယဝ်ႉ ၸိူဝ်းပဵၼ် ၵႆႇဢွၼ်ႇၶဝ် ၸင်ႇ ဢွၼ်ၵၼ် ဝႅင်းၶူဝ်ၼႃႈမၼ်း။ ပေႃးယဝ်ႉၵေႃႈ ၵႆႇဢွၼ်ႇၶဝ် ဝႃႈၼင်ႇၼႆ “ၵႆႇဢၼ်ဝႃႈၼႆႉ မၼ်းတိုၼ်းယူႇၼိူဝ်လိၼ်ၼႆႉၵူၺ်း။ မဵဝ်းဢၼ် ဢမ်ႇၵပ်းၵၢႆႇ မဵဝ်းဢမ်ႇၸၢင်ႈပဵၼ်မႃးလႆႈၼၼ်ႉ ယႃႇပေၵႂႃႇမုင်ႈမွင်းသင်။ မႂ်း ပဵၼ်ၵႆႇၵေႃႈ ယူႇမိူၼ်ၵႆႇလႄႈ” ၼႆ။ ၼူၵ်ႉႁူင်ႉဢွၼ်ႇၵေႃႈ ၸင်ႇဝူၼ်ႉၼင်ႇၼႆသေ ယႃႇပၼ်ၸႂ်မၼ်း။ “ဢေႃႉႉႉ ၵဝ်ၼႆႉ ပဵၼ်ၵႆႇတူဝ်ၼိုင်ႈ။ ၵဝ်ဢမ်ႇၸႂ်ႈ ၼူၵ်ႉႁူင်ႉ။ သမ်ႉ တေႁဵတ်းႁိုဝ်သေ မိၼ်လႆႈၼင်ႇၼူၵ်ႉႁုင်ႉၶဝ်လႃႇ။ ၵဝ်ဢမ်ႇထုၵ်ႇလီ ဝူၼ်ႉ လိုၵ်ႉ ယွင်ႇၸိူင်ႉၼႆ” ထႅင်ႈဝၼ်းၼိုင်ႈ ၼူၵ်ႉႁုင်ႉဢွၼ်ႇၼၼ်ႉ တူၺ်းၼူၵ်ႉႁုင်ႉ တၢင်ႇၸိူဝ်း မိၼ်ယူႇၸိူဝ်းၼၼ်ႉ ပွၵ်ႈလႂ်ၵေႃႈ ၼႂ်းၸႂ်ၼႆႉ ၶွႆၶဝ်ၼႃႇ။ "မႂ်းပဵၼ်ၵႆႇၵူၺ်း" ယႃႇပေၶတ်းၸႂ်ဝူၼ်ႉဝႃႈ တေမိၼ်မိူၼ်ၼူၵ်ႉႁုင်ႉယူႇ။ “ၵႆႇၼႆႉ တေလႆႈယူႇ မိူၼ်ၵႆႇ” ၶေႃႈၵႂၢမ်း ဢူၺ်းၵေႃႉမၼ်း လၢတ်ႈယူႇၼၼ်ႉသမ်ႉ မႃးငိၼ်းယူႇၼႂ်း ႁူတိၵ်းတိၵ်းလႄႈ မၼ်းလိုမ်းပႅတ်ႈ တၢင်းၼွၼ်းၽၼ် ဢၼ်မၼ်းၶႂ်ႈမိၼ် မိူၼ်ၼင်ႇ ၼူၵ်ႉႁုင်ႉၼၼ်ႉပႅတ်ႈယဝ်ႉ။ ႁဵတ်းၸိူင်ႉၼၼ် ယူႇၵႂႃႇ ဝၼ်းၼိုင်ႈယဝ်ႉဝၼ်းၼိုင်ႈသေ ၼူၵ်ႉႁူင်ႉ ဢွၼ်ႇၵေႃႈ ဢမ်ႇၽေႃႇၼမ်ႉၼႄတူဝ် ႁဵတ်းႁႂ်ႈၵႂၢမ်းၽၼ်မၼ်း ပဵၼ်မႃးလႄႈ လိုၼ်းသုတ်းမၼ်း ၼူၵ်ႉႁုင်ႉၼၼ်ႉ လႆႈသုတ်းသဵင်ႈၸၢတ်ႈပၢၼ်မၼ်း မိူၼ် ၼင်ႇ ၵႆႇဢွၼ်ႇၵႂႃႇၵူၺ်းယူႇယဝ်ႉ။ သင်ၸၢမ်းဝႃႈ ၼူၵ်ႉႁုင်ႉၼၼ်ႉ ယွင်ႇမႃႈၸွမ်း တၢင်းယိူင်းဢၢၼ်း မၼ်း၊ တၢင်းၶႂ်ႈပဵၼ်မၼ်း၊ ၵႂၢမ်းၽၼ်မၼ်း၊ သင်ဝႃႈ ဢမ်ႇလိုမ်း တၢင်း ယိူင်းဢၢၼ်းၸဝ်ႈၵဝ်ႇသေပွၵ်ႈသေ ၶတ်းၸႂ်ႁဵတ်း ႁႂ်ႈမၼ်းပဵၼ်မႃးတႄႉတႄႉ ၼႆၸိုင် ဝၼ်းၼိုင်ႈမႃး မၼ်းတေၸၢင်ႈမိၼ်ၵႂႃႇလႆႈ တီႈသုင်သုတ်း ဢၼ် မၼ်းၶႂ်ႈလႆႈ ဢၼ်မၼ်းၶႂ်ႈပဵၼ် လူၺ်ႈလၢႆးတၢင်းဢၼ်ႁၢင်ႈလီသေပိူၼ်ႈ ဢၼ်လွတ်ႈလႅဝ်းသေပိူၼ်ႈၼၼ်ႉယူႇယဝ်ႉ။ ယဝ်ႉၵေႃႈ မၼ်းတေႁူႉဝႃႈ မၼ်းၵိူတ်ႇပဵၼ်ၼူၵ်ႉႁုင်ႉတူဝ်ၼိုင်ႈ ၼႆထႅင်ႈၵွၼ်ႇယဝ်ႉ။ လိူဝ်ၼၼ်ႉ မၼ်းတေၸၢင်ႈၼႄလႆႈ ၼမ်ႉၵတ်ႉ ဢဵၼ်ႁႅင်း လႄႈ ပဵၼ် တီႈၵႆႇၸိူဝ်းဢၼ်ၵိူမ်ႈလိူမ်ႈ ၵိူဝ်ႉ ၶူဝ်မၼ်းၼၼ်ႉ တေၶွႆဢၢမ်း ယွင်ႈယေႃးဝႃႈ မၼ်းပဵၼ်ၼူၵ်ႉႁုင်ႉ ဢၼ်မီးဢဵၼ်ႁႅင်း ၼႆ။ ၵူၺ်းၵႃႈ ၼူၵ်ႉႁုင်ႉၼၼ်ႉ လိုမ်း ပႅတ်ႈ လွင်ႈၼွၼ်းၾၼ်မၼ်းလႄႈ လွင်ႈဢၼ်မၼ်းၶႂ်ႈပဵၼ်ၼၼ်ႉ ဢမ်ႇ ပဵၼ်မႃးသေပွၵ်ႈလႄႈ ၵႆႇၶဝ်တင်းသဵင်ႈၵေႃႈ ၼပ်ႉသွၼ်ႇမၼ်းဝႃႈ ပဵၼ်ၵႆႇ ဝႆႉယူႇတႃႇသေႇ။ သင်ဝႃႈ ၽူႈလူဢၢၼ်ႇလိၵ်ႈၼႆႉသေ လႆႈလိုမ်းပႅတ်ႈ တၢင်းယိူင်း ဢၢၼ်းၸဝ်ႈၵဝ်ႇမႃးႁိုင်ယဝ်ႉၼႆၸိုင် ၶႂ်ႈပၼ်ႁႅင်းၸႂ် ၶႂ်ႈတုၵ်းသူၼ်းဝႃႈ ၽေႃႇ ၼမ်ႉၼႄတူဝ် ႁဵတ်းႁႂ်ႈပဵၼ်မႃး မိူဝ်ႈလဵဝ်ၼႆႉသေၵမ်း။ ၵူၺ်းၵႃႈ တၢင်းယိူင်း ဢၢၼ်းမၢင်ဢၼ်ၼႆႉ မၼ်းတေပဵၼ်မႃး ၸွမ်းၶၢဝ်းယၢမ်းဢၼ်မၵ်းမၼ်ႈ ၵူၺ်းလႄႈ ၽိူဝ်ႇတေၵႂႃႇႁဵတ်း ၽေႃႇၼမ်ႉၼႄတူဝ် တၢင်းယိူင်းဢၢၼ်း ဢၼ်ဢမ်ႇပဵၼ်လႆႈယဝ်ႉၼၼ်ႉ တႃႉၶတ်းၸႂ်ၽေႃႇၼမ်ႉၼႄတူဝ် တၢင်းယိူင်း ဢၢၼ်း ဢၼ်တိုၵ်ႉပဵၼ်လႆႈ၊ ဢၼ်တိုၵ်ႉဢွင်ႇမၢၼ်လႆႈၼၼ်ႉလႄႈၼႆ ၶႂ်ႈ လၢတ်ႈပၼ် ၼင်ႇၼႆ။ ယႃႇပေႁဵတ်းႁႂ်ႈ တူဝ်ၸဝ်ႈၵဝ်ႇ မိူၼ်ၼင်ႇ ၼူၵ်ႉႁုင်ႉဢွၼ်ႇၼၼ်ႉ။ ယႃႇပေယွမ်းၵၢၼ်ႉတၢင်းယိူင်းဢၢၼ်း။ ယႃႇလိုမ်းပႅတ်ႈ လွင်ႈတၢင်းၼွၼ်း ၽၼ်ၸဝ်ႈၵဝ်ႇသေပွၵ်ႈ။ ႁႂ်ႈၽေႃႇၼမ်ႉၼႄတူဝ်လႆႈ လွင်ႈတၢင်းၽၼ်ၸဝ်ႈ ၵဝ်ႇ တၢင်းယိူင်းဢၢၼ်းၸဝ်ႈၵဝ်ႇၵႂႃႇ ဢၼ်ၼိုင်ႈယဝ်ႉ ဢၼ်ၼိုင်ႈၵႂႃႇသေ ႁႂ်ႈၽႅဝ်ဝႆႉ တီႈသုင်သုင် တီႈႁၢင်ႈလီၼၼ်ႉၽႂ်မၼ်းသေၵမ်း။ တေပဵၼ်ၼူၵ်ႉႁူင်ႉသေယဝ်ႉ ယူႇမိူၼ်ၼင်ႇၵႆႇၼၼ်ႉႁႃႉ ဢမ်ႇၼၼ် တေၶတ်းၸႂ် ပဵၼ်ၼူၵ်ႉႁုင်ႉသေ မိၼ်သုင်သုင် တေထွမ်ႇၵႂၢမ်း ပိူၼ်ႈဝႃႈသေယဝ်ႉ ၸႂ်တူၵ်းပႅတ်ႈႁႃႉ ဢမ်ႇၼၼ် တေၶတ်းၸႂ်သေ ႁႂ်ႈဢွင်ႇမၢၼ်ၼၼ်ႉ ဝူၼ်ႉတူၺ်းဢဝ်ႁင်းၵူၺ်းလႄႈႉႉႉ။

ၶေႃႈထၢမ်

ၶႅၼ်းတေႃႈဢၢၼ်ႇတူၺ်း ၶေႃႈထၢမ်ၸိူဝ်းၽၢႆႇတႂ်ႈၼႆႉ လီလီသေ ဢဝ်ၸႂ်တွပ်ႇပၼ် သေၵမ်း။ - မိူဝ်ႈၵေႃႉလဵၵ်ႉလဵၵ်ႉ ဢၼ်ၸဝ်ႈၵဝ်ႇၶႂ်ႈပဵၼ်သေပိူၼ်ႈ တၢင်းယိူင်း ဢၢၼ်း ဢၼ်ၼိုင်ႈၼႆ သမ်ႉၶႂ်ႈပဵၼ်သင်။ ယိူင်းဢၢၼ်း ၼၼ်ႉလူး ၸွင်ႇပႃႈဢွင်ႇမၢၼ် ယဝ်ႉႁိုဝ်။ - တၢင်းၼွၼ်းၽၼ် ဢၼ်ၵႃႈၶၼ်ယႂ်ႇသေပိူၼ်ႈ ဢၼ်ၸဝ်ႈၵဝ်ႇ မီးဝႆႉၼၼ်ႉ ပဵၼ်သင်လႃႇ။ - သင်ဝႃႈ ၸဝ်ႈၵဝ်ႇ ၽေႃႇၼမ်ႉၼႄတူဝ်လႆႈ ၵႂၢမ်းၽၼ် တၢင်းယိူင်း ဢၢၼ်း ဢၼ်ၸဝ်ႈၵဝ်ႇႁဵတ်း လႆႈဢၼ်ၼိုင်ႈၼၼ်ႉယဝ်ႉၼႆ တေ ပဵၼ်ၸိူင်ႉႁိုဝ် - မိူဝ်းၼႃႈမႃး တၢင်းယိူင်းဢၢၼ်းၸဝ်ႈၵဝ်ႇ တေပဵၼ်ၸိူင်ႉႁိုဝ် ? ၸွင်ႇ မီးၸႂ် ၶႂ်ႈၶတ်းၸႂ် ႁႂ်ႈတၢင်းယိူင်းဢၢၼ်းၸဝ်ႈၵဝ်ႇ ပဵၼ်မႃးလႆႈ ယူႇ ႁႃႉ?

လူငယ်တစ်ယောက် စိတ်ဓာတ်ကျနေတယ်