တတိယၼႃၷဝိမႃၼဝတ်ထု၊ ၶုၼ်ၽီ လူႇၵျွင်းမုင်းမႂ်ဢွႆႈ
12 - တတိယၼႃၷဝိမႃၼဝတ်ထု၊ ၶုၼ်ၽီ လူႇၵျွင်းမုင်းမႂ်ဢွႆႈ
[မႄးထတ်း | မႄးထတ်းငဝ်ႈငႃႇ]ၶုၼ်ၽီ ပဵၼ်လႆႈတၢၼ်ႇႁိုဝ်ၵေႃႈ ႁဵတ်းလူႇ ၵျွင်းမုင်းမႂ်ဢွႆႈ၊ ၵျွင်းမုင်းၶႃး၊ ၵျွင်းမုင်းၽႅၼ်ႇလႄႈ ၽွၼ်းလီမၼ်း တမ်ႈတီႈ မိူင်းၽီတႃႇဝတိမ်ႇသႃႇၼၼ်ႉ လႆႈၵႂႃႇပဵၼ် ၸၢဝ်းၽီသုထမ်ႇမႃႇ လႆႈၶီႇၸၢင်ႉၽိူၵ်ႇၵႂႃႇၼိူဝ်ၵၢင်ႁၢဝ်သေ ဢၼ်လႆႈၶၢမ်ႇလွင်ႈဢဝ် တူႇရိယႃႇၵူႈပိူင်ပိူင် ပူႇၸေႃႇၼၼ်ႉ
- 976။ ဢၼ်လႆႈၶီႇၸၢင်ႉၽိူၵ်ႇၽီသေ ၵႂႃႇၼိူဝ်ၵၢင်ႁၢဝ် ဢၼ်လႆႈၶၢမ်ႇ လွင်ႈဢဝ်တူႇရိယႃႇ ပူႇၸေႃႇႁူၼ်ႈမေႃး ယူႇၼႆႉ မႂ်းပဵၼ်ၽႂ်ၼေႃး။
- 977။ မႂ်းၼႆႉ ပဵၼ်ၸၢဝ်းၽီ ၸတုမႁႃႇရၢတ်ႉႁိုဝ်ႉ၊ ပဵၼ်ၸၢဝ်းၽီ ၵၼ်ႇထပ်ႉပႁိုဝ်ႉ။ ဢမ်ႇၼၼ် ပဵၼ်ၶုၼ် ဢိၼ်း ဢၼ်ၸၢတ်ႈၵွၼ်ႇ ယၢမ်ႈႁဵတ်း ၵၢၼ်တၢင်းလူႇမႃးၼၼ်ႉႁိုဝ်ႉ။ ဢမ်ႇႁူႉလႄႈ ၸင်ႇထၢမ်မႂ်းယဝ်ႉ။ ၸိူဝ်းႁဝ်း တေလႆႈႁဵတ်းႁိုဝ် ႁူႉမႂ်းၸိူင်ႉႁိုဝ်ၼေႃး (ၼႆ ၽူႈမီးပၺ်ႇၺႃႇၵေႃႉၼိုင်ႈ ထၢမ်ၵႂႃႇယဝ်ႉ)။
- 978။ ၵဝ်ၶႃႈၼႆႉ ၽီၸတုမႁႃႇရၢတ်ႈၵေႃႈ ဢမ်ႇၸႂ်ႈ။ ၸၢဝ်းၽီၵၼ်ႇထပ်ႉပၵေႃႈ ဢမ်ႇၸႂ်ႈ။ ၸဝ်ႈၶုၼ်ဢိၼ်း ဢၼ်ၸၢတ်ႈၵွၼ်ႇ ယၢမ်ႈႁဵတ်းၵၢၼ်တၢင်းလူႇမႃးၼၼ်ႉၵေႃႈ ဢမ်ႇၸႂ်ႈ။ ပဵၼ်ၸၢဝ်းၶိူဝ်းၽီ ဢၼ်ၸိုဝ်ႈဝႃႈ သုထမ်ႇမႃႇ တီႈမိူင်းၽီ တႃႇဝတိမ်ႇသႃႇၼၼ်ႉ ၵေႃႉၼိုင်ႈယဝ်ႉ။
- 979။ ႁႂ်ႈလႆႈယွၼ်းထၢမ် မႂ်းဢၼ်ႁိၵ်ႈၸိုဝ်ႈဝႃႈ ၽီသုထမ်ႇမႃႇ ဢၼ်ပိူၼ်ႈႁွမ်းမိုဝ်းဝႆႈမႂ်းၼၼ်ႉၵွၼ်ႇ။ မိူဝ်ႈပဵၼ်ၵူၼ်းၼၼ်ႉ လႆႈႁဵတ်းၵၢမ်ႇဢီႈသင်မႃးသေ လႆႈမႃးပဵၼ်ၸၢဝ်းၶိူဝ်းၽီ သုထမ်ႇမႃႇၼႆႉၼေႃး (ၼႆ ထၢမ်ၵႂႃႇယဝ်ႉ)။
- 980။ ၵျွင်းဢၼ်မုင်းမႂ်ဢွႆႈလႄႈသင်၊ ၵျွင်းဢၼ်မုင်းၶႃးလႄႈသင်၊ ၵျွင်းဢၼ်မုင်းၽႅၼ်ႇလႄႈသင် ၵေႃႉၼၼ်ႉ ၵိုင်ႇလီလူႇတၢၼ်းယဝ်ႉ။ ၼႂ်းၵႃႈ ၵျွင်းသၢမ်မဵဝ်းၼႆႉ သင်ဝႃႈ ၵေႃႉၼၼ်ႉ လႆႈလူႇတၢၼ်း သေမဵဝ်းမဵဝ်းၸိုင် ၸၢင်ႈလႆႈပဵၼ် ၸၢဝ်းၽီသုထမ်ႇမႃႇယဝ်ႉ။ (ၼႆ တွပ်ႇၵႂႃႇယဝ်ႉ)။
တတိယၼႃၷဝိမႃၼဝတ်ထု ႁူဝ်သိပ်းသွင် သုတ်းယဝ်ႉ။
ၽိုၼ်ဢိင်
[မႄးထတ်း | မႄးထတ်းငဝ်ႈငႃႇ]- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပုရိသဝိမႃၼ၊ မႁႃရထဝၷ်၊ တတိယၼႃၷဝိမႃၼဝတ်ထု