ၽူႈၸႂ်ႉတိုဝ်း:LaoHsainam/sandbox
==
ၸိူင်းပၼ်တွၼ်ႈသွၼ်လီ
[မႄးထတ်း | မႄးထတ်းငဝ်ႈငႃႇ]ႁူႉထိုင်ၽွင်ႈ လွင်ႈၶႂ်ႈပဵၼ်ၶဝ် ==
လွင်ႈဢုၼ်ႇၸႂ် လႄႈ မီးၼႃႈႁိူၼ်းမူၼ်ႈသိူဝ်း ဢၼ်ဝႃႈၼၼ်ႉ ၵူၼ်းႁဝ်းၵူႈၵေႃႉ တိုၼ်းၶႂ်ႈမီးၵၼ်ယူႇ၊ ယွၼ်ႉၼၼ်ႉ ထုၵ်ႇလီပၼ်ၶၢဝ်းယၢမ်း ၼႃႈႁိူၼ်း၊ ႁူမ်ႈလူၺ်ႈဢူၺ်းၵေႃႉဢူၺ်းသေႈ၊ ဢမ်ႇထုၵ်ႇလီပၼ် ၶိူင်ႈၸႂ်ႉတိုဝ်းပၢၼ်မႂ်ႇ ဢဝ်တီႈယူႇၼမ်ပူၼ်ႉ လႄႈ ထိုင်တီႈလိုမ်းတူၺ်းႁၼ် ၼႃႈႁိူၼ်း၊ တွၼ်ႈတႃႇၵူၼ်းၵေႃႉႁၢမ်း မဵတ်ႉတႃႇၼၼ်ႉ တိုၼ်းမုင်ႈမွင်းၶေႃႈမဵတ်ႉ လိူဝ်သေတၢင်ႇလွင်ႈ၊ ၵၢပ်ႈပၢၼ်ႁူဝ်ပၢၵ်ႇ21ပီ ဢၼ်ၽူႈလူလိၵ်ႈ လႄႈ ၽူႈတႅမ်ႈလိၵ်ႈ ယူႇသဝ်းၵိၼ်သၢင်ႈယူႇၼႆႉ ၶူဝ်းၶွင်လၢၵ်ႇလၢႆးꧦၶိုတ်းၸၼ်ႉၶိုတ်းပၢၼ် လၢၵ်ႇလၢႆးမႃးယူႇဝၼ်းꧦၶိုၼ်းꧦ ထိုင်တီႈပေႃး ဢမ်ႇၼပ်ႉဢမ်ႇဢၢၼ်ႇလႆႈၼႆႉ ၵူၼ်းႁဝ်းၵူႈၵေႃႉၵေႃႈႁူႉထိုင်ၵၼ်ယူႇ၊ ပိုၼ်းၵူၼ်းဝၼ်းလင် လႄႈ ၼႃႈလိၵ်ႈၵူႈဢၼ်ꧦ ၼႆႉ မၼ်းမီးလွင်ႈၶိုၼ်ႈယႂ်ႇလႅၵ်ႈလၢႆး ၸိူင်ႉၼင်ႇ တႃ လႄႈ တႄး လၢတ်ႈဝႆႉၼၼ်ႉယဝ်ႉ။ လွင်ႈမၼ်းမီးယူႇ ဢမ်ႇတၢပ်ႈႁႃၶေႃႈတွပ်ႇမၼ်းယဝ်ႉ။ ဝၼ်းမိူဝ်ႈၼႆႉ ပဵၼ်ၵၢပ်ႈပၢၼ်ဢၼ်ၶိုၼ်ႈယႂ်ႇဝႆးၼႃႇ လၢတ်ႈၸိူင်ႉၼႆၵေႃႈ ဢမ်ႇၽိတ်းၼင်ႇၵဝ်ႇ၊ လွင်ႈၶိုၼ်ႈယႂ်ႇ ၶိုတ်းၵၢပ်ႈ ဢၼ်ၼႆႉၵေႃႈ မၼ်းဢမ်ႇၵိုတ်းလႄႈႁူၼ်လင်ၶိုၼ်း၊ ဢၼ်ပဵၼ်ၶိူင်ႈ ယိပ်းတင်းတိုဝ်း ဢၼ်ၶိုတ်းၵၢပ်ႈတွၼ်ႈတႃႇ ၵူၼ်းႁဝ်းၸႂ်ႉတိုဝ်း မိူၼ်ၼင်ႇ Computer, laptop,တေႇၵႂႃႇမီးတင်းတင်းလၢႆ လုၵ်ႉတီႈၸိူဝ်းၼႆႉသေဢဝ်သၢႆၼဵင်ႈ gmail.com,instergram ၸၵႂႃႇၸိူဝ်းသေ ၵပ်းသိုပ်ႇၵၼ် တေႇဢဝ်လွင်ႈၶိူင်ႈၶူဝ်းၸႂ်ႉတိုဝ်းၸိူဝ်းၼႆႉ မဵဝ်းၼိုင်ႈယဝ်ႉၼိုင်ႈမဵဝ်း ဢွၵ်ႇမႃး ယူႇတိၵ်းꧦ၊ လိူဝ်ၼၼ်ႉထႅင်ႈ ၸိူဝ်းဢဝ်လွၵ်းလၢႆးပၢႆးပၺ်ႇၺႃႇသေလႄႈ ႁဵတ်းသၢင်ႈဝႆႉႁိူၼ်းဢၼ်ၸၼ်ႉဢၢၼ်ႇပၢၵ်ႇမၼ်း ၼၼ်ႉ တေႁၼ်လႆႈၵူႈတီႈꧦယူႇ။ ၵွပ်ႈၶိူင်ႈၸႂ်ႉတၢင်းတိုဝ်း ၸိူဝ်းၼႆႉၶိုၼ်ႈယႂ်ႇ ၶိုတ်းၵၢပ်ႈမႃးဝႆးလႄႈ ၵူၼ်းႁဝ်းၵေႃႈ ၼင်ႇႁိုဝ်တေၶိုတ်းလႆႈမၼ်းၼၼ်ႉ လႆႈၶတ်းၸႂ်ယူႇဝၼ်းꧦ ၶိုၼ်းꧦ လႄႈ မီးလွင်ႈၶႅင်ႇတႃႉၵၼ်မႃးယူႇ။ ၸႂ်ႈယဝ်ႉ၊ ဢၼ်ၵဵဝ်ႈလူၺ်ႈပၢႆးတူဝ်တႄႉၶိုၼ်ႈယႂ်ႇမႃး ႁႅင်းꧦသေတႃႉ ၽၢႆႇပၢႆးၸႂ်ၵူၼ်းႁဝ်းလူး ၸွင်ႇၶိုၼ်ႈယႂ်ႇမႃးႁႃႉ ၼႆႉမီးၶေႃႈထၢမ်ဝႆႉယူႇ၊ ဢၼ်ၵပ်းၵၢႆႇလွင်ႈလူၺ်ႈပၢႆးတူဝ်တႄႉ ဢၼ်ၶိုၼ်ႈယႂ်ႇၼၼ်ႉ တေလႆႈဝႃႈၶိုၼ်ႈယႂ်ႇယဝ်ႉတေလႆႈႁွင်ႉၸိူင်ႉၼၼ်ႁႃႉ၊ ဢမ်ႇၼၼ် လွင်ႈၶိုၼ်ႈယႂ်ႇပၢႆးၸႂ်လူး သမ်ႉတေလႆႈဢဝ်လွၵ်းလၢႆးပၢႆးၸိူင်ႉႁိုဝ် သေတႅပ်းတတ်းလႃႇ၊ ပေႃးယူႇတီႈၽူႈတႅမ်ႈလိၵ်ႈဝႃႈတႄႉ ပေႃးလွင်ႈၵဵဝ်ႇလူၺ်ႈပၢႆးတူဝ် ၶိုၼ်ႈယႂ်ႇၵေႃႈ ပွင်ႇဝႃႈပဵၼ်လွင်ႈၶိုၼ်ႈယႂ်ႇ ၶႂ်ႈလၢတ်ႈၼႄၼင်ႇၼႆယူႇ၊ တီႈတႄႉမၼ်း ၵူၼ်းႁဝ်းၼႆႉ ပုၼ်ႈတႃႇပၢႆးၸႂ်ႁဝ်း တေၶိုၼ်ႈယႂ်ႇမႃးၼၼ်ႉ ဢွၼ်ၵၼ်လိုမ်းသႂ်ႇၸႂ် လူင်လိုမ်းဝႆႉၼိူဝ်မၼ်းယူႇ၊ တႃႇႁဵတ်းပၼ် ႁႂ်ႈမီးၵႃႈၶၼ်ၵေႃႈလိုမ်းႁၼ်ဝႆႉယဝ်ႉ။ ပေႃးလွင်ႈပၢႆးၸႂ်ၶိုၼ်ႈယႂ်ႇၵေႃႈ လွင်ႈပၢႆးတူဝ်ၼၼ်ႉ ၸင်ႇၶိုၼ်ႈ ယႂ်ႇမႃးဢမ်ႇၸႂ်ႈၶႃႈႁႃႉ၊ ၽူႈတႅမ်ႈလိၵ်ႈတႄႉ ၶႂ်ႈထတ်းသၢင်ၼင်ႇၼႆယူႇ၊ ပုၼ်ႈတႃႇလွင်ႈပၢႆးၸႂ် တေၶိုၼ်ႈယႂ်ႇၼၼ်ႉ တီႈၼႂ်းၼႃႈႁိူၼ်းၸဝ်ႈၵဝ်ႇ ၼႂ်းတူင်ႇဝူင်းၵူၼ်းၼႆႉ မၼ်းၵွင်ႇၵၢႆႇၵၼ်ဝႆႉ လႄႈ ထုၵ်ႇလီၶတ်းၸႂ်သေၵေႃႇသၢင်ႈယူႇ၊ ၵွပ်ႈပိူဝ်ႈလွင်ႈၶိုၼ်ႈယႂ်ႇပၢႆးၸႂ်ႁဝ်း ဢမ်ႇၶိုၼ်ႈယႂ်ႇ တႄႉꧦ၊ လွင်ႈၶိုၼ်ႈယႂ်ႇႁႅင်းလဵၵ်ႉၵႄႇဢႄႇမၢင် လႄႈ လွင်ႈပၢႆးဝူၼ်ႉ ၶိုၵ်ႉၶႅမ်ႉ ၵေႃႈတိုၼ်းဢႄႇမၢင်တႄႉတႄႉ။ ယွၼ်ႉၼၼ်လႄႈ တေဢဝ်ပိူင်တႅၵ်ႈ လွင်ႈပိူင်ပဵၼ်ၼႃႈႁိူၼ်း ဢၼ်ပဵၼ်ၸိူင်ႉ ၼၼ်လႄႈ လႆႈထူပ်းၺႃးပၼ်ႁႃၼၼ်ႉ ပွတ်းဢွၼ်ႇ တွၼ်ႈၼိုင်ႈ လၢတ်ႈၼေၵႂႃႇယူႇ ဝူၼ်ႉဝႃႈတေ ပၼ်ၽွၼ်းလီယူႇသေပိူင်ꧦၼၼ်ႉယဝ်ႉ။
ၼႂ်းပွၵ်ႉဢွၼ်ႇဢၼ် မီးၼႂ်းၸိုင်ႈမိူင်းဢိၼ်ႇတီးယႃးၼၼ်ႉ မီးတႃႇႁိူၼ်းလင်ၼိုင်ႈ ဢမ်ႇမၢၵ်ႈမီးလီပဵၼ်ၵႃႈႁိုဝ်၊ ၵၢၼ်ပေႃႈၶဝ်တႄႉ ႁဵတ်းၵူၼ်း ႁေႃႈၵႃးၸၢင်ႈသေႁႃလဵင်ႉလုၵ်ႈ ၸၢႆးမၼ်းသၢမ်ၵေႃႉ၊ မႄးၼၢင်းမၼ်းၵေႃႈပဵၼ်မႄႈၸဝ်ႈႁိူၼ်းလီလႄႈ ၼႃႈၵၢၼ်ၼႂ်းႁိူၼ်း တႃယႄးၵေႃႈ ပဵၼ်ၵူၼ်း ဢၼ်ဢဝ်ပုၼ်ႈၽွၼ်းတဵမ်ထူၼ်ႈလႆႈၵေႃႉၼိုင်ႈ၊ လုၵ်ႈၸၢႆးၵေႃႉယႂ်ႇ သုတ်းၵေႃႈ ဢသၢၵ်ႈသိပ်းသွင်ပီ၊ ၵေႃႉၵၢင်တႄႉၵဝ်ႈပီ၊ ၵေႃႉလိုၼ်းသုတ်းတႄႉလႆႈသီႇပီ၊ ၵေႃႉပဵၼ် ပေႃႈတႄႉ ၶတ်းၸႂ်ႁႃငိုၼ်း တွၼ်ႈတႃႇ ၼႃႈႁေႃတေႃႁိူၼ်းမၼ်းဝၼ်းꧦၶိုၼ်းꧦဢမ်ႇလိုဝ်းဢမ်ႇ သဝ်းသေ သိုဝ်ႉလႆႈၵႃးၸၢင်ႈမႃးလမ်းၼိုင်ႈယူႇ၊ မီးတႃႇဝၼ်းၼိုင်ႈ ပေႃႈၶဝ်ႁေႃးၵႃးသေ ႁွတ်ႈႁိူၼ်း ဢၢပ်ႇၼမ်ႉသုၵ်ႈႁူဝ်ယဝ်ႉလီငၢမ်း ၵိၼ်ၶဝ်ႈၵိၼ်သင်၊ ဝူၼ်ႉဝႆႉဝႃႈတေလိုဝ်ႈႁိူဝ်ႉတူဝ်ၸႂ်ၼႆယူႇ ၽွင်းၼၼ်ႉ လုၵ်ႈၸၢႆးလူင်မၼ်းၸင်ႇဝႃႈ “ပေႃႈၶႃႈ….ႁဵတ်းၵၢၼ်ႁေႃးၵႃးၼိုင်ႈၸူဝ်ႈမူင်းၼႆႉ လႆႈ ငိုၼ်းမွၵ်ႈၵႃႈႁိုဝ်ၶႃႈ” ထၢမ်ၸိူင်ႉၼႆယူႇ၊ ပေႃႈမၼ်းၵေႃႈၸင်ႇဝႃႈ
“လုၵ်ႈၸၢႆးတေႁဵတ်းသင်လႃႇ ၼိုင်ႈၸူဝ်ႈမူင်းလႆႈယူႇရူၿီႇႁႃႈပၢၵ်ႇတႄႉလႆႈယူႇ” တင်း လၢတ်ႈတင်းတူၺ်း ၸၢႆးလုၵ်ႈၸၢႆးမၼ်းယူႇ။
“ပၼ်လုၵ်ႈၸၢႆးၵူႈသေ ရူၿီႇသၢမ်ပၢၵ်ႇၶႃႈ လုၵ်ႈၸၢႆးမီးၵၢၼ် လွင်ႈယႂ်ႇဢေႃႈ”
ၵွပ်ႈၶေႃႈၵႂၢမ်းလုၵ်ႈၸၢႆးလူင်မၼ်းလႄႈ ပေႃးၶဝ်ၸင်ႇဝႃႈ
“မႂ်းၼႆႉႁၼ်ပုၼ်ႈသုၼ်ႇတူဝ်ၵျႃႉလႃႇဢၢႆႈ၊ ၽွင်းၵဝ်တိုၵ်ႉၶတ်းၸႂ် ႁႃငိုၼ်းတွင်း တွၼ်ႈတႃႇၼႃႈႁိူၼ်း ၵူၺ်းမႂ်းသမ်ႉပုၼ်ႈတႃႇတူဝ်မႂ်းၸႂ်ႉ မႂ်းတိုၵ်ႉ မႃးၵူးငိုၼ်းယူႇၼႆႉ ၵႂႃႇဢွၵ်ႇၵႂႃႇ သိုဝ်ႈၼႃႈၵဝ်ၼႆႉ ၵမ်းလဵဝ်လူး၊”
ဝႆႉသဵင်ၶႅင်ꧦသေလၢတ်ႈတီႈလုၵ်ႈၸၢႆးမၼ်းယဝ်ႉ၊ ၵွပ်ႈၶေႃႈၵႂၢမ်းလႃႇပေႃႈမၼ်းလႄႈ တင်းၼမ်ႉတႃယိုင်ႈႁူၺ်ႇသေ လဵၼ်ႈၶဝ်ႈမိူဝ်းၼႂ်းတီႈ ႁွင်ႈၼွၼ်း မၼ်းၵမ်းလဵဝ်ယဝ်ႉ။ ဝၢႆးသေ ၼၼ်ႉၵမ်းၼိုင်ႈ ပေႃႈမၼ်း ၸင်ႇၶိုၼ်းဝူၼ်ႉဝႃႈ
“ဢမ်ႇပႆႇၸႂ်ႈလၢႆးမၼ်းယူဝ်ႉ လုၵ်ႈၸၢႆးၵဝ်ၼႆႉဢမ်ႇတွၼ်ႉယွၼ်းၵူးငိုၼ်း တီႈၵဝ်သေပွၵ်ႈ မၼ်းတေပဵၼ်ယူႇဢမ်ႇလွင်ႈၼိုင်ႈၵေႃႈ လွင်ႈၼိုင်ႈၵူၺ်း”
တင်းဝူၼ်ႉသေၶဝ်ႈၵႂႃႇၼႂ်းတီႈႁွင်ႈၼွၼ်းလုၵ်ႈၸၢႆးမၼ်းယဝ်ႉ။ ၽွင်းႁွတ်ႈၼႂ်းၼၼ်ႉ လႆႈႁၼ်လုၵ်ႈၸၢႆးမၼ်း ႁႆႈတႄႉႁႆႈဝႃႈယူႇ၊
“လုၵ်ႈၸၢႆး ဢၼ်ၶႆႈယွၼ်းၵူႈငိုၼ်းတီႈပေႃႈပဵၼ် ရူႇၿီႇသၢမ်ပၢၵ်ႇၼႆႉ တေႁဵတ်း သင်လႃႇ လုၵ်ႈၸၢႆး မီးၵၢၼ်လွင်ႈယႂ်ႇၸိူင်ႉႁိုဝ်”
ၽွင်းလုၵ်ႈၸၢႆးမၼ်းလႆႈငိၼ်းသဵင် ပေႃႈမၼ်းလၢတ်ႈၼင်ႇၼၼ် ၸင်ႇၵိုတ်း လွင်ႈႁႆႈ သေ ဢဝ်ဢွၵ်ႇမႃးငိုၼ်းဢၼ်ၵဝ်ႇၵဝ်ႇ ရူႇၿီႇ 1700 ဢၼ် မၼ်းဝႆႉတႂ်ႈမွၼ်ႁူဝ်ၼၼ်ႉယဝ်ႉ။ ၽွင်းပေႃႈ မၼ်းလႆႈ ငိုၼ်းၼၼ်ႉ ၼိူင်ႈၶႅꧣ်းႁဵတ်းႁႂ်ႈပေႃႈမၼ်း ၸႂ်လမ်မႃး ႁႅင်းꧦယဝ်ႉ။
“မႂ်းၼႆႉတိုၼ်းပဵၼ်ၵူၼ်းႁၼ်ပုၼ်ႈသုၼ်ႇတူဝ်တႄႉလူင်၊ မႂ်းပဵၼ်ၵူၼ်းဢၼ် ဢမ်ႇ ဢီးလူၵဝ်လႄႈၼႃႈႁိူၼ်းတႄႉဢႃႉ မႂ်းမီးငိုၼ်းရူႇၿီႇပဵၼ်1700 ၼႆႉတိုၵ်ႉႁတ်းမႃးယွၼ်းယိမ် ငိုၼ်းၵဝ်ယူႇၼႆႉ၊ မႂ်းသမ်ႉၶႆႈဝႃႈႁိုဝ်လႃႇ၊ မႂ်းလူဝ်ႇတွၼ်ႈတႃႇသင်ၵေႃႈယဝ်ႉလႃႈ ၵဝ်ဢမ်ႇပၼ် မႂ်းလႆႈ” လၢတ်ႈၵႂႃႇၸိူင်ႉၼႆယဝ်ႉ။
မိူဝ်ႈမၼ်းလႆႈငိၼ်းပေႃႈမၼ်းလၢတ်ႈၼင်ႇၼၼ် လုၵ်ႈၸၢႆးမၼ်းၶိုၼ်း ႁႆႈမႃး ထႅင်ႈၵမ်းယႂ်ႇ ၵမ်းလူင်သေၸင်ႇ လၢတ်ႈဝႃႈ
“ပေႃႈ ပၼ်လုၵ်ႈလၢတ်ႈဢိတ်ႉꧦၶႃႈ” ယွၼ်းၵႂႃႇၸိူင်ႉၼၼ်ယဝ်ႉ ပေႃႈမၼ်းၵေႃႈ
“ဢီႈသင် လၢတ်ႈလႄႈ” ဝႆႉသဵင်ႈလၢတ်ႈၶႅင်ꧦသေလၢတ်ႈ ၼင်ႇၼႆယူႇ၊
“ငိုၼ်းရူပီႇ 1700 ၼႆႉပဵၼ်ၵႃႈၶဝ်ႈမုၼ်းဢၼ်မႄႈပၼ် ၵႃႈၶဝ်ႈမုၼ်းၵူႈဝၼ်း ꧦၸဵမ်မိူဝ်ႈတိုၵ်ႉၶိုၼ်ႈႁူင်းႁဵၼ်း လုၵ်ႈၵဵပ်းႁွမ်မႃး လႆႈႁႃႈပီပၢႆယဝ်ႉလႄႈ လုၵ်ႈတႅပ်းတတ်းဝႆႉဝႃႈ ဢၢၼ်းႁွမ်ႁႂ်ႈလႆႈရူၿီႇ 2000၊ ၵူၺ်းလုၵ်ႈဢမ်ႇႁႂ်ႈသိုပ်ႇႁွမ်ယဝ်ႉ ပေႃႈႁဝ်းႁေႃးၵႃႈၼႆႉၼိုင်ႈၸူဝ်ႈ မူင်းလႆႈ 500 တႃႇတေတဵမ် 2000 ၼၼ်ႉ လုၵ်ႈၸၢႆးတေဢဝ်ငိုၼ်း 2000ၼႆႉပၼ် ၵႃႈၵႃးပေႃႈသေ လႄႈႁဝ်းၵူၼ်းၼႂ်းၼႃႈႁိူၼ်းဢွၵ်ႇဢႅဝ်ႇ တင်းဝၼ်းမူၼ်ႈꧦသိူဝ်းꧦၼႆလုၵ်ႈ ဝူၼ်ႉမႃးလွင်ႈၼႆႉ ၶၢဝ်းတၢင်း ႁႃႈပီပၢႆ ယဝ်ႉ ပေႃႈဢူၺ်”။
ယၢမ်းဢမ်ႇထၢင်ႇထိူမ်သေ လႆႈငိၼ်းၶေႃႈၵႂၢမ်းၼင်ႇၼၼ် ၵေႃႉပဵၼ်ပေႃႈၵေႃႈ လႆႈတိူဝ်ႉၸႂ်တႄႉယဝ်ႉဝႃႈ ပိူင်ပဵၼ်မၼ်းတႄႉမီးၼင်ႇၵူၺ်း၊ ၵေႃႉပဵၼ် ပေႃႈတႄႉပုၼ်ႈတႃႇၵၢၼ်ပၢႆး မၢၵ်ႈမီးၼႃႈႁိူၼ်းၼၼ်ႉလွင်ႈၼိုင်ႈ၊ ဢမ်ႇတူၺ်းထိုင်လႆႈၼႃႈႁိူၼ်း၊ ဢမ်ႇပၼ်လႆႈၶၢဝ်းယၢမ်း လွင်ႈဢုၼ်ႇၸႂ် လႄႈ ယူႇသဝ်းၸွမ်းလုၵ်ႈလၢင်းလႄႈၵူၼ်းၼႂ်းၼႃႈႁိူၼ်း လွင်ႈႁၢပ်ႉႁူႉႁၼ်ၼႂ်း ၼႃႈႁိူၼ်းၼၼ်ႉၵေႃႈ ဢမ်ႇလႆႈဝႆႉၼၵ်းၼႃ၊ ဢမ်ႇလူလွမ်တူၺ်းထိုင်လႆႈမႃးလီꧦ၊ လွင်ႈၼႆႉတႄႉ ဢမ်ႇၸႂ်ႈမၼ်းၵူၺ်း၊ ႁမ်ႉၼမ်ဝၼ်းၼႂ်းဝၼ်းမိူဝ်ႈၼႆႉ ပုၼ်ႈတႃႇလွင်ႈၵိၼ်လွင်ႈယႅမ်ႉ ၼႃႈႁိူၼ်းၸဝ်ႈၵဝ်ႇ တင်းပႄႉတူဝ်ဢမ်ႇပႄႉလႆႈႁၢမ်ႇႁၢမ် ႁႃႁဵတ်းၵၢၼ်ဝၼ်းလႅင်း တေႃႇမိူင်းၶမ်ႈသေ လႆႈဢဝ်ၶၢဝ်းယၢမ်း သဵင်ႈၸွမ်းၼၼ်ႉၵႂႃႇ၊ ၵွပ်ႈလွင်ႈတၢင်းယၢပ်ႇၽိုတ်ႇ ၼႃႈႁိူၼ်း၊ လုၵ်ႈယိင်းလုၵ်ႈၸၢႆး၊ လႄႈလွင်ႈ မူၼ်ႈသိူဝ်းၼႃႈႁိူၼ်းၼၼ်ႉ ဢမ်ႇလႆႈဝႆႉၼၵ်းၼႃဢမ်ႇလႆႈတူၺ်းထိုင်လီ မိူၼ်ဝႃႈပဵၼ် ၸိူင်ႉၼၼ်ၵႂႃႇ၊ လွင်ႈပၼ်ႁႃႇဢၼ်ပေႃႇ ပဵၼ်ၵမ်းဢွၼ်ႇ ၵမ်းၼိုင်ႈ ၼၼ်ႉပေႃးဢမ်ႇဝူၼ်ႉ တႅပ်းတတ်းလီꧦ ၵွပ်ႈပိူဝ်ႈဢမ်ႇမီးလွင်ႈ ပၢႆးၸႂ်ၶိုၼ်ႈယႂ်ႇလႄႈ ၸိူဝ်းပဵၼ်လွင်ႈၶုၺ်ႉႁၼ် လုၵ်ႈယိင်း လုၵ်ႈၸၢႆး ၼၼ်ႉၵေႃႈဢမ်ႇဝူၼ်ႉတေႃႇ၊ ဢမ်ႇယၢမ်ႈပွင်ႇၸႂ်မႃး၊ ပေႃးတူၺ်းၸမ် မိူၼ်ဝႃႈမိူၼ်ၵႆ ၸိူင်ႉၼင်ႇဝႃႈ၊ ၸိူဝ်းပဵၼ်လုၵ်ႈယိင်း လုၵ်ႈၸၢႆးၼၼ်ႉၵေႃႈ ဢမ်ႇပၼ်လွင်ႈဢုၼ်ႇၸႂ်၊ ပေႃးဢမ်ႇ မီးလွင်ႈၶိုၼ်ႈယႂ်ႇပၢႆးၸႂ်ၼႆ ဢသၢၵ်ႈလူႉႁၢႆသုတ်းသဵင်ႈပႅတ်ႈၼႆလူးတေႁဵတ်းႁိုဝ်လႃႇ၊ ၼင်ႇႁိုဝ်တေ ဢမ်ႇပဵၼ်ၼင်ႇၼၼ် ၵူၼ်းႁဝ်းၵူႈၵေႃႉꧦ ၼႆႉထုၵ်ႇလီ ဝႆႉၼၵ်းꧦၸူမ်ꧦသေဝူၼ်ႉယူႇယဝ်ႉ။ တီႈၼႂ်း လေႃးၵၼႆႉ သင်ဝႆႉၵႃႈၶၼ် ပၼ်ၶၢဝ်းယၢမ်း ၼႃႈႁိူၼ်းၸဝ်ႈၵဝ်ႇ လိူဝ်သေၶူဝ်းၶွင်ပေႃးၼႆၸိုင် မိူၼ် တင်းၽိူမ်ထႅမ် ၵတ်ႉၸဝ်ႈၵဝ်ႇယဝ်ႉ။ ၽူႈတႅမ်ႈတႄႉဝူၼ်ႉၼင်ႇၼၼ်ယူႇၶႃႈ၊ ၵွပ်ႈၼၼ် ၵူၼ်းၵူႈၵေႃႉၼႆႉ ယႃႇပေပႅတ်ႈဝႆႉၼႃႈႁိူၼ်းၸဝ်ႈၵဝ်ႇလႄႈ၊ ႁႂ်ႈႁၼ်ၵႃႈၶၼ်ဢူၺ်း ၵေႃႉ ဢူၺ်းသေႈ လႄႈ ၼႃႈႁိူၼ်းတႃယႄး ၸဝ်ႈၵဝ်ႇလိူဝ်သေၶူဝ်းၶွင် သေၵမ်း ႁႂ်ႈမေႃႁူႉထိုင်ၽွင်ႈ လွင်ႈၵၢင်ၸႂ်လုၵ်ႈ လႄႈ ၼႃႈႁိူၼ်းတႃ ယေး ၵၼ်ၵူႈၵေႃႉသေၵမ်း။
ပိၼ်ႇတႅမ်ႈ- သၢႆၼမ်ႉတဵင်း(မိူင်းၵိုင်)
ၽိုၼ်ဢိင်--သင်.....ခွင့်လွတ်တတ်ပြီလား/ချမ်းငြိမ်း(ဟံသာဝတီ),၂၀၂၁
10/05/2022