ပၢင်ႇလၢႆႇ

လုၵ်ႉတီႈ ဝီႇၶီႇၽီးတီးယႃး ဢၼ်လွတ်ႈလႅဝ်းထၢင်ႇႁၢင်ႈ ၼၼ်ႉမႃး
Jump to navigation Jump to search
ၼမ်ႉပၢင်ႇလၢႆႇ တီႈၸိင်ႇၵႃႇပူႇ

ပၢင်ႇလၢႆႇ[မူၼ်ႉမႄး | မႄးထတ်းငဝ်ႈငႃႇ]

ပၢင်ႇလၢႆႇ ဢၼ်ဝႃႈၼႆႉ ပဵၼ်ၶေႃႈၵႂၢမ်းတႆး ဢၼ်မီးတီႈပွင်ႇၸႅင်ႈလႅင်းလီၶေႃႈၼိုင်ႈ။ “ပၢင်ႇ” ဢၼ်ဝႃႈၼၼ်ႉ ပဵၼ်ဢွင်ႈတီႈ ဢၼ်ၵႂၢင်ႈၶႂၢင်လူင် ဢမ်ႇမီးသင်လပ်ႉသေ ပဵင်းဝႆႉၼၼ်ႉယဝ်ႉ။ “လၢႆႇ” ဢၼ်ဝႃႈၼၼ်ႉတႄႉ ပဵၼ်တီႈ ၶွတ်ႇယွတ်ႈ သုတ်းယွတ်ႈ ႁွင်ႈၼမ်ႉ၊ ၶေးၼမ်ႉ၊ ႁၢင်ၼမ်ႉၼၼ်ႉယဝ်ႉ။ ယွၼ်ႉၼၼ် ၶေႃႈၵႂၢမ်း ပၢင်ႇလၢႆႇ ဢၼ်ဝႃႈၼၼ်ႉ မီးတီႈပွင်ႇဝႃႈ ၼမ်ႉတၵႃႉၼမ်ႉ မႃးၶွၼ်ႈၵၼ်သေ ပဵၼ်ပၢင်ႇပဵၼ်ပိုၼ်ႉလူင်ဝႆႉ ၼၼ်ႉယဝ်ႉ။ ၵမ်ႈၽွင်ႈၵေႃႈ ႁွင်ႉဝႃႈ “ပၢၵ်ႇလၢႆႇ” ၼႆယဝ်ႉ။ ယွၼ်ႉပိူဝ်ႈ မႄႈၼမ်ႉ ဢၢၼ်ႇႁူဝ်ပၢၵ်ႇမၼ်းၼၼ်ႉ လၢႆႇမၼ်း မႃးၶွၼ်ႈၵၼ်ဝႆႉ တီႈလဵဝ်ၼၼ်ႉယဝ်ႉ။ ပၢင်ႇလၢႆႇ ဢၼ်ဝႃႈၼၼ်ႉ ပဵၼ်ပၢင်ႇၼမ်ႉၵႂၢင်ႈလူင် ဢၼ်လဵၵ်ႉသေ သမုတ်ႉတရႃႇၼၼ်ႉယဝ်ႉ။


ပၢင်ႇလၢႆႇလူင် 13 မႄႈ[မူၼ်ႉမႄး | မႄးထတ်းငဝ်ႈငႃႇ]

ၼႂ်းၵမ်ႇၽႃႇၼႆႉ ပၢင်ႇလၢႆႇလူင် ဢၼ်ထၢင်ႇၸႅင်ႇၼၼ်ႉ မီးယူႇ 13 မႄႈ။

  1. ပၢင်ႇလၢႆႇ မႅတ်ႇတီႇထေးရီးယၢၼ်း (Mediterranean Sea) တၢင်းၵႂၢင်ႈမီး 1,145,100 လၵ်းပၼ်ႇမူၼ်းသေ တၢင်းလိုၵ်ႉမၼ်း မီး 4,688 ထတ်း။
  2. ပၢင်ႇလၢႆႇ ၶႃႇရိပ်ႉၿီႇယၢၼ်ႇ (Caribbean Sea) တၢင်းၵႂၢင်ႈမီး 1,049,500 လၵ်းပၼ်ႇမူၼ်းသေ တၢင်းလိုၵ်ႉမီး 8,685 ထတ်း။
  3. ပၢင်ႇလၢႆႇၶႄႇၸၢၼ်း (South China Sea) တၢင်းၵႂၢင်ႈမီး 895,400 လၵ်းပၼ်ႇမူၼ်းသေ တၢင်းလိုၵ်ႉမီး 5,419 ထတ်း။
  4. ပၢင်ႇလၢႆႇၿိူဝ်ႇရိင်း (Bering Sea) တၢင်းၵႂၢင်ႈမီး 884,900 လၵ်းပၼ်ႇမူၼ်းသေ တၢင်းလိုၵ်ႉမီး 4,874 ထတ်း။
  5. ပၢင်ႇလၢႆႇငွၵ်းမႅၵ်ႉသီႇၵူဝ်ႇ (Gufl of Mexico) တၢင်းၵႂၢင်ႈမီး 615,000 လၵ်းပၼ်ႇမူၼ်းသေ တၢင်းလိုၵ်ႉမီး 4,874 ထတ်း။
  6. ပၢင်ႇလၢႆႇဢွၵ်ႉႁွတ်ႉ (Okhotsk Sea) တၢင်းၵႂၢင်ႈမီး 613,800 လၵ်းပၼ်ႇမူၼ်းသေ တၢင်းလိုၵ်ႉမီး 2.749 ထတ်း။
  7. ပၢင်ႇလၢႆႇၶႄႇဢွၵ်ႇ (East China Sea) တၢင်းၵႂၢင်ႈမီး 482,300 လၵ်းပၼ်ႇမူၼ်းသေ တၢင်းလိုၵ်ႉမီး 617 ထတ်း။
  8. ပၢင်ႇလၢႆႇဢၢဝ်ႇႁတ်ႉသၼ်ႇ (Hudson Bay) တၢင်းၵႂၢင်ႈမီး 475,800 လၵ်းပၼ်ႇမူၼ်းသေ တၢင်းလိုၵ်ႉမီး 420 ထတ်း။
  9. ပၢင်ႇလၢႆႇၵျပၢၼ်ႇ (Japan Sea) တၢင်းၵႂၢင်ႈမီး 389,100 လၵ်းပၼ်ႇမူၼ်းသေ တၢင်းလိုၵ်ႉမီး 420 ထတ်း။
  10. ပၢင်ႇလၢႆႇဢတ်ႉမၼ်ႇ (Adman Sea) တၢင်းၵႂၢင်ႈမီး 308,000 လၵ်းပၼ်ႇမူၼ်းသေ တၢင်းလိုၵ်ႉမီး 2,854 ထတ်း။
  11. ပၢင်ႇလၢႆႇႁွင်ႇ (North Sea) တၢင်းၵႂၢင်ႈမီး 222,100 လၵ်းပၼ်ႇမူၼ်းသေ တၢင်းလိုၵ်ႉမီး 308 ထတ်း။
  12. ပၢင်ႇလၢႆႇလႅင် (Red Sea) တၢင်းၵႂၢင်ႈမီး 169,100 လၵ်းပၼ်ႇမူၼ်းသေ တၢင်းလိုၵ်ႉမီး 1,611 ထတ်း။
  13. ပၢင်ႇလၢႆႇၿေႃးလ်ထိၵ်ႉ (Baltic Sea) တၢင်းၵႂၢင်ႈမီး 163,000 လၵ်းပၼ်ႇမူၼ်းသေ တၢင်းလိုၵ်ႉမီး 180 ထတ်း။