ၵူပ်းၵိၼ်လိူၼ်

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး

လူၵ်ႈလုမ်ႈၾႃႉၼႆႉ ပၼ်ႇလူၵ်ႈတႃဝၼ်းဝႆႉယူႇ။ လူၵ်ႈလိူၼ်သမ်ႉၶိုၼ်း ပၼ်ႇလူၵ်ႈလုမ်ႈၾႃႉဝႆႉယူႇ။ လူၵ်ႈလိူၼ်ၼႆႉ တၢင်းယႂ်ႇမၼ်းမီးယူႇ ၼႂ်းၵႃႊ 400 ပုၼ်ႈလူၵ်ႈတႃဝၼ်းၼၼ်ႉ 1 ပုၼ်ႈၵူၺ်းၶႃႈဢေႃႈ။ ၵူၺ်းၵႃႊ လူၵ်ႈတႃဝၼ်းၼႆႉ ယူႇၵႆၵၼ်တင်း လုမ်ႈၾႃႉ လိူဝ်သေ လူၵ်ႈလိူၼ်ၵႆၵၼ်တင်း လုမ်ႈၾႃႉဝႆႉယူႇ 400 ပုၼ်ႈလႄႈ

သင်ဝႃႈ ယူႇတီႈလူၵ်ႈလုမ်ႈၾႃႉသေ တူၺ်းၼႆ မိူၼ်ႁၢင်ႊ တႃဝၼ်းလႄႈ လူၵ်ႈလိူၼ် ယႂ်ႇပဵင်းၵၼ်ဝႆႉယူႇ။ လူၵ်ႈလိူၼ်လႄႈ လုမ်ႈၾႃႉၼႆႉ ပဵၼ်ဢၼ် သၢႆႁိူဝ်ႈလႅင်း ဢမ်ႇပွင်ႇလႆႈ တင်းသွင်လူၵ်ႈယဝ်ႉ။

ယွၼ်ႉၼႆလႄႈ သင်ဝႃႈယူႇၵႆလႅတ်ႈၼႆ တေမီးငဝ်းလပ်းသိုင်ႇမၼ်းဝႆႉယူႇ။ ယွၼ်ႉၵွပ်ႈ ငဝ်းလပ်းဢၼ်ၼၼ်ႉသေၸင်ႇႁဵတ်းႁႂ်ႈ ပဵၼ်မႃး တႃဝၼ်းမွတ်ႇ ၵူပ်းၵိၼ်ဝၼ်း လႄႈ လူၵ်ႈလိူၼ်မွတ်ႇ ၵူပ်းၵိၼ်လိူၼ် ၽွင်း လူၵ်ႈ သၢမ်လူၵ်ႈၼႆႉ တူၵ်းမႅၼ်ႈ သိုဝ်ႈသိုဝ်ႈၵၼ်ၼၼ်ႉယဝ်ႉ။ ၽွင်းမိူဝ်ႈ လူၵ်ႈလိူၼ်တူၵ်းႁွတ်ႈ ၼႂ်းၵႄႈ တႃဝၼ်းလႄႈ လုမ်ႈၾႃႉ သိုဝ်ႈသိုဝ်ႈၼၼ်ႉ လူၵ်ႈလိူၼ်ၼႆႉ ႁႄႈပႅတ်ႈ တႃဝၼ်းၵႂႃႇယူႇယဝ်ႉ။

ၵမ်းၼၼ်ႉ ဢၼ်ပဵၼ် ငဝ်းလပ်းသိုင်ႇ လိူၼ်ၼၼ်ႉ တူၵ်းႁွတ်ႈတီႈလုမ်ႈၾႃႉလႄႈ ၸင်ႇပဵၼ် တႃဝၼ်းမွတ်ႇ ၵူပ်းၵိၼ်ဝၼ်းၼၼ်ႉယဝ်ႉၶႃႈ။ မိူၼ်ၼၼ်ၼင်ႇၵဝ်ႇ ၽွင်းမိူဝ်ႈ လူၵ်ႈလုမ်ႈၾႃႉတူၵ်းႁွတ်ႈ ၼႂ်းၵႄႈ တႃဝၼ်းလႄႈ လူၵ်ႈလိူၼ် သိုဝ်ႈသိုဝ်ႈၼၼ်ႉ ဢၼ်ပဵၼ် ငဝ်းလပ်းသိုင်ႇ လုမ်ႈၾႃႉၼၼ်ႉ တူၵ်းႁွတ်ႈတီႈလူၵ်ႈလိူၼ်လႄႈ ၸင်ႇပဵၼ် လူၵ်ႈလိူၼ်မွတ်ႇ ၵူပ်းၵိၼ်လိူၼ် ၼၼ်ႉယဝ်ႉ။

ၵူပ်းၵိၼ်ဝၼ်း ပဵၼ်ၵႂႃႇမိူဝ်ႈဝၼ်းထီႈ 26.12.2019 ၼႂ်းၶၢဝ်းယၢမ်း 8 မူင်း 59 မိၼိတ်ႉ ၵၢင်ၼႂ် တေႃႇထိုင် 11 မူင်း 47 ၵၢင်ၼႂ် (ၶၢဝ်းယၢမ်းမိူင်းမၢၼ်ႊ) ၼၼ်ႉၶႃႈ။

ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]