ၶိူဝ်းသိုပ်ႇၶုၼ်မိူင်းဢႃႇဝႃႉ
ၶိူဝ်းသိုပ်ႇၶုၼ်မိူင်းဢႃႇဝႃႉ
သင်တေလၢတ်ႈလွင်ႈၶိူဝ်းသိုပ်ႇၶုၼ်မိူင်းဢႃႇဝႃႉၼႆၸိုင်တေလႆႁၼ်မီးဝႆႉယူႇသၢမ်တွၼ်ႊ။ ပၢၼ်ဢႃႇဝႃႉပၢၼ်ဢွၼ်၊ ပၢၼ်ဢႃႇဝႃႉပၢၼ်ၵၢင်လႄႈ ပၢၼ်ဢႃႇဝႃႉပၢၼ်လိုၼ်းၼႆသေ တေမီးဝႆႉယူႇသၢမ်တွၼ်ႊ။ ၶိူဝ်းသိုပ်ႇၶုၼ်မိူင်းဢႃႇဝႃႉတင်းသဵင်ႈတေမီးယူႇ(20)တူၼ်ၼႆယဝ်ႉ။ ၸွမ်းၼင်လႆႈလဵပ်ႈႁဵၼ်းမႃးတီႈၽိုၼ်လိၵ်ႈလၢႆးမၢၼ်ႊၶဝ်ဝႃႈတႄႉၵေႃႈၶိူဝ်းသိုၵ်ႇၶုၼ်မိူင်းဢႃႇဝႃႉၼႆ ပဵၼ်ၸဝ်ႈတႆး ဢမ်ႇၼၼ် ပဵၼ်ၸၢမ်းၶိူဝ်းတႆးၼႆယဝ်ႉ။
ၽူႈၵေႃႉတႄႇတင်ႈမိူင်းဢႃႇဝႃႉတႄႉၵေႃႈပဵၼ် ၸဝ်ႈသတူဝ်းမင်းၾႃႉ( သတိုးမင်းဖျား)ၼႆယဝ်ႉ။ မၼ်းၸဝ်ႈၼႆႉပဵၼ်လုၵ်ႈၸဝ်ႈၾႃႉတႆး တီႈမိူင်းၵွင်းၼႆယဝ်ႉ။ မၼ်းၸဝ်ႈလႆႈၽၢတ်ႈမိူင်းပၢင်ယႃႈလႄႈမိူင်းၸေႊၵႅင်းသေယဝ်ႉ မၼ်းၸဝ်ႈတႄႇတင်ႈမိူင်းဢႃႇဝႃႉမိူဝ်ႈ(ပီႊၶရိတ်ႉ 1364-1368) သေၼင်ႈမိူင်းၵႂႃႇၼႆယဝ်ႉ။ မၼ်းၸဝ်ႈၼႆႉပဵၼ်ၶုၼ်ဢၼ်ၵေႃႉလဵၵ်ႉသေပဵၼ် ဢၼ်တႄႇတင်ႈမိူင်းၼႆယဝ်ႉ။ မိူဝ်ႈမၼ်းၸဝ်ႈၸႄႇတင်ႈမိိူင်းဢႃႇဝႃႉၼၼ်ႉဢႃႇယူႉမၼ်းၸဝ်ႈသင်ႇႁႃမီး(19)ၵွၺ်းၼႆယဝ်ႉ။ မၼ်းၸဝ်ႈၼႆႉၶႅၼ်ႇၽၢႆႇသိုၵ်းသိူဝ်သေဢမ်ႇၵႃး၊ ပဵၼ်ၶုၼ်ဢၼ်ႁၢဝ်ႈတေႉတေႉၼႆယဝ်ႉ။ မၼ်းၸဝ်ႈလႆႈသဵင်ႈၵၢမ်ႇသုတ်းမုၼ်ၵႂႃႇယွၼ်ႉ မၢၵ်ႇၵႅဝ်းဢမ်ႇလီ ၼ််ႂးပၢင်တိုၵ်းၼႆယဝ်ႉ။
ဝၢႆးသေမၼ်းၸဝ်ႈသဵင်ႈၵၢမ်ႇသုတ်းမုၼ်ၵႂႃႇယဝ်ႉၼၼ်ႉ ၸဝ်ႈၾႃႉမိၼ်းၵျီးၸေႃႇၵႄး (မင်းကြီးစောကဲ)သိုပ်ႇပုတ်ႈၼင်ႈပလၢင်ႇၼႆယဝ်ႉ။ မၼ်းၸဝ်ႈၼင်ႇမိူင်းဢႃႇဝႃႉမိူဝ်ႈ (ပီႊၶရိတ်ႉ ၁၃၆၈-၁၄၀၁)ၼႆသေ ၼင်ႈမိူင်းႁိုင်(၃၃)ပီႊၼႆယဝ်ႉ။ ပၢၼ်မၼ်းၸဝ်ႈၼႆႉ လႆႈမီးၵၢၼ်သုင်ႇၶူဝ်းၶွင်တေႃႇတၢင်ႇမိူဝ်းသေႁဵတ်းဢူၺ်းလီၸွမ်းလၢႆႊလၢႆႊမိူင်းၼႆယဝ်ႉ။ပၢၼ်မၼ်းၸဝ်ႈၼႆႉ လႆႈပဵၼ်ဢူၺ်းလီၵၼ်တၢင်း မိူင်းၵုင်းပွင်ႇ(သီႇပေႃႉ) လႄႈ ယွင်ႁူၺ်ႈၼႆယဝ်ႉ။ ၵၢၼ်မိူင်းတႄႉၵေႃႈတေသုၵ်ႉယုင်ႇယူႇ ယွၼ်ႉမိူင်းယၢင်းမႃးတိုၵ်းလႄႈ ထိုင်တီႈပေႃးလႆႈၵႂႃႇယွၼ်းတၢင်းၸွၺ်ႈထႅမ်ၶႄႇၼႆယဝ်ႉ။ၸဝ်ႈၵႄးတေႉၵေႃႈ လႆႈသဵင်ႈၵၢမ်ႇယွၼ်ႉ မိူဝ်တိုၵ်းတေႃးၵၼ်တၢင်း ၸဝ်ႈၼယႄးသွမ်းသေလႆႈသဵင်ႈၵၢမ်ႇၼႆ ၼႂ်းပိူၼ်းထႆးၶဝ်တႅမ်ႈဝႆႉၼင်ၼႆ ၼႆယဝ်ႉ။
ဝၢႆးသေၸဝ်ႈၾႃႉမိၼ်းၵျီးၸေႃႇၵႄး လႆႈသဵင်ႈၵၢမ်ႇၵႂႃႇၼၼ်ႉ လုၵ်ႉၸၢႆးမၼ်းၸဝ်ႈငိူၼ်ႈၾႃႉ(ရှင်ဖြူတရဖျား လႆႈသိုၵ်ႇႁဵတ်းၶုၼ်ၼႆယဝ်ႉ ။ မၼ်းၸဝ်ႈၼင်ႈမိူင်းမိူဝ်ႈ(ပီႊၶရိတ်ႉ ၂၄၀၀-၁၄၀၄)ၼႆယဝ်ႉ ။ လွင်ႈမၼ်းၸဝ်ႈတႄႉၵေႃႈဢမ်ႇပေႃးလႆႈႁၼ်တႅမ်ႈမၢႆးဝႆႉလၢၵ်ႇလၢၵ်ႇလၢႆးသင်ၼႆယဝ်ႉ။ ယွၼ်ႉၼင်ႉမိူင်းဢမ်ႇပေႃးႁိုင်ၵေႃႈတေဝႃႉလႆႈယူႇ။ မၼ်းၸဝ်ႈတႄႉၵေႃႈၺႃး ပိူၼ်ႈၶႃႈႁႅမ်တၢႆၼႆယဝ်ႉ။
ဝၢႆးသေၸဝ်ႈငိူၼ်ႈၾႃႉၼင်ႈမိူင်းယဝ်ႉ ၸဝ်ႈမင်းၶွင်ႇသိုပ်ႇၼင်ႇမိူင်း(မိူဝ်ႈပီႊၶရိတ်ႉ ၁၄၀၄-၁၄၂၁)ၼႆယဝ်ႉ။ မၼ်းၸဝ်ႈၼႆႉပဵၼ်လုၵ်ႈၸၢႆးၸဝ်ႈၵႄး၊ လုၵ်ႈၶူၺ်ၸဝ်ႈသိူဝ်ငမ်းၾႃႉ မိူင်းမၢဝ်းၼႆယဝ်ႉ။ပၢၼ်မၼ်းၸဝ်ႈတႄႉၵေႃႈမီးလွင်ႈတိုၵ်းသိုၵ်းၵၼ်တၢင်း မိူင်းယၢင်းၼႆယဝ်ႉ။ မၼ်းၸဝ်ႈၶႃႈတၢႆၸဝ်ႈၾႃႉမိူင်းယၢင်းထိုင်တီႈ ၶႄႇပေႃးဢမ်ႇႁၢၼ်ႉၸႂ်သေယဝ်ႉ မႃးဢုပ်ႇဢူဝ်ႁႂ်ႈထွၺ်တပ်ႉမိူဝ်းၶိုၼ်းၼႆယဝ်ႉ။
ၸဝ်ႈၾႃႉမိူင်းဢႃႇဝႃႉထႅင်ႈၵေႃႉၼိူင်ႈတႄႉၵေႃႈပဵၼ်ၸဝ်ႈသီႇႁႃႉသူ(သီဟသူ)ၼႆယဝ်ႉ။ မၼ်းၸဝ်ႈၼင်ႈမိူင်း(မိူဝ်ႈပီႊၶရိတ်ႉ ၁၄၂၁-၁၄၂၅)ႁိုင်သီႇပီႊၼႆယဝ်ႉ။ မၼ်းၸဝ်ႉတႄႉၵေႃႈၺႃးၸဝ်ႈၾႃႉဢုင်းပွင်ႇ(သီႇပေႃႉ)ၶႃႈတၢႆပႅတ်ႈၼႆယဝ်ႉ။ ဝၢႆးသေမၼ်းၸဝ်ႈၼင်ႈမိူင်းယဝ်ႉ လုၵ်ႈၸၢႆးမၼ်းၸဝ်ႈမင်းလႃႇငႄႇသိုပ်ႇပုတ်ႈၼင်ႈမိူင်းၼႆယဝ်ႉ။ မိူဝ်ႈမၼ်းၸဝ်ႈၼင်ႈမိူင်းၼၼ်ႉဢႃႇယူႉမၼ်းၸဝ်ႈ ၸင်ႇႁႃမီး၉ၶူၵ်ႇၵွၺ်းၼႆယဝ်ႉ။ ယွၼ်ႉၼၼ်မၼ်းၸဝ်ႈလႆႈၼင်ႈမိူင်းႁိုင်၃လိူၼ်ၵွၺ်းၼႆယဝ်ႉ။
ပီႊၶရိတ်ႈ (၁၄၄၀-၁၄၄၃)ၼၼ်ႉပဵၼ်ပၢၼ်ၸဝ်ႈၾႃႇမင်းရၢႆးၵျေႃႇၸႂႃႇ(မင်းရဲကျော်စွာ) ဢုပ်ႉမိူင်းဢႃႇဝႃႉၼႆယဝ်ႉ။ မိူဝ်ႈပၢၼ်မၼ်းၸဝ်ႈတႄႉၵေႃႈႁဵတ်းႁႂ်ႈတႆးၵွၼ်ႈၼ်ိူဝ်လႄႈ ၵွၼ်ႈတႂ်ႈမႃးၵဵဝ်ႇၶွင်ႈၵၼ်ထႅင်ႈပွၵ်ႈၼိူင်ႈၼႆယဝ်ႉ။ ယွၼ်ႉပၢၼ်မၼ်းၸဝ်ႈၼႆႉ လႆႈမီးပၢင်တိုၵ်းသုၵ်ႉသၢၵ်ႉယုင်ႈယၢင်ႈတေႉတေႉ။ တႆးတေႃႇတႆးတိုၵ်းၵၼ်ၶိုၼ်းၼႆယဝ်ႉ။ မိူဝ်ႈပီႊၶရိတ်ႉ(၁၄၂၇-၁၅၂၇)ၼၼ်ႉလႆႈဝႃႈမိူင်းဢႃႇဝႃႉၼႆႉသုၵ်ႉသၢၵ်ႉယုင်ႈယၢင်ႈတေႉတေႉ။ မိူင်းတႆးပွတ်းၼ်ိူဝ်ပွတ်းတႂ်ႈၵေႃႈမႃးတိုၵ်းမိူင်းဢႃႇဝႃႉၼႆယဝ်ႉ။ လွင်ႈလီဢၼ်ၼိူင်တႄႉၵေႃႈသင်မိူင်းၼိူင်ႈတိုၵ်း သမ်ႉမီးမိူင်းဢၼ်ၸွၺ်ႈထႅမ်ၶိုၼ်းလႄႈ ယူႇလွတ်ႈမႃးတေႃႇထိုင်တီႈလဵဝ်သေ ႁဵတ်းႁႂ်ႈမိူင်းဢႃႇဝႃႉ သိုပ်ႇၸုၵ်းမၼ်ႈလႆႈမႃးၼႆယဝ်ႉ။
မိူဝ်ႈပၢၼ်ၸဝ်ႈၼရႃႉပတီႉလုၵ်ႈၸဝ်ႈသတူဝ်းမင်းယၢင်းၼင်ႈမိူင်းမိူဝ်ႈ(ပီႊ ပ.ၶ ၁၄၄၃-၁၄၆၉)ၼႆယဝ်ႉ။မိူဝ်ႈမၼ်းၸဝ်ႈၼင်ႈမိူင်းၼၼ်ႉ ၺႃးမႅၼ်ႈပၢၼ်မိူဝ်းမၢဝ်းလူင်ယၢင်းတိုၵ်ႉဢၢင်ႈပူၵ်ႈၶိုၼ်ႈၼႆယဝ််ႉ။ ပၢၼ်မၼ်းၸဝ်ႈၼႆႉလႆႈၵႂႃႇတိုၵ်းမိူင်းမၢဝ်းသေယဝ်ႉ ၺွပ်းဢဝ်တူဝ်ၸဝ်ႈသိူဝ်ငမ်းၾႃႉမႃးတႃႇတေပၼ်ၶႄႇၼႆယဝ်ႉ။ ၵူၺ်းၵႃႊၸဝ်ႈသိူဝ်ငမ်းၾႃႉ လႆႈၵိၼ်ယႃႈၵွင်ႉသေတၢႆၼႆယဝ်ႉ။ ယွၼ်ႉသင်လႄႈ မၼ်းၸဝ်ႈၺွပ်ႇလႃႇၼႆ ယၢမ်းမိူဝ်ႈၼၼ်ႉ ဢႃႇဝႃႉလႄႈတၢင်းၶႄႇပဵၼ်ပၢင်တိုၵ်းႁိမ်မိူင်းသႅၼ်ႈဝီၼႆယဝ်ႉ။ယွၼ်ႉၶဝ်လႆႈၸ်ႂၵၼ်မႃးဝႃႈသင် ဢႃႇဝႃႉပၼ်တူဝ် ၸဝ်ႈသိူဝ်ငမ်းၾႃႉၼႆၸိုင်ၶႄႇၶဝ်တေပၼ်သႅၼ်ႈဝီလူၺ်ႈငမ်းယဵၼ်ၼႆယဝ်ႉ။
မၼ်းၸဝ်ႈၼႆႉတေလႆႈဝႃႈပဵၼ်ဢူၺ်းလီၵၼ်တၢင်းၶႄႇၼႆယဝ်ႉ။ ယၢမ်းမိူဝ်ႈၼၼ်ႉၸဝ်ႈသိူဝ်ၸီႉၾႃႉလႄႈ သိူဝ်လူႈၾႃႉ ၵႂႃႇတင်ႈမၼ်းၶွင် တႃႇတေတေႃႇသူႈၶႄႇၶိုၼ်းၼႆယဝ်ႉ။ မိူဝ်ႈပီႊ(ပ.ၶ၁၄၅၄)ၼၼ်ႉၸဝ်ႈၼရႃႉပတီႉလႆႈၵႂႃႇတိုၵ်းမိူင်းယၢင်းပဵတ်ႈ။ ယွၼ်ႉၼၼ်ႉလႄႈမိူင်းဢႃႇဝႃႉၵေႃႈလႆႈၶၢမ်ႇၶႄႇၶဝ်မၵ်းမၼ်ႈတႃႊၶုၼ်ၸဝ်ႈသႅၼ်ႈဝီၼႆယဝ်ႉ။
ဝၢႆးသေၼၼ်ႉယဝ်ႉသိုပ်ႇမီးမႃးၶိူဝ်းသိုပ်ႇမိူင်းဢႃႇဝႃႉ မိူၼ် ၸဝ်ႉသီႇႁႃႉသူရႃႉ (ပီႊၶရိတ်ႉ၁၄၆၉-၁၄၈၁)၊ ၸဝ်ႈမိၼ်းၶွင်း(ပီႊၶရိတ်ႉ၁၄၈၁-၁၅၀၂)၊ ၸဝ်ႈသူၺ်ႇၼၢၼ်းၵျေႃႇသျိၼ်ႇ(ပီႊၶရိတ်ႉ ၁၅၀၂-၁၅၂၅)။ မိူဝ်ႈ(ပီႊၶရိတ်ႉ ၁၅၂၄)ၼၼ်ႉမိူင်းယၢင်းၶိုၼ်းမီးႁႅင်းပွင်ႊမႃးၼႆယဝ်ႉ။ ပၢႆယႃႉလူႉလႅဝ်ပႃးတပ်ႉဢၼ်ပၵ်းဝႆႉ ႁိမ်းလႅၼ်ၶွပ်ႇဢႃႇဝႃႉသေဢမ်ႉၵႃး ၶဝ်ႈတိုၵ်းထိုင်မိူင်းဢႃႇဝႃႉထႅင်ႈၼႆယဝ်ႉ။ၸဝ်ႈၾႃႉမိူင်းယၢင်းၵေႃႈလႆႈၶဝ်ႈတိုၵ်းမိူင်းဢႃႇဝႃႉသေယဝ်ႉ လႆႈဢဝ်လုၵ်ႈၸၢႆးမၼ်းၸဝ်ႈသိူဝ်ႁၢၼ်ၾႃႉ ၶိုၼ်ႈႁဵတ်းၶုၼ်ဢႃႇဝႃႉမိူဝ်ႈပီႊ(ၶရိတ်ႉ ၁၅၂၆-၁၅၄၂)ၼႆယဝ်ႉ။
ၼ်ႂးပိုၼ်းမၢၼ်ႊလႄႈ ၸၢဝ်းမိူင်းဝၼ်းတူၵ်းၶဝ်ဝႃႈဝႆႉတႄႉၵေႃႈ ၸဝ်ႈသိူဝ်ႁၢၼ်ၾႃႉၼႆႉ ပဵၼ််ၵူၼ်းလိူင်း ၵူၼ်းထိူၼ်ႇၼႆယဝ်ႉ။ ယွၼ်ႉမၼ််းၸဝ်ႈၼႆပဵၼ်ၶိူဝ်းႁိူၼ်းသိူဝ် ဢၼ်လုၵ်ႉတီႈမိူင်းမၢဝ်းလူင်မႃးၼႆယဝ်ႉ။ ယွၼ်ႈမၼ်းၸဝ်ၼႆႉ ၵူၼ်းႁၢဝ်ႈၽၢႆႉသိုၵ်းသိူဝ်သေဢမ်ႇၵႃးပၢင်တိုၵ်းၵေႃႈပေႉမႃးၼမ်ၼႆယဝ်ႉ။မၼ်းၸဝ်ႈတႄႉၵေႃႈၺႃးပိူၼ်ႈၶႃႈၸၢႆၼႆယဝ်ႉ။ ဝၢႆးသေၼၼ်ႉၸဝ်ႈၾႃႉသီႇပေႃႉၸိုဝ်ႈၸဝ်ႈၾႃႉၶုၼ်မိူင်းလႆႈမႃးပုတ်ႈၼင်ႈမိူင်းၼႆယဝ်ႉ။မၼ်းၸဝ်ႈၼင်ႇမိူင်း(မိူဝ်ႈပီႊၶရိတ်ႉ၁၅၄၃-၁၅၄၆)ၼႆယဝ်ႉ။ ဝၢႆးသေၼင်ႈမိူင်းႁိုင်ၼိူင်ႈပီႊယဝ်ႉၼၼ်ႉ ၸဝ်ႈၾႃႉၸဝ်ႈၶုၼ်ၶဝ်ၵေႃႈၸင်ႇႁူမ်ႈၵၼ်တင်ႈၸဝ်ႈတႆးလၢႆလၢႆမိူင်းၶိုၼ်းသေၶဝ်ႈတိုၵ်းမိူင်းပၢႆးၼႆယဝ်ႉ။ ၵူၺ်းၼႃႇတပိၼ်ႇသူၺ်ႇထီးၶဝ်ႈတိုၵ်းယဝ်ႉလႄႈလႆႈထွၺ်မႃးၶိုၼ်းၼႆယဝ်ႉ။ ၸဝ်ႈၾႃႉၼရႃႉပတိႉမိူင်းပၢႆးတႄႈၵေႃႈ လႆႈတင်ႈမိူင်းဢႃႇဝႃႉမိူဝ်ႈ( ပီႊၶရိတ်ႉ၁၅၄၆-၁၅၅၂)ၼႆယဝ်ႉ။ ၼႂ်းပၢၼ်မၼ်းၸဝ်ႈတႄႉၵေႃႈ လႆႈၺႃးၸဝ်ႈၶမ်းပၢၵ်ႉၾႃ့မိူင်းသႅၼ်ႈဝီမႃးတိုၵ်းၼႆယဝ်ႉ။ ၵူၺ်းၼႃႇဢမ်ႇဢဝ်ပေႉမိူင်းဢႃႇဝႃႉလႆႈၼႆယဝ်ႉ။ ဝဝၢႆး မႃးၺႃးမိူင်းၸေႊၵႅင်းမႃးတိုၵ်းသေ လႆႈပၢႆႊၵႂႃႇပိုင်ႈဢိင်ပယိၼ်ႇၼွင်ၼႆယဝ်ႉ။
ၸဝ်ႈၾႃႉမိူင်းဢႃႇဝႃႉတူၼ်ႈလိၼ်းသုတ်းတႄႉၵေႃႈပဵၼ်ၸဝ်ႈသီႇတူႇၵျေႃႇထိၼ်ႈၼႆယဝ်ႉမၼ်းၸဝ်ႉၼင်ႈမိူင်းမိူဝ်ႈ(ပီႊၶရိတ်ႉ၁၅၅၂-၁၅၅၅)ယဝ်ႉ။ ပၢၼ်မၼ်းၸဝ်ႈတႄႉၵေႃႈလႆႈတူၵ်းယူႇတႂ်ႈမိူဝ်းမၢၼ်ႊၼႆယဝ်ႉ။ ဢႃႇဝႃႉပၢၼ်ၵွၼ်ႇ(ပထမအင်း၀ခေတ်)ပီႊၶရိတ်ႉ ၁၃၆၄-၁၄၂၁
1.ၸဝ်ႈသတူဝ်းမင်းၾႃႉ(သတိုမင်းဖျား)တႄႇတင်ႈဢႃႇဝႃႉမိူဝ်ႈ ပ.ၶ ၁၃၆၄-၁၃၆၇
2.ၸဝ်ႈၵႄး (မင်းကြီးစွာကဲ ) ပ.ၶ ၁၃၆၇-၁၄၀၀
3.ၸဝ်ႈင်ိူၼ်ႈၾႃႉ(ရှင်ဖြူတရဖျား) ပ.ၶ ၁၄၀၀-၁၄၀၄
4.ၸဝ်ႈမင်းၶွင်ႇ(မင်းခေါင်) ပ.ၶ ၁၄၀၄-၁၄၂၁
ဢႃႇဝႃႉပၢၼ်ၵၢင် (ဒုတိယ အင်း၀ခေတ်) ပီႊၶရိတ်၁၄၂၁-၁၄၆၈၁
1.ၸဝ်ႈၸၢင်ႉၽိူၵ်ႇ ‘သီႇႁႃႉသူ’ (ရှင်ဖြူရှင်သီဟသူ) လုၵ်ႈၸဝ်ႈမင်းၶွင်ႇ (ပ.ၶ ၁၄၂၁-၁၄၂၅)
2.မင်းလႃႉငႄႇ (လုၵ်ႈၸၢႆးသီႇႁႃႉသူ၊ ၉ၶူပ်ႇပဵၼ်ၶုၼ်လႆႈ ၃သၢမ်လိူၼ်)
3.ၸဝ်ႈၵႅဝ်ႈလိုၼ်း(ကလေးကျေးတောင်ညို)ပဵလုၵ်ႈၸဝ်ႈၵႄး (ပ.ၶ ၁၄၂၅-၁၄၂၆)
4.ၸဝ်ႈသတူဝ်းမိူင်းယၢင်း (မိိုးညှင်းသတိုး)(ပ.ၶ၁၄၂၆-၁၄၃၉)
5.မင်းရၢႆးၸဝ်ႈၵႅဝ်ႈ( မင်းရဲကျော်စွာ) (ပ.ခ၁၄၃၉-၁၄၄၂)
6.ၼရႃႉပတီႉ (လုၵ်ႈၸဝ်ႈသတူဝ်းမိူင်းယၢင်း)(ပ.ၶ ၁၄၄၂-၁၄၆၈)
ဢႃႇဝႃႉပၢၼ်လိုၼ်း (တတိယအင်း၀ခေတ်) ပီႊၶရိတ်ႉ ၁၄၇၆-၁၅၅၄
1.ပြည့်စုံမင်းသီဟသူ(လုၵ်ႈၸဝ်ႈၼရပတီ) (ပ.ၶ ၁၄၇၆-၁၄၈၀)
2.ၸဝ်ႈမင်းၶွင် (သွင်) လုၵ်ႈၸဝ််ႈသီႁႃႉသူႇ (ပ.ၶ ၁၄၈၀-၁၅၀၁)
3.ၸဝ်ႈႁေႃၵႅဝ်ႈၼရႃႉပတီႉ (ရွေနန်းကျော့ရှင်နရပတိ) (ပ.ခ ၁၄၈၀-၁၅၂၆)
4.ၸဝ်ႈသိူဝ်ႁၢၼ်ၾႃႉ ဢမ်ႇၼၼ် ၸဝ်ႈသိူဝ်ႁူမ်ႇၾႃႉ (ပ.ၶ ၁၅၂၆-၁၅၄၂)
5.ၶုၼ်မိူင််းဢွၼ်ႇ (ဢုင်းပွင်ႇ) (အုန်းပေါင်ခွန်မိုင်းငယ်) (ပ.ၶ ၁၅၄၂-၁၅၄၅)
6.ၸဝ်ႈသိူဝ်ၵေႃႇၾႃႉ ဢမ်ႇၼၼ် ၸဝ်ႈၽေႇ ဢမ်ႇၼၼ် မိုးဗြဲနရပတိ (ပ.ၶ ၁၅၄၅-၁၅၅၁)
7.သီႇတူႇၵျေႃႇထိၼ်ႇ (စည်သူကျော်ထင်) ( ပ.ၶ ၁၅၅၁-၁၅၅၄)
8.သတူဝ်းမင်းၸဝ်ႈ (သတ်ိုးမင်းစော) (ပ.ၶ ၁၅၅၄-၁၅၈၃)
9.မင်းလကျာ်(လုၵ်ႈၸၢႆးၸဝ်ႈမင်းတြႃးသူၺ်ႇထီး (ပ.ၶ၁၅၈၃)
10မင်းရၢႆးၵျေႃႇၸႂႃႇ (နန္ဒဘုရင်)