ၽူႈၸႂ်ႉတိုဝ်း:Sujata Khamhsai/sandbox

ၵႂၢမ်းၸူၺ်ႉ

ၵႂၢမ်းၸူၺ်ႉၼႆႉ ႁဝ်းဢဝ်ၸႂ်ႉတိုဝ်းတီႈ ၵၢၼ်လၢတ်ႈတေႃႇၵၼ် တီႈဢၼ်ႁဝ်း ဢမ်ႇၶႂ်ႈလၢတ်ႈသိုဝ်ႈသိုဝ်ႈၼၼ်ႉယဝ်ႉ။ မိူၼ်ၼင်ႇ ႁဝ်းၶႂ်ႈၵိၼ်ၼိူဝ်ႉဝူဝ်း ႁဝ်းသမ်ႉဢမ်ႇဝႃႈသိုဝ်ႈသိုဝ်ႈသေ ႁဝ်းသမ်ႉဝႃႈ “မိူဝ်ႈၼႆႉ တႃႉၶႂ်ႈၵိၼ်ၽၵ်းလႅင်ၵူၺ်းဢိူဝ်ႈၼေႃ။” ၸိူဝ်းၼႆႉ ပဵၼ်ၵႂၢမ်းၸူၺ်ႉယဝ်ႉ။

ၸႂ်ႉတိုဝ်းတီႈလွင်ႈႁဵတ်းသၢင်ႈ

1. ၼၢမ်ၸူၵ်ႉ ဢဝ်ၼၢမ်မူင်ႇ

တီႈပွင်ႇ- ပေႃးပိူၼ်ႈ ဢဝ်သင်ႁဵတ်းတီႈႁဝ်းၵေႃႈ ႁဝ်းလူဝ်ႇလွင်ႈၼၼ်ႉတွပ်ႇၶိုၼ်း။

လၢႆးၸႂ်ႉတိုဝ်း - ပေႃးမၼ်းၸၢႆး ပေႉၵိၼ်ႁဝ်းတိၵ်းတိၵ်းတႄႉ ၼၢမ်ၸူၵ်ႉၵေႃႈ လူဝ်ႇဢဝ်ၼၢမ်မူင်ႇၵူၺ်းယဝ်ႉဝႃႈ။

2. လွင်ႈၼိုင်ႈသွင်တၢင်း ၶိုၼ်ႈမၢၵ်ႇလၢင်းလႆႈပႃးမၢၵ်ႇမူင်ႈ

တီႈပွင်ႇ- ႁဵတ်းပွၵ်ႈလဵဝ် ၼႃႈၵၢၼ်ယဝ်ႉတူဝ်သွင်ဢၼ်။

လၢႆးၸႂ်ႉတိုဝ်း- မိူဝ်ႈၼႆႉမႂ်းၵႂႃႇလႂ်မႃး။ ၶႃႈၵႂႃႇၵၢတ်ႇမႃး။ ၶႃႈတႄႉမိူဝ်ႈၼႆႉ လွင်ႈၼိုင်ႈသွင်တၢင်း ၶိုၼ်ႈမၢၵ်ႇလၢင်းလႆႈပႃးမၢၵ်ႇမူင်ႈယဝ်ႉ။

3. တီႈၶူမ်းဢမ်ႇယၢႆး တီႈၵၢႆးဢမ်ႇတိူၼ်ႇ

တီႈပွင်ႇ- တီႈဢၼ်ၽိတ်းသမ်ႉဢမ်ႇဝႃႈသင် တီႈဢၼ်ဢမ်ႇႁဵတ်းၽိတ်းသမ်ႉလႆႈထုၵ်ႇထႃႉလႃႇ။

လၢႆးၸႂ်ႉတိုဝ်း- တူၺ်းလူး ၽူႈတႅမ်ႈၶၢဝ်ႇၸိူဝ်းၼႆႉ တီႈၶူမ်းဢမ်ႇယၢႆး တီႈၵၢႆးဢမ်ႇတိူၼ်ႇၼေႃ။

4. မိုဝ်းယၢဝ်း

တီႈပွင်ႇ- ၽူႈလၵ်ႉ

လၢႆးၸႂ်ႉတိုဝ်း- ၽၢင်ႉသတိလီလီၼႃႈ ၼႄႈၼႄႈ ၵူၼ်းမိုဝ်းယၢဝ်း မီးတၢင်းၼႃႈႁိူၼ်းႁဝ်းယဝ်ႉၼႄႈ။

5. ၵူၼ်ႈၼၵ်း

တီႈပွင်ႇ- ၵူၼ်းၶၢၼ်ႉ

လၢႆးၸႂ်ႉတိုဝ်း- ၸၢႆးၵေႃႉၼၼ်ႉ ပိူၼ်ႈႁဵတ်းၵၢၼ်သင်မၼ်းဢမ်ႇမေႃၸွႆႈပိူၼ်ႈ မၼ်းပဵၼ်ၵူၼ်းၵူၼ်ႈၼၵ်းဢိူဝ်ႈၼၼ်ႉ။

6. မိုဝ်းမဝ်

တီႈပွင်ႇ- ၵူၼ်းၵႆႉ

လၢႆးၸႂ်ႉတိုဝ်း- ယိင်းၵေႃႉၼၼ်ႉ ပိူၼ်ႈႁဵတ်းၵၢၼ်သင်ၵေႃႈ မၼ်းၸွႆႈတိၵ်းတိၵ်းဢႄႉ မၼ်းၼၢင်းပဵၼ်ၵူၼ်း မိုဝ်းမဝ်တႄႉၼေႃ။

7. သူပ်းမဝ်

တီႈပွင်ႇ- ၵႆႉလၢတ်ႈၵႂၢမ်း

လၢႆးၸႂ်ႉတိုဝ်း- ၸၢႆးဢွၼ်ႇၵေႃႉၼႆႉ ပဵၼ်ၵူၼ်းသူပ်းမဝ်ဢိူဝ်ႈၼေႃ။ ပေႃးမီးပီႈၼွင်ႉမႃး မၼ်းလၢတ်ႈၵႂၢမ်းတူင်ႉတၵ်ႉတႃႇသေႇ။

8. သူပ်းၼၵ်း

တီႈပွင်ႇ- ဢမ်ႇၵႆႉလၢတ်ႈၵႂၢမ်း

လၢႆးၸႂ်ႉတိုဝ်း- လုၵ်ႈဢွၼ်ႇၵေႃႉၸိုင်ပေႉသူပ်းၼၵ်းၼေႃ။ ပႃႈၶဝ်မႃးလႄႇၵေႃႈဢမ်ႇတၵ်းသဵင်သင်။

ၸႂ်ႉတိုဝ်းတီႈၶဝ်ႈၽၵ်း

1. ၽၵ်းမွၵ်ႇမိူင်းၸမ်လႅင်း

တီႈပွင်ႇ- ၼိူဝ်ႉၵႆႇ

လၢႆးၸႂ်ႉတိုဝ်း- မိူဝ်ႈၼႆႉပေႃႈၵိၼ်သင်ၵေႃႈဢမ်ႇဝၢၼ်။ လုၵ်ႈႁဵတ်းပၼ်ၽၵ်းမွၵ်ႇမိူင်းၸမ်လႅင်းတႃႇၶဝ်ႈၶမ်ႈၽွင်ႈၼႃႉ။

2. ၽၵ်းလႅင်

တီႈပွင်ႇ- ၼိူဝ်ႉဝူဝ်း

လၢႆးၸႂ်ႉတိုဝ်း- ဢမ်ႇမီးၽႂ်ၵႂႃႇၵၢတ်ႇႁႃႉဢႄႉ ၶႂ်ႈၽၢၵ်ႇသိုဝ်းၽၵ်းလႅင်မႃးၽွင်ႈၼႆၵႂႃႈ။

3. ၽၵ်းၽိူၵ်ႇ

တီႈပွင်ႇ- ၼိူဝ်ႉမူ

လၢႆးၸႂ်ႉတိုဝ်း- ပေႃးသူၵႂႃႇၵၢတ်ႇၼႆ ယႃႇလိုမ်းသိုဝ်ႉပႃး ၽၵ်းၽိူၵ်ႇၽွင်ႈၼႃႈ။

4. မၢၵ်ႇၵေႃႇၼမ်ႉ

တီႈပွင်ႇ- ႁွႆ

လၢႆးၸႂ်ႉတိုဝ်း- မိူဝ်ႈၼႆႉ လုၵ်ႈတေၵႂႃႇပဵၼ်းတူဝ်တီႈၼမ်ႉၼိမ်းၼၼ်ႉဢေႃႈ။ ပေႃးၵႂႃႇပဵၼ်းတဝ်းၵေႃႈ ယႃႇလိုမ်းၵဵပ်းပႃး မၢၵ်ႇၵေႃႇၼမ်ႉၼႃႈ။

5. ထူဝ်ႇတႅပ်ႇၼမ်ႉ

တီႈပွင်ႇ- ပႃ

လၢႆးၸႂ်ႉတိုဝ်း- တႃႇၶဝ်ႈဝၼ်းၼႆႉ မီးၽၵ်းႁႅင်ႈလၢႆလၢႆ ပေႃးၶဝ်ႈၶမ်ႈမႃး ယႃႇလိုမ်းႁုင်ပႃးထူဝ်ႇတႅပ်ႇၼမ်ႉႁဝ်းၼႃႈ။