ႁူင်းႁဵၼ်းယၢင်းပူး

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး

ႁူင်းႁဵၼ်းယၢင်းပူး ပဵၼ်ႁူင်းႁဵၼ်းဢၼ်ပူၵ်းပွင်ၼမ်ႉၵတ်ႉၵူၼ်းၼုမ်ႇၸိုင်ႈတႆး ပဵၼ်ႁူင်းႁဵၼ်းသွၼ်လိၵ်ႈဢင်းၵိတ်ႉ၊ ၾိင်ႈငႄႈၾိင်ႈထုင်းတႆး၊ လိၵ်ႈတႆး၊ ဢိၵ်ႇလူၺ်ႈပိုၼ်းတႆး၊၊

ပိုၼ်းႁူင်းႁဵၼ်း[မႄးထတ်း | မႄးထတ်းငဝ်ႈငႃႇ]

ဝၼ်းၵေႃႇတင်ႈႁူင်းႁဵၼ်း[မႄးထတ်း | မႄးထတ်းငဝ်ႈငႃႇ]

ႁူင်းႁဵၼ်းယၢင်းပူးၵေႃႇတင်ႈၶိုၼ်ႈမႃးမိူဝ်ႈ လိူၼ် ၵျူႇလႆၢႇ ဝၼ်းထိ 1 ပီၶရဵတ်ႈ 2001 တီႈၵျွင်းယၢင်းပူး၊ ၵျွင်းယၢင်းပူး၊ ဝၢၼ်ႈယၢင်းပူး၊ ဢိူင်ႇလွႆလူင်၊ ဝဵင်းၵဵင်းတုင်၊ ၼၼ်ႉယူႇယဝ်ႉ၊ မိူဝ်ႈတေႇပိုတ်ႇႁူင်းႁဵၼ်းၼၼ်ႉ ၸဝ်ႈၶူးၸေႃးတိၵ ၶုၼ်ၸွမ်ၾႃႉ သတ်ႉထမ်မၸေႃးတိၵꩪၸ လႆႈႁူၺ်းႁွင်ႉဢဝ်လုၵ်ႈႁဵၼ်းၶၢဝ်းမႆႈလႆၢꧦ ဝၢၼ်ႈ ဢၼ်လႆႈပိုတ်ႇသွၼ်မႃးၵူႈပီꧦ ၼၼ်ႉသေ မႃးႁူမ်ႈၵၼ်ပိုတ်ႇၵၢၼ်သွၼ်ၵၢၼ်ႁဵၼ်း မိူၼ်ၸိူင်ႉၼင်ႇလုၵ်ႈႁဵၼ်း ဝၢၼ်ႈၼႃႈၶမ်း၊ ဝၢၼ်ႈၼႃးတႆး၊ ၵၢင်ၼႃးပူႇလွႆ၊ ယၢင်းလူး၊ ဝၢၼ်ႈပုင်ႇ၊ မေႃႇၶူၵ်ႉ၊ ၽႆၢဝဵင်း၊ ယၢင်းႁၢဝ်ႉ ႁူမ်ႈလုၵ်ႈႁဵၼ်းၸုပ်ႈဢွၼ်တၢင်းသုတ်း 25 ၵေႃႉ ပိုတ်ႇၽုၺ်ႇမႃး ၸိုဝ်ႈႁူင်းႁဵၼ်းဝႃႈ ꧦႁူင်းႁဵၼ်းၶုၼ်ၸွမ်ၾႃႉၽၢႆႇပူၵ်းပွင်ၵူၼ်းၼုမ်ႇၸိုင်ႈတႆးꧦ ၸိုဝ်ႈၽၢႆႇဢိင်းၵိတ်ႉဝႃႈ (School For Youth Improvement Founded By Soa Khun Zawm Fah) ၼႆယဝ်ႉ။

ၽူႈၵေႃႇတင်ႈႁူင်းႁဵၼ်း[မႄးထတ်း | မႄးထတ်းငဝ်ႈငႃႇ]

ၽူႈၵေႃႇတင်ႈႁူင်းႁဵၼ်ပဵၼ် ၸဝ်ႈၶူးၸေႃးတိၵ ၶုၼ်ၸွမ်ၾႃႉ သတ်ႉထမ်မၸေႃးတိၵꩪၸ ၸဝ်ႈၶူးပဵၼ်ၵူၼ်းၸႃႇတိ မိူင်းမိတ်ႈ သေတၵွပ်ႈလႆႈဢွၵ်ႇၶၢဝ်းတၢင်း ႁႃလဵပ်ႈႁဵၼ်းတၢင်းႁူႉ လႄႈဢွၵ်ႇပိုၼ်ၽေသႃႇသၼႃႇ ဢိၵ်ႇလူၺ်ႈပိုၼ်ၽေလိၵ်ႈလၢႆးတႆး ၾိင်ႈငႄႈၾိင်ႈထုင်းတႆး ပၼ်လုၵ်ႈဢွၼ်ႇၵူၼ်းၼုမ်ႇ ၸဵမ်ၼႂ်းမိူင်းတႆးမိူင်းထႆး မိူဝ်ႈလႆႈမႃးထိုင်ၵဵင်းတုင် မိူဝ်ႈပီၶရဵတ်း 1994 တေႇဢဝ်မိူဝ်ႈၼၼ်ႉမႃး လႆႈတေႇပိုတ်ႇသွၼ်လိၵ်ႈတႆးၶၢဝ်းမႆႈမႃးဢမ်ႇၶၢတ်ႇ တေႃႇထိုင်လႆႈမႃးပိုတ်ႇႁူင်းႁဵၼ်းယူႇယဝ်ႉ။

ႁူင်းႁဵၼ်းယၢင်းပူး၊ ဝၢၼ်ႈယၢင်းပူး၊ ဢိူင်ႇလွႆလူင်၊ ဝဵင်းၵဵင်းတုင်

လွင်ႈတၢင်းဢၼ်လႆႈၵေႃႇတင်ႈႁူင်းႁဵၼ်း[မႄးထတ်း | မႄးထတ်းငဝ်ႈငႃႇ]

ၵွပ်ႈၸဝ်ႈၶူးလႆႈဢွၵ်ႇလေႇမိူင်းမႃးလၢႆတီႈသေ မၼ်းၸဝ်ႈလႆႈႁၼ်ပၼ်ႁႃ ပၢႆးပၺ်ႇၺႃႇလုၵ်ႈဢွၼ်ႇတႆးႁဝ်း ဢၼ်ဢမ်ႇပေႉလိၵ်ႈတႆး လိၵ်ႈမၢၼ်ႈၵေႃႈဢမ်ႇလႆႈ မိူဝ်ႈမႃးထိုင်ၵဵင်းတုင် မိူဝ်ႈပီၶရိတ်ႈ 1994 ၸင်ႇလႆႈၶတ်းၸႂ် သႂ်ႇႁႅင်းသေ ပိုတ်ႇပၢင်သွၼ်ၶၢဝ်းမႆႈ ၶၢဝ်းတၢင်း 45 ပၼ်လုၵ်ႈဢွၼ်ႇၵူၼ်းၼုမ်ႇ ၼႂ်းဝဵင်းၵဵင်းတုင် ဢိၵ်ႇလူၺ်ႈတႃႇၶီႈလဵၵ်း ၸိူဝ်းၼႆႉယဝ်ႉ၊ မိူဝ်ႈလႆႈသွၼ်မႃးလၢႆပီယဝ်ႉ လႆႈႁၼ်ပၼ်ႁႃထႅင်ႈဝႃႈ ၶၢဝ်းယၢမ်းပၢင်သွၼ်ၶၢဝ်းမႆႈၼၼ်ႉပွတ်း ဢၼ်ၶႂ်ႈသွၼ် ၶႂ်ႈပၼ်လုၵ်ႈႁဵၼ်းသမ်ႉၼမ်သေ ၸင်ႇဝူၼ်ႉသၢင်ႈႁူင်းႁဵၼ်းၶိုၼ်ႈမႃး ပဵၼ်ၶၢဝ်းယၢဝ်း 8 လိူၼ်မႃးယူႇယဝ်ႉ။

ယိူင်းဢၢၼ်းႁူင်းႁဵၼ်း[မႄးထတ်း | မႄးထတ်းငဝ်ႈငႃႇ]

ယိူင်းဢၢၼ်းႁူင်းႁဵၼ်းမီးသၢမ်ၶေႃႈ

ႁႂ်ႈလုၵ်ႈႁဵၼ်းပဵၼ်တူဝ်ႇယၢင်ႇလီ[မႄးထတ်း | မႄးထတ်းငဝ်ႈငႃႇ]

မိူဝ်ႈလုၵ်ႈႁဵၼ်းလႆႈမႃးၶိုၼ်ႈႁဵၼ်းယဝ်ႉ ႁူင်းႁဵၼ်းသွၼ်ႁိုဝ်ႈလုၵ်ႈႁဵၼ်း လႆႈၽိုၵ်းတူဝ်ၽိုၵ်းၸႂ် ႁိုဝ်ႈပဵၼ်းၵူၼ်းလီ ႁိုဝ်ႈပဵၼ်ၵူၼ်းဢၼ် မီးတၢင်ႈႁူႉတၢင်းမေႃးတႃႇလေႃးၵ လႄႈတၢင်းႁူႉၼႂ်းထမ်ႇမ ၸိူဝ်းၼႆႉ မိူဝ်ႈလုၵ်ႈႁဵၼ်းလႆႈၽိုၵ်းႁဵၼ်းႁူႉယဝ်ႉ ႁိုဝ်ႈလႆႈပဵၼ်တူဝ်ယၢင်ႇလီ ၵူၼ်းၼႂ်းၼႃႈႁိူၼ်း ၼႂ်းဝၢၼ်ႈ ၼႂ်းမိူင်း ၸၵႂႃႇၸိူဝ်းၼႆႉယဝ်ႉ။

ႁွင်ႈႁဵၼ်းႁူင်းႁဵၼ်းယၢင်းပူး

ႁႂ်ႈလုၵ်ႈႁဵၼ်းပဵၼ်လုၵ်ႈလၢင်းလီတႃႇပေႃႈမႄႈ လႄႈသိုပ်ႇပဵၼ်ပေႃးမႄႈလီ[မႄးထတ်း | မႄးထတ်းငဝ်ႈငႃႇ]

ႁူင်းႁဵၼ်းမီးယိူင်းဢၢၼ်း ၽိုၵ်းပၼ်လုၵ်ႈႁဵၼ်း ႁိုဝ်ႈႁူႉဝူတ်ႈတြႃးလွင်းပဵၼ်လုၵ်ႈလၢင်း ႁိုဝ်ႈလုၵ်ႈႁဵၼ်းလႆႈႁူႉ ၵုင်ႇမုၼ်ပေႃႈမႄႈ ႁူႉၸၵ်းၸွႆႈထႅမ်တူဝ်ၵဝ်ႇလႄႈတႆးၵေႃႉမိူဝ်ႈယူႇၼႂ်းႁူင်းႁဵၼ်း ၸိူင်ႉၼင်ႇလွင်ႈႁုင်မိုဝ်ႉ သၵ်ႉၶူဝ်းလွႆးၶူဝ်း ပတ်းၽဵတ်ႈၸၵႂႃႇၸိူဝ်းၼႆႉ မိူဝ်ႈလႆႈပွၵ်ႈမိူဝ်းလုၵ်ႈႁဵၼ်းၶဝ်တေပႃး တၢင်းယၢမ်ႈၸိူဝ်ႈၼႆႉမိူဝ်း ႁဵတ်းပၼ်ဝူတ်ႈတြႃးဢၼ်ၶဝ်မီးၼိူဝ်ပေႃးမႄႈ ပဵၼ်လုၵ်ႈလၢင်းလီၶွင်ႈပေႃႈမႄႈၵႂႃႇဝၼ်းတၢင်းၼႃႈယဝ်ႉ။

ႁႂ်ႈပဵၼ်ၵူၼ်းမိူင်းလီ[မႄးထတ်း | မႄးထတ်းငဝ်ႈငႃႇ]

မိူဝ်ႈလုၵ်ႈႁဵၼ်းပဵၼ်ၵူၼ်းမီးၼမ်ႉၵတ်ႉ မီးၼမ်ႉၸႂ်လီ ဢၼ်မေႃၸွႆႈထႅမ်တူဝ်ၵဝ်ႇ လႄႈဢူၺ်းၵေႃႉၼႂ်းႁူင်းႁဵၼ်း လုၵ်ႈႁဵၼ်းၶဝ်ၵႂႃႇယူႇတီႈလႂ်ၵေႃႈ တေဢမ်ႇပဵၼ်ပၼ်ႁႃ တေမေႃပိုင်ႈဢိင်ႈၼိူဝ်တူဝ်ၸဝ်ႈၵဝ်ႇ တေပဵၼ်ၵူၼ်းမိူင်းလီ လုၵ်ႈလီၼႂ်းၼႃႈႁိူၼ်း၊ ၼႂ်းဝၢၼ်ႈ၊ ၼႂ်းမိူင်းၸၵႂႃႇ သၢမ်ၶေႃႈၼႆႉပဵၼ်ယိူင်းဢၢၼ်းႁူင်းႁဵၼ်း ဢၼ်ၽိုၵ်းသွၼ်ပၼ်လုၵ်ႈႁဵၼ်းမႃးယူႇယဝ်ႉ။

ဝၢႆးႁဵၼ်းယဝ်ႉ လိူဝ်သေၼၼ်ႉ ၸဝ်ႈၶူးလႄႈၶူးသွၼ်ၶဝ် ပဵၼ်ႁႅင်းႁိုဝ်ႈၵႂႃႇၶဝ်ႈပၢင်ၽိုၵ်ႉၽွၼ်ႉဢၼ်ပိူၼ်ႈၽိတ်းၵပ်းသိုပ်ႇမႃးထႅမ်ၼမ်ႉၵတ်ႉထႅင်ႈ ပၼ်ႁႅင်းႁိုဝ်ႈၶိုၼ်ႈႁဵၼ်းၸၼ်ႉသိပ်းသိုပ်ႇထႅင်ႈ ဢမ်ႇၼၼ်ပၼ်ႁဵင်းႁိုဝ်ႈသိုပ်ႇၶိုၼ်ႈၸၼ်ႉၸွမ်ထႅင်းယူႇယဝ်ႉ။

ၵၢၼ်ႁဵၼ်းၵၢၼ်သွၼ်[မႄးထတ်း | မႄးထတ်းငဝ်ႈငႃႇ]

ၵၢၼ်ႁဵၼ်းၵၢၼ်သွၼ် တီႈႁူင်းႁဵၼ်းယၢင်းပူးၼၼ်ႉ လႆႈဢဝ်ဢင်းၵိတ်ႉပဵၼ်ပိူင်ယႂ်ႇ ၸဝ်ႈၶူးၸေႃးတိၵ ၶုၼ်ၸွမ်ၾႃႉ သတ်ႉထမ်မၸေႃးတိၵꩪၸ ၽူႈၵေႃႇတင်ႈႁူင်းႁဵၼ်း လႆႈသပ်းလႅင်းၼေဝႃႈ ၵွပ်ႈသင်လႄႈလႆႈပိုတ်ႇသွၼ်လိၵ်ႈဢင်းၵိတ်ႉပဵၼ်ပိူင်ယႂ်ႇ မၼ်းၸဝ်ႈတွပ်ႇဝႃႈ ꧦ ၼႂ်းၶၢဝ်းတၢင်း ဢၼ်ၸဝ်ႈၶူးလႆႈပိုတ်ႇပၢင်သွၼ်ၶၢဝ်းမႆႈမႃးၼၼ်ႉ ၵဵဝ်ႇလူၺ်ႈလွင်ႈလိၵ်ႈတႆးၼႆႉ ၵူၼ်းၵမ်ႉၼမ်ၶဝ် တေထၢင်ႇလဵၵ်ႉလိၵ်ႈတႆး ထၢင်ႇယႂ်ႇလိၵ်ႈပိူၼ်ႈ ၵူၼ်းဢမ်ႇႁၼ်လီၸွမ်းၵေႃႈၼမ် ထႅင်ႈဢၼ်ၼိုင်ႈ မိူဝ်ႈၼၼ်ႉလူင်ပွင်ၸိုင်ႈၵေႃႈ ဢမ်ႇပေႃးႁၼ်လီၸွမ်း ၸင်ႇလႆႈပိုတ်ႇပိုတ်ႇသွၼ်ပၼ် လိၵ်ႈဢၼ်ပိူၼ်ႈထၢင်ႇယႂ်ႇ လိၵ်ႈဢိင်းၵိတ်ႉ ၸင်ႇလႆႈဢဝ်လိၵ်ႈဢင်းၵိတ်းႁူၺ်းဢဝ်လုၵ်ႈႁဵၼ်းၶဝ်မႃးသေ ၸင်ႇသိုပ်ႇသွၼ်ထႅမ်ပၼ်လုၵ်ႈႁဵၼ်းၶဝ်ထႅင်ႈ ဢၼ်ၶဝ်ပႆႇႁူႉၼၼ်ႉယဝ်ႉ။

ၶူးသွၼ်လႄႈလုၵ်ႈႁဵၼ်းၸွႆႈၵၼ်တူၺ်းထိုင်သိင်ႇဝႅတ်ႉလွမ်ႉ

ၽႃႇသႃႇၵၢၼ်သွၼ်[မႄးထတ်း | မႄးထတ်းငဝ်ႈငႃႇ]

ၽႃႇသႃႇဢင်းၵိတ်ႉ[မႄးထတ်း | မႄးထတ်းငဝ်ႈငႃႇ]

1.Speaking

2.Phonetic (Three or Tree)

3.Interchange intro, book 1, book 2, book 3

4.Writing

5.Grammar in use

6.English Vocabulary (ၼိုင်ႈဝၼ်း 20 တူဝ် 10 ဝၼ်း တွပ်ႇ ၼိုင်ႈပွၵ်ႈ)

ၽႃႇသႃႇတႆး[မႄးထတ်း | မႄးထတ်းငဝ်ႈငႃႇ]

1.လိၵ်ႈတႆး

2.ၾိင်ႈပိူင်ပၢၼ်မႂ်ႇ (လိၵ်ႈတႆး)

3.ပိုၼ်းတႆး

ၵၢၼ်ႁဵၼ်းတွၼ်ႈၼိုင်ႈ 2 လိူၼ်[မႄးထတ်း | မႄးထတ်းငဝ်ႈငႃႇ]

ၵၢၼ်ႁဵၼ်းမီး 8 လိူၼ်လႆႈၸႅၵ်ႇပဵၼ်သွင်တွၼ်ႈ တွၼ်ႈၼိုင်ႈသွင်လိူၼ် သွင်လိူၼ်ၼၼ်ႉ လုၵ်ႈႁဵၼ်းတေလႆႈႁဵၼ်း -

1. Speaking (ပပ်ႉဢၼ်ႁူင်းႁဵၼ်းႁဵတ်းဢွၵ်ႇ ပဵၼ်ပပ်ႉလွင်ႈလၢတ်ႈၵႂၢမ်းဢင်းၵိတ်ႉ ဢၼ်လုၵ်ႈႁဵၼ်းၵူႈၸုပ်ႈၸွႆႈၵၼ်ၶူင်ႈသၢင်ႈ ထၢမ်ၶူးသေၸွႆႈၵၼ်ႁဵတ်းဢွၵ်ႇမႃး မီးတင်းမူတ်းမွၵ်ႈ 50 ႁူဝ်ၶေႃႈ) (ႁဵၼ်းၵၢင်ၼႂ်)

2. Phonetic (Three or Tree) ပပ်ႉၼႆႉပဵၼ်ပပ်ႉဢၼ်ၸၼ်ႉၸွမ် Cambridge ႁဵတ်းဢွၵ်ႇ လုၵ်ႈႁဵၼ်းၵူႈၵေႃႉ ဢၼ်လႆႈႁဵၼ်းတီႈႁူင်းႁဵၼ်းလူင်ပွင်ၸိုင်ႈမႃး ႁဵၼ်းမႃးတၢင်းထႆး သဵင်ဢၼ်ၽိုၵ်းမႃး ဢမ်ႇမိူၼ်ၵၼ်ၼၼ်ႉ တေလႆႈမႃးၽိုၵ်းဢွၵ်ႇသဵင် ဢၼ်ထုၵ်ႇမႅၼ်ႈမၼ်းၸွမ်းၵၼ် ၸွမ်းပပ်ႉ (Three or Tree) ၼႆႉၸွမ်းၵၼ်ယဝ်ႉ။

3. လိၵ်ႈတႆး လိၵ်ႈတႆးၼႆႉပဵၼ်ၽႃႇသႃႇဢၼ်ၸမ်ပဵၼ် ၼႂ်းၵၢၼ်ႁဵၼ်းတီႈႁူင်းႁဵၼ်သႃႇၽႃႇသႃႇၼိုင်ႈ လုၵ်ႈႁဵၼ်းဢၼ်ပႆႇမေႃလိၵ်ႈတႆး ဝၢႆးလူင်းလိၵ်ႈဢင်းၵိတ်းယဝ်ႉ တေလႆႈႁဵၼ်းလိၵ်းတႆးထႅမ်ထႅင်ႈ ၶၢဝ်းယၢမ်းႁဵၼ်း ပဵၼ်ၶၢဝ်းယၢမ်းႁဵၼ်း 3 မူင်း ထိုင် 4 မူင်း ဝၢႆးဝၼ်း တေလႆႈႁဵၼ်းယဝ်ႉၼႂ်းၶၢဝ်းတၢင်းသွင်လိူၼ်ဢွၼ်တၢင်းသုတ်းၼၼ်ႉယဝ်ႉ။

ၵၢၼ်ႁဵၼ်းတွၼ်ႈသွင် 6 လိူၼ်[မႄးထတ်း | မႄးထတ်းငဝ်ႈငႃႇ]

မိူဝ်ႈႁဵၼ်းယဝ်ႉ Speaking 50 ႁူဝ်၊ Phonetic (Three or Tree) ႁူႉလၢႆးဢွၵ်ႇသဵင် ႁူႉလၢႆးႁႃသဵင်ဢၼ်ထုၵ်ႇမႅၼ်ႈမၼ်းႁင်းၵူၺ်းၸဝ်ႈၵဝ်ႇလႆႈၼႂ်း Dictionary လႄႈႁူႉလိၵ်ႈတႆးယဝ်ႉ၊ ပဵၼ်ႁူၵ်းလိူၼ် ဢၼ်ပိၵ်ႉၵႂၢမ်းတႆးသေ တေလႆႈလၢတ်ႈတေႃႇၵၼ်ၵႂၢမ်းဢင်းၵိတ်ႉ၊ ၽႃႇသႃႇဢၼ်တေလႆႈႁဵၼ်းၼႂ်းႁူၵ်းလိူၼ်ၼႆႉပဵၼ် -

1. Interchange intro, book 1, book 2, book 3

2. Grammar in use

3. Writing

4. English Vocabulary (ႁဵၼ်းဢဝ်ၵူၺ်းၼိုင်ႈဝၼ်း 20 တူဝ် 10 ဝၼ်း တွပ်ႇၼိုင်ပွၵ်ႈ ၼိုင်ႈပွၵ်ႈတွပ်ႇ 200 တူဝ်)

5. ၾိင်ႈပိူင်ပၢၼ်မႂ်ႇ၊ ပိုၼ်းတႆး၊ လႄႈ တၢင်းႁူႉၼႂ်းထမ်ႇမ ၸဝ်ႈၶူးလူင်သွၼ်ပၼ်ဝၼ်းသဝ် လႄႈဝၼ်းဢႃးတိတ်ႉ ၼိုင်ႈဝူင်ႈႁဵၼ်းသွင်ဝၼ်းၼႆႉ ဢုပ်ႇၵၼ်ၵႂၢမ်းတႆးလႆႈၼႂ်းႁွင်ႈႁဵၼ်း ပေႃးဢွၵ်ႇၼွၵ်ႈႁွင်ႈႁဵၼ်းလႆႈၸွမ်းပိူင် 6 လိူၼ်ၶိုၼ်းၽိုၵ်းၸႂ်ႉၵႂၢမ်းဢင်းၵိတ်းၸူးၵၼ်ၶိုၼ်း။

ၸိူဝ်းၼႆႉပဵၼ်ၽႃႇသႃႇၵၢၼ်ၵၢၼ်ႁဵၼ်းၵမ်ႉၽွင်ႈၵၼ်ၸၢင်ႈလၢတ်ႈသပ်းလႅင်းၼေလႆႈ လိူဝ်သေၼၼ်ႉ ႁူင်းႁဵၼ်းလႆႈပိၼ်ႇၸွမ်းငဝ်းလၢႆးမၼ်း လႄႈၽိတ်းပၢင်းၽူးမီးတၢင်းႁူႉ ၶူးသွၼ်ၶဝ်တၢင်ႇတီႈမႃးပၼ်တၢင်းႁူႉ ဢၼ်ၸမ်ပဵၼ်တႃႇ လုၵ်ႈႁဵၼ်းၸိူဝ်ႈၼႆႉယဝ်ႉ။

ၽၢင်ႁၢင်ႈလုၵ်ႈႁဵၼ်းယၢင်းပူး

ပၵ်းပိူင်ႁူင်းႁဵၼ်း[မႄးထတ်း | မႄးထတ်းငဝ်ႈငႃႇ]

ပၵ်းပိူင်တေႁဵတ်းႁႂိုဝ်ႈ ၵူၼ်ႈႁဝ်းယူႇႁူမ်ႈၵၼ်ၵတ်းꧦ ယဵၼ်ꧦလႆႈ ၸဝ်ႈၶူးသွၼ်ယၢမ်ႈသွၼ်ဝႆႉဝႃႈ ပၵ်းပိူင်မၼ်းႁႄႉၵင်ႈပၼ်လုၵ်ႈႁဵၼ်း ဢမ်ႇႁိုဝ်ႈပိူၼ်ႈၸၢင်ႈမႃးႁဵတ်းႁၢႆႉလုၵ်ႈႁဵၼ်းလႆႈ လုၵ်ႈႁဵၼ်းၵေႃႈၵေႃႈတေဢမ်ႇလႆႈၵႂႃႇႁဵတ်းႁၢႆႉပိူၼ်ႈ ပဵၼ်ၽွၼ်းလီတွၼ်ႈတႃႇယူႇႁူမ်ႈၵၼ် ပၵ်းပိူင်ႁူင်းႁဵၼ်းယၢင်းပူးၼၼ်ႉ ပဵၼ်ဢၼ်လုၵ်ႈႁဵၼ်းၵဝ်ႇၶဝ် ထူပ်းပၼ်ႁႃၼႂ်းႁူင်းႁဵၼ်းသေလႆႈတူၵ်းလူင်းလႆႈၸႂ် ႁဵတ်းပၵ်းပိူင် ၸႂ်ႉယိပ်းတိုဝ်းႁူမ်ႈၵၼ်ၸုပ်ႈသိုပ်ႇၸုပ်ႈမႃးယဝ်ႉ။

(ပေႃးလႆႈၶဝ်ႈပဵၼ်လုၵ်ႈႁဵၼ်းႁူင်းႁဵၼ်းၸင်ႇသပ်းလႅင်းလူၼေ)

လွင်ႈတူင်ႉၼိုင်[မႄးထတ်း | မႄးထတ်းငဝ်ႈငႃႇ]

1. ဢွၵ်ႇလဵပ်ႈႁဵၼ်းတၢင်းၼွၵ်ႈ

2. ပၢင်ၽိုၵ်ႈလၢတ်ႈၵႂၢမ်း၊ ပၢင်ႁိမ်ၼမ်ႉၵႂၢမ်း (Speaking Contest, Debating)

3. ၽိုၵ်းႁုင်မိုဝ်ႉ

4. ႁဵတ်းၼႃး

ႁူင်းႁဵၼ်းလိၵ်ႈ ဢၼ်ၸဝ်ႈသိၼ်ထမ်းပေႃးဝုၼ်းၸုမ်ႉ ဢွၼ်ႁဵတ်းလူႇဝႆႉ

တေလႆႈမီးပိုၼ်ႉထၢၼ်သင်တႃႇမႃးၶဝ်ႈႁဵၼ်း[မႄးထတ်း | မႄးထတ်းငဝ်ႈငႃႇ]

ႁူင်းႁဵၼ်ယၢင်ႈပူး လႆႈပိုတ်ႇတိုဝ်ႉတၢင်းပၼ်ၵူၼ်းၵူႈသႅၼ်းꧦ ၶဝ်ႈမႃးႁဵၼ်းလႆႈ ႁွင်ႈႁဵၼ်းလႆႈၸႅၵ်ႇပဵၼ် သၢမ်ႁွင်ႈ ႁွင်ႈၼိုင်ႈ ၸၼ်ႉပိုၼ်ႉထၢၼ် သွၼ် A, B, C ၵႂႃႇ ႁွင်ႈသွင် ၸၼ်ႉၵၢင် သွၼ်ဢၼ်မီးပိုၼ်ႉထၢၼ်ဝႆႉၽွင်ႈယဝ်ႉ ႁွင်ႈသၢမ် ၸၼ်ႉသုင် ဢၼ်မီးပိုၼ်ႉထၢၼ်ဝႆႉၼမ်ယဝ်ႉ တူဝ်ၸဝ်ႈၵဝ်ႇလႅပ်ႈႁဵၼ်းပေႉလႆႈႁွင်ႈလႂ်ၵေႃႈ လိူၵ်ႈႁဵၼ်းၵႂႃႇ ၼႂ်းၶၢဝ်းတၢင်း 7 ဝၼ်း ပေႃးပူၼ်ႉ 7 ဝၼ်းယဝ်ႉ တေဢမ်ႇလႆႈၶၢႆႉႁွင်ႈႁဵၼ်း၊ ၶူးသွၼ်လူင်မွၼ်းၶိူဝ်းဝႃႈဝႆႉဝႃႈ ꧦလုၵ်ႈႁဵၼ်းတေလႆႈမီးၵၢင်ၸႂ်ၶႂ်ႈႁဵၼ်း ၶႂ်ႈႁူႉ ၶႂ်ႈမေႃလိၵ်ႈဢင်းၵိတ်ႉၵူၺ်း တႃႇတေမႃးႁဵၼ်းလိၵ်ႈတီႈႁူင်းႁဵၼ်းယၢင်းပူးꧦ ၼႆယူႇယဝ်ႉ။


မၢႆတွင်း

သႅင်ၵူႇႁိူင်း ။ ။ တီႈၼႆႈယွၼ်းပၼ်တၢင်းႁၼ်ထိုင်ဢိတ်းၼိုင်ႈ ပေႃးၸဝ်ႈၵဝ်ႇပႆႇမီးပိုၼ်ႉထၢၼ်သင်ၼႆ ထုၵ်ႇလီယူႇႁဵၼ်းမွၵ်ႈသၢမ်ပီ ၽႃႇသႃႇဢင်းၵိတ်ႉၸဝ်ႈၵဝ်ႇၸင်ႇၸႂ်ႉလႆႈ လၢတ်ႈလႆႈ၊ ပေႃးမီးပိုၼ်ႉထၢၼ်ၽွင်ႈယဝ်ႉ ထုၵ်ႇလီယူႇႁဵၼ်းမွၵ်ႈသွင်ပီၵေႃႈ တေလၢတ်ႈလႆႈတႅမ်ႈလႆႈယဝ်ႉ၊ ပေႃးမီးပိုၼ်ႉထၢၼ်မႃးၼမ်ယဝ်ႉ၊ မႃးၶဝ်ႈၸၼ်ႉသုင်လႆႈၼႆ ႁဵၼ်းပီလဵဝ်ၵူၺ်းၵေႃႈ ၸဝ်ႈၵဝ်ႇလၢတ်ႈလႆႈတႅမ်ႈလႆႈယဝ်ႉ။

ဝၢႆးၼၼ်ႉၼင်ႇႁိုဝ်တေလၢတ်ႈဢင်းၵိတ်ႉလႆႈၸႂ်ႉလႆႈလီꧦ ထႅင်ႈၼၼ်ႉ လူဝ်ႇသိုပ်ႇႁဵၼ်း သိုပ်ႇသွၼ်ထႅင်ႈ ႁႃၵၢၼ်ဢမ်ႇၼၼ် ႁႃႁဵၼ်းလိၵ်ႈထႅင်ႈဢၼ်လႆႈၸႂ်ႉလိၵ်ႈဢင်းၵိတ်ႉၵႂႃႇထႅင်ႈ ႁဝ်းၸင်ႇတေၵတ်ႉၶႅၼ်ႇလႆႈလီꧦ ယဝ်ႉ။

ယိူင်းဢၢၼ်းႁူင်းႁဵၼ်းမိူဝ်းၼႃႈ[မႄးထတ်း | မႄးထတ်းငဝ်ႈငႃႇ]

1. တႃႇသွၼ်ႁိုဝ်ႈပဵင်းၸၼ်ႉသိပ်း

2. တႃႇပဵၼ်ၸၼ်ႉၸွမ် ၶေႃးရဵၵ်ႉ

မၢႆတွင်း။ ။ မိူဝ်ႈပီ 2019 လုၵ်ႈႁဵၼ်းလႆႈႁဵတ်းလွင်ႈၶူၼ်ႉၶႂႃႉသေ လႆႈၶေႃႈမုၼ်းဝႃႈ ၵူၼ်းၵမ်ႉၼမ်ႁူႉၸၵ်း လႄႈႁွင်ႉၸိုဝ်ႈႁူင်းႁဵၼ်းဝႃႈ ႁူင်းႁဵၼ်းယၢင်းပူး ၼႆၵမ်ႉၼမ် ႁူင်းႁဵၼ်းလႆႈပိၼ်ႇၸိုဝ်ႈ ꧦႁူင်းႁဵၼ်းၶုၼ်ၸွမ်ၾႃႉၽၢႆႇပူၵ်းပွင်ၵူၼ်းၼုမ်ႇၸိုင်ႈတႆးꧦ (School For Youth Improvement Founded By Soa Khun Zawm Fah) ၼၼ်ႉမႃးပဵၼ်ၸိုဝ်ႈ ꧦႁူင်းႁဵၼ်းယၢင်းပူးꧦ (Yarng Boo School) သေ ပဵၼ်ၸိုဝ်ႈဢၼ်ၸႂ်ႉမႃးတေႃႇထိုင်ယၢမ်းလဵဝ်ယူႇယဝ်ႉ။

ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]

  1. 2018, SYI School, KengTung, Eatern Shan State., Yang Boo Monastery - Yang Boo School Facebook Page, သိုပ်ႇတူၺ်းၶေႃႈမုၼ်းလႆႈထႅင်ႈတီႈ: https://www.facebook.com/yangbooschool/videos/681933292012602
  2. ၶွပ်ႈၸႂ်ၶႅပ်းႁၢင်ႈ လုၵ်ႈႁဵၼ်းႁူင်းႁဵၼ်းယၢင်းပူး