ၻၻ်ၻလ်လဝိမႃၼဝတ်ထု၊ ၼၢင်းၽီ လူႇတၢၼ်း ၶဝ်ႈသွမ်းသင်ႇၶႃႇ

ၻၻ်ၻလ်လဝိမႃၼဝတ်ထု၊ ၼၢင်းၽီ လူႇတၢၼ်း ၶဝ်ႈသွမ်းသင်ႇၶႃႇ==

• 619။ ၼၢင်းၽီ(ၽတ်ႉတႃႇ) ဢၼ်မီးဢလုမ်းဢလၢင်းၼမ် မႂ်းၼၢင်းၼႆႉ ႁၢင်ႈၽၢင်လႄႈသင်၊ ဢလုမ်းဢလၢင်းလႄႈသင် ႁိူဝ်ႈႁိူင်းပိူင်းသႂ်လိူဝ်သေ ၽီတႃႇဝတိမ်ႇသႃႇတင်းသဵင်ႈယူႇယဝ်ႉ (ၼႆ ၼၢင်းၽီ သုၽတ်ႉတႃႇလၢတ်ႈၵႂႃႇယဝ်ႉ)

• 620။ ၵဝ်ဢမ်ႇယၢမ်ႈႁၼ်မႂ်းၼၢင်းသေပွၵ်ႈ။ ဢၼ်ႁၼ်မႂ်းၼၢင်းပွၵ်ႈၼႆႉ ပဵၼ်ပွၵ်ႈၵမ်း ဢွၼ်တၢင်း သုတ်းပိူၼ်ႈယဝ်ႉ။ လုၵ်ႉတီႈ မိူင်းၽီၶူင်းလႂ်ၽႅဝ်မႃးသေ မႃးႁွင်ႉၵဝ် (ၽတ်ႉတႃႇ)ၼႆၼေႃး (ၼႆ ၼၢင်းၽီ ၽတ်ႉတႃႇထၢမ်ၵႂႃႇယဝ်ႉ)

• 621။ ၸဝ်ႈၼၢင်းၽတ်ႉတႃႇ မိူဝ်ႈၶႃႈၼၢင်း ပဵၼ်ၽဝႃႉၵူၼ်းႁိူၼ်းၼၼ်ႉ ၸိုဝ်ႈႁွင်ႉဝႃႈ သုၽတ်ႉ တႃႇၼႆဢေႃႈ။ ယၢမ်ႈပဵၼ်မေးႁူမ်ႈၽူဝ်ၵၼ်တင်းမႂ်းၼၢင်းယဝ်ႉ။ ယၢမ်ႈပဵၼ် ၼွင်ႉယိင်းဢွၼ်ႇမႂ်းၼၢင်းမႃးယဝ်ႉ။

• 622။ ၵွပ်ႈပိူဝ်ႈ တူဝ်ၶၼ်ႇထႃႇၶႃႈၼၢင်း လူႉလႅဝ်ယဝ်ႉ ၽၢတ်ႇယၢၼ်ပၢၼ်ၵူၼ်း လႆႈတၢႆၵႂႃႇႁွတ်ႈ ထိုင် မိူင်းၽီၼိမ်ႇမႃႇၼရတိယဝ်ႉ (ၼႆ ၼၢင်းၽီသုၽတ်ႉတႃႇလၢတ်ႈၵႂႃႇယဝ်ႉ)။

    * 623။ သုၽတ်ႉတႃႇ မႂ်းၼၢင်းလၢတ်ႈလွင်ႈၽဝႃႉမႂ်းဝႃႈ မႂ်းလႆႈၵႂႃႇပဵၼ်တမ်ႈတီႈ ၼႂ်းမိူင်းၽီပရၼိမ်ႇ မႃၼရတိၼႆယဝ်ႉ။ တီႈၶူင်းပရၼိမ်ႇမႃႇၼရတိၼၼ်ႉ ၵေႃႉဢၼ်ႁဵတ်းၵုသူဝ်ႇၼမ်ၼႃႇၼၼ်ႉၵူၺ်း ၸင်ႇ တေႁွတ်ႈထိုင်လႆႈယဝ်ႉ။

• 624။ ပေႃးပဵၼ်ၼၼ် ယွၼ်ႉပိူဝ်ႈလွင်ႈတၢင်းသင် ယွၼ်ႉပိူဝ်ႈ ၽႂ်သင်ႇသွၼ်ၼင်ႇႁိုဝ် ယွၼ်ႉပိူဝ်ႈ လႆႈလူႇတၢၼ်း သၽေႃးၸိူင်ႉႁိုဝ်၊ လႆႈတိုဝ်းၵမ်သိၼ်သီႇလၸိူင်ႉႁိုဝ်လႄႈ ၸင်ႇတေလႆႈမီးဢလုမ်းဢလၢင်းၼမ် ၼင်ႇၼႆၼေႃး။

• 625။ ၼၢင်းၽီသုၽတ်ႉတႃႇ ယွၼ်ႉပိူဝ်ႈ သၽေႃးၸိူင်ႉၼင်ႇႁိုဝ်သေ မႂ်းၼၢင်းလႆႈမီးၽွၼ်းလီ ဢၼ်ပဵၼ်ဢလုမ်းဢလၢင်းၼမ်ၼၼ်ႉၼေႃး။ ၽွၼ်းလီလၢၵ်ႇလၢႆးၸိူဝ်းၼႆႉ ပဵၼ်ၽွၼ်းလီၵုသူဝ်ႇ ဢၼ်လႂ်ၼေႃး။ ၵဝ်ထၢမ်မႂ်းယူႇယဝ်ႉ။ တွပ်ႇပၼ်တႃႉ (ၼႆထၢမ်ၵႂႃႇယဝ်ႉ)။

• 626။ ၸၢတ်ႈၵွၼ်ႇဝၼ်းလင်ၼၼ်ႉ လႆႈမီးၸႂ်သတ်ႉထႃႇယုမ်ႇယမ် တမ်ႈတီႈ သင်ႇၶႃႇၸဝ်ႈ ၸိူဝ်းမႃးလူႇၶၢမ်ႇၼၼ်ႉသေ တၢမ်တူဝ်လႆႈဢဝ် ၶဝ်ႈသွမ်းလူႇတၢၼ်းပၼ် ၶဝ်ၸဝ်ႈပႅတ်ႇၸဝ်ႈယဝ်ႉ။

• 627။ ယွၼ်ႉပိူဝ်ႈ ၵုသူဝ်ႇၼႃးမုၼ်ဢၼ်ၼၼ်ႉသေ ၶႃႈၼၢင်းၸင်ႇမႃးမီး ငဝ်းတူဝ်ႁိူဝ်ႈလႅင်းပိူင်း ၼင်ႇၼႆယဝ်ႉ။ ပ။ ၵွပ်ႈၵုသူဝ်ႇၼၼ်ႉသေ ဢူငဝ်းၶႃႈႁဝ်းၼႆႉၵေႃႈ ႁိူဝ်ႈႁိူင်း ပိူင်းသႂ်ၵႂႃႇ ၵူႈပႃႈၵူႈၽၢႆႇယဝ်ႉ (တွပ်ႇလၢတ်ႈၵႂႃႇၼင်ႇၼႆယဝ်ႉ)

• 629။ တမ်ႈတီႈ ၸဝ်ႈရႁၢၼ်းၶဝ်ၼမ်လိူဝ်သေမႂ်း ၸိူဝ်းဢၼ်ပႂ်ႉပႃးသူပ်းတူဝ်ႁူဝ်ၸႂ် ဢၼ်တိုဝ်းၵမ် တၢင်းၵျၢင်ႉၵမ်မၵ်ႈၼၼ်ႉ ၵဝ်မီးၸႂ်ၽိူၵ်ႇၸိုၼ်ႈၶၢဝ်သႂ်သေ တၢမ်တူဝ်လႆႈဢဝ်ၶဝ်ႈသွမ်းၽၵ်းသွမ်း ႁဵတ်းႁႂ်ႈႁၢၼ်ႉၸႂ်မႃးယူႇယဝ်ႉ။

• 630။ ၵဝ်လႆႈလူႇတၢၼ်းမႃး ၼမ်လိူဝ်သေမႂ်းယူႇသေတႃႉ သမ်ႉၵူၺ်းလႆႈပဵၼ် တမ်ႈတီႈတႅမ်ႇ (မိူင်းၽီတႃႇဝတိမ်ႇသႃႇ)ၵူၺ်း။ မႂ်းၸမ်ႉ ၵူၺ်းလႆႈလူႇတၢၼ်း ဢိတ်းဢွၼ်ႇၼိုင်ႈၵူၺ်း ၵွပ်ႈသင် သမ်ႉလႆႈ ၵုသူဝ်ႇၽွၼ်းလီယႂ်ႇမႃႈၵႃႈသုင်ၼင်ႇၼႆၼေႃး။ ၼၢင်းၽီသုၽတ်ႉတႃႇ ၽွၼ်းလီဢၼ်ၼႆႉ ပဵၼ်လူၺ်ႈ ၵၢမ်ႇၵုသူဝ်ႇ ဢၼ်လႂ်ၼေႃး။ ၵဝ်ထၢမ်မႂ်းယူယဝ်ႉ။ တွပ်ႇပၼ်လူး (ၼႆ ထၢမ်ၵႂႃႇယဝ်ႉ)။

• 631။ ၸၢတ်ႈၵွၼ်ႇဢၼ်ပူၼ်ႉမႃးၼၼ်ႉ ၶႃႈလႆႈဝႆႈသႃ ၸဝ်ႈရႁၢၼ်း ဢၼ်ၸိုဝ်ႈဝႃႈ ၸဝ်ႈရေႇဝတ ဢၼ်မေႃႁဵတ်းႁႂ်ႈၽုမ်းၸႂ်ၼၼ်ႉယဝ်ႉ။ တူဝ်ၵဝ် လႆႈၽိတ်းပၢင်း ၸဝ်ႈရေႇဝတၶဝ် ပႅတ်ႇၸဝ်ႈ တႃႇတေလူႇၶဝ်ႈသွမ်းယဝ်ႉ။

• 632။ ၸဝ်ႈရေႇဝတ ဢၼ်မုင်ႈမွင်း ၽွၼ်းလီပုၼ်ႈတႃႇတူဝ်ၵဝ်ၼၼ်ႉ ဢီးလူၵဝ်သေ ၸင်ႇဝႃႈ ႁႂ်ႈၵဝ်လူႇတၢၼ်းသင်ႇၶႃႇၸဝ်ႈၼႆယဝ်ႉ။ ၵဝ်ၶႃႈ ထွမ်ႇဢဝ်ၶေႃႈၵႂၢမ်းၸဝ်ႈရေႇဝတယူႇယဝ်ႉ။

• 633။ ၶူဝ်းလူႇ ဢၼ်ၽႅဝ်ႁွတ်ႈထိုင် တမ်ႈတီႈ သင်ႇၶႃႇၼၼ်ႉ ၽွၼ်းလီမၼ်း ဢမ်ႇမီးဢၼ် တႅၵ်ႈလႆႈ။ ပေႃးဝႃႈ လူႇတၢၼ်းပုၵ်ႉၵူဝ်ႇပေႃးၼႆၸိုင် တၢင်းလူႇပုၵ်ႉၵလိၵမႂ်းၼၼ်ႉ ၽွၼ်းလီမၼ်း ဢမ်ႇယႂ်ႇ (ၼႆ တွပ်ႇလၢတ်ႈၵႂႃႇယဝ်ႉ)။

• 634။ ၵုသူဝ်ႇၽွၼ်းလီ ဢၼ်လႆႈလူႇတၢၼ်း သင်ႇၶႃႇၸဝ်ႈၼၼ်ႉ ၽွၼ်းလီမၼ်းယႂ်ႇမႃႈၵႃႈသုင် တႄႉၼႆ ယၢမ်းမိူဝ်ႈလဵဝ် ၵဝ်လႆႈႁူႉယဝ်ႉ။ ပေႃးဝႃႈ ၵဝ်ၶိုၼ်းလႆႈပဵၼ်ၵူၼ်းၼႆ ၵဝ်တေႁူႉထိုင် လွင်ႈတၢင်း ၽူႈႁပ်ႉၶၢမ်ႇတၢင်းလူႇသေ တေၵမ်းၵမ်းလူႇတၢၼ်း သင်ႇၶႃႇၸဝ်ႈၶဝ်ၵႂႃႇ ဢမ်ႇလူင်ဢမ်ႇလိုမ်း ဢမ်ႇထီႇ ဢမ်ႇၼဵဝ်ယူႇယဝ်ႉ (ၼႆလၢတ်ႈၵႂႃႇၼင်ႇၼႆယဝ်ႉ)။

• 635။ ၼၢင်းၽတ်ႉတႃႇ ၼၢင်းၽီဢွၼ်ႇၵေႃႉၼၼ်ႉ မႃးလၢတ်ႈတေႃႇမႂ်းယူႇယဝ်ႉ။ ဢူငဝ်းမၼ်း ႁိူဝ်ႈႁႅင်းလႅင်းလိူဝ်သေ ၽီတႃႇဝတိမ်ႇသႃႇတင်းသဵင်ႈယူႇယဝ်ႉ။ ၼၢင်းၽီၵေႃႉၼၼ်ႉ ပဵၼ်ၽႂ်ၼေႃး (ၼႆ ၸဝ်ႈၶုၼ်ဢိၼ်း ထၢမ်ၵႂႃႇယဝ်ႉ)။

• 636။ ၸဝ်ႈၶုၼ်ဢိၼ်း ဢၼ်ပဵၼ်ၸိၵ်းၸွမ်ၽီတင်းသဵင်ႈတီႈၶႃႈ... (ၼၢင်းၽီဢွၼ်ႇၼႆႉ) မိူဝ်ႈ ပဵၼ်ၵူၼ်းၼၼ်ႉ ႁႃးသွင်ၵေႃႉ ယၢမ်ႈပဵၼ်မေးႁူမ်ႈၽူဝ်လဵဝ်ၵၼ်ယဝ်ႉ။ ယၢမ်ႈပဵၼ် ၼွင်ႉယိင်းဢွၼ်ႇ ၶႃႈၼၢင်းမႃးဢေႃႈ။ လႆႈဢဝ်ၶူဝ်းလူႇတႃႇၼ လူႇတၢၼ်းတမ်ႈတီႈ သင်ႇၶႃႇၸဝ်ႈၶဝ်မႃးသေ ပဵၼ်ၽူႈမီး မုၼ်လီလႄႈ ၸင်ႇမီးႁၢင်ႈၽၢင်ၶိုၵ်ႉလိုၵ်ႈယဝ်ႉ (ၼႆ တွပ်ႇၵႂႃႇယဝ်ႉ)။

• 637။ ၽတ်ႉတႃႇ ၸၢတ်ႈၵွၼ်ႇ ၼွင်ႉယိင်းမႂ်းၼႆႉ ယၢမ်းဢဝ်တၢင်းလူႇ ႁၢင်ႈႁႅၼ်းၶိုင်ပွင် ႁႂ်ႈသၢင်ႇထုၵ်ႇ ပၼ်တမ်ႈတီႈ သင်ႇၶႃႇၸဝ်ႈ ဢၼ်ဢမ်ႇမီး ၵုင်ႇမုၼ်တႅၵ်ႈလႆႈၼၼ်ႉလႄႈ ႁၢင်ႈၽၢင်မၼ်း ၶိုၵ်ႉတွၼ်းလိူဝ်မႂ်းယဝ်ႉ။

• 638။ ၶေႃႈၵႂၢမ်းဢၼ်ၼၼ်ႉ မၢၼ်ႇမႅၼ်ႈတႄႉယဝ်ႉ။ ၵုသူဝ်ႇ ဢၼ်လႆႈလူႇတၢၼ်းပၼ် တမ်ႈတီႈ ၽူႁပ်ႉၶၢမ်ႇဢဝ် တၢင်းလူႇၼၼ်ႉ ၽွၼ်းလီမၼ်း ယႂ်ႇတႄႉယဝ်ႉ။ ၽွၼ်းလီ ဢၼ်လႆႈလူႇတၢၼ်း တမ်ႈတီႈ ၽူႈႁပ်ႉၶၢမ်ႇတၢင်းလူႇၼၼ်ႉ ၵဝ်ယၢမ်ႈတွင်ႈထၢမ် မုၼ်ၶမ်းၽြႃး မိူဝ်ႈၽွင်းတိုၵ်ႉယူႇသဝ်း တမ်ႈတီႈ လွႆၵိတ်ႉသၵုတ်ႉ(လွႆႁုင်ႉ)ၼၼ်ႉယဝ်ႉ။

• 639။ ၵူၼ်းၵေႃႉဢၼ်လူႇတၢၼ်းၼၼ်ႉလႄႈသင်၊ သတ်ႉတဝႃႇ...... (ဢမ်ႇလႅင်းၸႂ်)

• 640။ ၵုသူဝ်ႇ ဢၼ်လႆႈလူႇတၢၼ်း ၵေႃႉႁပ်ႉၶၢမ်ႇတၢင်းလူႇၼၼ်ႉ ၽွၼ်းလီမၼ်း ယႂ်ႇၶိုၵ်ႉတႄႉ ယဝ်ႉ။ ၽွၼ်းလီ ဢၼ်လႆႈၸႅၵ်ႇၽႄ ယိုၼ်ႈမႅင်ႇ ၵေႃႉလူႇၶၢမ်ႇၼၼ်ႉလႄႈသင်၊ ၽွၼ်းလီသွင်ပိူင် ဢၼ်ပဵၼ် ၶူဝ်းၶွင်ဢုတ်ႉၸႃႇ သတ်ႉတဝႃႇၶဝ်ၼၼ်ႉလႄႈသင် မုၼ်ၶမ်းၽြႃး ယၢမ်ႈတွပ်ႇပၼ် ၶေႃႈထၢမ် ၵဝ်မႃးယဝ်ႉ။ <br>

             မၵ်ႈပုၵ်ႉၵူဝ်ႇသီႇၸဝ်ႈ ၸိူဝ်းတိုၵ်ႉတိုဝ်းၵမ်ယူႇၼၼ်ႉလႄႈသင်၊ ပုၵ်ႉၵူဝ်ႇသီႇၵေႃႉ ဢၼ်ယၼ်မၼ်ႈ တီႈၼိူဝ်ၽူဝ်ႇၼၼ်ႉလႄႈသင် ပုၵ်ႉၵူဝ်ႇပႅတ်ႇၸဝ်ႈ သင်ႇၶႃႇၸိူဝ်းၼႆႉ ႁွတ်ႈၽႅဝ်တီႈ သဵၼ်ႈတၢင်းသိုဝ်ႈ ယဝ်ႉ။ ပၺ်ႇၺႃႇ သီႇလ တဵမ်ထူၼ်ႈယဝ်ႉ။

• 642။ .........

• 643။ သင်ႇၶႃႇၸဝ်ႈၸိူဝ်းၼၼ်ႉၵူၺ်း မုၼ်းလႅင်းယဝ်ႉ။ ႁွတ်ႈၽႅဝ်ထိုင် တီႈထွတ်ႈမျၢတ်ႈယဝ်ႉ။  သမုတ်ႉတရႃႇၼၼ်ႉ တေမႃးတူင်ၼမ်ႉမၼ်းသေ ဢၢၼ်ႇၼႆႉ ဢမ်ႇဢၢၼ်ႇၼပ်ႉလႆႈၼင်ႇၼၼ် ၵုင်ႇၵုၼ်း မုၼ်ငဝ်းသင်ႇၶႃႇၶဝ်ၵေႃႈ ဢမ်ႇၼပ်ႉဢၢၼ်ႇလႆႈ။ ၼႂ်းၵူၼ်း ဢၼ်မေႃၸီႉသင်ႇၼႄတြႃးၼၼ်ႉ လုၵ်ႈႁၵ်ႉ တပႄးၽြႃး ဢၼ်ပဵၼ်သင်ႇၶႃႇၸဝ်ႈ ဢၼ်မေႃပိူင်းလႅင်းပၼ်ပိူၼ်ႈၼၼ်ႉ မျၢတ်ႈတွၼ်းလိူဝ်ပိူၼ်ႈယဝ်ႉ။

• 644။ ၵူၼ်းၸိူဝ်းၼၼ်ႉ ယိူင်းၸူးသင်ႇၶႃႇၸဝ်ႈသေ လူႇတၢၼ်း တၢင်းလူႇယဝ်ႉ။ တၢင်းလူႇၶဝ် ၼၼ်ႉ ပဵၼ်တၢင်းလူႇပူႇၸေႃႇလွင်ႈလီယဝ်ႉ။ တၢင်းလူႇ ဢၼ်လူႇပၼ်သင််ႇၶႃႇၸဝ်ႈၶဝ်ၼႆႉ ၽွၼ်းလီမၼ်းယႂ်ႇ မႃႈၵႃႈသုင်ဢိူဝ်ႈၼႆႉ မုၼ်ၶမ်းၽြႃး ဢၼ်ႁူႉႁတ်လေႃးၵသၢမ်ပိူင်ၼၼ်ႉ ယွင်ႈယေႃးယူႇယဝ်ႉ။

• 645။ တီႈၼႂ်းလေႃးၼႆႉ ၵူၼ်းၸိူဝ်းၼၼ်ႉ မီးတင်းၸႂ်ၸူမ်းသိူဝ်း ၸႂ်ၽိူၵ်ႇၸိုၼ်ႈၶၢဝ်သႂ်သေ ယိူင်းဢၢၼ်းထိုင်သင်ႇၶႃႇ ၶုၵ်းၸႂ်လႆႈ ၵၢၼ်တၢင်းလီ ၶိူဝ်းၶိူဝ်းယႂ်းယႂ်းသေ ယူႇသဝ်းၵႂႃႇယဝ်ႉ။ ၵူၼ်းၸိူဝ်း ၼၼ်ႉ ယွၼ်ႉပိူဝ်ႈ ပၢၵ်ႈပႅၵ်ႈ ၸႂ်ထီႇၼဵဝ် ၵဝ်ႇသဝ်ႈဝဝ်းလမ် ပႃးၸဵမ်ႁၢၵ်ႈႁူဝ်မၼ်းယဝ်ႉလႄႈ ဢမ်ႇလႆႈ ၶၢမ်ႇတၢင်းသႄႉၼႄး (ၽူႈမီး ပၺ်ႇၺႃႇၶဝ်)သေ ႁွတ်ႈၽႅဝ်ထိုင်မိူင်းၽီယဝ်ႉ။

ၻၻ်ၻလ်လဝိမႃၼဝတ်ထု ႁူဝ်ႁူၵ်း သုတ်းယဝ်ႉ။