လွင်ႈယဵၼ်ႇငႄႈ တီႈႁူင်းႁဵၼ်း

လွင်ႈယဵၼ်ႇငႄႈ တီးႁူင်းႁဵၼ်း ဢၼ်ဝႃႈၼႆႉ မၼ်းပဵၼ် လွင်ႈယဵၼ်ႇငႄႈ ဢၼ်ပႃးၼႂ်း လွင်ႈယဵၼ်ႇငႄႈ သႅၼ်သမ်ႇ ဢၼ်ၼိုင်ႈယဝ်ႉ။ လွင်ႈယဵၼ်ႇငႄႈ တီႈႁူင်းႁဵၼ်းၼႆႉ တေမီးယူႇ ႑႔ မဵဝ်းယဝ်ႉ႓႒ မဵဝ်းၼၼ်ႉတႄႉ ပဵၼ် -

1. ထုၵ်ႇလီၽဵဝ်ဢွင်ႈသွၼ် ၸွမ်းၶၢဝ်းယၢမ်းမၼ်း။သင်ၸိူဝ်ႉဝႃႈ ပေႃးၽႅဝ်တူၵ်းလိုၼ်းၼႆၵေႃႈ လွင်ႈဝႃႈ ၽႅဝ်တူၵ်းလိုၼ်းၼၼ်ႉ ႁႂ်ႈၶႂၢင်းပၼ်ၼႆ ထုၵ်ႇလီ ယွၼ်းၶႂၢင်ႉတီႈ ၶူးသွၼ်ယဝ်ႉ။
2. ဢမ်ႇထုၵ်ႇလီ လူလိၵ်ႈသဵင်ယႂ်ႇသဵင်လူင် တီႈၼႂ်းဢွင်ႈသွၼ်။ တေဢမ်ႇလႆႈၵႂၢမ်းၼမ်။
3. တေဢမ်ႇလႆႈ ပၼ်လွင်ႈသုၵ်ႉသၵ်ႉၸူး လုၵ်ႈႁဵၼ်းတၢင်ႇၵေႃႉ။
4. တေလႆႈယိပ်း ပပ်ႉလိၵ်ႈလႄႈ ၶူဝ်းတႅမ်ႈထုတ်ႇ လီလီငၢမ်းငၢမ်း။
5. ပေႃးတေပိုတ်ႇပပ်ႉလိၵ်ႈၼႆ တေဢမ်ႇလႆႈၸုပ်ႉၼမ်ႉလၢႆးသေပိုတ်ႇ။ တေလႆႈလုၵ်ႉတီႈ ၸဵင်ႇၼႃႈလိၵ်ႈသေပိုတ်ႇ။
6. တေဢမ်ႇလႆႈ ႁၵ်းတူပ်ႉၼႃႈလိၵ်ႈသေ မၢႆတွင်းဝႆႉ။ တေဢမ်ႇလႆႈ ငူပ်ႉၼႃႈပပ်ႉလိၵ်ႈသေဝႆႉ။ ဢဝ်ၸေႈပဝ်ႇသေဢၼ်ဢၼ်သေ ၸွမ်ႇၵႄႈမၼ်းဝႆႉလႄႈ။
7. ၽွင်းမိူဝ်ႈ တိုၵ်ႉလူလိၵ်ႈယူႇ ဢမ်ႇၼၼ် ၽွင်းမိူဝ်ႈတိုၵ်ႉဝူၼ်ႉသေလွင်ႈလွင်ႈယူႇၼၼ်ႉ ယႃႇပေဢဝ်မိုဝ်းယဵတ်ႈသႂ်ႇသူပ်း၊ ယႃႇပေၶူပ်းၵၢပ်ႇၼဵပ်ႉမိုဝ်း။
8. ၼၢင်းယိင်းၼႆႉ ၶဝ်ၵႆႉမေႃ ၸူႉတုမ်ၵူၼ်း ၸိူဝ်းႁိမ်းႁွမ်းၸဝ်ႈၵဝ်ႇသေ မေႃပေႉၵိၼ်၊ မေႃဢမ်ႇလၢတ်ႈတေႃႇသေၵေႃႉၵေႃႉယဝ်ႉ။ ၵေႃႉဢၼ်ထုၵ်ႇပွႆႇၽႃႈၸိူင်ႉၼၼ်ၼႆႉ မၼ်းပဵၼ်လွင်ႈ ၸႂ်လဵၵ်ႉၸႂ်ဢမ်ႇလီတေႉတေႉလႄႈ လွင်ႈႁဵတ်းၸိူင်ႉၼၼ်ၼႆႉ တေဢမ်ႇလႆႈႁဵတ်း၊ တေလႆႈဝေႈ။
9. ႁဝ်းၼင်ႇၵၼ် ႁွင်ႉၸိုဝ်ႈပွမ်ၵၼ်ၼႆႉ မၼ်းပဵၼ် လွင်ႈဢမ်ႇမီး လွင်ႈယဵၼ်ႇငႄႈ။
10. ၵေႃႉၼိုင်ႈလႄႈ ၵေႃႉၼိုင်ႈ တေဢမ်ႇလႆႈ ယွႆႈၵၼ်၊ ႁႃတၢင်းၽိတ်းၵၼ်။ သင်ၸိူဝ်းဝႃႈ သေၵေႃႉၵေႃႉ ႁဵတ်းမႅၼ်ႈလွင်ႈၸိူင်ႉၼၼ်ၼႆ ထုၵ်ႇလီ ပၼ်ၽၢင်ႉၵၼ် လီလီငၢမ်းငၢမ်း။
11. တေဢမ်ႇလႆႈလၢတ်ႈၵႂၢမ်းႁုၵ်းႁၢႆႉ၊ တေဢမ်ႇလႆႈပွင်ႉလႃႇ။ (တေလႆႈဝေႈ ၵႂၢမ်း ဢၼ်ဢမ်ႇၶႆႈၶၢမ်ႇ၊ ၵႂၢမ်းႁုၵ်းႁၢႆႉ၊ ၵႂၢမ်းဢၼ်ဢမ်ႇလီထွမ်ႇ)။ တေလႆႈလၢတ်ႈၵႂၢမ်း ဢူၼ်ႈဢွၼ်ႇ၊ ၵႂၢမ်းဢၼ်မီးလွင်ႈ ယဵၼ်ႇငႄႈ။
12. ထုၵ်ႇလီၸွႆႈထႅမ် လုၵ်ႈႁဵၼ်းမႂ်ႇ။ ထုၵ်ႇလီတူၺ်းထိုင် ၸိူဝ်းပဵၼ်လုၵ်ႈႁဵၼ်း ဢၼ်တိုၵ်ႉၵေႃႉလဵၵ်ႉ၊ ၵေႃႉဢွၼ်ႇ။
13. သင်ၸိူဝ်ႉဝႃႈ လႆႈယူႇလေႃးၵၼ်တင်း လုၵ်ႇႁဵၼ်းၼၢင်းယိင်းၶဝ်ၼႆ ထုၵ်ႇလီဝႆႉမိူၼ်ၼွင်ႉယိင်းသေ ၸိူဝ်းထုၵ်ႇလီ တူၺ်းထိုင်သင်ၵေႃႈ တူၺ်းထိုင်ၸွႆႈထႅမ်လႄႈ။
14. ထုၵ်ႇလီၽၢင်ႉဝႆႉ ႁႂ်ႈတူဝ်ၸဝ်ႈၵဝ်ႇၼႆႉ ပေႃးပဵၼ်တူဝ်ယၢင်ႇ တူဝ်ဢၼ်ပိူၼ်ႈပေႃးၶွႆ၊ ပေႃးၶႂ်ႈယိူင်ႈၸွမ်း။