မၢၵ်ႇၽိတ်ႉၸၢင်ႉႁွင်ႉ
မၢၵ်ႇၽိတ်ႉၸၢင်ႉႁွင်ႉ[မႄးထတ်း | မႄးထတ်းငဝ်ႈငႃႇ]
မၢၵ်ႇၽိတ်ႉ ဢၼ်ၽဵတ်းသေပိူၼ်ႈ ဢၼ်လိူတ်ႇသေပိူၼ်ႈ ဢၼ်ႁၢင်ႈၸႃႉသေပိူၼ်ႈ ဢၼ်ၵိၼ်ၼၢၼ်းသဵင်ႈသေပိူၼ်ႈၼၼ်ႉ ပဵၼ်မၢၵ်ႇၽိတ်ႉၸၢင်ႉႁွင်ႉယဝ်ႉ။ မၢၵ်ႇၽိတ်ႉဢွၼ်ႇမဵဝ်းၼိုင်ႈ (မၢၵ်ႇၽိတ်ႉသႅင်း)ၼၼ်ႉ ထၢင်ႇဝႃႈ မၼ်းလုၵ်ႈလဵၵ်ႉၼႃႇသေ တေဢမ်ႇၽဵတ်းၼႆ ၵလႃးမႃးၵိၼ်ၺႃး ႁႅင်ႉၽဵတ်းယွၼ်ႈလိၼ်ႉၼႃႇလႄႈ ၵလႃးပေႃးဢွၵ်ႇသဵင်ဢၢမ်းဝႃး ဢေႃ ၼႆၼၼ်ႉ ပိူၼ်ႈဢွၼ်ၵၼ်ႁွင်ႉဝႃႈ "မၢၵ်ႇၽိတ်ႉၵလႃးဢေႃ" ၼႆၼင်ႇၼၼ် မၢၵ်ႇၽိတ်ႉၸၢင်ႉႁွင်ႉၼႆႉ ၽဵတ်းတၢၼ်ႇလႂ်ၼႆ ၸၢင်ႉၵိၼ်ၺႃး ၸၢင်ႉယင်းႁွင်ႉလႄႈ တႆးႁဝ်း ၸင်ႇတၢင်ႇၸိုဝ်ႈမၼ်းဝႃႈ "မၢၵ်ႇၽိတ်ႉၸၢင်ႉႁွင်ႉ"ၼႆယူႇ။
ၽၢင်ႁၢင်ႈ[မႄးထတ်း | မႄးထတ်းငဝ်ႈငႃႇ]
ႁၢင်ႈၽၢင်မၼ်းတႄႉ ဢမ်ႇႁၢင်ႈလီ ဢမ်ႇလဝ်းလီ၊ ႁူထုမ်ႉယုမ်ႉ ငေႃးလုၼ်ႉၵုၼ်ႉဝႆႉ။ မၼ်းဢမ်ႇၸႂ်ႈ မၢၵ်ႇၽိတ်ႉယၢဝ်း၊ ၶဝ်ႈပႃးၼႂ်းၸၢဝ်း မၢၵ်ႇၽိတ်ႉႁူႇ ၸၢဝ်းမၢၵ်ႇၽိတ်ႉ ဢၼ်ၽဵတ်းလိူၼ်ႇႁႅင်းၼၼ်ႉယဝ်ႈ။ တၢင်းၽဵတ်းမၼ်းၼၼ်ႉ ၵႂႃႇယိပ်းမၢၵ်ႇမၼ်းၵူၺ်းၵေႃႈ မိုဝ်းၼႆႉ ပေႃးလိူတ်ႇမႆႈမႃးယူႇ၊ မိုဝ်းဢၼ်ၵႂႃႇယိပ်းမၢၵ်ႇၽိတ်ႉၸၢင်ႉႁွင်ႉၼၼ်ႉ သင်ဝႃႈ ၶိုၼ်းမႃးယိပ်းၼႃႈ ယိပ်းတႃႁဝ်းၸိုင် တၵ်းတေၽဵတ်းလိူတ်ႇၵႂႃႇသေ ၼႃႈတႃ တၵ်းလႅင်မႆႈႁၢဝ်ႉဝႆႉယူႇ။
ၽုၵ်ႇသွမ်ႈ[မႄးထတ်း | မႄးထတ်းငဝ်ႈငႃႇ]
ၵၢၼ်ၽုၵ်ႇသွမ်ႈ မၢၵ်ႈၽိတ်ႉၸၢင်ႉႁွင်ႉၼႆႉ တေလႆႈဝႃႈ ဢမ်ႇၵႂၢင်ႈၶႂၢင်တၢၼ်ႇ မၢၵ်ႇၽိတ်ႉတၢင်ႇၸိူဝ်း။ လၢႆးၽုၵ်ႇမၼ်းတႄႉ ဢဝ်ၸိူဝ်ႉမၼ်း ဝၢၼ်ႇသေ ၸင်ႇၵွႆႈ ၶၢႆႉတူၼ်ႈၵႃႈဢွၼ်ႇမၼ်း ၽုၵ်ႇဢဝ်။
ၸႂ်ႉတိုဝ်း[မႄးထတ်း | မႄးထတ်းငဝ်ႈငႃႇ]
ပုၼ်ႈတႃႇၵူၼ်း ၸိူဝ်းမၢၵ်ႉၽဵတ်းလိူဝ်ၼၼ်ႉတႄႉ ပေႃးလႆႈၵိၼ် မၢၵ်ႇၽိတ်ႉၸၢင်ႉႁွင်ႉၵွၼ်ႇ ၸင်ႇတေတိူဝ်ႉယိၼ်ႉမၼ်းၼႆယဝ်ႉ။ တႆးႁဝ်းတႄႉ ဢဝ်ႁဵတ်း မၢၵ်ႇၽိတ်ႉ ၵိၼ်ၵပ်းၶဝ်ႈၽၵ်းယူႇ။ မၢင်ၸိူဝ်း ဢဝ်တၢၵ်ႇႁႅင်ႈ ၽႅၼ်ၶႃႇ မၼ်ႉပုၼ်ႈတႃႇၵူၼ်း ၸိူဝ်းမၢၵ်ႉၽဵတ်းလိူဝ်ၼၼ်ႉတႄႉ ပေႃးလႆႈၵိၼ် မၢၵ်ႇၽိတ်ႉၸၢင်ႉႁွင်ႉၵွၼ်ႇ ၸင်ႇတေတိူဝ်ႉယိၼ်ႉမၼ်းၼႆယဝ်ႉ။ တႆးႁဝ်းတႄႉ ဢဝ်ႁဵတ်း မၢၵ်ႇၽိတ်ႉ ၵိၼ်ၵပ်းၶဝ်ႈၽၵ်းယူႇ။ မၢင်ၸိူဝ်း ဢဝ်တၢၵ်ႇႁႅင်ႈ ၽႅၼ်ၶႃႇ မတ်ႉၸိူၵ်ႈဝႆႉသေ ပေႃးလူဝ်ႇသႂ်ႇၽၵ်းမႃး ၸင်ႇဢဝ်မႃးၸုမ်ႇသႂ်ႇ မေႃႈၼမ်ႉၽၵ်း ၼိုင်ႈၵမ်း သွင်ၵမ်းသေ ႁဵတ်းႁႂ်ႈၼမ်ႉၽၵ်း ၽဵတ်းယူႇ။ ၵမ်ႈၽွင်ႈၵေႃႈ ႁဵတ်းၽွင်ႁႅင်ႈ၊ ၵမ်ႈၽွင်ႈၵေႃႈ ဢဝ်ၽွင်ႁႅင်ႈၼၼ်ႉ ၶူဝ်ႈမၼ်းသေ ၸႂ်ႉတိုဝ်း မိူဝ်ႈတေၵိၼ်ယႅမ်ႉ။