တၢင်းပဵၼ်ႁူဝ်ၸႂ်

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
လွင်ႈတိတ်ႉသျူးၼိူဝ်ႉၼူႁူဝ်ၸႂ်တၢႆ
Synonym တၢင်းပဵၼ်ႁူဝ်ၸႂ်
လွင်ႈၼိူဝ်ႉၼူႁူဝ်ၸႂ်တၢႆၼႆႉ တီႈၼႂ်းၽႃၽၢႆႇၼႂ်း ဢဵၼ်လိူတ်ႈလဵပ်ႈႁူဝ်ၸႂ်ၼၼ်ႉ ပဵၼ်မႃး ၵၢပ်ႇၼႃဢၼ်ၼိုင်ႈ လွႆးလွႆးသေ ပေႃးဢၼ်ၼၼ်ႉ ၵိုင်ႉၵၢင်ႉတႅၵ်ႇၵႂႃႇၼႆ ပဵၼ်လိူတ်ႈတုင်မႃးသေ ၵႂႃႇဢိုတ်းဢဵၼ်လိူတ်ႈသေ ႁဵတ်းႁႂ်ႈ လွင်ႈလိူတ်ႈလႆလူင်းၼၼ်ႉ ၵိုတ်းၵႂႃႇသေ ၸင်လႆႈပဵၼ်မႃးယဝ်ႉ။
Specialty ပၺ်ႇၺႃႇတၢင်းပဵၼ်ႁူဝ်ၸႂ်၊ ပၺ်ႇၺႃႇပၢႆးယႃႈယႃၶိုၵ်ႉၶၵ်ႉ
လၵ်ႉၶၼႃႇ ဢူၵ်းၸဵပ်း၊ ထူၺ်ႈၸႂ်ဢမ်ႇဢိမ်ႇ၊ တူၼ်ႉႁၢၵ်ႈ၊ ယိၼ်းၶႂ်ႈလိုမ်းတူဝ်၊ ႁိူဝ်ႇဢွၵ်ႇ၊ ႁိူဝ်ႉမွႆႈ၊ ၶႅၼ်၊ ႁူဝ်မႃႇ၊ ၵွင်းလင်၊ ၶေႃး ဢမ်ႇၼၼ် တွင်ႉ ၵႅၼ်း
လွင်ႈသုၵ်ႉယုင်ႈ ႁႅင်းႁူဝ်ၸႂ်ယွၼ်ႇယွမ်း၊ လၢႆးႁူဝ်ၸႂ်တွတ်ႇ ဢမ်ႇမၢၼ်ႇ၊ ႁူဝ်ၸႂ်ၵိုတ်း ဢမ်ႇၼၼ် ႁူဝ်ၸႂ်လႆႈသျွၵ်ႉ
လွင်ႈလွၵ်ႇငိုတ်ႈ တၢင်းပဵၼ်လိူတ်ႈလိူဝ်လွင်ႈလုတ်ႇလႅၼ်းယႃႈတၢင်းပဵၼ်ယဵဝ်ႈဝၢၼ် ၊ ဢမ်ႇပေႃးမီး လွင်ႈတူင်ႉၼိုင်း ၊လွင်ႈပီးလူၼ်ႉလိူဝ်လွင်ႈထၢတ်ႈမၼ်းၼႂ်းလိူတ်ႈသုင်ႁႅင်း

တၢင်းပဵၼ်ႁူဝ်ၸႂ် ဢမ်ႇၼၼ် လွင်ႈတိတ်ႉသျူးၼိူဝ်ႉၼူႁူဝ်ၸႂ်တၢႆ ဢၼ်ဝႃႈၼႆႉ ယွၼ်ႉပိူဝ်ႈ လွင်ႈလႆလိူတ်ႈ ဢၼ်ၵႂႃႇၵမ်ႉပၼ် ပွတ်းတွၼ်ႈတီႈ ႁူဝ်ၸႂ်ၼၼ်ႉ ယွမ်းဢေႇၵႂႃႇလႄႈသင်၊ ၵိုတ်းၵႂႃႇလႄႈသင်၊ ယွၼ်ႉၵႂႃႇသၢင်ႈၺႃး ၼိူဝ်ႉၼူႁူဝ်ၸႂ် လႄႈ ၸင်လႆႈပဵၼ်တၢင်းပဵၼ်မႃးယဝ်ႉ။ ၽၢင်ႁၢင်ႈၼႄတၢင်းပဵၼ် ဢၼ်ပဵၼ်ၼမ်သေပိူၼ်ႈၼႆႉ ဢူၵ်းၸဵပ်း ဢမ်ႇၼၼ် တီႈၼႃႈဢူၵ်းဢမ်ႇယူႇသႃႇ လႄႈ လုၵ်ႉတီႈၼၼ်ႈသေ ၸွတ်ႈၽႄႈထိုင် ႁူဝ်မႃႇ၊ ႁူဝ်ၶႅၼ်၊ ၵွင်းလင်၊ ၶေႃး လႄႈ လုပ်ၵၢင်း ၸိူဝ်းၼႆႉယဝ်ႉ။[1] ၵမ်ႉပႃႈၼမ်တႄႉ လွင်ႈၸဵပ်းၵႅၼ်းၼၼ်ႉ ၵႆႉပဵၼ်တီႈ ၼႃႈဢူၵ်းသိုဝ်ႈသိုဝ်ႈ ဢမ်ႇၼၼ် ႁိမ်းၶၢင်ႈသေ ၵႆႉႁိူင်လၢႆမဵတ်ႉယဝ်ႉ။ လွင်ႈၼႃႈဢူၵ်းဢမ်ႇယူႇသႃႇၼႆႉ ၶႂ်ႈငၢႆးမိူၼ် ဢူၵ်းလိူတ်ႇ ဢၼ်ပဵၼ်ယွၼ်ႉ တၢင်းပဵၼ်ထူင်ၶဝ်ႈၼၼ်ႉယဝ်ႉ။ [2] ၽၢင်ႁၢင်တၢင်းပဵၼ် ထႅင်ႈတၢင်ႇမဵဝ်းၸမ်ႉ ထူၺ်ႈၸႂ်ဢမ်ႇဢိမ်ႇ၊ တူၼ်ႉႁၢၵ်ႈ၊ ယိၼ်းၶႂ်ႈလိုမ်းတူဝ်၊ ႁိူဝ်ႇဢွၵ်ႇ၊ ႁိူဝ်ႉမွႆႈ ၸိူဝ်းၼႆႉယဝ်ႉ။ ၵူၼ်းပဵၼ် တႃႇ ႁူဝ်ပၢၵ်ႇ 30 တႄႉ လႆႈႁဵၼ်ၽၢင်ႁၢင်ႈတၢင်းပဵၼ် ဢၼ်လၢၵ်ႇလၢႆးယဝ်ႉ။[3] ၽၢင်ႁၢင်ႈတၢင်းပဵၼ် ဢူၵ်းၸဵပ်းၼၼ်ႉ တႄႉ တီႈၼၢင်းယိင်း ဢမ်ႇသူၼႄသေ ၵႆႉလႆႈယိၼ်းပဵၼ် ၶေႃးၸဵပ်း၊ ၶႅၼ်ၸဵပ်း လႄႈ ၽၢင်ႁၢင်ႈႁိူဝ်ႉမွႆႈ ၸိူဝ်းၼႆႉယဝ်ႉ။[4] ၼႂ်းၵႃႈ ၵူၼ်းလူင် ၸိူဝ်း ဢႃႇယု 75 ၶိုၼ်ႈၼိူဝ်ၼၼ်ႉ တႃႇ ႁူဝ်ပၢၵ်ႇ 5 ၼႆႉ လႆႈ ပဵၼ်တၢင်းပဵၼ်ႁူဝ်ၸႂ် ဢၼ်တေႃႉတႄႉၼႄ ၽၢင်ႁၢင်ႈ ဢမ်ႇၼၼ် ဢၼ်ဢမ်ႇၼႄၽၢင်ႁၢင်ႈသေဢိတ်းၼႆယဝ်ႉ။[5] ယွၼ်ႉတိတ်ႉသျူးၼိူဝ်ႉၼူႁူဝ်ၸႂ်တၢႆၵႂႃႇသေ ၸၢင်ႈပဵၼ် လွင်ႈႁႅင်းႁဵတ်းၵၢၼ်ႁူဝ်ၸႂ် ယွမ်းၵႂႃႇ၊ လွင်ႈႁူဝ်ၸႂ်ၵိုတ်းၵႂႃႇ ဢမ်ႇၼၼ် ႁူဝ်ၸႂ်ပဵၼ်သျွၵ်ႉ ၼၼ်ႉယဝ်ႉ။[6]

လၵ်ႉၶၼႃႇတၢင်းပဵၼ်[မႄးထတ်း | မႄးထတ်းငဝ်ႈငႃႇ]

View of the chest with common areas of MI coloured
View of the back with common areas of MI coloured
ႁၢင်ႈဢၼ်ၼႄ တီႈလႆႈယိၼ်းၸဵပ်း ပေႃးပဵၼ်တၢင်းပဵၼ်ႁူဝ်ၸႂ်။[တီႈၼႃႈဢူၵ်း လႄႈ ၵွင်းလင် တီႈဢၼ်ပဵၼ်လွင်ႈၸဵပ်းၼမ်သေပိူၼ်ႈ (သီလႅင်ၵေႇ) လႄႈ တီႈဢၼ်ပဵၼ် တၢင်းပဵၼ်ဢေႇသေပိူၼ်ႈ (သီလႅင်ၼုမ်ႇ)]

လွင်ႈၼႃႈဢူၵ်းၸဵပ်းၼႆႉ ႁူမ်ႈဝႃႈ မၼ်းၽႄႈၸွတ်ႈထိုင် တီႈ ပွတ်းတွၼ်ႈတူဝ်တၢင်ၸိူဝ်းလႄႈသင် ဢမ်ႇၽႄႈၸွတ်ႇလႄႈသင် ၼၼ်ႉၼႆႉ မၼ်းပဵၼ် လၵ်ႉၶၼႃႇဢၼ်ထၢင်ႇၸႅင်ႈႁင်း လွင်ႈတိတ်ႉသျူးၼိူဝ်ႉၼူႁူဝ်ၸႂ်တၢႆၼၼ်ႉယဝ်ႉ။ ၸိူဝ်းပဵၼ်လၵ်ႉၶၼႃႇတၢင်ႇၸိူဝ်း မၼ်းၼင်ႇ ႁိူဝ်ႇတႅၵ်ႇႁိူဝ်လႆၼၼ်ႉၵေႃႈ ၸၢင်ႈပဵၼ်ပႃးမႃးၵွၼ်ႇယဝ်ႉ။

လွင်ႈၸဵပ်းၵႅၼ်း[မႄးထတ်း | မႄးထတ်းငဝ်ႈငႃႇ]

တီႈ တၢင်းပဵၼ်ႁူဝ်ၸႂ်ၼႆႉ လွင်ႈၼႃးဢူၵ်းၸဵပ်းၵႅၼ်းၼႆႉ ပဵၼ်လၵ်ႉၶၼႃႇတၢင်းပဵၼ် ဢၼ်ပဵၼ်ၼမ်သေပိူၼ်ႈသေ ၵႆသပ်းလႅင်းၼႄ လွင်ႈယိၼ်းၵပ်ႉၵႅပ်ႈ၊ မိူၼ်ထုၵ်ႇတဵင်၊ ထုၵ်ႇၺႅၼ်းဝႆႉယဝ်ႉ။ လွင်ႈၸဵပ်းၵႅၼ်းၼၼ်ႉ ၵမ်ႉၼမ် ၵႆႉၽႄႈၵႂႃႇၸူး ၶႅၼ်ၽၢႆႇသၢႆႉသေ ၸၢင်ႈၽႄႈၸွတ်ႇထိုင်ပႃး လုပ်ႇၵၢင်းတႂ်ႈ၊ ၶေႃး၊ ၶႅၼ်ၽၢႆႇၶႂႃ၊ ၵွင်းလႄႈ လႄႈ တွင်ႉ ၸိူဝ်းၼႆႉယဝ်ႉ။

ၽိုၼ်ဢိင်[မႄးထတ်း | မႄးထတ်းငဝ်ႈငႃႇ]

  1. "What Are the Signs and Symptoms of Coronary Heart Disease?". www.nhlbi.nih.gov. September 29, 2014. Archived from the original on 24 February 2015. Retrieved 23 February 2015.
  2. "What Are the Signs and Symptoms of Coronary Heart Disease?". www.nhlbi.nih.gov. September 29, 2014. Archived from the original on 24 February 2015. Retrieved 23 February 2015
  3. Steg PG, James SK, Atar D, Badano LP, Blömstrom-Lundqvist C, Borger MA, et al. (October 2012). "ESC Guidelines for the management of acute myocardial infarction in patients presenting with ST-segment elevation". European Heart Journal. 33 (20): 2569–619. doi:10.1093/eurheartj/ehs215. PMID 22922416.
  4. Coventry LL, Finn J, Bremner AP (2011). "Sex differences in symptom presentation in acute myocardial infarction: a systematic review and meta-analysis". Heart & Lung. 40 (6): 477–91. doi:10.1016/j.hrtlng.2011.05.001. PMID 22000678.
  5. Valensi P, Lorgis L, Cottin Y (March 2011). "Prevalence, incidence, predictive factors and prognosis of silent myocardial infarction: a review of the literature". Archives of Cardiovascular Diseases. 104 (3): 178–88. doi:10.1016/j.acvd.2010.11.013. PMID 21497307.
  6. "What Is a Heart Attack?". www.nhlbi.nih.gov. December 17, 2013. Archived from the original on 19 February 2015. Retrieved 24 February 2015.