ၽူႈၸႂ်ႉတိုဝ်း:Saonandi(Numtham)/sandbox

ပိုၼ်းၵႅပ်ႈ ဝဵင်းလွႆလႅမ်

ဝဵင်းလွႆလႅမ်ၼႆႉ မီးဝႆႉၼိူဝ်သဵၼ်ႈတၢင်းလူင် လုၵ်ႉတူၼ်ႈတီးၵႂႃႇၵဵင်းတုင်ယဝ်ႉ။ ပေႃးယူႇတီႈဝဵင်းသေ မုင်ႈယဵမ်ႈၵႂႃႇၽၢႆႇတူၵ်းၼၼ်ႉၸိုင် တေလႆႈႁၼ်လွႆလုၵ်ႈၼိုင်ႈ သုင်သေပိူၼ်ႈဢမ်ႇၵႃး လႅမ်ၸီးလိတ်းဝႆႉလႄႈ ဝဵင်းၼၼ်ႉ ၸင်ႇႁွင်ႉၸွမ်းၸိုဝ်ႈလွႆၼၼ်ႉသေ ပဵၼ်မႃးဝဵင်းလွႆလႅမ်ယဝ်ႉ။ ဝဵင်းလွႆလႅမ်လႄႈ လွႆလႅမ် တေယၢၼ်ၵႆၵၼ် မွၵ်ႈ (4) လၵ်းသေ ၼိူဝ်လွႆၼၼ်ႉ မီးၵွင်းမူးလႄႈ ယၢမ်းလဵဝ် ပဵၼ်တီႈၵူၼ်းမႃးလႄႇမုင်ႈယဵမ်ႈတူၺ်း သၽႃႇဝ တၢင်းႁၢင်ႈလီ မွၵ်ႇၵုမ်ႈပၢင်ႇလၢႆႇယူႇယဝ်ႉ။ ဝဵင်းလွႆလႅမ်ၼႆႉ သုင်လိူဝ်ၼမ်ႉပၢင်ႇလၢႆႇ 4447 ထတ်းသေ ပေႃးၶၢဝ်းၵတ်းၼႆ ပဵၼ်ဝဵင်းဢၼ်ၵတ်းလိူဝ်ပိူၼ်ႈဝဵင်းၼိုင်ႈ ၼႂ်းမိူင်းတႆးယဝ်ႉ။ မိူဝ်ႈပၢၼ်ၸဝ်ႈၽႃႉၶဝ်ၼၼ်ႉ ဝဵင်းလွႆလႅမ်တိုၵ်ႉပဵၼ် ဝၢၼ်ႈဢွၼ်ႇၵူၺ်း ထိုင်မႃး 1902 ၼၼ်ႉ ၶုၼ်ဢင်းၵိတ်ႉၶဝ် ၸင်ႇပဵၼ်မႃးပၵ်းလုမ်း ၼႃႈတီႈဢုပ်ႇပိူင်ႇၶဝ်သေ ထိုင်မႃး လိူၼ် 1. Jun, 1907 ၼၼ်ႉ ၶဝ်မၵ်းမၼ်ႈ ပဵၼ်မႃးဝဵင်းဢွၼ်ႇ ဢၼ်ၼိုင်ႈၼၼ်ႉယဝ်ႉ။ ႁူဝ်ၼပ်ႉၵူၼ်း ဢၼ်ယူႇသၢင်ႈသဝ်း မိူဝ်ႈ 1931 ၼၼ်ႉ မီးႁူဝ်ၵူၼ်း 1369 သေၶဝ်ပႃးဝႆႉ ၸၢဝ်းၶိူဝ်း တႆး လွႆ မၢၼ်ႈ ဢိၼ်းတီးယႃး လႄႈ ၶႄႇ ၼႆယဝ်ႉ။ ဝၢႆးလင်လႆႈလွတ်ႈလႅဝ်းမိူင်းမၢၼ်ႈယဝ်ႉ ပီ 1952 ၼၼ်ႉ ဝဵင်းလွႆလႅမ် မၵ်းမၼ်ႈ ပဵၼ်ဝဵင်းၸႄႈတွၼ်ႈ ဢၼ်ၶဝ်ႈပႃးဝႆႉ (11) ၸေႈဝဵင်း မိူၼ်ၼင်ႇ လၢႆးၶႃႈ၊ မိူင်းၵိုင်၊ ၵေးသီး၊ မိူင်းသူႈ၊ မိူင်းၼၢႆး၊ မွၵ်ႇမႆႇ၊ လၢင်းၶိူဝ်း၊ မိူင်းပၼ်ႇ၊ ၼမ်ႉၸၢင်၊ ၵုၼ်ႁဵင် ၸိူဝ်းၼႆႉယဝ်ႉ။ ၵူၺ်းဝၢႆးလင် 2008 ၼၼ်ႉ ၸိူင်ႉၼင်ႇ ၼမ်ႉၸၢင်၊ မိူင်းသူႈ၊ လႄႈ လၢင်းၶိူဝ်း ၸိူဝ်းၼႆႉ ပဵၼ်မႃးၸႄႈတွၼ်ႈႁင်းၶေႃယဝ်ႉ။ ႁူဝ်ၼပ်ႉၵူၼ်း မိူဝ်ႈ (2019-2020) မီး 127831 ယဝ်ႉ။

ၵျွင်းမုၼ်ၸဝ်ႈ

ၵျွင်းတီႈၵိူဝ်းယမ် မီးၵျွင်းမုၼ်ၸဝ်ႈၶရဵတ်ႉ တီႈဝၢၼ်ႈႁူဝ်ၶၢႆးသေ ပဵၼ်တီႈယူတ်းယႃတင်းပဵၼ်တုတ်ႈ (အနာကြီးရောဂါ) လႄႈ ၵျွင်းမုၼ်ၸဝ်ႈ ၸၢဝ်းပုတ်ႉ (9) ၵျွင်း ဢၼ်မီးၼႂ်းဝဵင်း ၊ လိူဝ်ၼၼ်ႉ မီးပႃး ၵျွင်းပလီႇ လႄႈ ၵျွင်းႁိၼ်ႇတူႇ ၶဝ်ၵိူဝ်းယမ်ယူႇယဝ်ႉ။

ထၢတ်ႈၸေးတီး ၵွင်းမူး

ၵွင်းမူးလွႆလႅမ် ဢၼ်မီးၼိူဝ်လွႆ ၽၢႆႇတူၵ်းဝဵင်းလွႆလႅမ်၊ ၵွင်းမူးလွႆဝဵင်း (ၵွင်းမူးၸဝ်ႈၶူးဝႃးဝုၼ်းၸုမ်ႉ) ၵွင်းမူးယွၼ်းသူးတဵမ်ထူၼ်ႈ ၵျွင်းထၢတ်ႈတေႃႇ၊ (ဆုတောင်းပြည့်စေတီတော်) ၵွင်းမူးပုတ်း (မႆႉၺွင်ႇၵဝ်ႈတူၼ်ႈ)၊ (ညောင်ကိုးပင်စေတီတော်) ၵွင်းမူးမူၺ်ႇတေႃႇ၊ (မွေတော်ဖီပြစေတီတော်) ၵွင်းမူး မႁႃႇထူႇပႃႇယူင်ႇ (မဟာထူပါရုံစေတီတော်)

တီႈယဵမ်ႈလႄႇ

ၼမ်ႉၼွင်ၵႃးလႃး (မြကန်သာ) ပၢင်ႇလဵၼ်ႈၵွပ်ႉၽ် (ဂေါက်ကွင်း)

ၽိုၼ်ဢိင်=

ၸဝ်ႈလႅင်းၸႅင်ႈ ၸၼိၼ်တ။ ပွႆးယၢတ်ႇၼမ်ႉ ႁူင်းထမ်းလူင် တိူၵ်ႈသွၼ်လိၵ်ႈသႃႇသၼဝိပုလ ဝတ်ႉထၢတ်ႈတေႃႇ၊ ဝဵင်းလွႆလႅမ်

ၵႂၼ်းသႅင်မိူင်းတႅမ်ႈ ပိုၼ်းလွႆလႅမ်ၵမ်ႈၽွင်ႈ

ဆရာ အောင်စိုးမိုး လွိုင်လင်မြို့အကြောင်း (၁-၄) face book