မိူင်းတိင်

မိူင်းတိင် ၼႆႉ ပဵၼ်ဝဵင်းတီႈၼိုင်ႈ၊ မီးၼႂ်းၸႄႈဝဵင်းၵိုင်ႇမ၊ ၸႄႈတွၼ်ႈယူႇၼၼ်ႇ၊ မိူင်းၶႄႇ။ မိူင်းတိင်ၼႆႉ ၼႂ်းပိုၼ်းမၢၼ်ႈၶဝ်တႅမ်ႈဝႆႉဝႃႈ ''မိုင်းတိမ်'' ၼႆသေ ၼႂ်းၽႅၼ်ႇထိၵူႇၵႂ်းတႄႉ လႆႈႁၼ်ၶႄႇၶဝ်တႅမ်ႈဝႆႉဝႃႈ 孟定镇 ၼႆသေ ဢဝ်တူဝ်လိၵ်ႈရူဝ်းမၼ်ႊတႅမ်ႈၸွမ်းဝႃႈ Mengdingzhen ဢၼ်မီးတီႈပွင်ႇဝႃႈ ဝဵင်းမိူင်းတိင် (镇 = zhen = ဝဵင်း) ၼႆယူႇယဝ်ႉ။

ပိုၼ်း

ၸဝ်ႈၶူးမေႃလိၵ်ႈတႆး ၸဝ်ႈထမ်ႇမတိင်ႇၼ (ထမ်မတိၼ်ၼ) ၵိူတ်ႇတီႈဝၢၼ်ႈၶၢင်၊ ၸႄႈႁၵ်ႉ၊ ဢိူင်ႇမိူင်းတိင် မိူဝ်ႈပီၶရိတ်ႉမွၵ်ႈ 1542။

မိူဝ်ႈပၢၼ်ၶုၼ်ႁေႃၶမ်းမၢၼ်ႈ ၸိုဝ်ႈဝႃႈ ပတုင်ႇမိၼ်း (ဗဒုံမင်း) ၼႂ်းပီၵေႃးၸႃႇ ၁၁၆၈ လိူၼ် 6 မႂ်ႇ 2 ၶမ်ႈ (ပီၶရိတ်ႉ 1807) ၼၼ်ႉ ၶုၼ်မၢၼ်ႈလႄႈၸဝ်ႈၾႃႉမိူင်းတိင် မီးလွင်ႈၵပ်းသိုပ်ႇပဵၼ်ဢူၺ်းလီၵၼ်။