ပုတ်ႉထႃႇၼုသ်သတိ ၽႃႇဝႃႇၼႃႇ
(လုၵ်ႉတီး ၿုꩪ်ႉꩪႃႇၼုသ်သတိၽႃႇဝႃႇၼႃႇ ၼႆႈသေ ၶိုၼ်းပိၼ်ႇဝၢႆႇမႃး)
တႄႇဢဝ်ၵုင်ႇ "ဢရႁၢမ်ႇ" ၵႂႃႇ ၼႂ်းၵႃႈၵုင်ၸဝ်ႈၵဝ်ႈပိူင်ၼၼ်ႉ ဢမ်ႇဢဝ်သူပ်းဢွၵ်ႇသဵင်သေ ၸဝ်ႈၵဝ်ႇလႆႈၸႂ်ၵုင်ဢၼ်လႂ်ၵေႃႈ ဢဝ်သႂ်ႇၸႂ် ၶုၵ်းၶူၼ်ႉဝူၼ်ႉၶွပ်ႈၼႂ်းၸႂ်ယူႇ ၶိူဝ်းၶိူဝ်းယႂ်းယႂ်းၼၼ်ႉ ႁွင်ႉဝႃႈ ၿုꩪ်ႉꩪႃႇၼုသ်သတိယဝ်ႉ။
ၽွၼ်းလီ ၿုꩪ်ႉꩪႃႇၼုသ်သတိ ၽႃႇဝႃႇၼႃႇ
[မႄးထတ်း | မႄးထတ်းငဝ်ႈငႃႇ]ပုၵ်ႈၵူဝ်ႇၵေႃႉဢၼ် ၶုၵ်းၶူၼ်ႉဝူၼ်ႉၶွပ်ႈ ၿုꩪ်ႉꩪႃႇၼုသ်သတိၽႃႇဝႃႇၼႃႇၼၼ်ႉ ၸၢင်ႈလႆႈၽွၼ်းလီ ၸိူင်ႉၼင်ႇတီးတႂ်ႈၼႆႉယဝ်ႉ။
- ႑. ၼပ်ႉယမ်မုၼ်ၶမ်းၽြႃးလိူဝ်တွၼ်းယဝ်ႉသေ ယုမ်ႇယမ်တိုဝ်းၵမ်ၸွမ်း ၶေႃႈသင်ႇသွၼ် မုၼ်ၶမ်းၽြႃးလိူဝ်သေဢွၼ်တွၼ်းသေၵဝ်ႇ။
- ႒. ၵွပ်ႈပိူဝ်ႈ ၵမ်းၵမ်းၶုၵ်းၸႂ်လႆႈ မုၼ်ၶမ်းၽြႃးလႄႈ သတိတြႃးလီသေဢမ်ႇၵႃး တေႃႇထိုင်ဢႃႇယုထဝ်ႈၵႄႇမႃးၵေႃႈ ဢမ်ႇမေႃလိုမ်း။
- ႓. ၺၢၼ်ႇပၺႃႇ တိူဝ်းတွၼ်းလိူဝ်မႃး။
- ႔. ဢဝ်ၺၢၼ်ႇၵိုၵ်းၵပ်းတိတ်းၸပ်းပႃးလႄႈ တေယုမ်ႇယမ်မုၼ်ၶမ်းၽြႃး လိူဝ်တွၼ်းမႃး။
- ႕. မုၼ်ၵၢမ်ႇယႂ်ႇ။
- ႖. ၸႂ်ႇသိူဝ်းသႃႇၸိုၼ်ႈသႂ်ၵတ်းယဵၼ်သေ ဢမ်ႇႁိုင်ဢမ်ႇႁိုင် ၶူၼ်တုမ်ႇၼိူဝ်ႉၵႆႉၵီႈ ယွၼ်ႉၸူမ်းသိူဝ်း။
- ႗. ထူပ်းၽေးၶဵၼ်မႃးသေတႃႉ ဢမ်ႇတိုၼ်ႇၽၢၼ်ႈၵူဝ်ႁႄ။
- ႘. မိူၼ်ၼင်ႇလႆႈယူႇၸမ်မုၼ်ၶမ်းၽြႃးလႄႈ တႃႇတေပူၼ်ႉပႅၼ် ၽိတ်းပိူင်ႈၼၼ်ႉ ဢမ်ႇပဵၼ်။
- ႙. ၵူၼ်းၵေႃႉဢၼ်ႁဵတ်း ၿုꩪ်ႉꩪႃႇၼုသ်သတိၽႃႇဝႃႇၼႃႇၼၼ်ႉ တီႈတူဝ်ၸႂ်မၼ်းမိူၼ်ၼင်ႇ ထၢတ်ႈၸေႇတီႇၵွင်းမူးလႄႈ ၽီသၢင်သတ်းၵူၼ်းဝႆႈထိူၵ်ႈ။
- ႑႐. တႃႇတေႁဵတ်းၵၢၼ် ဢၵူႉသူဝ်ႇမိူၵ်ႈမႂ်ႈၼၼ်ႉ မေႃၵူဝ်မေႃဢၢႆမႃး။
- ႑႑. မီးၸႂ်ၶႂ်ႈပဵၼ်မုၼ်ၶမ်းၽြႃး
- ႑႒. ၸၢတ်ႈၼႆႉ ပႆႇၸၢင်ႈလႆႈမၢၵ်ႈၽူဝ်ႇသေတႃႉ ၸၢတ်ႈၼႃႈမႃး ႁွတ်ႈထိုင် သုၵတိ။
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]ၼႃးလိၵ်ႈ (႑႕႕) ၊ တြႃးပုတ်ႉထၽႃႇသႃႇ (ၸၼ်ႉငဝ်ႈ) ထၢၼ်ၽွင်းလူင်သႃႇသၼႃႇ၊ ဢိတ်ႇဢွၵ်ႇတီႈ ထၢၼ်ၵူမ်းသႃႇသၼႃႇ ပီ 1999